Menu

Author Archives: Admin3

  • Home>
  • Archives for Admin3
Kryesore, Të Ndryshme - 27 Tetor, 2023

Edmond Rrushi në krye të AKU. Prezantohet te henen ish-deputeti I LSI

Menjëherë pas dorëheqjes së Jeta Dedës nga posti i Drejtores së Përgjithshme të AKU, ka nisur dhe përfolja e emrave për personin që do t’a zëvendësojë.

Alert.al ka mundur të mësojë nga burime të ndryshme, se më afër emërimit si Drejtor i Përgjithshëm i Autoritetit Kombëtar të Ushqimit, është Edmond Rrushi. Burime jozyrtare thonë se Rrushi është kandidatura për të cilen është vendosur dhe dirën e hënë do të prezantohet nga ministrja Denaj.

Rrushi më herët ka qenë deputet në Kuvendin e Shqipërisë nga radhët e Lëvizjes Socialiste për Integrim. Ai u fut në parlament në vitin 2019, pasi pranoi të merrte këtë detyrë, sapo PD dhe LSi dogjën mandatet dhe lanë Kuvendin.

Më herët, Rrushi ka qenë dhe Drejtor i Qendrës Spitalore Universitare “Nënë Tereza”, si dhe ka qenë drejtues i lartë i një agjencie në varësi të Ministrisë së Mjedisit.

0 Komente
Read More
Kryesore, Të Ndryshme - 27 Tetor, 2023

Një PhD emërohet Sekretar i Përgjithshëm i Ministrisë së Bujqësisë. Ja kush është…

Shërbimin Civil (Administratën jopolitike, pra jashtë Kabinetit) në Ministrinë e Bujqësisë dhe Zhvillimit Rural do t’a drejtojë Lavdrim Sahitaj.

Duket se Ministrja e Bujqësisë Anila Denaj, postin më të lartë të administratës në këtë institucion, ia ka besuar njërit prej njerëzve që ka bashkëpunuar për disa vite me të, duke e pasur vartës në detyra të rëndësishme, në institucione varësie të Ministrisë së Financave dhe Ekonomisë.

Dhe, siç ndodh zakonisht kur ka ndryshime titullarësh, Sekretari i Përgjithshëm i Ministrisë së Bujqësisë, pak kohë pas largimit të Frida Kricës, ka lënë detyrën në të cilën ishte i komanduar. Në vend të tij është emëruar Lavdrim Sahitaj, i cili nga maji 2022 deri, tani mbante deryrën e Drejtorit të Përgjithshëm të Drejtorisë së Tatimit të Pronës, në MFE.

Sahihaj, më herët ka mbajtur dhe detyrën e Kryeinspektorit të Inspektoriatit Shtetëror të Tregjeve, 2019-2022 ndërsa në 2016 është emëruar Drejtor i Përgjithshëm i Thesarit pranë Ministrisë së Financave dhe Ekonomisë. Në vitet 2014-2016 drejtonte Degën e Thesarit, Tiranë.

Nga viti 2004 deri në 2006, Lavdrim Sahitaj ka qenë Koordinator i Programit MIS (Sistemi i Informimit të Menaxhimit) në Drejtorinë e Përgjithshme të Ujrave Tiranë, ndërsa më pas, deri ne 2009, Koordinator i Projektit SWEB pranë Bashkisë Tiranë.

Sahitaj është i Diplomuar për Ekonomi në Universitetin Bujqësor të Tiranës Master Shencor në “Administrim Publik pranë Fakultetit të Ekonomisë në Universitetine Tiranës dhe atë të Nebraskës, SHBA.

Ndërsa titullin më të lartë e ka atë PhD në Menaxhim të Burimeve Njerëzore.

Sahitaj është autor i disa publikimeve ndërkombëtare.

0 Komente
Read More
Konsumatori, Kryesore, Siguria ushqimore - 26 Tetor, 2023

Per nje detyre te re? Drejtoresha e AKU jep doreheqjen pas auditit te KLSH

Raporti i Kontrollit te Larte te Shtetir, duket se ka bere “kurbanin” e pare ne AKU. Drejtoresha e Pergjithshme e ketij institucioni, Jeta Deda i ka paraqitur sot Ministres se Bujqesise dhe Zhvillimit Rural doreheqjen e saj, pas 2 vjetesh ne krye te ketij institucioni.

Megjithese zyrtarisht Deda ka lene drejtimin e AKU per faktin se do te marre nje detyre te re, ka te ngjare qe raporti qindra faqe i KLSH per nje periudhe 3-vjeçare, ka qene shkaku kryesor. Raporti me qindra faqe megjithese paraprak dhe finali pritet te publikohet nga KLSH me 23 nentor, ka detyruar Deden te jape doreheqjen.

