Menu

Diaspora

KKD "kryqëzon" politikën për votën. Lazim Destani: Politika na premtoi dhe Diaspora do të ndihet e fyer, realizojeni dhe mbeteni në histori

“Diaspora do të ndihet e ofenduar nëse do të lohet pas dore e nuk do t’i ofrohet e drejta e votës në Shqipëri”. Kështu e nisi fjalën e tij Anëtari i Këshillit Koordinues të Diasporës dhe President Nderi i Dhomës së Biznesit të Diasporës, Z.Lazim Destani, gjatë një takimi maratonë që u zhvillua mes përfaqësuesve të Diasporës, të cilët i ksihin kërkuar më parë një takim KQZ-së dhe faktorit politik në Shqipëri, në lidhje me realizimin e të drejtës për shqiptarët jashtë atdhehur, që të votojnë për zgjedhjet e 25 prillit që do të mbahen në Shqipëri. “Ky është një ngërc që besoj më së miri mund ta zgjidhë KQZ dhe organet kompetente. Diaspora do kishte me të vërtetë e ofenduar po të lihet pas dore. Bëni historinë duke e realizuar”, tha Destani në fjalën e tij, duke shtuar se, “ne si Këshill Koordinues i Diasporës kemi bisedur me të gjithë lidert politik të partive kur ishim në Tiranë dhe të gjithë na premtuen se janë pro votës së diasporës”.

Lazim Destani

Thirrjes publike të Këshillit Koordinues të Diasporës për zgjidhjen e ngërcit me procesin e votimit të Diasporës i janë përgjigjur të gjitha palët pjesëmarrëse dhe të interesuara. Dhe pse është folur shpesh për afate, në takimin që zgjati për më shumë se tre orë, palët ranë dakord që në një tjetër mbledhje brenda kësaj jave të vendoset përfundimisht se çfarë do të ndodhë me votën e Diasporës.

Në takimin e kërkuar nga Këshilli i Koordinimit të Diasporës, krahas anëtarëve të saj ishin ftuar Ministri i Shtetit për Diasporën Pandeli Majko, Kreu i KQZ, Ilirjan Celibashi, përfaqësuesi i Partisë Demokratike, Oerd Bylykbashi, përfaqësues nga Avokati i Popullit, shoqata Germin, Lëvizja për Diasporën e Lirë etj. Ata patën një diskutim “maratonë” mbi situatën aktuale të procesit dhe mundësinë reale te realizmit të votës së Diasporës në një periudhë kohore kaq të shkurtër.

Të gjitha palët politike ranë dakord për realizmin e një takimi të veçantë të Komisonit Qëndror të Zgjedhjeve brenda kësaj jave për të përcaktuar në mënyrë përfundimtare fatin e votës së Diasporës për zgjedhjet e 25 prillit.

Në këtë takim të vecantë të Komisionit Qendror të Zgjedhjeve gjithashtu u ra dakord që të jenë të pranishëm me të drejtë fjale edhe përfaqësuesit e organizatave dhe të Diasporës.

Celibashi duke shpjeguar rrugën institucinale që ka ndjekur KQZ tha se: Ne që ditën e parë të riformatimit të këtij institucioni çështjen e votës se Diasporës e kemi pasur prioritet absolut dhe jemi përpjekur që brenda kohës që kemi pasur në dispozicion të kishim mundësi që ta realizonim këtë projekt.

Aktualisht unë në cilësinë e komisionerit shtetëror të zgjedhjeve kam propozuar dhe ju kam dërguar partive politike pjesën e parë të një seti aktesh të cilat do të rregullojnë procesin e votimit të Diasporës. Akti i parë që kemi përgatitur si institucion ka të bëjë me procedurat e regjistrimit si votues të të gjithë atyre qytetarëve shqiptarë me të drejtë vote që kanë të deklaruar dhe të konfirmuar adresën e vendbanimit të tyre jashtë territorit të republikës së Shqipërisë në rregjistrin përkatës të gjendjes civile.

Aktualisht, zyrtarisht për institucionin e KQZ-së rezultojnë të regjistruar qytetarë shqiptarë me të drejtë vote të cilët banojnë jashtë territorit të republikës së Shqipërisë me të drejtën për të votuar janë 851. Në kuptim të ligjit dhe të kodit zgjedhor vetëm këta qytetarë kanë të drejtë të aplikojnë dhe të prezantojnë kërkesën e tyre për të votuar atje ku ata kanë vendbanimin. Ne e kemi përgatitur draftin e aktit në fakt jo vetëm për këta 851, por për këdo që është i kualifikuar si qytetar që jeton jashtë vendit   Me vendbanim të përhershëm atje por te deklaruar edhe këtu në Shqipëri sipas legjislacionit të vendit. Kemi pritur propozime, komente dhe opinione nga partitë politike por edhe prej faktorëve te tjerë jo partiak, jo politikë për çfarë ne kemi propozuar. Deri më sot përveç disa organizatave ne akoma nuk kemi marrë një koment, një opinion një përgjigje në përfaqësuesit e partive politike në lidhje me atë çfarë ne kemi propozuar. Padyshim që çdokush mund të pyesë përse duhet ti prisni partitë politike? Unë do të jem i sinqerte dhe i drejtperdrejtë. Duke qene se çështja është një çështje mjaft sensitive është shumë e rëndësishme që suksesin e këtij projekti sot apo dhe në të ardhmen partitë politike si të interesuarat kryesore të një procesi zgjedhor të japin dhe ato opinionin dhe mendimin e tyre ose thonë që nuk kanë asnjë opinion apo koment për atë që kemi propozuar në mënyrë që dhe ne të kuptojmë që ajo qe ne kemi propozuar i kënaq interesat e tyre dhe të çdo pale tjetër.

Nuk do kishte asnjëlloj kuptimi që ta shtronim për diskutim në mënyrë zyrtare draftin që kemi paraqitur por besoj me probabilitet thuajse 100% ai draft nuk do të marrë dakordësin e të gjithëve

Kështu që për sa ne kemi pasur në dorë për të bërë e kemi bërë, e kemi bërë një draft e kemi paraqitur për diskutim dhe presim një feedback nga partitë kryesore politike. Miratimi i këtij drafti do të ishte hapi i parë në rrugën e miratimit të akteve të tjera që kanë të bëjnë më normimin e  të gjithë procesit te votimit të Diasporës. Te kjo faze jemi për momentin.

I pyetur nga kryetari i KKD Mark Gjonaj se si do të zgjidhet ngërci që sot që Diaspora të marre pjesë në zgjedhjet e 25 prillit  Celibashi u përgjigj: Sa kohë që nuk kemi kaluar fazën fillestare nuk mund të jap një parashikim sa mund te realizohet.

