Menu

Aktualitet

Post-pandemia, rritje të kërkesave për produkte joushqimore

Tregtia me pakicë në tremujorin e dytë të vitit 2021 u rrit me 9,9 për qind në krahasim me të njëjtën periudhe të një viti më parë si rrjedhoje kërkesës post pandemike.

Sipas të dhënave të INSTAT rritja erdhi nga artikujt jo-ushqimore si rrjedhojë e rikthimit blerjeve të munguara gjatë kufizimeve, ndërkohë që tregtia e ushqimeve erdhi në rënie si pasojë e mbi furnizimeve gjatë vitit të kaluar në tremujorin e dytë.

Në tregtinë me pakicë, pa përfshirë këtu tregtinë me pakicë të hidrokarbureve, volumi i shitjeve në tremujorin e parë 2021 është rritur me 5,5 %, kundrejt tremujorit të dytë të vitit 2020.

Në grupin “Ushqime, pije, duhan në njësi tregtare jo të specializuara dhe të specializuara”, volumi i shitjeve ka pësuar rënie 1,2 %, krahasuar me të njëjtin tremujor të vitit 2020.

Volumi i shitjeve, për grupin “Artikuj jo-ushqimorë në njësi tregtare të specializuara dhe jo të specializuara”, është rritur 10,9 %, kundrejt të njëjtës periudhë të vitit paraardhës.

Në grupin “Tregti hidrokarbure në njësi tregtare të specializuara“, volumi i shitjeve është rritur me 23,9 %, krahasuar me të njëjtin tremujor të vitit 2020.

Në ndryshimin vjetor prej +9,9 %, në tremujorin e dytë 2021 ndaj tremujorit të dytë 2020, në tregtinë me pakicë, grupet kanë kontribuar si më poshtë:

Grupi “Artikuj jo-ushqimore në njësi tregtare të specializuara dhe jo të specializuara” me +5,9 pikë përqindje.

Grupi “Tregti me pakicë e hidrokarbureve në njësi tregtare të specializuara” me +5,5 pikë përqindje.

Grupi “Ushqime, pije e duhan në njësi tregtare jo të specializuara dhe të specializuara” ka kontribuar me -1,5 pikë përqindje.

Në tremujorin e dytë 2021, volumi i shitjeve, përshtatur sezonalisht, në grupin “Tregti me pakicë, pa përfshirë këtu tregtinë me pakicë të hidrokarbureve në njësi tregtare të specializuara”, ka pësuar rënie me 0,4 %, krahasuar me tremujorin paraardhës.

Në grupin “Ushqime, pije, duhan në njësi tregtare jo të specializuara dhe të specializuara”, volumi i shitjeve, përshtatur sezonalisht, nuk ka pasur ndryshim krahasuar me tremujorin paraardhës.

Volumi i shitjeve, përshtatur sezonalisht, në tregtinë me pakicë, për grupin “Artikuj jo-ushqimore në njësi tregtare të specializuara dhe jo të specializuara”, ka pësuar rënie me 0,7 %, kundrejt tremujorit të mëparshëm.

Në grupin “Tregti me pakicë hidrokarbure në njësi tregtare të specializuara“, volumi i shitjeve, i përshtatur sezonalisht, ka pësuar rënie me 2,3 %, kundrejt tremujorit të parë 2021. (Monitor)

Qendra Alert/Alert.al

Arsimi i lartë publik bëhet pa pagesë në Kosovë

Nisur nga 1 tetori, Arsimi i lartë publik në Kosovë do të jetë pa pagesë. Shkollimi pa pagesë do të vlejë për të gjithë ata që duan të studiojnë në nivelet “bachelor” dhe “master”. Lehtësime të veçanta do ketë edhe për studentët e doktoratës. Do të ketë përfitime edhe për studentët që vijnë nga vendet e rajonit. Kjo u bë e ditur nga qeveria e Kosovës.

Qendra Alert/Alert.al

“Pfizer” nxjerr studimin: Përse duhet doza e tretë e vaksinës?

Dilemat nëse duhet të injektohet doza e tretë e vaksinës apo jo vazhdojnë në shumë vende.

“Pfizer” deklaron se të dhënat nga SHBA dhe Izraeli tregojnë se efikasiteti i vaksinës kundër Covid-19 po bie me kalimin e kohës, por duke shtuar se doza përforcues është e sigurt dhe efektive për të trajtuar virusin dhe variante të reja. Kompania do të paraqesë detaje në një takim me konsulentë të jashtëm të Administratës Amerikane të Ushqimit dhe Barnave (FDA).

