Menu

Diaspora

COVID-19, kontributi i Diasporës Shqiptare në Itali

Programi i IOM Albania “Angazhimi i Diasporës Shqiptare në Zhvillimin Social dhe Ekonomik të Shqipërisë”, punon me komunitetet shqiptare në të gjithë Italinë. Konsulentët tanë në rajonet: Lombardi, Emilia Romagnia, Toscana, Piedmont, Lazio dhe në komunitetin Arbëresh janë dëshmitarë të ndikimit të #Covid19, si dhe të kontributit e madh të Diasporës Shqiptare në komunitetet lokale ku ata jetojnë. Z. Besmir Rrjolli , Konsulenti ynë për rajonin e Lombardisë, një nga rajonet më të prekura nga pandemia, sjell një përmbledhje të përgjithshme të situatës së Diasporës Shqiptare në Lombardi dhe kontributit të tyre.

Qendra Alert/Alert.al

Senati konfirmon drejtorin e ardhshëm të CIA. John Ratcliffe, mik i filantropit Lazim Destani dhe mbështetës i çeshtjeve shqiptare

John Ratcliffe ka lidhje të forta me komunitetin shqiptar në Shtetet e Bashkuara të Amerikës dhe njihet si mbështetës i pavarësisë së Republikës së Kosovës dhe çështjes shqiptare në Ballkan. Në 2016-ën, Ratcliffe mori pjesë në Forumin Ekonomik Mbarëkombëtar të Diasporës Shqiptare, ku mbajti edhe një fjalim. Në takime të tjera, John Ratcliffe shfaqet në krah të biznismenit shqiptar nga Tetova Lazim Destani, si mik personal dhe lobist i çështjeve shqiptare.

Nga Beqir SINA – New York

Miku i madh i shqiptarëve John Ratcliffe miratimin nga Senati Drejtor i Inteligjencës Kombëtare, së bashku me bashkëshorten Michele, e feston me mikun e tij shqiptar Ismet Smajli

WASHINGTON D.C.: Seanca dëgjimore për konfirmimin u mblodh sot ndërsa Senati i kthehet në normale, masat të reja në Capitol Hill, tha korrespondentja e FoxNews nga Capitol Hill Chad Pergram.

“Senati të enjten votoi për të konfirmuar kongresistin republikan John Ratcliffe si drejtorin e ardhshëm të inteligjencës kombëtare” tha Pergram.

Ratcliffe, R-Texas, u miratua me 49 vota pro dhe 44 vota kundë. Votimi erdhi pasi inteligjenca kombëtare, institucioni më i lart në SHBA, për sigurinë, e gjeti veten përsëri në mes të një stuhie politike, mbi atë nëse bashkëpunëtorët e Trump ishin “të pa maskuar” në mënyrë të padrejtë në raportet e inteligjencës gjatë ditëve të fundit të administratës së Obamës.

Emërtimi i Ratcliffe u votua fillimisht nga Komiteti i Inteligjencës së Senatit në fillim të kësaj jave me një votë partie nga 8-7, duke reflektuar tensionet e vazhdueshme partizane mbi postin e drejtorit të ardhshëm të Inteligjencës Kombëtare.

“Roli i Inteligjencës Kombëtare – DNI, është thelbësor për sigurinë tonë kombëtare, dhe unë mezi pres të punoj me Drejtorin Ratcliffe, pasi ai mbikëqyr përpjekjet e 17 agjencive të inteligjencës së vendit tonë”, tha në një deklaratë kryetari në detyrë i Komitetit të Inteligjencës Kombëtare të Senatit, Marco Rubio, R-Fla.

“Në një kohë kur kërcënimet ndaj kombit tonë janë të shumta dhe të ndryshme, është thelbësore të kemi një DNI të konfirmuar nga Senati, duke siguruar që një sërë agjensish të inteligjencës po ndajnë informacione përmes linjave, koordinojnë aftësitë dhe punojnë në përparimin e sigurisë së kombit, duke përdorur dhe rritur aftësitë kryesore në shekullin XXI,” tha Marco Rubio, R-Fla.

Sa rutinore janë kërkesat ‘dismaskuese’ dhe kush ka autoritetin ta bëjë atë? shtoi
Rubio: “Drejtori Ratcliffe, e kupton këtë përgjegjësi, dhe unë jam i bindur se ai do t’i përmbushë të gjitha rolet që i janë dhënë DNI me integritet.”