Menaxhimi jo i mire i situates se gripit te shpendeve, kontrollitbte vezeve te mbetura nga pularite qe iu ngordhen shpendet, e mbi 20 milione kokrrave te importuara nga Serbia e Turqia nga keto 3 kompani, deri sallamet Wudy, falja e gjobave ndaj bizneseve dhe emeriket pa kriter.

Deda ne oren 16:00 ka mbledhur drejtoret rajonale te AKU, te cileve iu ka bere te ditur doreheqjen, si dhe stafin e Drejtorise se Pergjithshme.

vijon…

0 Komente
Read More
Diaspora, Kryesore - 24 Tetor, 2023

Foto - Video / I ftuar nderi në ceremoninë e diplomimit në Kolegjin AAB, filantropi Lazim Destani, ka një “amanet”për të rinjtë: Kurrë mos e largoni vëmendjen nga familja dhe atdheu

Kolegji AAB në Prishtinë, mbajti ditën e hënë ceremoninë e diplomat të më shumë se 1000 studentëve të gjeneratës së diplomuar në vitin 2023. Në një aktivitet madhështor në sallën “1Tetori” në kryeqytetin e Kosovës, u zhvillua ceremonia, mes studentëve që diplomoheshin, familjarëve të tyre, stafit akademik të kolegjit, merrnin pjesë edhe zyrtarë të Kosovës, e personalitete të njohura. Ndër ta ishte dhe Rifat Jashari, ku bashkë me më shumë se 1000 studentë, diplomohej dhe nipi i tij, Shaban Jashari i ri, njofton Gazeta Zëri (Zëri.info)

I ftuar nderi në këtë aktivitet, ishte dje edhe filantropi e biznesmeni i njohur nga Tetova e Maqedonisë së Veriut, Z.Lazim Destani.

Në fjalën e tij përshëndetëse të ceremonisë së diplomimit, Z.Destani tha se e pranoi me kënaqësi ftesën e drejtuesve të Kolegjit AAB. Por, ndër të tjera, kishte një porosi të veçantë për diplomantët. “Në rrugën tuaj që keni përpara, kurrë mos e largoni vëmendjen nga familja dhe atdheu juaj”, u tha Destani të rinjëve, karriera ë të cilëve nisën pikërisht nga ky moment.

Më poshtë, gjeni të plotë fjalën e Z.Destani në ceremoninë e diplomimit ku ishte i ftuar”

“Të dashur studentë,

I nderuar rektor Z.Lulzim Tafa,

Të nderuar profesorë të Kolegjit AAB,

i nderuar Baca Rifat Rashari,

Të nderuar prindër e familjarë të studentëve,

Të nderuara media dhe gjithë ju të pranishëm,

Me shumë kënaqësi e pranova ftesën për të marrë pjesë në këtë ceremoni ku po kurorëzohet puna disavjeçare e ju studentëve dhe gjithë stafit akademik të Kolegjit AAB.

Miqtë e mi, drejtues e pedagogë të këtij Kolegji. Ju falënderoj për ftesën dhe njëkohësisht dua me këtë rast t’ju përgëzoj për arritjet që ka shënuar ndër vite Kolegji AAB. duke u bërë një ndër pjesët thelbësore të arsimit në Kosovë!

Të dashur studentë, përzemërsisht ju përgëzoj në këtë ditë të veçantë të jetës suaj. Diplomimi juaj është mjaft domethënës pasi ai përbën kurorëzimin e dijeve të gjithësecilit në drejtimet që keni ndjekur. Jam i bindur se ju sot, krahas gëzimit dhe emocioneve, keni edhe ndjenjën e mirënjohjes ndaj profesorëve tuaj të cilët ju kanë pajisur me dituri, pra me “armën” më të fuqishme për të ecur përpara në karrierën tuaj profesionale dhe në jetë. Arsimi cilësor është për t’u çmuar jashtëzakonisht shumë pasi ai përbën themelet e zhvillimit të përgjithshëm socio-kulturor dhe ekonomik të një vendi.

Sot këtu të gjithë pjesëmarrësit po përjetojmë çaste të mrekullueshme gëzimi, dhe me këtë rast dua t’jua sjell në vëmendje ju studentëve se ky nuk është thjesht një kurorëzim individual i dijeve tuaja por është dhe një investim i jashtëzakonshëm i familjeve tuaja dhe mbi të gjitha, i shoqërisë sonë. Sot prindërit tuaj janë më të lumtur se ju, prandaj një urim të veçantë unë po ua bëj të gjithë prindërve tuaj sepse investimi për edukimin e fëmijëve është investimi më i rëndësishëm që bën çdo prind në jetën e tij dhe për familjen e tij.