Paneli i ekspertëve pritet të bëjë rekomandime nëse më shumë amerikanë duhet të marrin doza e tretë.

“Të dhënat nga Izraeli dhe Shtetet e Bashkuara tregojnë se normat e ri-infeksionit po rriten më shpejt te njerëzit që janë vaksinuar më parë” tha përfaqësuesi i “Pfizer”. (Express)

Qendra Alert/Alert.al

 

KE miraton certifikatën dixhitale të vaksinimit për Shqipërinë

Hyn në fuqi vendimi që e lidh Shqipërinë me sistemin europian dhe certifikatat e Covidit që ai do të lëshojë, duke u pranua në BE me të njëjtat kushte si pasaportat dixhitale të bllokut.

Komisioni Europian ka miratuar certifikatën dixhitale të vaksinimit për Shqipërinë dhe 6 vende të tjera jo anëtare të BE.

Vendet të cilat ka miratuar KE nuk janë në BE, por tashmë qytetarët shqiptarë do të munden që me një pasaportë dixhitale të një vaksine të miratuar nga EMA të mund të qarkullojnë lirshëm në Bashkimin Europian. Komisioneri për Drejtësinë, Didier Reynders tha se situata ësht e favorshme që qytetarët të lëvizin lirshëm dhe tashmë është koha për të kompensuar humbjet e muajve të kaluar.

Njoftimi i Komisionit Europian

Sot, shtatë vendime të reja që vërtetojnë se certifikatat COVID-19 të lëshuara nga Shqipëria, Andorra, Ishujt Faroe, Izraeli, Monako, Maroku dhe Panamaja janë ekuivalente me Çertifikatën dixhitale COVID të BE-së. Si rezultat, shtatë vendet dhe territoret do të lidhen me sistemin e BE -së dhe certifikatat COVID që ata lëshojnë do të pranohen në BE nën të njëjtat kushte si Certifikatat dixhitale të BE -së për COVID. Në të njëjtën kohë, vendet dhe territoret ranë dakord të pranojnë Certifikatën dixhitale COVID të BE për udhëtime nga BE në vendet e tyre. Komisioneri për Drejtësinë, Didier Reynders, tha:

“Gjatë kësaj vere ne kemi parë që qytetarët janë në gjendje të udhëtojnë të sigurtë falë Certifikatës dixhitale të COVID të BE -së. Kjo është një situatë e favorshme: qytetarët mund të gëzojnë të drejtën e tyre për lëvizje të lirë dhe bizneset si dhe sektori i transportit mund të fillojnë të kompensojnë humbjet e muajve të kaluar. Që nga qershori, janë lëshuar më shumë se 420 milion certifikata të BE -së. Prandaj unë mirëpres që gjithnjë e më shumë vende jashtë BE -së po i bashkohen sistemit tonë të suksesshëm. Një numër i përgjithshëm i 42 shteteve-27 shtete anëtare të BE dhe 15 vende jo anëtare të BE-tani po marrin pjesë në sistemin e certifikatës dixhitale të COVID COVID të BE, duke konfirmuar certifikatën e BE si një standard ndërkombëtar.”

Komisioni miratoi dje shtatë vendimet e reja. Vazhdon bashkëpunimi me vendet e tjera të treta për t’i lidhur ato me sistemin e BE. Më shumë informacion mbi Certifikatën dixhitale të COVID -it të BE -së mund të gjenden në faqen e internetit të dedikuar.

Qendra Alert/Alert.al

Rrjetet sociale rrezikojnë miliona dollarë nga rregulli i ri i presidentit brazilian

Një lëvizje e re nga presidenti brazilian Jair Bolsonaro për të ndaluar platformat e mediave sociale nga heqja e informacionit të rremë mund të nënkuptojë gjoba të mëdha për çdo kompani që nuk i përmbahet rregullit.

 

Sipas mediave të huaja, në një rregull të përkohshëm të nënshkruar nga Bolsonaro, u ndaloi platformave të mëdha sociale si Facebook, Instagram, Twitter, YouTube, SnapChat dhe TikTok të moderojnë përmbajtjen që mendohet të ketë informacione të rremë.