Gjatë seancës së tij të konfirmimit në fillim të këtij muaji, Ratcliffe, R-Texas, u zotua senatorëve se ai do të jepte informacione të inteligjencës pa paragjykim nëse konfirmohet për punën.
Ratcliffe, i cili ishte një nga aleatët më të fortë të Presidentit Trump gjatë fajësimit, tha se ai kishte përvojë të ishte një udhëheqës i pavarur i 17 agjencive të inteligjencës së vendit, duke pasur parasysh punën e tij të kaluar si një prokuror federal.

“Puna më e mirë që kam pasur ndonjëherë ishte të isha avokat i Shteteve të Bashkuara dhe ajo që unë e dua … ishte se ishte një pozicion apolitik,” i tha Ratcliffe, para Komitetit të Inteligjencës Kombëtare të Senatit në fillim të këtij muaji. “Unë gjithmonë kam qenë për të përfaqësuar Shtetet e Bashkuara të Amerikës. Asnjëherë nuk jam bër palë apo të tjetra. Dhe, unë mendoj shumë se si ky rol për DNI është përkushtimi im për t’i shërbyer vendit tim. ”

Ratcliffe gjithashtu u zotua t’i dërgojë presidentit informacione “të pavrenduara”, të vërteta, pavarësisht nëse mund ta zemërojë atë.

Ratcliffe ofroi garanci se ai do të mbështetej për bllokuesit e informacionit në zyrat e inteligjencës, mes debateve të ndezura për trajtimin e një personi informues, ankesa e të cilit prekte procedurat e fajësimit.

“Unë dua ta bëj shumë të qartë, si drejtor i DNI, çdo informacion – e kaluara, e tashmja dhe e ardhmja – do të gëzojnë çdo mbrojtje sipas ligjit,” tha ai.

Ratcliffe ishte një nga kritikët më të zëshëm të hetimit të ish Këshilltarit Special, Robert Mueller, për ndërhyrjen ruse në zgjedhjet e vitit 2016.

Presidenti emëroi Ratcliffe të shërbejë si DNI në shkurt, vetëm disa muaj pasi kongresmeni tërhoqi papritmas emrin e tij për të njëjtin post kur u paraqit për herë të parë për të zëvendësuar Dan Coats.

Kur Ratcliffe tërhoqi emrin, Trump në atë kohë citoi trajtimin e tij të ashpër në duart e “LameStream Media”.

Richard Grenell, Ambasadori i Sh.B.A në Gjermani, aktualisht po shërben si ushtrues detyre DNI, dhe shumë shpejt duhet ta lëshoi këtë detyrë.

Sidoqoftë, ai ka bërë valë në atë pozicion ndërsa Ratcliffe ka kaluar procesin e konfirmimit, së fundmi duke deklasifikuar dosjet që kanë të bëjnë me “demaskimin” e emrit të ish këshilltarit të sigurisë kombëtare Michael Flynn në raportet e inteligjencës.

Thjeshtë dhe e paqartë është nga skedarët nëse ndonjë prej atyre kërkesave ka qenë e pahijshëme, por zhvillimi nxiti akuza nga aleatët e Trumpit që Flynn ishte në shënjestër përpara një interviste fatale të FBI që çoi në fajësinë e tij për të gënjyer hetuesit – një rast që DOJ ka që nga viti I kaluar për të larguar nga puna Flynn.

Kush është John Ratcliffe?

Ratcliffe, një ish-Avokat i SHBA, 53-vjeçar, ka qenë një mbështetës i fortë i Presidentit Trump në të kaluarën. Ai ka shërbyer në Kongres që nga viti 2014 pasi ai e hodhi poshtë rolin e gjatë të kongresistit Ralph Hall, qysh në garën fillimore në partinë republikane. Kjo garë ishte e dukshme në atë që ishte hera e parë në dy dekada që një kongresmen i “jetë gjatë” në karrierën e tij si republikan në Teksas, të humbiste një sfidë kryesore, me kundër kandidatin e athershëm Ratcliffe.

Në 2004, Ratcliffe u emërua për të mbikëqyrur përpjekjet e anti-terrorizmit dhe të sigurisë kombëtare për Qarkun Lindor të Teksasit nga Departamenti i Drejtësisë i SHBA. Tre vjet më vonë, ai u bë Ushtruesi i Detyrës së SHBA për Rrethin Lindor të Teksasit nën ish-Presidentin Xhorxh W. Bush, të Departamenti i Drejtësisë i SHBA.

Si Avokat fedreal i SHBA, Ratcliffe, ishte një nga prokurorët federal të përfshirë në çështjen Fondacioni Tokë e Shenjtë, në të cilin pesë individë u dënuan për financimin e terrorizmit dhe për të siguruar miliona dollarë prej Hamasit. Ai gjithashtu mbikëqyri Operacionin Plymouth Rock, i cili çoi në arrestimin dhe ndjekjen penale të mbi 300 të huajve të paligjshëm për mashtrim identiteti.

