Menu

Biznesmeni Lazim Destani takon në Dyzeldorf Konsullin e Kosovës: Mundësi bashkëpunimi për investime në Kosovë

Biznesmeni dhe filantropi Lazim Destani ka mirëpritur në Dyzeldorf Konsullin e Përgjithshëm të Republikës së Kosovës në këtë qytet, z. Arjan Kashtanjeva. Destani deklaron se gjatë takimit është diskutuar mbi tematika të ndryshme të zhvillimeve në Kosovë dhe mundësinë e bashkëpunimit për investime në këtë shtet.

Statusi i plotë në Facebook i Lazim Destanit:

Sot pata kënaqësinë që në zyrat tona në Dyzeldorf ta pres në takim Konzullin e Përgjithshëm të Republikës së Kosovës në këtë qytet, z. Arjan Kashtanjeva.

Gjatë takimit me z. Kashtanjeva diskutuam e shkëmbyem mendime mbi tema të ndryshme lidhur me diasporën tonë në Gjermani por edhe mbi situatën aktuale në Kosovë. Nga bisedimet që zhvilluam së bashku, nga z. Kashtanjeva u njoftova në përgjithësi mbi punën dhe aktivitetet e kësaj Konzullate të Kosovës. Me këtë rast Konzullin e njoftova edhe mbi aktivitetet e Këshillit Koordinues të Diasporës si dhe të Dhomës së Biznesit të Diasporës.

Meqenëse në këtë rajon të Gjermanisë, Nordrhein-Westfalen (NRW), jetojnë e veprojnë shumë bashkatdhetarë dhe afaristë të suksesshëm, e pamë të nevojshme që në të ardhmen të jemi akoma më të koordinuar mes vete e me takime më të shpeshta.

Qendra Alert/Alert.al

Postime të ngjashme

LINI NJË KOMENT

Make sure you enter the(*) required information where indicated. HTML code is not allowed