Jam i bindur se ambicjet tuaja nuk përfundojnë me këtë diplomim. Ju duhet t’i vazhdoni të gjitha etapat me vendosmëri edhe më tej. Kini guxim dhe besim te vetja, kurrë mos thoni se kjo apo ajo nuk mund të arrihet, me vullnet, me punë e përkushtim, me nder e korrektesë, patjetër arrihet suksesi.

Nga eksperienca ime mund t’ju them se në rrugëtimin tuaj profesional, ju do të hasni sfida nga më të ndryshmet, pra që nuk keni pasur mundësi t’i gjeni nëpër librat tuaj, por kurrë mos u tërhiqni. Me vendosmëri arrihet çdo synim.

Dhe në mbyllje të fjalës sime do të doja t’ju bëj një porosi.

Në rrugën tuaj që keni përpara, kurrë mos e largoni nga vëmendja familjen dhe atdheun tuaj. Ju uroj suksese në rrugëtimin tuaj akademik e profesional, punoni për veten tuaj, punoni për familjen tuaj, dhe punoni për atdheun tuaj!

Ju faleminderit!”

Z.Dedtani është një ndër përkrahësit më të mëdhenj të diasporës shqiptare për rinisë, forcimin dhe shkollimin e saj, krahas aktiviteteve tjera që zhvillon përçështje të ndryshme shqiptare. Njëherësh,ai është dhe promotor i thirrjeve që, si të rinjtë, ashtu edhe diaspora, nuk duhet ta largojnë asnjëherë vëmendjen nga trojet shqiptare, pavarësisht ku jetojnë.

Alert.al

0 Komente
Read More
Konsumatori, Kryesore, Produktet joushqimore - 18 Tetor, 2023

Mashtrimet me shitjet online, si mashtrohen konsumatorët dhe mungesa e masave ndaj tyre

Nga Esmeralda Metko

Tregëtimi dhe shitja e produkteve kryesisht joushqimore në rrjete sociale është kthyer tashmë në një “trend” i cili pa dyshim është bërë pjesë e normalitetit në hapësirën e biznesit dhe mënyrës së të bërit biznes. Sigurisht edhe legjislacioni lejon që një biznes të ketë mundësi të operojë në këtë mëyrë por sigurisht duhet që ashtu si cdo subject tjetër të jetë i paisur me një numër NIPT, të lëshojë një kupon tatimor etj, pra ka detyrim që të kryejë të gjitha formalitetet ligjore që e bëjnë atë të jetë një person i tatueshëm. Por pavarësisht kësaj nuk mungojnë as abuzimet apo rastet ku konsumatori drejtohet në këto biznese dhe në vënd të korrektësisë gjen cënimin e të drejtave të tij si konsumator.

Kështu është dhe rasti i një konsumatori, i cili ka porositur një fustan në një faqe në Instagram me emrin Ëhite_Room_Tirana. Personi në fjalë porosit fustanin në masën L dhe dakordësohet paraprakisht me faqen për kthimin ose ndërrimin e produktit në rast se ky i fundit nuk vjen ashtu siç tregohet në foto ose jo në masën e duhur. Pas 2-3 ditësh porosia mbërrin në adresën e konsumatorit. Fustani kishte ardhur në masën M dhe jo në masën L. Pas shumë tentativave dhe kontaktit të vazhueshëm me faqen për të kthyer produktin, po ashtu personi e ka vënë në dijeni edhe për pasojat juridike që rrjedhin nga ky veprim, faqja e bllokon konsumatorin.  (Rastin po e ilustrojmë dhe me bisedën konkrete të realizuar mes blerësit dhe shitësit)

Por, a ndalet vetëm këtu problemi, me mashtrimin e vazhdueshëm që ndodh në rrjete sociale nga faqe të cilat cuditërisht janë aktive në çdo moment të ditës por që kur vjen puna tek korrektësia atë e përkthejnë me mungesë komunikimi dhe bashkëpunimi për të zgjidhur problematika që lindin.

Çështjet e së drejtës së konsumatorëve që lidhen me garancitë që vetë ligji ofron për ta kur përballen me praktika të padrejta tregëtare janë cështje të jetës së përdicme dhe cështje që na prekin cdo ditë në jëtën tonë. Vetë ligji ka krijuar institucionet përkatëse që do të trajtojnë këto problematika. Por a janë këto institucione të përgjegjëshme për punën e tyre? A kanë ndikim ato  në zgjidhjen efektive  te ankesave që drejtohen nga konsumatorët?

