Menu

Art & Kulturë

Meta për Pirro Manin: Trashëgimia që la pas duhet të na bëjë krenar të gjithëve

Presidenti i Republikës, Ilir Meta ka reaguar për ndarjen nga jeta të aktorit dhe regjisorit të njohur, Pirro Mani. Lajmi ka qenë pikëllues për të dhe gjithë artdashësit. Kreu i Shtetit shpreh ngushëllimet për bashkëshorten e tij Pavlina Manin dhe gjithë familjarët. “La pas një trashëgimi të vyer kulturore, që na bën krenar të gjithëve”, shkruan Meta në rrjete sociale.

Shënimi i plotë i Ilir Metës

Pikëllues lajmi për ndarjen nga jeta të Pirro Manit, njërit prej personaliteteve më të shquara në historinë e teatrit dhe të filmit shqiptar. Aktor dhe regjisor i niveleve të jashtëzakonshme, si dhe pedagog i shkëlqyer për dekada, ai luajti dhe vuri në skenë me dhjetëra role dhe shfaqje, për t’u nderuar me shumë çmime dhe fituar duartrokitjet e respektin e merituar të artdashësve, duke lënë pas një trashëgimi të vyer kulturore, që na bën krenar të gjithëve dhe që përherë do të mbetet një shembull frymëzimi për brezat e artistëve të rinj.

U shpreh ngushëllimet më të ndjera Pavlinës dhe familjes Mani, të afërmve dhe të gjithë komunitetit të artistëve për këtë humbje të madhe, që na lëndoi sot të gjithëve.

Të prehet në paqen e merituar!

alert.al/

Lajm i trishtë! Ndërron jetë aktori dhe regjisori Pirro Mani

Regjisori dhe aktori i madh shqiptar Pirro Mani është ndarë nga jeta në moshën 89-vjeçare.

Mësohet se Mani ka ndërruar jetë në Shtetet e Bashkuara të Amerikës, ku jetonte prej disa kohësh së bashku me familjen e tij.

“Fluturo tashmë me enjgjëjt babai i Teatrit. Ke sjellë shumë gëzime në jetën time. Dhe çfarë trishtimi solle sot. Do të të jem mirënjohës për gjithcka, për dashurinë që më dhe, për trajtimin jo si i dashuri i Jolës por si artist dhe koleg.

Madhështia jote nuk ka fund! Ashtu si nuk do ketë kurrë fund vepra dhe pasuria që na le! Qofsh i parajsës babi Piro!’, shkruan Elton Deda në Facebook.

Image

Rikthehen kinematë në Vlorë e Gjirokastër pas 30 vitesh

Në prag të sezonit turistik, qyteti i Vlorës do të ketë kinemanë e saj. Që pas rënies së sistemit komunist, Vlorës i ka munguar një kinema, ndërsa sot falë një granti të Komisionit Europian me vlerë 73 milion lekë, qyteti bregdetar do të kenë një kinema profesionale, me pajisje digjitale nga me modernet.

Teksa realizohej testimi i pajisjeve të reja, drejtuesi i projektit, Arben Papadhopulli tha për Report Tv se projekti i nisur tre vite më parë ka mbërritur në finale, duke bërë me kinema dy qytete të rëndësishme turistike e historike, siç është Vlora dhe Gjirokastra.

“Që në fillim menduam për të aplikuar për një projekt në fushën e turizmit kulturor, për digjitalizimin e sallës së kinemasë së Vlorës dhe asaj të Gjirokastrës. Pati vonesa për shkak të pandemisë dhe tashmë jemi të lumtur që po finalizojmë projektin me vendosjen e pajisjeve profesionale me video-projektorin 2 deri 4K”.

Projektimet e para rezultuan të suksesshme dhe në qytetin e Gjirokastrës dhe së shpejti pritet të hapet kinemaja e re me transmetim në 2K, 3K dhe 4 K. Tashmë mbetet që Bashkia e Gjirokastrës të marrë përsipër përmirësimin e gjendjes fizike të sallës që të garantojë një mjedis në funksion të këtij investimi.