Ai shërbeu gjithashtu si kryebashkiak i bashkisë Heath në Texsas, një qytet i vogël në zonën e metrosë Dallas-Fort Worth.

Ratcliffe ka fituar vëmendjen e publikut për rolin e spikatur që ai ka luajtur në seancat dëgjimore të Kongresit, sidomos ato që përfshinin Këshillin Special për Departamentin e Drejtësisë të Shteteve të Bashkuara, me Kryeprokuror Robert Mueller.
Para emërimit të tij të fundit, Ratcliffe ishte gjithashtu një konsideratë kryesore për të zëvendësuar Jeff Sessions si Prokuror i Përgjithshëm i SHBA pas dorëheqjes së Sessions në nëntor.

Miku i madh i shqiptarve, emërohet Drejtor i Inteligjencës Kombëtare

Miratimin nga Senati Drejtor i Inteligjencës Kombëtare, John Ratcliffe, e feston me mikun e tij shqiptar Ismet Smajli.

Kjo ishte nji supriz e veçant për mua dhe djalin tim Edmondin, menjiher pas votimit
John dhe bashkshortja Michelle erdhën në lokalin tonë për nji përshëndetje të shkurter :
“Nuk mundem ta përshkruaj gëzimin, nuk kisha iden se ai ishte në shtëpin e tij këtu afër, dhe me tha se kishte dëshir që unë të jem njeriu i parë që do takonte. E urova përzemërsisht për detyrën e re, dhe ai më falenderoi për miqesin” shkruan në statusin e tij në Facebook, Ismet Smajli me banim në Dallas Teksas.

Siç, dihet Rrethi i katërt i kongresit që mbulon pjesën verilindore të zonës Dallas-Fort Worth, është shumë republikan. Ai ka edhe grupin më të madh të shqiptarë amerikanëve republikan, që drejtohet nga veprimtari i njohur dhe biznesmeni i suksesshëm Nazar Mehmeti – Presidenti i Rrjetit të Bizneseve Shqiptare në Diaspore, i cili së bashku me Sekretarin e Përgjithshëm të këtij rrjeti dhe veprimtarët Ylber Korca dhe Gani Fejza, janë miqt më të afërt të John Ratcliffe.

Kongresisti republikan i Texasit John Ratcliffe, ka lidhje të forta edhe me kryetarin e Partisë Republikane në Shqipëri – Fatmir Mediun.

Ismet Smajli, shqiptari më i afërt me kongresistin e Teksasit John Ratcliffe, nuk mundi ta “fshehë” kënaqësin e tij për këtë emrim kaq të lart të mikut të tij, duke shkruajtur në llogarinë e tij në Facebook,, miqve dhe anëtarve të Rrjetit të Bizneseve të Diasporës Shqiptare , se ai deshiron të ndaj me këtë rast me gjithë shqiptarët këtë lajm tepër të mirë .

“Presidenti i SHBA-ve Donald Trump, ka nominuar Kongresistin John Ratcliffe (R-Texas) për të shërbyer si drejtor i inteligjencës kombëtare (DNI) , shkraun Smajli, dhe vazhdon : “Kongresisti Republikan John Ratcliffe nga Dallas Texas , per shume vite eshte mik I ngushte I Presidentit z. Nazar Mehmeti , dhe sekretarit te pergjithshem te Rrjetit te Bizneseve te Diaspores Shqiptare,” pra i imi thote Ismet Smajli .

Ai me tej shpjegon se Kongresisti z.John Ratcliffe, eshte mik dhe perkrahes i fuqishem i Kosoves dhe i Rrjetit te Bizneseve te Diaspores Shqiptare , z.John Ratcliffe, ishte prezent dhe mbajti nje fjalim rasti si i ftuar i vecante , ne ‘’Forumin Ekonomik Mbrekombetar i Diaspores Shqiptare” ne New York s ne vitin 2016 , i organizuar nga Rrjeti i Bizneseve te Diaspores Shqiptare ne Amerike .

Ndërkohë, ky ka qene një takim i bukur edhe për mua – mbasi mu dha rasti të takohesha me ish Këshilltarin e lart për siguri të ish – Presidentit Bush – Kongresmenin Republikan z. John Ratcliffe, nga Teksasi, mikun e madh i të gjithë shqiptarëve, dhe miku i ngushtë – i veprimtarit të njohur nga Teksasi Nazar Mehmeti, Ismet Smajli si edhe i veprimtarve Ylber Korca, Gani Fejza, pra i gjithë komunitetit shqiptar në Dallas – Distriktin e Kongresit ku ai shërben, pjesmarrjen e tij në Samitin historik të Rrjetit të Bizneseve Shqiptarë, në Diaspore, i mbajtur për tre dite me radhë në New York, Shtator 2016.

