Menu

Byzylyku i ADN-së për të kontrolluar ushqimet në supermarket

DNA Nudge është nderuar me çmimin e zbulimit të vitit nga Akademia Mbretërore Britanike për Inxhinierinë falë zhvillimit të avancuar teknologjik që ai ofron për identifikimin e gjenetikës së konsumatorëve. Në një kohë rekord, ky byzylyk shërben edhe si një test PCR për Covid-19.

E themeluar në vitin 1969, Akademia Mbretërore Britanike për Inxhinerinë shpërndan çmimet MacRobert, të cilat vlerësojnë arritjet më të mëdha inxhinierike dhe që kanë idetë më inovatore, përfitime për shoqërinë, dhe sukses komercial të faktuar.

Platforma e testimeve DnaNudge – është një teknologji e shumëfishtë, që bën rreth 72 analiza të ndryshme me vetëm me një tampon.

Kjo gjë ofron mundësinë për të bërë disa teste njëherësh dhe për të gjitha variantet e Covid-19, ndërkohë që tregon dhe risqet gjenetike për shëndetin duke përfshirë dhe hipertensionin dhe obesitetin, të gjitha vetëm me një testim.

Byzyluku dhe aplikacioni i saj që kushtojnë rreth 120 paund mund të përdoren për të bërë zgjedhje më të shëndetshme gjatë blerjeve në supermarket.

Byzyluku bën analizimin e ADN-së së konsumatorit dhe i paraqet produktet në supermarket si produkte që duhen konsumuar (ngjyra e gjelbër) ose që nuk duhen konsumuar (ngjyra e kuqe).

Megjithëse njerëzit nuk mund ta ndryshojnë ADN-në e tyre, ata mund ta mbajnë atë të shëndetshme. Stili i jetës luan një rol të rëndësishëm përsa i përket shëndetit në afatgjatë.

Sëmundje, të tilla si diabeti dhe sëmundjet e zemrës, janë të regjistruara në ADN-në e njerëzve. Por ato janë të ndikuara dhe nga ushqyerja dhe nga të qenurit aktiv. Nëse jeni pasiv për një kohë të gjatë, byzylyku i ADN-së do tju kujtojë duke pulsuar ngjyrën e verdhë, dhe produktet që dikur ishin të gjelbra do të bëhen edhe ato të verdha për shkak të pasivitetit tuaj. Në mënyrë që të merrni sërish dritë të gjelbër, duhet që të lëvizni pak më shumë.

alert.al/

Postime të ngjashme

LINI NJË KOMENT

Make sure you enter the(*) required information where indicated. HTML code is not allowed