Nëse i rikthehemi situatës konkrete më sipër, personi që u mashtrua nga biznesi online, u drejtua brenda afatit me një ankesë tek Agjencia për Mbrojtjen e konsumatorit, e cila në themel të punës së saj  ka mbrojtjen e të drejtave të konsumatorit. Megjithatë edhe në këtë organ publik përgjegjës për zgjidhjen e problemeve që lidhen me konsumatorin, personi në fjalë ka gjetur heshtjen.

Një tjetër institucion i cili është përgjegjës për mbrojtjen e konsumatorit është dhe Komisioni për Mbrojtjen e Konsumatorit, tek i cili jemi drejtuar në emër të qëndres Alert dhe Rrjetit të Gazetarëve për mbrojtjen e konsumatorit me një kërkesë për informacion në lidhje me mëyrën si veprohet për të zgjidhur këto raste, sa është numri i ankesave që  i drejtohen këtij komisioni dhe sa efektive ka qënë zgjidhja e tyre. Përsëri dhe në këtë institucion gjetëm heshtjen dhe asnjë përgjigje, megjithëse tregtia online është jashtë mundësive të rregullimit apo masave nga ky institucion.

E si përfundim mund të themi që abuzimet e tilla në blerjet online kanë fituar “imunitet” përballë faktit që një konsumator mund të ankohet pranë institucioneve përgjegjëse përderia këto të fundit si përgjigje ndaj fenomeneve të tilla zgjedhin të mos veprojnë por të heshtin.

Mashtrimet online janë të shpeshta, nga faqe anonime, pa informacione, pa të dhëna e që janë jashtë çdo kontrolli. Ndaj kujdesin e parë duhet t’ta tregojnë vetë konsumatorët.

Në vitin 2022, Qendra ALERT i kërkoi Këshillit të Ministrave dhe institucioneve në varësi, që të marrin masa për disiplinimin e tregtisë onlinë. Por deri sot, nuk është ndërmarrë asnjë masë konkrete.

* Esmeralda Metko është studente në Fakultetin e Drejtesise, UT. Aktualisht është duke ndjekur një program trajnimi nga Këshilli i Europës në lidhje me “Trafikimin e qënieve njerëzore dhe të drejtat e njeriut”. Ka marrë pjesë në një sërë trajnimesh, që në fokus kanë pasur aktivizmin, të rinjtë, lidershipin, politikën, të drejtat dhe liritë e njeriut etj. Prej 2 vitesh punon si trajnere pranë fondacionit Friedrich Ebert. Po ashtu, mund të rendisim dhe një sërë artikujsh të botuar në gazetat kombëtare ne lidhje me çeshtje te ndryshme.

 

**Ky publikim është prodhuar me mbështetjen e Programit #SustainMedia, i bashkëfinancuar nga Bashkimi Evropian dhe Qeveria Gjermane. Përmbajtja e tij është përgjegjësi e vetme e Qendrës ALERT dhe nuk pasqyron domosdoshmërisht pikëpamjet e BE-së ose të qeverisë gjermane.

0 Komente
Read More
Konsumatori, Kryesore, Siguria ushqimore - 11 Tetor, 2023

BE rregulla të reja për përdorimin e nitriteve dhe nitrateve si aditivë. Prodhuesit, 2 vjet kohë për t’u përshtatur me normat e limitet. Ja si kanë ndryshuar

Komisioni Evropian ka vendosur kufizime të reja për përdorimin e nitriteve dhe nitrateve si aditivë ushqimorë. Nivelet më të rrepta synojnë të mbrojnë produktet kundër baktereve patogjene si Listeria, Salmonella dhe Clostridium botulinum, ndërkohë që reduktojnë ekspozimin ndaj nitrozaminave, disa prej të cilave janë kancerogjene.

Bazuar në një vlerësim të mëparshëm shkencor nga Autoriteti Evropian i Sigurisë Ushqimore (EFSA), kufijtë u miratuan nga shtetet anëtare të BE-së. Kufijtë më të rreptë marrin parasysh diversitetin e produkteve dhe kushtet e prodhimit të tyre në të gjithë Evropën. Bizneset ushqimore tani kanë të paktën dy vjet për t’u përshtatur me to.

Substancat përdoren si aditivë ushqimorë për shkak të vetive të tyre antimikrobike, kryesisht në ushqime të shijshme dhe mish të përpunuar, por edhe në peshk e djathë. Ato funksionojnë si konservues dhe përdoren për të përmirësuar ngjyrën dhe për të zgjatur jetëgjatësinë e mishit të përpunuar.

Nitrati gjendet natyrshëm në perime, me përqendrimin më të lartë në perimet me gjethe si spinaqi dhe marulet. Ai gjithashtu mund të hyjë në zinxhirin ushqimor si një ndotës mjedisor në ujë.