Por interesant është fakti se John Ratcliffe ka lidhje të forta me komunitetin shqiptar në Shtetet e Bashkuara të Amerikës dhe njihet si mbështetës i pavarësisë së Republikës së Kosovës dhe çështjes shqiptare në Ballkan. Në 2016-ën, Ratcliffe mori pjesë në Forumin Ekonomik Mbarëkombëtar të Diasporës Shqiptare, ku mbajti edhe një fjalim.

Në takime të tjera, John Ratcliffe shfaqet në krah të biznismenit tetovar Lazim Destani, Fatmir Mediut, ish-ministër i Mbrojtjes, dhe Teuta Sahatqijës, Konsulle e Përgjithshme e Republikës së Kosovës në New York.

Ai shërben aktualisht në Komitetin e Inteligjencës, Komitetin për Sigurinë e Brendshme dhe Komitetin e Gjyqësorit të Kongresit amerikan. Por prej ditës së sotme ai është miratuar në krye të Inteligjencës Kombëtare, nga Senati i SHBA-së.

Lazim Destani, filantropi që nuk kursehet për shqiptarët në asnjë nevojë apo fatkeqësi

Nga Faruk Tasholli

Pas përhapjes së pandemisë së Korona Virusit nëpër botë, kur kjo fatkeqësi trokiti edhe në portat e shqiptarëve, meqë rast pas mbylljes së shkollave e pësuan nxënësit e familjeve të varfra edhe kësaj radhe, Lazim Destani me kompaninë e tij Ecolog dhe me buxhetin familjar siguroi mijëra tablete që dritaret e dijes, të hapen aty ku munden që nga Korça e deri në Mitrovicë.

Nuk kanë kaluar as gjashtë muaj, sa për shkak të fatkeqësive natyrore, sa për shkak të mbamendjes historike e kulturore, që nga një dorë njeriu, rrodhën edhe miliona euro që etnisë shqiptare në Evropën Juglindore t’i zbuten plagët. Ai vargu emblematik i poetit të mërguar Fan S.Noli „Jepni për nënën!“, sikur e ndjek pas në çdo çast biznesmenin dhe filantropin e madh Lazim Destanin, i cili i dalë nga Malësia e Sharrit, para shumë vitesh mori udhën e mërgimit për mëkëmbje ekonomike familjare, por pas suksesit gjigand, Amës iu kthye me urtinë dhe dashurinë hyjnore.

Nga familja deri te cepat e etnisë

Nga suksesi i tij në biznes, së pari përfitoi rrethi familjar, pastaj ai farefisnor dhe për t’u zgjeruar këta rrathë në vendlindje, në regjione dhe deri në cepat e etnisë, ku bukës i thonë bukë e ujit ujë. Çelësi i tij shpirtëror, deri aty ku arrin, hap derën e varfanjakut, kthen shpresën për jetë të të sëmurit, kthen shkëlqimin në institucione kulturore e shkencore, me donacione vështirë të llogaritshme edhe për shumë qeveri në botë. Por Lazim Destani mbetet i pamposhtur. Ai nuk ndalet. Ai nuk pret të bëhet top lajm në televizione e as në mediat e shumta si politikanët, që jo rrallë janë mospërfillës me hallet e qytetarëve dhe marrin poste që nuk dinë t’i menaxhojnë. Atij nuk i bëjnë përshtypje falënderimet false dhe kritikat cinike të sehirgjinjve, qofshin ata politikanë, artistë, apo ndërmarrës të ligj. Ai është falënderues dhe besimtar i devotshëm te Zoti.

Në Tiranë pak orë pasi tërmeti tronditi Shqipërinë

Lazim Destani nga të parët zbriti në Tiranë pak orë pasi tërmeti tronditi Shqipërinë, jo vetë, por me rrugët e pushtuara nga maunet me ndihmat e tij për qytetarët. Duke shëruar sa mundi ato plagë nga tërmeti, sakaq “këceu“ në Tetovë, për ta ngritur në piedestal një figurë që bashkë me të para disa dekadash filluan ndryshimin e pamjes së jashtme e të brendshme të këtij qyteti.