Ka vetëm nje mundësi që kjo të bëhet. Për opinionin tim sikur edhe një shqiptar të votonte për këto zgjedhje për mua do te konsiderohej i përmbushur ky proces

Ndërsa ministri Pandeli Majko tha se: Mendoj që përfaqësoj mendimin zyrtar të PS që është shprehur disa herë. Nuk ka nevojë për asnjë përgjigje zyrtare nga PS që Komisioni Qendror i Zgjedhjeve të zbatojë ligjin, do të thotë të nxjerrë aktet nënligjore në zbatim të kodit zgjedhor. Për lehtësi mendoj që të gjitha detajet apo angazhimet të natyrave të ndryshme përsa i përket rregulloreve apo akteve ja lë të gjitha në dorë opozitës, e rëndësishme është të kemi votim të shtetasve tanë jashtë vendit më datë 25 prill. Sigurisht që numri është një problem, në sensin administrativ, por jo në sensin ligjor. Nëse duhet tu informoj aktualisht qeveria po punon të kalojë një akt normativ për shtyrjen e afatit të pasaportave të vjetra, me qëllim që t’i jepet mundësia një numri që është shtruar si kërkesë nga ana e opozitës, një numri që kalon 1 milionë votues, të më korrigjoj z. Bylykbashi nëse e kam gabim. Kjo do të thotë se në situatën e pandemisë, e krijuar dhe të ndërrimit të pasaportave ka një varg problemesh që fillojnë nga brenda vendit, mendo për ata që jetojnë në distanca shumë të mëdha jashtë vendit. Pra, janë mbi 1 milionë votues që janë me pasaporta të vjetra ende që banojnë  brenda territorit të Republikës së Shqipërisë. Kështu që do ta përkrah variantin që ofroi kryetari i KQZ në parim që të shihet si projekt pilot, nga 900, 1 mije,  2 mijë apo 3 mijë  besoj se nuk do të shkojë në një shifër që do të prekë rezultatin real në Shqipëri. Por e rëndësishme është që ne të kemi cilësinë e të votuarit të shtetasve jashtë vendit. Pastaj ajo që vjen më pas është një proces që do të kërkojë nga të gjithë strukturat administrative, nga KQZ, Drejtorisë së Gjendjes Civile, zyrave konsullore e kështu me radhë një punë që sigurisht do të jetë përgatitore për zgjedhjet që do të vijnë më pas, por e ritheksoj ligji duhet zbatuar dhe nuk besoj se ka të nevojshme KQZ nevojën që për aktet e tij që janë në të drejtën e tij legale, pasi ligji i ka dhënë fuqi të plota pothuajse në formën e Gjykatës Supreme përsa i përket votimit të shtetasve jashtë vendit të shtojë shkresa në parti për të thënë a jeni dakord a nuk jeni dakord. Me eksperiencë time modeste dhe të zotit Celibashi ne e dimë që anëtarët e KQZ pasi propozohen nga partitë e tyre që i sjellin në komision mban lidhje online me partitë nuk ka nevojë për ndonjë shkresë nga ana e partive sepse kuptohet menjëherë nga mbledhjet e KQZ se kush është qëndrimi i partive… Unë po e përsëris dhe një deklaratë që besoj nuk e morët në formë shkresore po nga televizioni Top Channel ku përfaqësuesi jonë në KQZ tha le ta sjellë opozita si të dojë variantin formal të rregullave ligjore përsa i përket votimit jashtë vendit,  kështu që mendoj se jemi shumë afër një akti të rëndësishëm kushtetues dhe ligjor. Kështu që janë të gjitha mundësitë që ne ta realizojmë. Kaq”.

Ndërsa përfaqësuesi i PD, Oerd Bylykbashi tha se: Ne duhet të zbatojmë ligjin dhe kjo është çështja kryesore. Në të gjithë aspektet e procesit zgjedhor çështja kryesore që duhet të kemi parasysh është zbatimi i ligjit. Çdo lloj devijimi nga procesi do të na çojë në situata që mund të çojnë në pavlefshmërinë e zgjedhjeve, jo vetëm kjo çështje po çdo çështje e për rrjedhojë nuk mund të flitet me pakujdesi dhe të thuhen gjëra që janë të pambështetura.

Tani të them dhe diçka që është e rëndësishme fare. Vota e emigrantëve së pari dakordësia e partive politike më 30 qershor kur u miratua teksti me konsensus dhe më 23 korrik kur u miratua nga Parlamenti është moment historik. Debati është i gjatë, zyrtarisht ka nisur në vitin 2009, nuk ka pasur kurrë zgjidhje dhe më së fundmi arritë te këto dy nene po që janë shumë të rëndësishme. është i rëndësishëm për aspektin kushtetues, për të drejtën por  është po ashtu i rëndësishëm dhe për diçka tjetër. Ajo që ne shohim gjithnjë e më shumë dhe më qartë në raportet e OSBE ODIHR është presioni mbi zgjedhësit, një nga problemet kryesore që ndeshin zgjedhësit në Shqipëri dhe zgjedhjet në Shqipëri, është një nga themelet e standardeve të OSBE-së të cilat janë sot të dëmtuara rëndë nga procesi zgjedhor dhe pjesëmarrja në votim e emigrantëve do të ishte një numër votash nga zgjedhësit shqiptarë që në shumicën dërrmuese të tyre janë jashtë çdo lloj kontrolli apo presioni nga instrumentet shtetërorë apo kriminal që janë të përfshira në zgjedhje. Tashmë janë të njohura. Nuk ka administratë shtetërore që mund të bëjë presion nuk mund tu ofrohen vende pune. nuk mund të shkojnë inspektorate shtetërore për tu bërë presion bizneseve të tyre  etj., pra nuk mund të blihen kollaj, kriminelët nuk mund të ushtrojnë presione në zonat e tyre. Dhe sigurisht jemi të gjithë të vëmendshëm për zhvillimet në Shqipëri, sidomos një herë në katër vjet, një herë në 8 vjet mund të jenë faktori deçiziv për rrotacionin politik apo për ndryshimin. Në këtë aspekt përsa i përket opozitës dhe PD në veçanti është një interes shumë i madh që kjo të shkojë drejt në zgjidhje.