Një studim i Komisionit Evropian i vitit 2014 zbuloi se, me disa përjashtime, sasia tipike e nitriteve të shtuara në produktet e mishit të pasterilizuara ishte më e ulët se niveli maksimal i vendosur i BE-së. Puna e mëtejshme në vitin 2016 duke përfshirë industrinë dhe produkte të ndryshme të mishit gjithashtu arriti në përfundimin se, ekzistonte një mundësi për të ulur nivelet maksimale të nitriteve.

Disa grupe, si Foodwatch France, kishin bërë thirrje për ndalimin e përdorimit të nitriteve dhe nitrateve të shtuara në ushqim. Një mocion u diskutua gjithashtu në fillim të këtij viti në Komitetin e Parlamentit Evropian për Mjedisin, Shëndetin Publik dhe Sigurinë Ushqimore (ENVI).

Komisionerja Stella Kyriakides, përgjegjëse për Shëndetin dhe Sigurinë Ushqimore, tha: “Duke vendosur kufizime të reja për aditivët e nitriteve dhe nitrateve në ushqim, ne po hedhim një hap tjetër në këtë drejtim dhe po bëjmë një veprim tjetër të rëndësishëm në kuadër të Planit të Evropës për të luftuar kancerin. Tani i bëj thirrje industrisë ushqimore që të zbatojë me shpejtësi këto rregulla të bazuara në shkencë dhe kudo që të jetë e mundur, t’i reduktojë ato më tej për të mbrojtur shëndetin e qytetarëve.”

Detaje të mëtejshme mbi kufijtë (normat) për produkte të veçanta mund të gjenden në këtë dokument të Komisionit të BE-së.

Qendra ALERT – Dedikuar Konsumatori

0 Komente
Read More
ALERT-E, Konsumatori, Kryesore, Non-food Alert, Produktet joushqimore - 11 Tetor, 2023

Garnier, Borotalco, Tesori d.Oriente… dhjetra produkte konzmetike, lodra fëmijësh, veshje etj, me përmbajtje kimike e jashtë standardit

Produktet joushqimore janë po aq të rrezikshme, madje edhe me fatalitete për konsumatorët. Këta të fundit, në shumicën e rasteve nuk e kanë informacionin e duhur dhe nuk kanë nga t’a mësojnë, se dhjetra produkte të përdorimit të përditshëm paraqesin rrezik. Megjithëse produktet ushqimore nuk shfaqin efektet negative në moment, si ato ushqimore, risku I tyre është shumë I lartë.

Sistemi RAPEX i Komisionit Evropian, në linkun që e gjeni KËTU, ka njoftuar më qindra produkte që nuk janë conform rregulloreve të BE dhe që paraqesin probleme me përmbajtjen e tyre apo tjera të ngjashme. Mes tyre ka dhe dhejtra produkte kozmetike, që ne i përdorim thuajse çdo ditë, që gjenden në marketet tona e që në përmbajtje kanë përbërës kimik të rrezikshëm e të ndaluar.

Njëri prej produkteve është maska e flokëve e markës Garnier. Ajo është e kuti 300 ml, ngjyrë e kuqe, sic e shikoni në foto. Vendi I origjinës është Franca dhe rreziku është kimik. Sipas listës së përbërësve, produkti përmban 2-(4-tert-butilbenzil) propionaldehid (BMHCA), i cili është i ndaluar në produktet kozmetike. BMHCA mund të dëmtojë sistemin riprodhues, mund të dëmtojë shëndetin e fëmijës së palindur dhe mund të shkaktojë ndjeshmëri të lëkurës. Produkti nuk përputhet me Rregulloren e Produkteve Kozmetike.

Produkti tjetër është krem aromatic banjonje e markës “Tesori d’Oriente”, në paketim alumini 500 ml. Origjina është Italia dhe lloji i rrezikut është kimik. Siç njofton KE, produkti përmban 2-(4-tert-butilbenzil) propionaldehid (BMHCA), i cili është i ndaluar në produktet kozmetike. BMHCA mund të dëmtojë sistemin riprodhues, mund të dëmtojë shëndetin e fëmijës së palindur dhe mund të shkaktojë ndjeshmëri të lëkurës.

Një tjetër produkt i rrezikshëm është dhe spray deodorant, 50 ml I markës “Borotalco” me origjinë italiane. Rreziku kimik me të njëjtën lëndë të rrezikshme si produktet e mësipërme, 2-(4-tert-butilbenzil) propionaldehid (BMHCA).

Reziku që këto produkte të jetë prezente edhe në vendin tonë e të mos merret asnjë masë për heqjen e tyre nga tregu, është mjaft i lartë për dhjetra arsye, që nga mungesa e kontrolleve apo laboratorëve analizues, deri të ndërgjegjia e kompanive importuese për t’i hequr nga tregu në rastin e ALERT-eve nga RAPEX apo nga vetë prodhuesit e tyre.

