Author Archives: Admin2

Një bombol gazi ka shpërthyer në një banesë në kryeqytet. Sipas policisë bombola shpërtheu në banesën e shtetases Z.Sh në rrugën ‘Ali Kelmendi’.

Janë dëmtuar nënë e bir të cilët u dërguan në spital për ndihmë të nevojshme.

Njoftimi

Me datë 30.06.2021, rreth orës 20:00, në rrugën “Ali Kelmendi” ka plasur një bombul gazi në banesën e shtetases Z. Sh. Si pasojë janë dëmtuar lehtë shtetasit Z. Sh dhe R. Sh (nënë e bir) të cilët u dërguan në spital, për të marrë ndihmë mjekësore.

Grupi hetimor po punon për sqarimin e rrethanave të ngjarjes.

Gjykata Kushtetuese ka rrëzuar kërkesën e partive aleate të Partisë Demokratike, në zgjedhjet e 25 prillit, për të shfuqizuar një pjesë të nenti 88 të Kodit Zgjedhor që ka të bëjë më mënyrën se si përllogaritet numri i votave të partive të vogla që hyjnë në zgjedhje si koalicion për përcaktimin e fondeve që këto parti përfitojnë nga buxheti i shtetit.

Partia Agrare Ambientaliste e Agron Dukës, Partia Republikane e Fatmir Mediut, Lëvizja për Zhvillim Kombëtar e Dashamir Shehit, Partia Bashkimit për të Drejtat e Njeriut e Vangjel Dules dhe Partia Demokristiane e Nard Ndokës kërkuan shfuqizimin si të papajtueshme me Kushtetutën e Republikës së Shqipërisë të fjalisë së dytë të paragrafit të tretë të nenit 88 të Kodit Zgjedhor që përcakton se “për partitë pjesëtare në koalicion, numri i votave të vlefshme takuese përllogaritet duke mbledhur mesataren e votave për mandat për çdo kandidat të zgjedhur nga radhët e tyre”.

Sipas këtij neni çdo parti merr aq para nga shteti sa vota ka marrë; ndërsa partitë e vogla që kanë garuar me koalicion iu llogaritet vetëm mesatarja e votave për çdo kandidat të zgjedhur nga radhët e tyre.

Thënë ndryshe Partia Agrare ka fituar një deputet; kur te ndahet fondi i buxhetit të shtetit ajo merr mbështetje financiare vetëm për 10 mijë vota, pavarësisht se kandidatet e saj në listën jo fituese mund te kenë marrë vota të tjera.

Partitë e paditën këtë parashikim me argumentin se ai cënonte parimin e barazisë së votës.

Këto parashikime u futën në Kodin Zgjedhor nga marrëveshja e 5 qershorit të vitit të kaluar mes PS, PD dhe LSI. Padia e partive u dorëzua në Kushtetuese vetëm dy javë pas arritjes së kësaj marrëveshjeje.

Megi Fino, vajza e Bashkim Finos, është emëruar ditën e sotme zv/ministre për Europën dhe Punët e Jashtme.

Ky vendim është marrë në mbledhjen e zhvilluar këtë të mërkurë në këshillin e ministrave.

V E N D I M PËR EMËRIM NË DETYRË

Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

V E N D O S I:

Znj. Megi Fino emërohet zëvendësministër për Evropën dhe Punët e Jashtme. Ky vendim hyn në fuqi menjëherë.

Presidenti i Republikës Ilir Meta ka vizituar ditën e sotme shkollën fillore “Gjergj Kastriot Skënderbeu” në Ostros të Malit të Zi sëbashku me me profesorin e gjuhës shqipe, Ali Gjeçbritaj.

‘E falënderova me mirënjohje për kontributin e tij në mbajtjen gjallë të vlerave kombëtare në trevën e Krajës’, shkruan Meta në Facebook.

Postimi i plotë i Ilir Metës:

Në shkollën fillore “Gjergj Kastriot Skënderbeu” në Ostros, me profesorin e gjuhës shqipe, Ali Gjeçbritaj, i cili prej dekadash edukon fëmijët shqiptarë në Malin e Zi, me kulturën dhe traditat atdhetare.

E falënderova me mirënjohje për kontributin e tij në mbajtjen gjallë të vlerave kombëtare në trevën e Krajës.

Kosova, Mali i Zi, Maqedonia e Veriut, Belgjika, Holanda dhe Zvicra janë shtetet që kanë hequr pothuajse të gjitha kufizimet e pandemisë për shqiptarët që duan të udhëtojnë drejt tyre.

Sa i përket vendeve të Bashkimit Europian, Aeroporti Ndërkombëtar i Tiranës sqaron se nëse për të shkuar në Belgjikë dhe Zvicër mjaftojnë vetëm bileta, pasaporta dhe maska, për të udhëtuar drejt Holandës duhet te keni plotësuar dhe deklaratën e shëndetit.

Ndërkohë që të tjera vende vijojnë të mbajnë në fuqi dhe një prej kushteve; test negativ, vërtetim që keni kaluar Covid 19 deri në tetë muaj para ditës së udhëtimit apo pasaportë vaksinimi.

Kjo e fundit ka dhe një kriter shtesë, emrin e vaksinës që keni kryer.