“Në këtë kinema që ishte një objekt në gjendje të mjeruar, tani na janë ofruar nga donatorët pajisje nga më të mirat dhe i mbetet bashkisë puna për ta menaxhuar. Nuk mund të them një datë fikse se kur do të hapet, por do të them se është e rëndësishme që kjo gjë që nisi të mos ngecet rrugës”, tha Bledi Kaçi drejtor i Kulturës në bashkinë e Gjirokastrës.

Sipas drejtuesit te projektit Arben Papadhopulli ky investim me vlerë 73 milionë lekë do ti sjellë Gjirokastrës një kinema të munguar prej 3 dekadash me parametrat e duhur për t’iu përshtatur kohës dhe garantuar publikut një hapësire të re kulturore.

Vdes Carla Fracci, balerina e famshme është shuar në moshën 84 vjeçare në Milano

Është ndarë nga jeta në moshën 84-vjeçare balerina e famshme italiane Carla Fracci. Ajo që prej kohësh vuante nga një tumor, ka qenë një nga balerinat më të rëndësishme në botë.

E lidhur pazgjidhshmërisht me teatrin ‘Scala’ të Milanos, Fracci në karrierë e saj të gjatë e ka çuar talentin e spikatur elegant në skenat me prestigjioze të të gjithë botës. Mes interpretimeve të saj kanë rënë në sy rolet e saj dramatike dhe romantike, që e kanë bërë një yll në të gjithë botën.

Me hiret e saj ajo ka ditur t’i japë formë personazheve femërore si Giselle, Sylphide, Giulietta, Swanilda etj. Ajo ka kërcyer me partnerët me të shquar si balerinët rus Rudolf Nureyev dhe Vladimir Vassiliev, duke kaluar tek Paolo Bortoluzzi deri tek më të rinjtë Massimo Murru e Roberto Bolle.

Ajo vjen nga një familje e thjeshtë italiane, por pavarësisht kësaj talenti i saj kristalor bëri që ajo të pushtojë teatrot më të rëndësishëm të botë, aq sa në 1981 ajo u bë ‘balerina e parë absolute’ nga New York Times.

Përtej Vrionit e Kadaresë/ Marrëveshja për letërsinë, tri pikat Shqipëri-Francë, përkthimi, fond për librat dhe promovim

Qendra Kombëtare e Librit dhe Leximit ka firmosur një marrëveshje bashkëpunimi me Ambasadën Franceze në Shqipëri. Tri janë pikat kryesore të saj, përkthimi i dy letërsive në të dyja vendet, trajnimi i përkthyesve të rinj shqiptarë në gjuhën frënge dhe krjimi i një fondi të përbashkët për përkthimet.

Drejtoresha Alda Bardhyli tha se “marrëveshja do të afrojë dy kulturat, dhe shërben për përkthimin e letërsisë shqipe në Francë por ka nje kujdes të veçantë ndaj krijimit të një brezi të ri perkthyesish në frengjisht dhe nga frëngjishtja”. Për Ambsadaden franceze, rëndësi ka e ardhmja.

Këshilltari për kulturën, Jerome Spinoza, tha se “kemi nje traditë te mirë por po punohet që përveç të shkuarës ku ka qenë i spikatur Jusuf Vrioni e të tashmes me Ismail Kadarenë, të mendohet për të ardhmen” Përkthyesit do të përzgjidhen në bashkëpunim me Fakultetin e Gjuhë të Huaja, ndërsa trajnimi do të bëhet deri në muajin dhjetor të këtij viti.

Restaurimi i monumenteve me bashkëpunim publik-privat, ministrja Margariti: Marrim shembull nga Italia

Një qendër formimi për specialistët e trashëgimisë kulturore, që ka të bëjë kryesisht me formimin e të rinjve arkeologë e arkitektë në restaurim, është një prej pikave të protokollit të Ministrisë Shqiptare të Kulturës me Italinë. Përvoja italiane në këtë fushë do të shtrihet edhe në bashkëpunimin me privatin.