Qendra ALERT – Dedikuar Konsumatori

0 Komente
Read More
ALERT-E, Food Alert, Konsumatori, Kryesore, Siguria ushqimore - 10 Tetor, 2023

Viagra në suplemente ushqimore: Dy raste tjera të raportuara nga Ministria e Shëndetësisë së Italisë. Produktet tregohen edhe në Shqipëri

Ministria e Shëndetësisë së Italisë ka publikuar një tjetër paralajmërim sigurie për praninë e një substance të ndaluar në dy suplemente ushqimore. Alarmi ka të bëjë me dy produkte teorikisht të bazuara në barishte dhe mjaltë, të prodhuara në Turqi, Epimedyumlu Macun Bitkisel Karisimli nën markën Themra dhe Wonderful Honey, në të cilat u zbulua prania e Sildenafilit, përbërësit aktiv të ilaçit të famshëm për mosfunksionimin erektil, Viagra. Të dy produktet shpërndahen në pako me shumë doza me 12 qese secila (144 gramë gjithsej) dhe nuk njoftohen në Itali, prandaj nuk mund të tregtohen përmes kanaleve zyrtare të shitjes. Megjithatë, dy suplementet mund të blihen online, siç mundi të verifikonte ministria.

Suplementet në fjalë u raportuan në sistemin e alarmit të shpejtë Rasff u raportua nga grupi Guardia di Finanza i Triestes dhe nga Seksioni Kundër Mashtrimit dhe Kontrollit Doganor, pas sekuestrimit të 10,848 qeskave në të cilat u zbulua prania e sildenafilit (kampionimi është kryer më 16.08.2023). Njoftimi Rasff 2023.6507 u krye më 26.09.2023 (40 ditë pas marrjes së mostrës) nga Posta e Kontrollit Kufitar (Pcf) e Triestes dhe iu transmetua Komisionit Evropian. Ministria e Shëndetësisë e publikoi alarmin vetëm dy javë më vonë, më 10.09.2023.

Në të kaluarën, dy suplementet janë raportuar nga vende të ndryshme evropiane, si dhe nga Administrata e Ushqimit dhe Barnave të SHBA-së (në 2021 dhe 2022). Sildenafil duhet të merret vetëm nën mbikëqyrje të ngushtë mjekësore, pasi përbërësi aktiv mund të ndërhyjë me nitratet e pranishme në barna të tjera (siç është nitroglicerina) që përdoren për trajtimin e diabetit, hiperkolesterolemisë dhe sëmundjeve kardiovaskulare dhe të ulë presionin e gjakut në nivele të rrezikshme. Prandaj Ministria e Shëndetësisë rekomandon mos konsumimin e këtyre produkteve.

Kujdes!!!

Produktet në fjalë gjenden lehtësisht dhe në Shqipëri, Kosovë e Maqedoninë e Veriut. Dhjetra faqe online në rrjetet sociale i reklamojnë ato si produkte magjike e madje edhe bio. Siç i shikoni edhe në fotot e mëposhtme, janë një numër shumë i madh faqen në facebook që i reklamojnë. Ndaj kujdes!!!

Burimi: https://ilfattoalimentare.it

0 Komente
Read More
ALERT-E, Food Alert, Konsumatori, Kryesore, Non-food Alert - 10 Tetor, 2023

ALARM!!! E parandalueshme, por nuk po ndodh: Kimikatet e dëmshme që gjenden në të gjitha llojet e produkteve të konsumit, thirrje për rregullore më të rrepta nga BE / Raporti i plotë

Në një përmbledhje të re të testeve të fundit të produkteve nga anëtarët e tij, organizatat kombëtare të konsumatorëve në të gjithë Evropën, BEUC zbulon se produktet e konsumit të përditshëm janë të mbushura me kimikate të dëmshme. Ne i bëjmë thirrje BE-së që urgjentisht të zvogëlojë ekspozimin e njerëzve ndaj substancave per- dhe polifluoroalkil (PFAS), ndërprerësve endokrinë dhe kimikateve të tjera shqetësuese.

Në vitin 2020, BE-ja zbuloi strategjinë e saj për të hequr substancat toksike nga jeta jonë e përditshme, por në mënyrë shqetësuese me ndjekje të kufizuar deri më tani. Raporti i ri i BEUC nënvizon se, politikëbërësit duhet ta kthejnë urgjentisht këtë strategji në rezultate konkrete rregullatore.

