Menu

Blog

Gjithnjë e më shumë të sëmurë nga tumori i veshit: Simptomat e para

Dhembja e veshit mund të jetë shenja e parë që tregon se në pjesën e veshit po zhvillohet tumori malinj. Numri i të sëmurëve nga kanceri i veshit po shtohet në gjithë botën, ndërkaq kjo sëmundje mund të përfshijë cilëndo nga këto tri pjesë të veshit: pjesën e brendshme, të mesme dhe të jashtme.

Simptomat dallohen varësisht nga pjesa e veshit në të cilën tumori zhvillohet, mirëpo shenjat të cilat kryesisht shfaqen në të tri rastet janë humbja e të dëgjuarit dhe dhembja e veshit.

Gjithashtu, simptomat mund të jenë edhe dhembja e veshit të jashtëm, dhembja e kokës, marramendja dhe zukatja e veshëve.

Te disa pacientë shfaqet edhe ënjtja e nyjave limfatike në qafë.

Nëse keni një ose më shumë nga këto simptoma, duhet të vizitoni mjekun otorinolaringolog më pas nëse është nevoja edhe onkologun.

Shfaqja e tumorit mund të përcaktohet vetëm me biopsi, ndërsa sëmundja shërohet me operacion, duke eliminuar kanalin e veshit, me radioterapi apo me kimioterapi.

Qendra Alert/Alert.al

Studimi: Fëmijët e lindur me prerje cezariane, me prirje për obezitet

Një grupi i shkencëtarëve nga Norvegjia ka konstatuar se fëmijët e lindur me prerje cezariane gjatë fëmijërisë janë më me mbipeshë, sesa moshatarët e tyre.

Në këtë konstatim kanë arritur në bazë të studimeve në të cilat kanë marrë pjesë fëmijët e lindur në mënyrën natyrale dhe ata me prerje cezariane.

Edhe ekspertët e Harvardit kanë konstatuar që edhe vogëlushët të cilët lindur vagjinalisht kanë shanse madje 64 për qind që të vuajnë nga problemet me mbipeshën në krahasim me vëllezërit e lindur apo motrat të cilët kanë lindur në mënyrën natyrale.

Shkencëtarët kanë zbatuar hulumtimin në të cilin janë përdorur të dhënat e 15.000 femrave dhe 22.000 fëmijëve, nga të cilët 5.000 kanë lindur me prerje cezariane.

Është konstatuar që këta vogëlushë kanë më pak baktere të shëndetshme në zorrë dhe shpesh sëmuren na astma. Kjo shpjegon faktin që bebet e lindura në mënyrën e zakonshme u ekspozohen baktereve të cilat ndikojnë pozitivisht në zhvillimin e sistemit të tyre të imunitetit, prandaj për këtë shkak që në fillim janë më të rezistueshëm.

Qendra Alert/Alert.al

Nevoja për marrjen e jodit dhe sasia e rekomanduar

Organizata Botërore e Shëndetësisë (OBSH) ka rekomaduar dozën ditore të jodit 150-300 mikrogramë. Shumë shkencëtarë nuk janë dakord, pasi kjo llogaritje bazohet vetëm në nevojën e gjëndrës tiroide për jod.

Dr. Guy Abraham, një profesor i obstetrikës, gjinekologjisë dhe endokrinologjisë në Shkollën e Mjekësisë UCLA, sugjeron rritjen e konsumit ditor të jodit në 13 miligramë, kjo është e barabartë me sasinë e konsumuar nga japonezët.