Po nuk mund të lë pa nënvizuar një fakt të rëndësishëm tjetër. Kemi një ligj të vitit 2016 i cili është miratuar, por është lënë i vdekur në sirtaret e administratës shtetërore. Nëse do të kishit patur zbatimin me një rigorozitet tipik tonin shqiptar të atij ligji ne sot do të kishim një regjistër me qindra mijëra, për të mos thënë një milion shtetas shqiptarë të cilët do të kishin intersin për të marrë shërbime nga shteti amë dhe mbiu të gjitha për të ushtruar të drejtën e votës. Në këto pesë vite ka pasur kohë mese mjaftueshëm për ta bërë këtë gjë, dhe nuk është bërë asgjë. për fat të keq kemi një shifër që është e dhimbshme kur e dëgjojmë prej 851 shtetas shqiptarë me të drejtë vote. Ndoshta janë 900 persona në totalin e tyre, është e paimagjinueshme. Dhe është pikërisht ky faktori kryesor që e bllokon këtë gjë. Ndoshta z. Majko nuk duhej të ishte ai që ti përgjigjej këtij objektivi, sepse është përgjegjësi kryesore e ministrisë së brendshme. Ministria e Brendshme ka detyrimin dhe udhëheqjen ligjore dhe metodologjike për të garantuar që shtetasit shqiptar të regjistrohen. Këtu vjen një problem shumë i madh. Kushetuta e RSH dhe Kodi Zgjedhor janë shumë strikt ndaj standardeve dhe parimeve për zgjedhjet. Dhe një nga këto është vota e shqiptarëve duhet të jetë e drejt për drejtë, ky është kriter kushtetues po dhe ligjor. Kjo do të garantonte që vota do të ishte e lirë dhe sekrete, dhe sot në procedurat për regjistrimin e emigrantëve që janë të vështira në vetvete, në informacionin tim ka shumë njerëz që kanë aplikuar dhe ende nuk kanë marrë konfirmimin, nuk kemi një procedurë të saktë që garanton nëse, po marr shembull emrin tim, Oerd Bylykbashi që aplikon nga Roma, apo Berlini, regjistron në mënyrë të sigurt vendbanimin e tij në mënyrë që KQZ ti dërgojë fletën e votimit të saktë Oerd Bylykbashit dhe jo dikujt tjetër që mund të keqpërdorë të drejtën e tij të votës. Këto janë probleme që njihen, nuk janë vetëm probleme Shqipërie ka ndodhur dhe në vende të tjera të ngjashme. Por është detyrimi i Ministrisë së Brendshme të garantojë saktësinë e informacionit që merr regjistri Kombëtar i Gjendjes Civile. Çdo informacion tjetër do të ishte falsifikim dhe vepër penale po nuk e garanton sot akti që ka nxjerrë qeveria. Askush nuk e di nëse ato regjistrime dhe vetëdeklarime i përkasin në realitet adresës që japin shtetasit ose do të japin shtetasit. Nëse nuk ndodh kjo nuk mund të ketë siguri procesi i votimit. Sepse KQZ nukj do të dijë me siguri se ku i çon fletat e votimit për votim, nëse ju shkon në shtëpinë individuale apo shkojnë diku tjetër me qindra fletë votimi dhe mund të abuzohet . Kjo është një pasiguri dhe paqrtësi ligjore e papranueshme për standardin e KQZ. Shteti mund të bëjë shumë gjëra në mënyrë tolerante, por kjo pjesë është e hekurt.Sa kohë nuk e ka zgjidhur ende këtë pjesë jemi përpara një blloku që KQZ mund të bëjë aktet e të gjitha dhe pa zgjidhur këtë qeveria nuk mund të ecet para. Për fat të keq nuk e ka bërë ende këtë. Duhet të them dhe diçka tjetër për këtë. KQZ ka hartur një hartë dhe e kemi diskutuar dhe më herët me z. Celibashi, kemi pasur mudnësinë për ta diskutuar por jo në detaje,. Sigurisht debati duhet të jetë publik në Rregullator. Ajo që ne presim pavarësisht këtij akti unë gjykoj që duhet që të kteë KQZ dhe në intersin e diasporës dhe të gjithë zgjedhësve që kemi në diasporë, duhet të ketë në stratgji të qartë se si duhet të zbatohet kjo, nga jo strategji duhet të dalë qartë një rod map dhe një action plan për të gjitha veprimet që duhet të kryejë KQZ ku të jenë të eividentuara që më parë aktet nënligjore që duhet të nxirren dhe nuk dalin njëra pas tjetërs nëq padijeni po të jenë shumë qartë se kush akte bëhen, duhet të ketë një kalendar jo vetëm për aktet po të gjitha veprimet e tjera që vijojnë.

Në momentin kur KQZ miraton këtë gjë është një transparencë e jashtëzakonshme dhe frytdhënëse për të gjithë. KQZ në këtë moment ka miratuar një akt për regjistrimin e shtetasve nga diaspora, i cili për fat në konsideratën tonë, për fat të keq ka një problem themelor me Kodin Zgjedhor. Do e them shumë thjesht, nuk është përgjegjësi e KQZ të hartojë lista zgjedhësish, sepse këtë ia ndalon Kodi Zgjedhor dhe përgjegjësia është vetëm e drejtorisë së Përgjithshme Civile, pra e ministrisë së Brendshme. Pasi themi këtë del përsëri fakti që Ministria e Brendëshme dhe DPGJC nuk ka miratuar as aktet e nevojshme dhe as modulet teknike që të garantojë që siç thotë neni 47 i Kodit Zgjedhor, lista e zgjedhësve nxirret nga regjistri kombëtar i gjendjes civile, pra asnjë burim tjetër, asnjë bazë tjetër të dhënash nga asnjë institucion tjetër. Dhe bindja ime dhe e kolegeve te mi ne PD është që të gjithë problemet zgjidhen, por duhet  një gjë që ta bëjmë patjetër dhe e degjova dhe nga z. Celibashi ne duhet të vazhdojmë punën pa diskutim, pavarësisht çdo afati tjetër që paketa e akteve nënligjore të përmbyllet në mënyrë që pasi të kalojnë zgjedhjet e 2021, të mos ndodh siç ka ndodhur në procese të tjera që harrohet për katër vite dhe rikapim këtë diskutim ps 4 vitesh. Unë gjykoj që ne duhet të fokusohemi drejt zgjidhjes por zgjidhjet të jenë absolutisht në përputhje me ligjin. Kështu siç e kemi situatën është shumë e vështirë, por diskutimi do të na çojë në një përfundim konkret. Ju falenderoj dhe jam i hapur për pyetjet më pas.

Ndërkohë, Z.Destani, dekaroi ndër të tjera se, “mendon që KQZ dhe kryetar Celibashi, në bashkëpunim dhe me organet kopetence, e dinë ma se miri, se si mund të zgjidhet dhe te realizohet e drejta e votes per shtetasit e Shqiperisë jashtë vendit. “Shqiptarët jashtë vendit janë gjithmonë të pa ndarë me atdheun e tyre. Dhe, këtë e kanë vërtetuar saherë e kërkon nevoja. E drejta e votës është edhe një hapje dere, si dhe forcim i besimit të diasporës per investime nga nga ana e saj në Shqipëri. Ne, diaspora shqiptare, duam ta shikojmë një Shqipëri të lulëzojë nga investime të mëdha. Vendet tona kanë më shum se kurrë nevojë për zhvillim dhe hapjen e vendeve të reja të punës”, theksoi Destani, cilas të cilit, “e dejta e vonës është legjitime për diasporën, njëkohësisht edhe një afrim i saj me vendlindjen”.

Në bazë të kodit zgjedhor KQZ duhet të kishte kaluar aktet  nënligjore për realizmin e votës së Diasporës brenda 6 muajsh, afat ky që ka përfunduar në datën 20 shkurt 2021.