Për shembull, BEUC i kërkon BE-së që të miratojë me shpejtësi një propozim të korrikut 2023, për të hequr gradualisht ndërprerësit endokrinë nga lodrat dhe të pranojë një kërkesë nga pesë vende evropiane për të ndaluar PFAS nga produktet e konsumit. PFAS janë kimikate inerte ndaj shumicës së proceseve natyrore të prishjes/shpërbërjes dhe vazhdojnë te njerëzit e mjedisi për dekada, prandaj quhen edhe “kimikate përgjithmonë”.

Përtej këtyre propozimeve, BEUC i bën thirrje BE-së të përditësojë ligjin e saj kryesor për kimikatet REACH, në mënyrë që autoritetet të jenë në gjendje të ndërmarrin veprime të hershme dhe paraprake përpara se përdorimi i një kimikati potencialisht të dëmshëm të bëhet i përhapur.

Testet tregojnë sa vijon:

PFAS janë të pranishme në produktet e përditshme duke përfshirë paketimin e ushqimeve të shpejta, hekurat e vafleve, fillin dentar, kremrat e fytyrës, xhaketat dhe spërkatjet hidroizoluese.

Kimikatet shqetësuese gjenden në shumë produkte për fëmijë si karroca, kostume dëbore, çizme gome, lodra për kruarjen e dhëmbëve, kukulla, filxhanë si dhe kremra kundër diellit.

Tregjet online luajnë një rol të madh në shitjen e produkteve që përmbajnë substanca të rrezikshme, duke përfshirë bizhuteri të lira, balona, fidgets dhe kozmetikë – dhe megjithatë ato i shpëtojnë shqyrtimit të mjaftueshëm rregullator.

Monique Goyens, Drejtore e Përgjithshme e BEUC, komentoi: “Nga agimi deri në muzg, konsumatorët janë të ekspozuar ndaj një kokteji kimikatesh që njihen ose dyshohen se janë të dëmshme. Hulumtimet nga organizatat e konsumatorëve në të gjithë Evropën nënvizojnë shkallën e problemit. Ligjvënësit duhet të veprojnë tani për të ofruar një jetë pa toksike për konsumatorët. Kjo përfshin përshpejtimin e procesit me të cilin autoritetet mund të heqin kimikatet e dëmshme nga tregu. Tregjet online gjithashtu duhet të mbahen përgjegjës për produktet që nuk janë në përputhje të shitura në faqet e tyre.”

Kimikatet në produktet e konsumit

Konsumatorët padashur bien në kontakt me substanca potencialisht të dëmshme rregullisht. Katër nga pesë konsumatorë shprehin shqetësime për praninë e kimikateve në produktet që blejnë.

Ndërsa ndërgjegjësimi për këtë çështje po rritet, rregullorja aktuale e kimikateve në BE nuk trajton spektrin e plotë të rreziqeve të mundshme.

Rreth testeve

Testet e përpiluara në raportin e BEUC – Të kudondodhura, por të parandalueshme: Kimikatet e dëmshme në produktet e konsumit të përditshëm – u publikuan midis 2017 dhe 2023 nga organizatat e konsumatorëve në Austri (Verein für Konsumenteninformation), Belgjikë (Testachats / Testaankoop), Çeki (dTest), Danimarkë (DTest) Tænk), Franca (UFC-Que Choisir), Gjermania (Stiftung Warentest), Italia (Altroconsumo), Holanda (Consumentenbond), Sllovenia (Zveza Potrošnikov Slovenije – ZPS), Spanja (OCU), Suedia (Sveriges Konsumenter) dhe Zvicra (Fédération Romande des consommateurs – FRC).

Shembuj të theksuar

PFAS në paketimin e ushqimit të shpejtë: Në vitin 2017, anëtarët e BEUC gjetën nivele të larta të përbërjeve të fluoruara në një të tretën e 65 ambalazheve të testuara të ushqimit të shpejtë. Një test i vitit 2018 tregoi rezultate të ngjashme, me përbërës të fluoruar të zbuluar në më shumë se 25% të mostrave të testuara.

Bisfenolet në produktet e fëmijëve: Në një test të lodrave të daljes së dhëmbëve, 7 nga 10 lëshuan një ose më shumë bisfenole (deri në 4), duke përfshirë BPA dhe kushërinjtë e tij po aq toksikë, BPS dhe BPF. Në një test tjetër, 11 kostume dëbore për fëmijë përmbanin të gjitha sasi të vogla BPA. Dhe në një test tjetër, organizatat e konsumatorëve zbuluan se 8 nga 16 shishet e pijeve të testuara/kupat e pijeve lëshonin bisfenole.