Trupi i njeriut nuk mund të prodhojë apo të ruajë jod, ndaj është e nevojshme ta marrë atë çdo ditë , dhe ky mineral ka këto veti jashtëzakonisht të rëndësishme

  1. Jodi ka veti të shkëlqyera antibakteriale, antivirale, antifungale dhe antiparazitare
  2. Jodi ndihmon në parandalimin e shumë sëmundjeve
  3. Jodi ndikon në imunitetin tonë duke hequr radikalet e lira dhe duke mbrojtur qelizat nga stresi oksidativ. Përveç kësaj, stimulon aktivitetin e antioksidantëve të tjerë në trup
  4. Jodi siguron funksionimin e duhur të gjëndrës tiroide
  5. Mungesa e jodit gjatë shtatzënisë mund të ketë pasoja të rënda si për nënën ashtu edhe për foshnjën. Mungesa e jodit në tremujorin e parë mund të shkaktojë prapambetje mendore

Mineralet janë më mirë kur merren përmes ushqimit dhe pijeve. Një marrje e tillë është shumë më e dobishme sesa kur përdorni suplemente.

Burimet më të mira dietike të jodit janë alga deti, peshku detar, ushqimet e detit dhe kripa e jodizuar. Kripa klasike është e disponueshme me dhe pa jod, dhe shumë kripëra të njohura, si kripa e detit dhe kripa rozë Himalayan, nuk përmbajnë jod. Shtimi i kripës në ushqim mund të rrisë rrezikun e problemeve të tjera shëndetësore si presioni i lartë i gjakut dhe sëmundjet e zemrës, ndaj këshillohet kujdes kur e përdorni. Nëse vendosni të shtoni kripë, sigurohuni që të jetë etiketuar “jodizuar”.

Qendra Alert/Alert.al

Vdekja e disa fëmijëve nga shurupi i kollës, OBSH ngre alarmin

Organizata Botërore e Shëndetësisë (OBSH) bëri thirrje për “veprim të menjëhershëm dhe të koordinuar” për t’i mbrojtur fëmijët nga ilaçet e kontaminuara, pas një morie vdekjesh të fëmijëve që ndodhën vitin e kaluar, të lidhura me shurupet e kollës.

Në vitin 2022, më shumë se 300 fëmijë, kryesisht të moshës nën 5 vjeç, vdiqën nga dëmtimi akut i veshkave në Gambi, Indonezi dhe Uzbekistan. Këto vdekje dyshohet se u shkaktuan nga ilaçe të kontaminuara, tha OBSH-ja në një deklaratë më 24 janar. Shurupet e kollës, pa recetë, kishin nivele të larta të dietilenit glikolit dhe etilenit glikolit.

“Këta ndotës janë kimikate toksike që përdoren si tretës industrialë dhe mund të jenë fatale edhe nëse merren në sasi të vogla. Ato nuk duhet të gjenden kurrë në ilaçe”, tha OBSH-ja.

Organizata Botërore e Shëndetësisë tha se shtatë vende kishin raportuar se kishin gjetur shurupe të kontaminuara në katër muajt e fundit dhe u bëri thirrje 194 shteteve anëtare në këtë organizatë që të veprojnë menjëherë për të parandaluar më shumë vdekje.

“Meqenëse këto nuk janë incidente të izoluara, OBSH-ja u bën thirrje palëve të përfshira në zinxhirin e furnizimit mjekësor, të ndërmarrin veprime të menjëhershme dhe të koordinuara”, tha OBSH. (REL)

Qendra Alert/Alert.al

Përfitimet shëndetësore që vijnë nga ecja, por çfarë ndodh nëse ekspozohemi në ajër të ndotur

Përfitimet shëndetësore që vijnë nga ecja janë të shumta, por studimet e reja tregojnë se ato mund të ‘anulohen’ si pasojë e ekspozimit në ajër të ndotur.

Këto hulumtime nga britanikët kanë zbuluar se doza e ajrit të cilën e thithin të moshuarit kur ecin në qendër të Londrës më shumë shkakton dëme sesa të mira.

Edhe pse ecja aktive rekomandohet nga ekspertët si pjesë e stilit të shëndetshëm të jetesës, hulumtuesit kanë zbuluar se ecja në ajër të ndotur mund t’i bllokojë arteriet dhe ta çrregullojë funksionin e mushkërive.