Kompanitë sipas rregullit të ri do të kenë nevojë për një urdhër gjykate braziliane për të hequr një përmbajtje të tillë.

“Është e ndaluar që ofruesit e rrjeteve sociale të miratojnë kritere të moderimit ose të kufizojnë fushën e përhapjes së përmbajtjes që nënkupton censurë politike, ideologjike, shkencore, artistike ose fetare”, thuhet nè rregullin e ri.

Madje, siç thuhet më tej, rregulli kërkon gjoba deri në 10% të të ardhurave të kompanisë brenda Brazilit gjë që mund të jetë e shtrenjtë për rrjetet e mediave sociale.

Brazili është një nga tregjet më të mëdhenj të mediave sociale, me njerëz që shpenzojnë mesatarisht 1-2 orë në ditë në Facebook, Instagram, Twitter, YouTube dhe Pinterest. (Telegrafi)

Qendra Alert/Alert.al

Rihapja e mensave shkollore, prindërit e shohin pozitivisht

Një hulumtim për mensat shkollore u krye nga IPSOS për Observatorin e Qarkut Cirfood “Shërbimi i ushqimit në shkollë, pritjet e familjarëve në post-Covid”. Rezultoi se 3 nga 4 prindër mendojnë se gjatë pandemisë për shkak të mësimit në distancë, ushqyerja e fëmijëve në shtëpi shpesh ka qenë e parregullt, e pabalancuar dhe mungonte në vakte ushqime të rëndësishme si frutat, perimet dhe peshku. Për më tepër, shumë familje konsiderojnë se pothuajse 1 në 3 fëmijë ka shtuar peshë gjatë kësaj periudhe. Mungesa e ushqimit në shkollë kontribuoi në theksimin e vështirësisë ditore të organizimit të drekës. Në shumë raste kjo ka ndikuar në aktivitetin profesional të prindërve, të cilët detyrohen të ndërpresin punën për të përgatitur drekën për fëmijët më të vegjël (40%) dhe duke detyruar shumë fëmijë të hanë drekë (35%).

Analiza tregon se 76% e prindërve e shohin pozitivisht idenë e rihapjes së mensave shkollore. Sipas 90% të të afërmve të intervistuar, koha e kaluar në mensë ka një vlerë të lartë pasi ushqimi shoqërohet me një sërë elementësh pozitivë dhe është një moment i edukimit të ushqyerit.

Hulumtimi u krye për Cirfood Cooperative Italian of Catering përmes 1080 intervistave drejtuar prindërve të fëmijëve midis moshës 6 dhe 10 vjeç (71%) dhe jo-përdoruesve (29%) të shërbimit të mensës shkollore. (IlFattoAlimentare)

Qendra Alert/Alert.al

Dieta me 6 vakte e Cristiano Ronaldos

Cristiano Ronaldo është një ndër sportistët me gjendjen më të mirë fizike. Edhe pse tashmë 36-vjeçar, ai duket dhe luan sikur të ishte ende 26. Një pjesë e mirë e “sekretit të rinisë së përjetshme” të portugezit, është stërvitja e vazhdueshme që bën, por edhe dieta strikte që ndjek me rigorozitet.

Që prej kohës kur luante te Real Madrid, Ronaldo i besoi ushqimin e tij një dietologu, nga i cili nuk është ndarë më.

Gjatë një dite, sulmuesi i ri i Manchester United konsumon 6 vakte, të gjitha me ushqime me pak yndyra dhe shumë proteina, për të mbajtur të lartë nivelin e energjisë që i duhet një lojtari futbolli të niveleve më të larta.

Në këtë dietë përfshihet djathi, proshuta, kosi, peshku dhe sigurisht shumë fruta dhe perime. Ai gjithmonë ka thënë se nuk konsumon pije alkoolike, por vetëm ujë. Ndërsa sa i përket pijeve freskuese të gazuara, mjafton të kujtojmë incidentin me shishet e Coca-Cola-s gjatë Euro 2020.

Në regjimin ditor të Ronaldos duket se është eliminuar gjumi 8-orarësh, por bën pushime të vogla njëorëshe, gjithmonë duke ndryshuar çarçafët në mënyrë që të jetë i freskët. Pjesë e rutinës së tij janë edhe seanca noti, palestër pesë herë në javë dhe seanca me krioterapi në -160°C, për të rritur qarkullimin e gjakut.