KKD, të hënën mbledh politikën dhe shton presionin: Të zgjidhet ngerçi i votës tonë

Këshilli Koordinues i Diasporës, duke e konsideruar kohën e shkurtër në dispozicion për realizimin e kuadrit të nevojshëm ligjor për realizimin e votës së Diasporës për Zgjedhjet e përgjithshme Parlamentare të 25 Prillit 2021 në Shqipëri ka shtuar presionin mbi organet përgjegjëse. Nëpërmjet një thirrje publike fton ditën e hënë, datë 22 Shkurt 2021, në orën 18:00, në një takim virtual të gjitha palët e përfshira në procesin e realizimit të votës së Diasporës me qëllim për të zhbllokuar ngërçin e konstatuar në proçes. KKD ka ftuar të bëhen pjesë e këtij takimi online Z. Ilirjan Celibashi, Kryetar i Komisionit Qendror të Zgjedhjeve, Z.Ilir Meta, President i Shqiperisë, Z. Edi Rama, Kryeministër i Shqiperisë, Z. Lulzim Basha Kryetar i Partisë Demokratike, Znj. Monika Kryemadhi, Kryetare e Partisë Lëvizja Socialiste për Integrim, Z. Pandeli Majko, Ministër i Shtetit për Diasporën, Znj. Erinda Ballanca, Avokate e Popullit, Z. Bledar Milaqi, bashkëthemelues i Lëvizjes “Diaspora për Shqipërinë e Lirë”, Z. Lirim Krasniqi, Drejtor Ekzekutiv i Germinit, Z. Marin Nati, përfaqësues i Shoqatës së Avokatëve Shqiptaro-Kanadez, Përfaqësisë së OSBE-së në Shqipëri, Ambasador Vincenzo Del Monaco.

Marrë nga faqja e KKD ne Facebook

Diaspora nis konsultimet për planin e veprimit 2021-2024. Ardian Lekaj dhe Lazim Destani: Shqipëria duhet të dijë të afrojë diasporën dhe investimet e huaja

Më 19 Shkurt 2020 filloi proçesi i konsultimit për Strategjinë e Komunikimit për Diasporën 2021-2024, e cila do të mbështesë përpjekjet e përbashkëta të Ministrit të Shtetit për Diasporën, institucioneve përkatëse, shoqatatve dhe përfaqësuesve të Diasporës, për të integruar më mirë Diasporën në jetën shoqërore dhe ekonomike të vendit.

Më shumë se 25 pjesëmarrës, anëtarë të diasporës shqiptare përfshirë përfaqësues nga Këshilli Koordinues i Diasporës morën pjesë në takimin e parë konsultues të zhvilluar online.
Diskutimet aktive të përfaqësusve të diapsorës shqiptare në disa vende të botës, u përqëndruan tek çështjet më me interes për diasporën, mbështetjen që ata presin nga qeveria shqiptare si edhe mënyrat e komunikimit me ta. Konsultimi do të vazhdojë me grupe të tjera interesi institucione të tilla të angazhimit në diasporë, media dhe përfaqësues të tjerë kryesorë nga diaspora e Shqipërisë.

Kryetari i Dhomës së Bisnesit të Diasporës Shqiptare, Ardian Lekaj tha gjatë fjalës së tij se, duhet të krijohet një testimonial, në mënyrë që Diaspora të ndihet në Shqipëri, si në shtëpinë e vet, duke nënkuptuar qartë dhe mundësinë e votës së diasporës. “Në këto kushte, tha Lekaj, kur dhe ne shqiptarët në diasporë do të trajtohemi e ndihemi si në shtëpinë tonë, patjetër qe do të kemi më shumë detyrime për shtëpinë e do të ndjehemi më mirë, më të vlerësuar dhe domosdoshmërisht dhe më të inkurajuar për te kontribuar sa më shumë”.

Lazim Destani, Anëtar i Këshillit Koordinues të Diasporës, si dhe President Nderi i Dhomës së Binznesit të Diasporës e Kryetar Nderi i Lidhjes së Diasporës në Botë, tha gjate takimit se, na duhen projekte per gjithe hapesiren shqiptare. “Kjo që po bëni është një nismë shumë e mirë. Na duhet të komunikojmë më shumë dhe do të gjejmë ura të reja bashkepunimi”, theksoi Destani, duke shtuar se gjatë gjithë kohës, ai dhe kompanitë e forta të diasporë jane në komunike me investitorë të rëndësishëm ndërkombëtarë, me qëllim orientimin e tyre drejt Shipërisë dhe trojeve shqiptare. Por, sipas filantropit Destani, edhe Shqipëria do të duhet të dijë si t’i afrojë këto kompani, t’i joshë ato me oferta me interes dypalësh, të dijë t’ju ofrojë garanci, siguri dhe kushte investimi.
Strategjia e Komunikimit për Diasporën 2021-2024 dhe Plani i Veprimit po mbështetet nga Programi IOM “Angazhimi i Diasporës Shqiptare në Zhvillimin Social dhe Ekonomik të Shqipërisë”, financohet nga Ministria Italiane e Punëve të Jashtme dhe Bashkëpunimit Ndërkombëtar dhe realizohet në bashkëpunim me Ministrin e Shtetit për Diasporën, Ministrinë për Evropën dhe Punët e Jashtme, Ministrinë e Financave dhe Ekonomisë (nëpërmjet Agjensisë për Investimet Direkte në Shqipëri (AIDA)), si dhe Agjencinë Italiane të Bashkëpunimit për Zhvillim (AICS) në Tiranë.

Deputeti gjerman: Liberalizimi i vizave për Kosovën të ndodh tani, BE është duke humbur kredibilitetin

Raportuesi për Kosovën në Këshillin e Evropës, Peter Beyer derisa ka uruar popullin e Kosovës për 13 vjetorin e pavarësisë, ka kërkuar që kosovarëve t’iu hiqen vizat. Beyer përmes një postimi në Facebook ka shkruar se liberalizimi i vizave për qytetarët e Kosovës është një premtim i parealizuar i BE-së.

“Siç kishte thënë ambasadori Prof. Wolfgang Ischinger:” Ok, le ta bëjmë tani! Liberalizimi i vizave për të gjithë qytetarët e Kosovës është një premtim i parealizuar i BE-së. Ka vonuar shumë – kredibiliteti i BE është në rrezik! “- me të cilën unë pajtohem plotësisht dhe e përforcoj duke thënë: Nuk ka më justifikime të ndyra. Liberalizimi i vizave tani!”, ka shkruar Beyer.

Deputeti i Bundestagut ka dhe një raport mjaft të mirë bashkëpunim e ndarje mendimesh me Filantropi Lazim Destani. Ky i fundit herë pas here ka ndarë në rrjete sociale takime mjaft të rendësishme sa i përket shkëmbimit tregëtar, ekonomik dhe vlerave të shoqërisë e kombit shqiptar. Me deputetin e Bundestagut gjerman, Peter Beyer, biznesmeni i njohur nga Tetova dhe njëkohësisht Kryetari i Bordit të kompanise Ecolog International, ka shkëmbyer mendime për përkrahjen që Gjermania do t’i japë Kosovës, e shqiptarëve në Disporë.