Për këtë studim janë testuar 119 persona mbi moshën 60 vjet, 40 prej të cilëve ishin të shëndetshëm, 40 kishin ndonjë sëmundje të mushkërive dhe 39 prej tyre kishin sëmundje ishemike të zemrës.

Hulumtimet e mëparshme nga britanikët kanë treguar se ekspozimi afatgjatë në ajër të ndotur çon në inflamacionin e enëve të gjakut, duke i përfshirë enët të cilat e furnizojnë zemrën.

Ky studim është publikuar në revistën ‘The Lancet’.

Qendra Alert/Ale

Antibiotiku natyral që sfidon çdo medikament

Vaji i dafinës është një nga vajrat më efikas për forcimin dhe mbrojtjen e organizmit sepse pastron sistemin limfatik. Ky vaj shquhet si antibiotik shumë efikas.

Kjo do të thotë se parandalon dhe pengon rritjen e mikrobeve, baktereve apo mykut në organizëm duke e mbrojtur atë nga infeksione të ndryshme.

Vaji esencial i dafinës qetëson nervat dhe zbut shqetësimet nervore.

Ai është efikas kundër spazmave, ankthit, stresit, depresionit, zemërimit etj. Ruan infeksionet e stomakut dhe e mbron nga aciditeti i tepërt dhe ulçera.

Gjithashtu ky vaj është efikas në qetësimin e kollës dhe temperatures. Vaji esencial i dafinës është i dobishëm për organizimin e njeriut. Po ashtu po përdoret edhe në kozmetikë gjerësisht.

Për të përgatirur vaj dafine ju nevojiten: 250 gr gjethe dafine, 1 gotë uji me vaj bajamesh të ëmbla (200ml) dhe një enë qelqi.

Gjethet e dafinës janë po ashtu një burim i rëndësishëm i vitaminës A, B dhe C dhe acidit folik. Nuk është për t’u nënvlerësuar edhe përmbajtja e mineraleve qe ajo përmban si kaliumi, bakri, kalciumi, mangani, hekuri, seleni, zinku dhe magnezi.

Qendra Alert/Alert.al

Susami i bashkohet grupit të alergjentëve kryesorë në ushqim

Susami i bashkohet grupit të cilin e përbëjnë 8 alergjentë kryesorë në ushqim, qumështi, vezët, gaforret, frutat arrore, kikiriku, gruri dhe soja.

Drejtoria Amerikane e Ushqimit dhe e Barnave publikoi që susami t’i bashkohet listës së alergjenëve kryesorë në ushqim.

Susami i bashkohet listës së alergjenëve kryesorë në ushqim si rezultat i Ligjit të sigurisë, shërimit, arsimimit dhe hulumtimit të alergjenëve në ushqim, e cila është nënshkruar më 23 prill të vitit 2021-tha FDA-ja.

Sipas CNN, FDA ka disa vite që po shqyrton vendimin për farat e susamit.

Alergjitë e susamit prekin njerëzit e të gjitha moshave dhe mund të shfaqen si kollë, kruarje fyti, të vjella, diarre, skuqje në gojë, vështirësi në frymëmarrje dhe presion të ulët të gjakut, tha për CNN, Dr Robert Eitches, alergolog, imunolog dhe mjek në “Cedars-Sinai Medical Center”, Los Angeles.

“Kjo do të thotë se për 1.6 milionë amerikanë me një alergji kërcënuese ndaj susamit, jeta do të bëhet më e mirë duke filluar nga 1 janari 2023,” shtoi Jason Linde, nënkryetar i lartë i qeverisë dhe çështjeve të komunitetit në Food Allergy Research & Education.

Qendra Alert/Alert.al

Rënia e popullsisë dhe e blegtorisë ul importet e drithërave

Gjatë vitit 2022, importet e drithërave, (grurit për konsumin njerëzor dhe misrit për kafshë) kanë pësuar rënie në rekorde historike me rreth 26%, sipas të dhënave të INSTAT, që referojnë tregtinë e jashtme sipas kapitujve.

