Menu

Britania e Madhe ndalon disa produkte të ushqimeve për mace

Agjencia e Standarteve Ushqimore në Britaninë e Madhe ka këshilluar individët që zotërojnë mace në shtëpi që të mos i ushqejnë më ato me ushqim specifik për mace për shkak të rritjes së rasteve të pancitopenisë feline, gjë e cila është shkaktare e një patologjie të rëndë shëndetësore.

Që nga prilli i vitit 2021 ka pasur rreth 130 raste të pancitopenisë së maceve, një sëmundje që shpeshherë ka pasoja fatale për to.

Pancitopenia është nje sëmundje shumë e rrallë ku numri i qelizave të gjakut (të kuqe, të bardha dhe pllakëzat) bien në mënyrë të shpejtë, duke shkaktuar sëmundje serioze për macet.

Aktualisht, shpërthimi i kësaj sëmundje në Britani është i lidhur me disa ushqime specifike për mace. Si rezultat i kësaj, janë ndaluar disa nga këto produkte.

Një zëdhënës i qeverisë britanike është shprehur:

‘Duke bashkëpunuar me Kolegjin Veterinar Mbretëror, Agjencinë e Shëndetit dhe me departamente të tjera në katër shtetet e Britanisë së Madhe, si dhe me autoritetet lokale dhe me pikat e furnizimit të ushqimeve për kafshë shtëpiake, po hetojmë për një lidhje të mundshme midis disa ushqimeve specifike për mace si dhe pancitopenisë feline. Por sidoqoftë, nuk ka akoma prova të mjaftueshme për të konfirmuar një lidhje të tillë’.

‘Nuk kemi identifikuar ushqim të pasigurtë për macet, por prodhuesit e këtij ushqimi, bazuar në hetimet e deritanishme, po marrin masat e duhura për të hequr nga tregu ushqimet e maceve që janë të lidhura me macet e prekura nga kjo sëmundje.

‘Nuk ka ndonjë fakt që kjo sëmundje mund të përbëjë ndonjë risk për shëndetin e njerëzve’.

Këshilla për pronarët e maceve

Pancitopenia është një sëmundje serioze, por zakonisht shumë e rrallë. Nëse macja juaj nuk ndihet mirë dhe ka konsumuar ndonjë nga produktet e ndaluara, të tilla si ato të kompanisë Fold Hill, ju duhet që të kërkoni menjëherë ndihmën e veterinerit tuaj.

Nëse i ushqeni macet me produktet që tashmë janë të  ndaluara, atëherë përdorni një markë tjetër ushqimi për mace.

 

Burimi: Food Standards Agency

Postime të ngjashme

LINI NJË KOMENT

Make sure you enter the(*) required information where indicated. HTML code is not allowed