Drejt Francës, Gjermanisë dhe Danimarkës mund të udhëtoni me certifikatë vaksinimi nëse keni kryer dy doza të një prej vaksinave të njohura nga EMA.

Austria sipas Ministrisë për Evropën dhe Punët e Jashtme do të lejojë personat e vaksinuar me Pfizer, AstraZeneca, Johnson and Johnson, Moderna dhe kinezen Sinopharm, por jo Sinovac-un që po përdoret në Shqipëri.

Ndërsa Greqia, Turqia, Hungaria, Spanja, Bullgaria veç të tjerave njohin dhe këtë të fundit.

Tirana tashmë është e mirënjohur për trafikun e çmendur që e karakterizon. Në zonën e TEG-ut, momentalisht është një katrahurë e vërtetë me makina të cilat kanë ngecur në trafik.

Në një video të mbërritur në redaksinë e Zoom.al shikohen që makinat nuk lëvizin fare dhe vetëm presin, kjo ndoshta ndodh për faktin se qytetarët kanë qenë jashtë Tiranë për fundjavë dhe tashmë po rikthehen në kryeqytet.

Por, nuk mund të mos ketë faji edhe katrahura që është bërë në kryeqytet më ndërtime vend e pa vend dhe rrugët janë shumë të ngushta.

 

View this post on Instagram

 

A post shared by Zoom.al (@zoom.al)

Kuvendi do të mblidhet të mërkurën më datë 9 Qershor për të votuar shkarkimin e Presidentit të Republikës Ilir Meta. Vendimi për thirrjen e kësaj  seance parlamentare u mor në mbledhjen e sotme të Konferencës së Kryetarëve.

Në seancën e 9 Qershorit, ligjvënësit do të votojmë mbi raportin përfundimtar të komisionit hetimor parlamentar,i cili gjeti fajtor Ilir Metën për shkelje të Kushtetutës gjatë fushatës zgjedhore dhe ditën e heshtjes elektorale. Sipas raportit të komisionit hetimor, Presidenti i Republikës Ilir Meta me aktet, deklaratat dhe vendimet e tij nuk përfaqëson më unitetin e popullit. Po ashtu, hetimori theksoi se kreu i shtetit ka treguar anësi politike, ka nxitur dhunën përmes deklaratave të tij dhe ka vënë në rrezik marrëdhëniet me Shtetet e Bashkuara të Amerikës, partnerin strategjik të Shqipërisë.

Sipas përcaktimeve të Rregullores së Kuvendit, kjo do jetë një seancë e posaçme parlamentare, nisur nga rëndësia që mbart

Komisioni i Ankimimeve dhe Sanksioneve ka vendosur rrëzimin e tre kërkesave të fundit ankimore nga dy partitë e opozitës, Partia Demokratike dhe Lëvizja Socialiste për Integrim.

Kështu, paraditen e kësaj të hëne, me shumicën e votave të anëtarësisë së KAS, përkatësisht të Ilir Rusmalit, Koli Beles dhe Elvin Lako, janë rrezuar tre kërkesat ankimore për shpallje të pavlefshme dhe përsëritje të zgjedhjeve parlamentare të 25 Prillit në qarqet Korçë, Elbasan dhe Fier.

Kodi Zgjedhor përcakton se subjektet politike kanë të drejtë që brenda 5 ditëve nga publikimi i vendimit të KAS, këto vendime t’i ankimojë në Kolegjin Gjyqësor Zgjedhor.

Të drejtë ligjore që dy subjektet politike të opozitës do ta ushtrojnë, duke kërkuar nga Kolegji rrëzimin e vendimeve të KAS. Kolegji Gjyqësor Zgjedhor, sipas ligjit elektoral është hallka fundore e përballjeve ligjore për proceset zgjedhore në Shqipëri dhe çdo vendim i Kolegjit Gjyqësor Zgjedhor është përfundimtar dhe i pakundërshtueshëm.

Komisioni i Ankimeve dhe Sanksioneve është drejt fundit në shqyrtimit të kërkesave ankimore të partive opozitare PD e LSI për zgjedhjet parlamentare të 25 Prillit.  Këtë të hënë pritet që KAS të marrë vendime mbi kërkesave e fundit të këtyre dy subjekteve politike, të cilat kërkojnë shpallje të pavlefshme dhe përsëritje zgjedhjesh në Qarqet Elbasan, Korçë dhe Fier.

Sa i takon Qarkut Fier, Alert.al zbulon se 35 qytetarë kanë votuar në qendra të ndryshme votimi për 91 qytetarë të tjerë, e dhënë që tregon shkelje të përcaktimeve të Kodit Zgjedhor. Fakt që del nga informacionet e dala nga kryqëzimi i të dhënave të përftuara nga pajisjet elektronike të identifikimit biometrik. Sipas tabelës së siguruar nga Alert.al, për shembull, një ndër këta ka votuar për 13 të tjerë, ndërkohë që një tjetër ka votuar për 7 qytetarë të tjerë.

Nëse do i referohemi vendimeve të rasteve të mëparshme e të ngjashme për qarqe të tjera të ankimuara nga PD dhe LSI, me shumë gjasë, KAS me votën e shumicës së anëtarëve nuk do e marrë në konsideratë, duke rrëzuar kërkesat.