Si një nga kontribuesit më të mëdhenj të kombit shqiptar dhe shqiptarëve në trevat shqipfolëse, Lazim Destani është kujdesur që me deputetin gjerman të diskutojë mbi ekonominë e vendeve të Ballkanit Perëndimor. Së fundmi Bashkimi Europian do të investojë rreth 20 miliardë euro. Investime të cilat synojnë rimëkëmbjen ekonomike të shtetet ballkanike. Një nga diskutimet me vlerë të takimeve mes Destanit dhe Beyer ishte edhe liberalizimi i vizave për Kosovën. Një hap i rendësishëm drejt Europës i cili synon mbështetjen e kontinentit ndaj shtetit të ri të Kosovë.

Qendra Alert / Alert.al

Promovohet libri “Demografia e Kosovës” i Hivzi Islamit, akademikët e vlerësojnë si vepër kolosale

Kancelarja Merkel i përgjigjet KKD: Liberalizimi i vizave për Kosovën, pritet raporti i KE

Gjatë muajit korrik 2020 kohë në të cilën Gjermania mori presidencën e radhës gjashtëmujore të Bashkimit Evropian, Këshilli Koordinues i Diasporës i dërgoi kancelares Angela Merkel një letër ku kërkonte liberalizimin e vizave me Kosovën. Letër e cila këto ditë ka marrë përgjigjen zyrtare nga Bundestagu Gjerman.

“Ne kërkojmë falje për faktin se vetëm tani po ju përgjigjemi. Letra e Këshillit Koordinues të Diasporës shqiptare e datës 14 Korrik 2020 gjithashtu arriti drejtpërdrejt tek Kancelarja. Sidoqoftë, në përputhje me procedurën e zakonshme me letra drejtuar shtypit, nuk u dha asnjë përgjigje. Gjatë Presidencës gjermane të Këshillit të BE‐së, çështja e liberalizimit të vizave për Kosovën u vu në agjendat e grupeve përgjegjëse të punës së Këshillit si dhe u diskutua atje. Sidoqoftë, kjo hasi në skepticizëm të qartë nga disa shtete anëtare të BE‐së”, sqaron në letër përgjigjen e tij kreu i Kancelarisë Federale Gjermane, Ministri Federal, Prof. Dr. Helge Braun.

Sipas Braun për përpunimin e mëtejshëm të dosjes tani pritet një raport i azhurnuar nga Komisioni Evropian mbi përmbushjen e kritereve të udhërrëfyesit të vizave (Visa‐Roadmap).

“Kjo është akoma në pritje (pending). Ne dëshirojmë t’ju falënderojmë pëzemërsisht për përpjekjet tuaja në këtë çështje, si dhe për kontributin e ekspertizës suaj dhe mbajtjen e kontakteve të mira me vendimmarrës të rëndësishëm në vendet e Ballkanit Perëndimor”, përfundon ai.

Në fillimi tw muajit Korrik 2020, Gjermania mori presidencën gjashtëmujore të Bashkimit Evropian. Me këtë rast, Këshilli Koordinues i Diasporës (KKD) i dërgoi Kancelares  gjermane Angela Merkel urimet më të mira si dhe kërkon angazhimin e saj për liberalizimin e vizave për qytetarët e Republikës së Kosovës.

Letra e KKD për Kancelaren Merkel:

Këshilli Koordinues i i Diasporës i kërkon Kancelares Merkel liberalizimin e vizave për qytetarët e Kosovës

Pas ndërhyrjes për riparimin e dëmeve nga shëmbjet dhe shiu, Lazim Destani dërgon kamionët me ushqime e ndihma në Bozofcë

TETOVË – Reshjet e dendura të shiut të para pak ditëve, që shkaktuan probleme të mëdha me rrëshqitje toke e dëmtime bazesash në fshatrat Bozofcë e të tjera përreth Tetovës, në Maqedoninë e Veriut, shkaktuan probleme të mëdha për shumë familje. Menjëherë pas shiut, temteraturat ranë në minus dhe familjet e dëmtuara u përballën me kushtë të vështira, sidomos ekonomike. Në këtë situatë, dikush duhet t’ju vinte në ndihmë banorëve të këtyre zonave. Në mungesë të ndihmës së institucioneve shtetërore, ishte biznesmeni e filantropi Lazim Destani, me origjinë nga Bozofca, i cili iu erdhi në ndihmë familjeve të dëmtuara në këtë zonë. Banorët e Bozofcës, të cituara nga mediat lokale, thanë se, kanë përjetuar një katastrofë natyrore nga reshjet e mëdha, që u shoqëruan me shembje të dheut, duke shkaktuar dëme të konsiderueshme materiale. Por sipas tyre, Lazim Destani dhe kompania e tij Ecolog International, kanë dorëzuar materiale ushqimore për banorët Bozofcës, ndërsa u ka premtuar edhe ndihmë në rregullimin e problemit që ata i dëmton prej vitesh.

Ndërsa profesori Neshat Mehmeti, nga Tetova, shkruan në faqen e tij zyrtare në Facebook se, “më 15 janar 2021, në çdo familje bozovcase buzëqeshi fati si çdo herë më parë, sot u begatuan sofrat në çdo shtëpi e në çdo familje, sot edhe pse kohë me acar e me temperatura shumë të ulëta rrugëve e rrugicave të katundit ishte atmosferë lumturie, falë bashkëkatundarit tonë – humanistit të përmasave mbarëkombëtare – biznesmenit të përmasave ndërkombëtare Z.Lazim Destani.

Familjet pranuan ndihma të konsiderueshme me produkte ushqimore dhe sanitare. Në këtë kohë shumë të rëndë për shkaqe të pandemisë COVID-19 që e thelloi edhe më shumë papunësinë. Kjo ndihmë e bashkëkatundarit tonë është shumë e madhe duke marrë parasysh rrethanat ekonomike në vend dhe më gjerë”, shkruan Mehmeti. Ai vijon më tej se, “Lazim Destani është krenaria Jonë, çdo herë na ka përkrahë e na përkrah, na ka mbështet e na mbështet, na ka ndihmuar e na ndihmon”.

Pak ditë para kësaj, kur Bozofca e fshatra tjera malore mbi Tetovë pësuar dëme të mëdha nga reshjet e shiut, i vetmi që u ka ardhur në ndihmë menjëherë banorëve ka qenë filantropi Lazim Destani. Sapo ka mësuar lajmin, pronari i Kompanisë Ecolog ka dërguar përfaqësuesit e tij bashkëpunëtorë për të mësuar më tepër mbi nevojat emergjente që këto familje kanë. Origjinën e familjes biznesmeni Lazim Destani e ka pikërisht nga ky fshat i Tetovës, ndaj përgjegjësia e tij ka qenë e dyfishtë.

Lazim Destani

Mësohet se, Destani do të ofrojë gjithçka në ndihmesë të banorëve, që nga rikonstruktimi i rrugës e deri te riparimi i dëmeve në banesa. Kjo problematikë e vazhdueshme ka bërë që nga 160 familje që ka pasur ky fshat, të mbeten aktualisht rreth 30 të tilla. Shpopullimi i fshatit për shkak të mungesës së investimeve në infrastrukturë po ndodh në mënyrë të shpejtë dhe ky fenomen do të përhapet edhe më tepër përsa kohë banorët janë pa mbështetje nga qeveria.

