Menu

Krifca takon homologun e Malit të Zi: Do forcojmë bashkëpunimin ekonomik

Ministrja e Bujqësisë dhe Zhvillimit Rural, Frida Krifca është takuar me homologun e Malit të Zi Aleksandar Stijović. Ministrja Krifca theksoi se Mali i Zi është një nga fqinjët me të cilët Shqipëria ka ende shumë potencial për të rritur bashkëpunimin ekonomik.

Homologët u ndalën tek politika e përbashkët për mbrojtjen e bimëve, për të cilat Krifca ka kërkuar nënshkrimin sa më parë të marrëveshjes së përbashkët, por edhe lehtësimin praktik të kontrolleve fitosanitare.

Gjithashtu, gjatë takimit mes ministrave një nga pikat e diskutimit mes palëve ishte edhe ndërmarrja e angazhimit të përbashkët në rritjen e numrit të bizneseve ndërkufitare në fushën e turizmit rural.

Më tej, Krifca dhe Stijović diskutuan lidhur me vijimësinë e rritjes së bashkëpunimit për menaxhimin e përbashkët të rezervave peshkore dhe nxitjen e eksporteve të prodhimeve shqiptare të peshkimit.

Në përfundim të takimit, ministrat u shprehën optimistë në forcimin e bashkëpunimit dypalësh tek zhvillimi rural mes Shqipërisë dhe Malit të Zi, por gjithashtu edhe në aspektin rajonal dhe atë evropian.

Qendra Alert/Alert.al

Postime të ngjashme

LINI NJË KOMENT

Make sure you enter the(*) required information where indicated. HTML code is not allowed