Në emisionin “Alert” të datës 1 maj, moderuar nga Granit Sokolaj në Ora News, të ftuar në panel ishin Kapllan Sulaj, dekan i Fakultetit të Bioteknologjisë dhe Ushqimit në UBT, si dhe Angelina Vuksani, eksperte e sigurisë ushqimore, për të diskutuar mbi temën “Turshitë me pesticide, AKU thellon skandalin”.
Sokolaj kujtoi se më 20 shkurt “Alert” zhvilloi një emision investigativ mbi pesticidet në ushqime, ku 12 mostra turshish të blera në markete u analizuan në një laborator privat të akredituar. Nga analizat rezultoi se 10 prej mostrave kishin pesticide mbi normat e lejuara, si edhe pesticide të ndaluara. Investigimi kishte nisur që në tetor të vitit të kaluar, pasi emisioni kërkoi nga Dogana të dhënat mbi importin e pesticideve, ku rezultonin 13 627 kilogramë të importuara në 10 muaj. Nisur nga këto të dhëna, “Alert” vijoi me analizimin e produkteve ushqimore në treg.
Menu
Related Posts