Dieta tipike e Cristiano Ronaldo

Mëngjesi: Proshutë, djathë dhe kos pa yndyra

Vakt i ndërmjetëm: Pulë dhe sallatë

Dreka: Peshk ton, ullinj, vezë dhe domate

Vakt i ndërmjetëm: Tost me avokado, fruta të freskëta

Vakt para darkës: Peshk shpatë dhe sallatë

Darka: Biftek dhe kallamarë

Stërvitja: Pesë herë në javë në palestër ku bën 30 minuta vrap dhe ngritje peshash. Në total stërvitja zgjat 3-4 orë në ditë.

Gjumi: Pesë herë në ditë, për të ndihmuar muskujt që të rikuperohen. (Gazeta Express)

Qendra Alert/Alert.al

“Ballistët Tetovë 1992”, homazhe për 14 viktimat e Tetovës

Shoqata e tifozëve “Ballistët Tetovë 1992”, organizuan homazhe për 14 viktimat që humbën jetën tragjikisht në spitalin modular të qytetit!
Situata nuk do koment, trishtimi i të gjithë popullatës ndjehet dhe vërehet nga dhimbshmëria që e përjetuam bashkërisht!
Sot me mijëra qytetarë na u bashkangjitën në ngushëllimin tonë për viktimat dhe familjet e tyre!
Fllimisht në sheshin “Iliria” u mbollën 14 drunjë në shenjë përkujtimi për humbjen e pacientëve në spitalin modularë!
Kurse më pas u marshua drejt vendit të ngjarjes tragjike, ku u vendosën kurora për viktimat, si dhe u mbajt 1 minutë heshtje për ata!

Ballistët, Tetova dhe e gjithë shqiptaria do t’ju kujtojnë përgjithmonë! PREHUNI NË PAQE VËLLEZËR DHE MOTRA!

Qendra Alert/Alert.al

Covid-19, Shqipëria hiqet nga lista e vendeve të sigurta

Situata e përkeqësuar si pasojë e Covid-19 ka bërë që Bashkimi Europian të heqë nga lista e vendeve të sigurta Shqipërinë dhe 5 vende të tjera.

Sipas vendimit të Këshillit të BE-së pjesë e listës përveç Shqipërisë, do të jetë edhe Serbia, Armenia, Azerbajxhani, Brunei Darussalam dhe Japonia.

Ky vendim do të jetë në fuqi për 2 javë, dhe më pas do të rishikohet sërish.

Ndërkohë sipas vendimit “që nga 9 shtatori 2021 shtetet anëtare duhet të heqin gradualisht kufizimet e udhëtimit në kufijtë e jashtëm për vende të tilla si: Australia, Bosnje dhe Hercegovina, Kanadaja, Jordani, Zelanda e Re, Katari, Republika e Moldavisë, Arabia Saudite, Singapori, Korea e jugut, Ukraina, Uruguaj (e re), Kina, subjekt i konfirmimit të reciprociteti”.

I gjithë Ballkani tashmë bën pjesë në listën e vendeve të pasigurta. Më herët edhe Kosova, Mali i Zi dhe Maqedonia e Veriut iu shtuan kësaj liste. (Monitor)

Qendra Alert/Alert.al

Tragjedia në Tetovë, Filantropi Lazim Destani pranë bashkëvendasve, ndan dhimbjen me familjarët e viktimave

Filantropi Lazim Destani ka reaguar për ngjarjen e rëndë në Tetovë, ku nga shpërthimi i zjarrit në spitalin covid mbetën të vdekur dhjetëra persona, mes tyre mjekë, pacientë dhe familjarë të tyre e u plagosën disa të tjerë. Teksa shprehet i tronditur nga kjo ngjarje, Destani i shpreh ngushëllime familjeve të viktimave dhe uron shërim të shpejtë për të lënduarit.

 

 

Statusi i plotë në Facebook i Lazim Destanit:

Hidhërim i jashtëzakonshëm nga tragjedia që mbrëmë i gjeti bashkëqytetarët e mi!

Ngushëllime të sinqerta për familjet e viktimave. Të ndjerit u prehshin në paqe, familjeve u dhëntë Zoti forcë e durim për përballimin e dhembjes, ndërsa uroj shërim të shpejtë për të lënduarit!

Gjithnjë pranë bashkëvendësve të mi!

Qendra Alert/Alert.al