“Realitetet e kantiereve që po krijojmë në Shqipëri të kthehen në realitete ndërveprimi midis firmave, partnerëve të ndryshëm atë që po bën Italia në partneritetin publik-privat, për të çuar përpara investimin në restaurime, është një realitet i cili patjetër duhet shtrirë edhe në Shqipëri. Nuk po shpikim asgjë të re, vetëm po sjellim atë që është një realitet tashmë i formuar dhe i konsoliduar prej shumë vitesh në një shtet, që përfaqëson ekselencën në fushë, siç thashë të Italisë, për ta sjellë në shtetin shqiptar”, -tha Ministrja e Kulturës, Elva Margariti.

Në një takim të ministres dhe ambasadës italiane, u fol edhe për një fond për trashëgiminë që kanalizon investimet në mënyrë efiçente dhe pjesëmarrjen e disa firmave shqiptare në Panairin Ndërkombëtar të restaurimit në Bari dhe javën e Restaurimit në Napoli.

Ambasadori italian në Shqipëri, Fabrizio Bucci, tha se: “Është një projekt i rëndësishëm nga instituti ynë për tregtinë në bashkëpunim me ‘Asorestauro’ dhe Panairin e Ferrarës. Këtu në Shqipëri, por edhe në të gjithë botën, kuptohet se sa sektori publik dhe ai privat mund dhe duhet të bashkëpunojnë sepse kultura është një përçuese e mrekullueshme për zhvillimin ekonomik”.

Fillesa e këtij bashkëpunimi mes ministres shqiptare Margariti dhe ministrit italian Fraçeskini.

Zbulohen mure fortifikuese mesjetare në sheshin 'Çerciz Topulli' në Gjirokastër

Struktura të rëndësishme arkeologjike, janë zbuluar gjatë punimeve në Sheshin “Cerciz Topulli” në Gjirokastër. Mure foritfikuese mesjetare, gjurmë të qeramikës, materiale skeletore që sipas specialistëve i takojnë shek XVII fillim shekulli XVIII kanë dalë në dritë prej disa ditësh duke çuar ne pezullimin e përkohshëm të punimeve për projektin e Rilindjes Urbane në qendrën muzeale të Gjirokastrës.

“Një mur i lashtë që daton në shekullin XVI. Janë fragmente të një muri mesjetar me të gjithë elementët, ku një ndër kryesorët të këtyre mureve, që mund të jenë të kështjellave të vogla të asaj kohe, janë frëngjitë të cilat i ndeshim në këto kështjella Gjirokastrite si objekte të vëzhgimit dhe ruajtjes së objektit. drejtoria jonë ka ndaluar punimet”, tha Vaso Polo specialist në DRKK Gjirokastër.

Struktura të rëndësishme arkeologjike, janë zbuluar gjatë punimeve në Sheshin “Cerciz Topulli” në Gjirokastër. Mure foritfikuese mesjetare, gjurmë të qeramikës, materiale skeletore që sipas specialistëve i takojnë shek XVII fillim shekulli XVIII kanë dalë në dritë prej disa ditësh duke çuar ne pezullimin e përkohshëm të punimeve për projektin e Rilindjes Urbane në qendrën muzeale të Gjirokastrës.

“Një mur i lashtë që daton në shekullin XVI. Janë fragmente të një muri mesjetar me të gjithë elementët, ku një ndër kryesorët të këtyre mureve, që mund të jenë të kështjellave të vogla të asaj kohe, janë frëngjitë të cilat i ndeshim në këto kështjella Gjirokastrite si objekte të vëzhgimit dhe ruajtjes së objektit. drejtoria jonë ka ndaluar punimet”, tha Vaso Polo specialist në DRKK Gjirokastër.

Dosja me të dhënat e gjetura ka shkuar në Këshillin Kombëtar të Arkeologjisë i cili do të përcaktojë rëndësinë e zbulimit dhe masat që duhet të ndërmerren. Më herët janë gjetur ne thellësi, puse mesjetare, por u mbuluan nga firma kontraktore që po kryen punimet.

Ne baze te projektit “Sheshi Cerçiz Topulli” është konceptuar të jetë tërësisht për këmbësorët ndërkohë që do të ketë parkim të nëndheshëm.