Alert.al

Eliot Engel, është memorie e gjithë rrugëtimit historik të Shqiptarëve, në tre dekada, një mirënjohje e pafund e të gjithë shqiptarve

Nga Beqir SINA – New York

Eliot Engel është padyshim një histori e vërtetë suksesi amerikan

Eliot Engel, një prej miqve më të mëdhenj të shqiptarëve dhe mbështetës i fuqishëm i çështjes Shqiptare dhe veçanërisht Kosovës, demokratizmit të Shqipërisë, i pakursyer dhe i gjithë-vullnetshëm në tre dekakda, u largua nga Kongresi amerikan pas më shumë se 32 vitesh, si anëtar i saj duke marrë me vete këtë fillim-viti, edhe një “mal” me falënderime, respekte dhe mirënjohje gjithë shqiptare.

E shtunë (2 Janar 2021) ditën e parë të Kongresit, ai ka mbajtur fjalimin e tij të fundit, duke shprehur mirënjohjen për këtë pozitë( representative) të rëndësishme, që ka mbajtur në 32 vjet.

Engel në mes emocionesh që të shkakton një ndarje e tillë, kaq e gjatë, tha se ka qenë nder i madh që mundi të shërbente në atë detyrë(kongresitë), si përfaqësues i zgjedhur i New York-ut.

“Nderi më i madh në Dhomën e Përfaqësuesve, ka qenë kur kam shërbyer në këtë Kongres, dhe e veçantë ishte Ligjëstatura e fundit, ku unë u zgjodha dhe shërbeva për katër vjet si Kryetar i Komitetit për Punët e Jashtme”, tha ai në fjalimin e lamtumirës (Farewell) tha ai.

Mirëpo, edhe në fjalimin e tij të fundit, miku i madh i shqiptarve Eliot Engel, nuk la pa permendur Iliriadën dhe veçanërisht Kosovën, për të cilat tha ai se tashmë ato kanë zënë një vend të veçantë në zemrën e tij.

Dhe, për këtë natyrisht që një falëmnderim të veçantë i adresohet atij që e “zbuloi” dhe lidhi me shqiptarët e çështjen shqiptare, miku i tij i ngusht dhe i përjetshëm. Ashtu si ka thënë shpesh herë vet Engel, sa here që fliste, për Kosovë, ai do të përmendete atë që e lidhi me Kosovën, dhe pikërisht veprimtarin e njohur nga Kosova, Harry Bajraktari.

Me këtë rast falëmenderimi shkon për edhe gjithë miqtë e tij, shqiptarë në Amerikë, përfshirë veprimtarin Rrustem Geci, të cilët ishin ata që e kanë njohur edhe me Rugovën, që prej ditës së pare kur erdhi në Amerikë,(1990).

Shqiptarët e Amerikës, diaspora e vjetër në veçanti ka meritën e jashtëzakonshme për afirmimin me çështjen e Kosovës në Shtetet e Bashkuara të Amerikës, të Eliot e Engel, Presidentve, Bush i vjetër, Klinton, e Bush i ri, senatorve dhe kongresistëve, sekretarve të Shtetit, si edhe për afrimin e miqësinë e fortë mes Kosovës e Shteteve të Bashkuara të Amerikës.

Rugova ka qenë një ndër ata që e çmonte shumë ndihmën amerikane, në të gjitha fazat e rrugëtimit të saj për liri, pavarësi e demokraci, dhe mikun e tij Eliot Engel.

Ai po ashtu sa ishte gjallë e vlerësonte kontributin e Kongresistit Engel, dhe të gjithë senatorëve, kongresistëve dhe zyrtarëve të Departamentit Amerikën të Shtetit, përfshirë dh e ish kongresistin Joseph Dioguardi, lobistin e madh të çështjes shqiptare, kryetarin e Lidhjes Qytetare, i cili ka një rol dhe kontribut historik, për lirinë e çlirimin e Kosovës.

Rugova, asnjeher nuk la pa permendur, shqiptarët e Amerikës, që po ashtu aq shumë e vlerësonte kontributin e komunitetit shqiptar në Amerikë.

“Gjithmonë, ka pasur një vend special në zemrën time për Ballkanin dhe posaçërisht për Kosovën. Në 1999-ën, mbështeta administratën Klinton për ndërhyrjen në Ballkan. E dimë me siguri se ajo ndërhyrje ndaloi një gjenocid. Që prej asaj kohe kam qenë një kampion për pavarësinë dhe sovranitetin e Kosovës. Ai vend ka bërë hapa të jashtëzakonshëm dhe njihet nga Shtetet e Bashkuara, Mbretëria e Bashkuar, Franca, Gjermania, Japonia dhe shumë kombe të tjera të rëndësishme”, tha Engel, në fjalimin e lamtumirës, më 2 janar.

I rritur në Bronx në mesin e shekullit të 20-të, Eliot Engel, djali i një farkëtari hebre, dhe pinjoll i emigrantëve hebrenj, që u larguan nga Rusia cariste, një shekull më parë, ai nuk e imagjinonte kurrë se për falëmenderim, mirënjohje dhe respekt do të shihte veten gjatë këtyre tre dekadave , edhe në një pullë poste në Kosovë, e cila u emtua me portretin “Eliot Engel”, një Bulevard në qendër të Pejës, “Eliot Engel Blvd”, por edhe një rrugë “Eliot Engel Street” që rrugë lidhëse Kosovë – Shqipëri – Gjakovë me Tropojën, për nder të tij.

Ndërsa, Demokrati i Nju Jorkut, dhe ish-kryetari i Komitetit të Punëve të Jashtme të Dhomës së Përfaqësuesve, i jep fund karrierës së tij 32-vjeçare në kongres, ai shikon prapa në një jetë shërbimi për një vend që ai beson se është ende forca më e madhe e botës për të mirë, Shtetet e Bashkuara të Amerikës.

“Nëse duam të bëjmë ndryshime në botë, nëse ka gjëra që duam të shohim në botë, nëse do të jemi lider botëror, ka përgjegjësi që vijnë së bashku me këtë,” tha Engel në një intervistë të largimit nga Capitol Hill, këto ditë, duke shtuar se : “Ne jemi udhëheqësit dhe duhet të veprojmë, ashtu si na besojnë ata që na votojnë, dhe na japin të drejtën për të përfaqësuar.”

Eliot Engel, është padyshim një histori e vërtetë suksesi amerikan.

Engel u rrit i varfër në një nga lagjet e strehimit të familjeve me të ardhura të papërballueshme në Bronx-New York. Ai, ndoqi shkollat publike të New York City, dhe u diplomua nga Hunter College. Nga një ish mësues dhe këshilltar i këshillit të qytetit, përpara se të merrte një diplomë juridike, do të kthehej te politika.

Engel thotë se kontributi i tij, me çështjen shqiptare nuk ka mbaruar, ai ka premtuuar se do të vazhdoi me të gjitha mundësit e tij, së punuari dhe po planifikon që hapat e tij të ardhshëm t’ja kushtoi Kosovës, Shqipërisë, lirisë dhe të drejtave të njeriut për shqiptarët në Luginën e Preshevës, shqiptarve në Mal të Zi, dhe Maqedoninë e Veriut.