Gjithsej vitit të kaluar u importuan 241 mijë tonë drithëra nga rreth 326 mijë tonë në vitin 2021. Lufta në Ukrainë, e cila nisi në fund të shkurtit 2021 stepi tregjet fillimisht për sigurinë e bukës, por shumë shpejt kanalet e tregtisë dhe urbanizimit vazhduan normalisht.

Importuesit shqiptarë zhvendosen një pjesë të furnizimeve nga Rusia në Serbi, por sërish vendi ynë shënoi sasinë më të ulët të importit të drithërave së paku që nga viti 2005 kur të dhënat zyrtare nisën të raportoheshin.

Importuesit e mëdhenj të miellit pohuan se vitin e kaluar pati rënie të madhe të kërkesës për miell. Pas mbi furnizimeve, që u kryen në mars nga frika e luftës në Ukrainë, tregu i pakicës ka tërhequr sasi shumë të vogla të miellit. Importuesit pohuan se importi i drithërave po bie për dy arsye kryesore. Së pari rënia e popullsisë nga emigrimi masiv i të rinjve dhe së dyti tkurrja e numrit të bagëtive.

Industria e përpunimit të miellit dhe brumërave është e para, që ndien efektet e emigracionit. Të larguarit janë kryesisht mosha të reja, grup-mosha që konsumon më tepër brumëra. Sa herë që ka valë emigracioni reflektohet menjëherë te konsumi i miellit dhe bukës, pohojnë importuesit.

Të dhënat zyrtare mbi emigracionin në Britaninë e Madhe dhe nga Eurostat tregojnë se të paktën 20 mijë shqiptare kishin kërkuar azil në vendet e BE-së dhe Britani në 9 muajt e parë të vitit të kaluar.

Të larguarit janë shumë më tepër, duke marrë parasysh ikjet në formën e studimeve, bashkimit familjar, kontratat e punës dhe emigrimin e rregullt në SHBA dhe Kanada. Emigrimi me ritme të larta dhe rënia e numrit të lindjeve po tkurr popullsinë vendase.

Rënia e numrit të bagëtive me ritme të shpejta gjithashtu ka tkurrur konsumin e drithërave. Tkurrja e popullsisë në zonat rurale dhe plakja e shpejtë e saj po redukton me shpejtësi numrin e kafshëve.

Fermat e vogla me dy -tre krerë gjedhë, që përbejnë pjesën dërrmuese të fermave blegtorale po shuhen me shpejtësi.

Vetëm gjatë vitit 2021 sipas të dhënave zyrtare të INSTAT numri i bagëtive ra me 7%, ndërsa këtë vit tkurrja pritet të ketë qenë edhe më e lartë, pasi shumë bagëti u therën për mish, si edhe nga kostot e larta të ushqimit. (Monitor)

Qendra Alert/Alert.al

 

Vajza kujdes! Problemet që shkaktohen nga aparatura për tharjen e thonjve

Kohët e fundit është rritur trendi i bërjes së thonjve me manikyr apo xhel, por pa marrë parasysh problemet që mund të shkaktohen. Pajisjet tharëse të manikyrit të thonjve, mund të shkaktojnë mutacione që shkaktojnë kancer të lëkurës dhe të ndryshojnë ADN-në. Në këtë përfundim ka arritur një studim i fundit i publikuar në “Nature Communications” nga studiuesit e Universitetit të Kalifornisë së San Diego.

Ata zbuluan se përdorimi i këtyre pajisjeve që lëshojnë rreze ultravjollcë (UV) mund të çojë në vdekjen e qelizave dhe mutacione që shkaktojnë kancer në qelizat njerëzore.