Bizhuteritë e lira të shitura nëpërmjet tregjeve online: Në një test, 7 nga 17 artikuj të blerë nga tregjet online nuk përmbushnin kërkesat ligjore: 6 artikuj lëshuan shumë nikel, i cili është alergjik. Disa nga bizhuteritë përmbanin gjithashtu metale të rënda plumb dhe kadmium. Një artikull përmbante 38% kadmium – ose rreth 4000 herë mbi kufirin ligjor – ndërsa një artikull tjetër përmbante 12% plumb (1200 herë mbi kufirin ligjor).

Lexo më shumë

Kimikatet që dëmtojnë hormonet e gjetura në 60% të 121 produkteve për fëmijë (Kërkim, maj 2023)

Drejt jetëve pa toksike (letër pozicioni BEUC, maj 2021)

Rekomandimet e BEUC për politikëbërësit

Hiqni gradualisht të gjitha kimikatet e dëmshme nga produktet e konsumit.

Zbatoni më mirë legjislacionin ekzistues në treg: Për shembull, BEUC mbron kushte uniforme dhe shpeshtësi të kontrolleve për produktet me rrezik të lartë.

Rritja e transparencës për kimikatet e pranishme në produktet e konsumit.

Promovoni alternativa më të sigurta dhe sigurohuni që zëvendësimet të mos paraqesin rreziqe të ngjashme për shëndetin e njeriut dhe mjedisin.

Të forcohen kontrollet e importit për të parandaluar shitjen e produkteve që mund të paraqesin rreziqe për shëndetin e konsumatorit dhe/ose përmbajnë substanca të ndaluara tashmë në BE.

Burimi: Beuc.eu

Qendra ALERT – Dedikuar Konsumatorit

0 Komente
Read More
Konsumatori, Kryesore - 10 Tetor, 2023

Gripi i shpendëve: EFSA rekomandon rritjen e mbrojtjes së fermave nga zogjtë e egër. Ja hartat e integruara

Ndërsa situata në shpendët është lehtësuar gjatë verës, virusi i gripit të shpendëve me shumë patogjenitet (HPAI) vazhdoi të prekë zogjtë e detit në Evropë, kryesisht përgjatë vijave bregdetare. Me fillimin e sezonit të migrimit të vjeshtës, duhet t’i jepet përparësi mbrojtjes së shpendëve dhe kafshëve të tjera të kultivuara, nga shpendët e egër. Biosiguria duhet të rritet në fermat e mbarështimit të shpendëve.

Ndërmjet 24 qershorit dhe 1 shtatorit 2023, shpërthime të HPAI u raportuan në shpendë shtëpiak (25) dhe të egër (482) në 21 vende evropiane, sipas raportit të fundit mbi gripin e shpendëve nga Autoriteti Evropian i Sigurisë Ushqimore (EFSA), Qendra Evropiane për Parandalimi dhe Kontrolli i Sëmundjeve (ECDC), dhe laboratori i referencës së BE-së (EURL).

Mishngrënësit e egër dhe shtëpiak vazhduan të jenë speciet më të prekura të gjitarëve me Finlandën që raportoi 26 shpërthime në “fermat e gëzofit” që mbanin vizon në Amerikë, dhelpra të kuqe dhe arktike e rakun të zakonshëm. Burimi më i mundshëm i hyrjes ishte kontakti me pulëbardha të egra, por transmetimi ndërmjet fermave nuk mund të përjashtohet plotësisht. Transmetimi brenda fermës ndodhi me disa kafshë kontakti që nuk shfaqnin asnjë shenjë klinike të infeksionit.

ECDC vlerësoi se, rreziku i infektimit me virusin HPAI në Evropë mbetet i ulët për popullatën e përgjithshme dhe i ulët deri në mesatar për njerëzit e ekspozuar në mënyrë profesionale ose ndryshe ndaj shpendëve ose gjitarëve të infektuar (të egër ose shtëpiak). Për të reduktuar më tej rrezikun e infeksionit, ekspertët rekomandojnë shmangien e ekspozimit ndaj zogjve të detit ose gjitarëve të ngordhur ose të sëmurë.

Tani në dispozicion, radari i përmirësuar i gripit të shpendëve

Nga sot e tutje, një version i përmirësuar i Radarit të Gripit të Shpendëve të EFSA-së është i disponueshëm për të gjithë. Veçoritë e reja i lejojnë përdoruesit të eksplorojnë parashikimet javore të probabilitetit të futjes së HPAI në shpendët e egër. Përdoruesit mund të abonohen për të marrë e-mail alarmi javor për fushat e tyre të interesit. Radari i gripit të shpendëve është i integruar ngushtë me Mjetin e Hartës së Migracionit të EFSA, i cili tregon lëvizjet dhe bollëkun e 50 llojeve të shpendëve të egër, kryesisht zogj uji, në të cilët është raportuar gripi i shpendëve.

Burimi: Efsa.eu

0 Komente
Read More