Eliot Engel, hyri në Kongres në 1989, në ditët më të “nxehta”, ato të fundit të Luftës së Ftohtë, vitet e historike, që u shënuan me rënëjen e Komunizmit, shëmbjen e Murit të Berilinit, shkërmoqjen e Jugosllavisë, dhe rrëzimin e komunizmit në Shqipëri, rrëzimin e shtatores së Enver Hoxhës, revoltat studentve në Shqipëri për Liri e Demokraci.

Këto ngjarje historike, duket se veçse ja shtuan interesin e tij për politikën e jashtme, ngase si mësojmë nga biografia e tij, ai vetë vinte nga një familje hebraike, ku babai i tij, thuhet se ishte një punëtor në profesion farkëtar, por një anti-komunist i zjarrtë.

Kur u pyet për të renditur tre detyrat e tij të preferuara katër vjet më parë, si kryetari i Komitetit të Punëve të Jashtme të Dhomës së Përfaqësuesve, Engel, deklaroi “punët e jashtme” në të tre fjalë sinjikative. Dhe, spjegojë se përse u përgjigjë shkurt me tre fjalë : “Unë e kuptova se gazetarët do të merrnin ato tre fjalë si një aluzion,” tha ai.

Roli i Engel që nga ajo kohë ka qenë për të mbështetur një politikë të jashtme ndërhyrëse neo-qendrore, neo-liberale, e cila ka rënë nga moda si në të djathtën dhe në të majtën amerikane – por ai ende beson në të, thanë njohësit e tij.

Shembulli i suksesit të tij që ai tregoi është se Engel ndihmoi të formësohej te: ndërhyrja e udhëhequr SHBA, me NATO-n, në Kosovë në 1999 kundër Serbisë, e cila ndaloi spastrimin etnik të shqiptarve dhe lindi një shtet të ri, një shtet ku ai është ende i nderuar.

“Me Kosovën, spastrimi po funksiononte me një gjenocid të ri, në zemër të Evropës,” ka thënë Engel. “Dhe, nëse dikush kishte shumë dijeni për Holokaustin, mendonte se nuk mund ta linim në Kosovë një spastrim etnik, ku njerëzit në Kosovë, thjesht do të masakroheshin vetëm sepse ishin Shqiptar.”

Po ashtu ai ka pranuar dhe është ankuar në Capitol Hill, për gabimet e bëra në ndërhyrjet e tjera të SHBA, duke përfshirë Irakun, Afganistanin, Libinë dhe Sirinë. Por, Engel, thuhet se beson që Shtetet e Bashkuara, duhet të përdorin fuqinë dhe ndikimin e tyre për të mbrojtur lirinë, dhe të drejtat e njeriut kur është e mundur, kudo në botë.

Katër vitet e fundit të mandatit të kongresit të Engel si kryetari i Komitetit të Punëve të Jashtme të Dhomës së Përfaqësuesve, ishin me përçarjet. Komiteti i tij ishte shumë i përfshirë dhe luftoi për të menaxhuar mbikëqyrjen e dy sekretarëve të shtetit të Trump, Rex Tillerson dhe Mike Pompeo.

Së fundi: Eliot Engel, është padyshim një histori e vërtetë suksesi amerikan, dhe për Shqiptarët, është memorie e gjithë rrugëtimit historik të Shqiptarëve, në tre dekada, një mirënjohje e pafund e të gjithë Shqiptarve.

 

Largimi nga Kongresi Amerikan, Filantropi Lazim Destani vlerëson mikun Eliot Engel: Zëri i pandalur për çeshtjet shqiptare

Pas një shërbimi afro 32 vjeçar në Kongresin Amerikan, Eliot Engel mbyll ciklin e tij pas 16 mandateve në zgjedhje. I njohur si miku më i shtrenjtë i shqiptarëve, e veçanërisht Kosovës, Engel ka qenë një përkrahës i vazhdueshëm për kombin shqiptar. Filantropi Lazim Destani ka përshëndetur dhe uruar kongresmenin për të gjithë përkushtimin e tij të pakursyer ndaj popullësisë shqiptare. Mesh shumë përgëzimesh, Destani shpreh kontributin që Engel dha për rritjen e demokracisë, çlirimin dhe anëtarësimin e Kosovës në NATO.

Lazim Destani shkruan në facebook: 

Respekt dhe mirënjohje pafund për Kongresistin Eliot Engel me rastin e përfundimit të punës së tij në Kongresin Amerikan ku ai shërbeu për më se tri dekada. Gjatë gjithë kësaj periudhe në Kongres, Eliot Engel ka qenë ndër zërat më të fuqishëm në mbrojtje të çështjes sonë kombëtare e të promovimit të demokaracisë në rajonin e Ballkanit. Është i jashtëzakonshëm kontributi i tij në mbështetje të çlirimit dhe pavarësisë së Kosovës dhe të anëtarësimit të Shqipërisë në NATO. Si ekspert i rrethanave në Ballkan, ai është dalluar me përkrahjen që i ka dhënë angazhimit të Shteteve të Bashkuara për konsolidimin e paqes, stabilitetit dhe ndërtimit të institucioneve demokratike në vendet e rajonit tonë. Jam i bindur se miku ynë Eliot Engel do të vazhdojë me aktivitetet dhe kontributin e tij për zhvillimin e mëtejshëm të proceseve demokratike në vendet e rajonit tonë. Falënderimet dhe mirënjohjet më të thella për këtë mik të madh të kombit tonë, për Kongresistin Eliot Engel – tha Destani.

Kujtojmë se dy vite më parë, Eliot Engel e nderoi filantropin shqiptar Lazim Destani në një ceremoni me flamurin amerikan. Pikërisht ky flamur që ishte dhuratë për z.Destani u valëvit me 4 korrik në Washington Hill. “Ky flamur u valëvit për t’ju nderuar juve në 4 Korrik, miku im. Unë jam shumë krenar për miqësinë mes popullit shqiptar dhe popullit amerikan. Kemi një diasporë të mrekullueshme shqiptare, e përqendruar sidomos në Nju Jork, por e shtrirë kudo dhe unë kam pasur rastin t’i vizitoj në Detroit, Chicago dhe Boston”-shprehej asokohe Engel për filantropin Lazim Destani.

Tradita amerikane nderon më 5 korrik, një ditë pas festës së pavarsisë, miqtë dhe bashkëpunëtorët më të mirë e të veçantë duke iu dhuruar flamurin që ngrihej mbi Capitol Hill. Një vlerësim të tillë e ka edhe sot familja Destani, një prej mbështetësve të vlerave të kombit shqiptar si dhe Diasporës.