“Nëse shikoni mënyrën se si janë paraqitur këto pajisje, ato tregtohen si të sigurta, pa asgjë për t’u shqetësuar. Por askush nuk i ka studiuar këto pajisje dhe se si ato ndikojnë në qelizat njerëzore në nivelet molekulare dhe qelizore deri më tani”, tha Ludmil Alexandrov, profesor i bioinxhinierisë, mjekësisë celulare dhe molekulare në UC San Diego dhe autor i studimit.

Duke përdorur tre linja të ndryshme qelizore, keratinocitet e lëkurës së njeriut të rritur, fibroblaste njerëzore dhe fibroblaste embrionale të miut, studiuesit zbuluan se përdorimi i këtyre pajisjeve të pranishme në sallonet e bukurisë, që emetojnë UV për vetëm një seancë 20-minutëshe çoi në vdekjen e qelizave midis 20 dhe 30 për qind. Ndërsa tre ekspozimet e njëpasnjëshme prej 20 minutash shkaktuan vdekjen e 65-70 përqind të qelizave të ekspozuara.

Ekspozimi ndaj dritës UV gjithashtu shkaktoi dëmtime mitokondriale dhe të ADN-së në qelizat e mbetura dhe rezultoi në mutacione me modele që mund të vërehen në kancerin e lëkurës tek njerëzit.

“Ne pamë shumë gjëra. Së pari, pamë se ADN-ja dëmtohet. Pamë gjithashtu se disa nga dëmtimet e ADN-së nuk riparohen me kalimin e kohës dhe kjo çon në mutacione pas çdo ekspozimi me një tharëse thonjsh me xhel UV. Së fundi, pamë se ekspozimi mund të shkaktojë mosfunksionim mitokondrial, i cili gjithashtu mund të rezultojë në mutacione shtesë. Ne pamë pacientët me kancer të lëkurës dhe shohim ekzaktësisht të njëjtat modele të mutacioneve në këta pacientë që u panë në qelizat e rrezatuara”, tha Alexandrov.

Ndërsa rezultatet tregojnë efektet e dëmshme të përdorimit të këtyre pajisjeve në qelizat njerëzore, studiuesit paralajmërojnë se duhet një studim afatgjatë epidemiologjik përpara se të thuhet përfundimisht se përdorimi i këtyre makinave çon në një rrezik të shtuar të kancerit të lëkurës. Por rezultatet e studimit ishin të qarta: Përdorimi kronik i këtyre makinave për tharjen e manikyrit është i dëmshëm për qelizat njerëzore.

Qendra Alert/Alert.al

Mishi “i vjetëruar” nuk është më i rrezikshëm se mishi i freskët

Mishi “i vjetëruar” nuk paraqet ndonjë rrezik shtesë në krahasim me mishin e freskët nëse mbahet në kushte të kontrolluara-thanë ekspertët e EFSA në një opinion shkencor të publikuar sot.

Mishi që qëndron për shumë kohë është një proces gjatë të cilit mikrobet dhe enzimat veprojnë mbi mishin për të prishur indin lidhës, duke e zbutur dhe duke i dhënë atij një aromë më të pasur. Kjo mund të bëhet përmes dy metodave kryesore. Metoda e lagësht përdoret për viçin, derrin dhe qengjin që ruhet dhe ngrihet në një ambalazh me vakum, ndërsa viçi i thatë që ka kohë që është prerë ngrihet në frigorifer, pa ambalazhim.

“Mishi që mbahet për një kohë të gjatë po përdoret shumë në industrinë ushqimore dhe restorantet, por deri më tani ka pasur mungesë njohurish për sigurinë e tij. Këshillat e EFSA-së kontribuojnë për të mbushur atë boshllëk dhe ofron një bazë të fortë shkencore për operatorët e biznesit të ushqimit, për të prodhuar mish të sigurt”-tha kryetari i Panelit të EFSA-së për Rreziqet Biologjike, Prof Kostas Koutsoumanis. (EFSA)

Qendra Alert/Alert.al