Lazim Destani është i njohur edhe në komunitetin shqiptaro-amerikan, si pjesëmarrës i rregullt i darkave vjetore të Këshillit Kombëtar Shqiptaro Amerikan, ku është njohur edhe me kongresistit Engel. Disa vite më parë, gjatë një vizite në Ballkan, i shoqëruar nga aktivisti Harry Bajraktari dhe botuesi i gazetës “Illyria”, Vehbi Bajrami, kongresisti Engel ndaloi në Tetovë për t’u konsultuar me zotin Lazim Destani, të cilin e përgëzoi për nismat e tij për përparimin e shoqërisë shqiptare në Maqedoni.

Qendra Alert / Alert.al

Ecolog në krye të luftës kundër Covid-19, fillon vaksinimi në shtetin e Gjermanisë

Si formë e parandalimit të shpërndarjes masive të virusit Corona gjatë festave të fundvitit, shteti gjerman aprovoi fillimin e vaksinimit të popullsisë, më i madhi vaksinim në historinë gjermane të post-luftës. Ecolog International përmes brandit EcoCare mbështet procesin e vaksnimit që filloi sot në Gjermani, megjithse kjo kompani ka qenë krah shteti gjerman që nga fillimi i pandemisë së Covid-19. Në fillim me testimet masive, duke vazhduar me ofrimin e mbështetjes logjistike në ndërtimin e qendrave të vaksinimit dhe tashmë me operim të këtyre qendrave.

– Vaksinimi si proces është sfidues për shumë shtete, por Gjermania ia beson këtë Ecolog International
– Sfidat globale, kërkojnë zgjidhje në kohë rekorde dhe me nivel profesionalizmi maksimal; por janë sfida aspak të frikshme për gjigandin e fushës sër shërbimeve Ecolog International
– Ecolog International me paketë të plotë dhe komplekse të zgjidhjeve për shtetin gjerman, që nga testimi e deri në vaksinim
– Ecolog ekspert i zgjidhjeve komplekse , rapide dhe maksimalisht profesionale vazhdon të dëshmoj pse është i pari

Vaksinimi bëhet në qendra vaksinimi dhe në formë mobile përmes ekipeve mjekësore mobile, kompania Ecolog është pjesë e të dy formave, duke ofruar ekip mjekësor dhe administrative në qendrat e vaksinimit, ndërsa ekipet mobile të vaksinimit janë të përbërë nga mjek, teknik medicinal, si dhe punonjës adminsitrativ. Formën mobile të vaksinimit Ecolog e mbështet në më shumë qytetet gjermane, paralelisht procesi mbështetet edhe në qendrat e vaksinimit me kapacitet maksimal të mundshëm.  Një nga qendrat e vaksinimit të Ecolog, të premten u vizitua nga përfaqësues të lartë shtetëror dhe nga media të shumta, që u pritën nga kryeshefi mejksor, Dr. Thomas Liedtk.

“Pas përvojës sonë me testet masive për zbulimin e koronës në vende të shumta ndërkombëtare, ne jemi të kënaqur që jemi në gjendje të japim një kontribut në luftimin e koronës në rajonet qendrore të Gjermanisë me vaksinat tona. Me stafin tonë të trajnuar posaçërisht për këtë detyrë, ne do të sigurojmë që qendrat e vaksinimit të funksionojnë mirë. Një shqetësim i veçantë i yni është kujdesi për njerëzit që nuk janë më të lëvizshëm, për shembull në institucionet e kujdesit për të moshuarit dhe infermierët, të cilët i përkasin grupit të veçantë të rrezikut në rast sëmundjeje, dhe mbështeten nga ekipet tona të vaksinimit mobil”- tha Liedtk para mediave të premten.

Përndryshe që nga shfaqja e pandemisë së Covid-19, kompania Ecolog International, ka zgjeruar fushën e veprimit dhe tashmë ofron edhe shërbime shëndetësore, përmes brandit EcoCare e cila funksionin në disa drejtime kryesore si organizimin e testime masive, krijimin dhe operimin e qendrave të vaksinimit dhe ekipeve të lëvizshme të vaksinimit në shtete të ndryshme brenda dhe jashtë Bashkimit Europian, përfshirë Gjermaninë, Luksemburgun, Belgjikën, Holandën, Mbretërinë e Bashkuar, etj. Ndërsa ekipet mobile të vaksinimit janë të përbërë nga mjek, teknik medicinal, si dhe punonjës adminsitrativ. Formën mobile të vaksinimit Ecolog e mbështet në më shumë qytetet gjermane, paralelisht procesi mbështetet edhe në qendrat e vaksinimit me kapacitet maksimal të mundshëm.

“Eco Care” do të jetë përkujdesja maksimale ndaj qytetarëve të Gjermanisë dhe jo vetëm, përsa i përket kryerjes së vaksinës. Dozat e para kanë mbërritur e kështu në shumë qendra janë shpërndarë mjekët për kryerjen e vaksinës së Covid-19″. Ky është lajmi i mirë që vjen si raportim i mediave gjermane, të cilat po përcjellin hap pas hapi procesin e vaksinimit të saponisur në Gjermani e mbarë Evropën.

Eksperienca e mëparshme në kryerjen e tamponëve në aeroportet më të rendësishme të Gjermanisë dhe më gjërë e ka bërë Ecolog Intermational, një kompani mjaft e besueshme dhe profesionale. Kujtojmë, se Ecolog kreu tamponimin të gjithë shtetasve të Luksenburg. Një angazhim i lartë dhe mjaft profesional në gjurmimin e pacientëve me Coronavirus. Tashmë hapi i radhës është kryerja e vakainës në popullatë, e cila kërkon një angazhim edhe më të lartë. Ndërkohë, që “EcoCare”, pjesë e Ecolog, kryen dhe testimet për Covid në aeroportet e Eindhoven në Hollandë dhe ato më të mëdhatë në Gjermani.

Në Gjermani, aktualisht llogariten mbi 1.6 milionë të infektuar dhe rreth 30 mijë të vdekur. Vaksinimi fillimisht do të shtrihet në qendrat e përkujdesit shëndetësor, e më pas në grupet më të rriskuara. “Eco Care” do të jetë pjesë e këtij rrugëtimi për imunizimin e popullatës, kompani në pronësi të familjes Destani nga Tetova vjen dhe si dedikim ndaj përkujdesit për njerëzit në nevojë nëpërmjet Ecolog, do të jenë edhe këtë herë pranë çdo kujt, e të gjithë shqiptarëve.

Pas gjithë këtij përkushtimi qendron filantropi Lazim Destani. Si një nga biznesmenët më të suksesshëm shqiptar, Destani është Kryetar i Bordit Mbikqyrës së Ecolog International. Kontributi i Lazim Destanit ka qenë i vazhdueshëm edhe në Shqipëri, së fundmi duke ndihmuar fëmijët të përftojnë akses në mësimin online për shkak të pandemisë duke dhuruar mijra telefona e tabletë. Pandemia ka shkaktuar beteja të vërteta jo vetëm në shëndetësi por edhe në fusha të tjera sociale. Ndaj mbështetja ndaj personave në nevojë do të jetë i menjëhershëm dhe si vazhdimi i një misioni për mbështetjen dhe promovimin e vlerave dhe kulturës shqiptare në Diasporë e më gjerë.

Qendra Alert / Alert.al