Vendos shtatoren Fadil Sulejmanit në hyrje të Universitetit të Tetovës

Ai vendosi shtatoren e profesor Fadil Sulejmanit në hyrje të Universitetit të Tetovës, institucion ky që nuk u mëkëmb vetëm nga profesori që idealin e bëri realitet. Por ishte po ky Lazim Destani që Fadil Sulejmanit i ndejti pranë që në nismë, duke ndihmuar nga Gjermania me fitimet e veta ngritjen e institucionit të lartë, duke organizuar edhe shumë bashkatdhetarë që të jenë në këtë krah. Pas rezultateve dhe sukseseve shumëvjeçare të Universitetit të Tetovës, aty ku filloi, Lazim Destani mblodhi intelektualë të të gjitha viseve shqiptare për ta shndërruar një ditë në festë madhështore në zemër të Tetovës, aty ku dikur ishte vështirë të bënte jetë edhe një shkollë e vogël shqipe.

Kuponat e Z.Destani dhe Ecolog, per familjet ne nevoje, me te cilet mund te marrin ushqime ne markete

Sërish ëndrrat e kthejnë në vendlindje

Por kur pas përhapjes së pandemisë së Korona Virusit nëpër botë, kjo fatkeqësi trokiti edhe në portat e shqiptarëve dhe paralizoi jetën publike, pas mbylljes së shkollave, ministritë përkatëse organizuan mësimin online. Këtu më së rëndi e pësuan nxënësit e familjeve të varfëra që nuk kishin mundësi ta ndjekin mësimin. Për ta zbutur sado pak këtë mungesë, sërish doli në ballë Lazim Destani me kompaninë e tij Ecolog dhe me buxhetin familjar dhe siguroi mijëra tablete që dritaret e dijes, të hapen aty ku munden që nga Korça e deri në Mitrovicë. Nëse në këtë kohë shquhen si heronj ministrat e arsimit të shteteve përkatëse, si të Shqipërisë, Kosovës dhe Maqedonisë, atëherë edhe humanisti ynë duhet të zë vend aty diku pranë tyre. Por njeriu shtegton nëpër botë dhe me ëndrra kthehet aty ku e nisi. Sërish ëndrrat e kthejnë Lazimin në vendlindje. Ai sërish këto ditë e nisi aksionin tjetër humanitar në Tetovë, duke ndihmuar familjet në nevojë me mjete sanitare dhe higjienike. Edhe kur shumë kompani të mëdha prodhuese dhe qarkulluese në botë janë trandur dhe i frikësohen falimentimit ose ardhmërinë e kanë të paqartë, humanisti shqiptar Lazim Destani mbetet i pamposhtur dhe me dorë të zgjatur rrinë pranë popullit të vet.

(Me këtë rast, krahas fotove që ka dërgua autori i këtij teksti, po japim edhe disa fotot përmes të cilave shihet sesi Ecolog dhuron mijëra kompjutorë-tablet për fëmijët e familjeve në nevojë, si dhe disa foto nga UT  nga përurimi i shtatores së themeluesit, Rektorit të parë dhe historik Prof. Dr. Fadil Sulejmanit, si dhe disa foto të Lazim Destanit me personalitete dhe simpatizuesit e tij, që kudo janë të shumtë)

Marrë nga Prointegra.ch

Në një mënyrë krejt ndryshe, Ecolog dhe Lazim Destani, ndihma ushqimore për mijëra familje në Maqedoninë e Veriut. Ja se si...

Kompania Ecolog International dhe filantropi Lazim Destani zgjedhin një mënyrë krejt të veçantë për të ndihmuar mijëra familje në Tetovë, në Maqedoninë e Veriut dhe komunat tjera përreth. Duket se, për të mos dashur qe t’ju çojnë pako në çdo derë, për t’i ndihmuar, por edhe ata që janë në nevojë të ndjehen më me dinjitet, Ecolog, kompani që drejtohet nga familja Destani, ka vendosur që t’u dorëzojë kupona. Me këtë të fundit, secili prej përfituesve mund të shkojë në marketet e përzgjedhura dhe të marrë produktet ushqimore, apo edhe ato të higjienës që ka nëvojë dhe në kasë paraqet kuponin.

Lajmi për këtë donacion është publikuar nga vetë Z.Destani, i cili bashkë me kompaninë e tij, sapo kanë dhuruar për mijëra nxënës që vijnë nga familje në nevojë, tableta për mësimin online në Maqedoninë e Veriut, Kosovë, Shqipëri dhe Luginën e Preshëvës.

Ja çfarë shkruan Z.Destani në rrjetet e tij sociale:

“Në këtë periudhë pandemie, solidarizimi me familjet në nevojë është detyrim i gjithkujt që e ka këtë mundësi. Më vjen mirë kur shikoj se shumë kompani e biznesmenë, fondacione e organizata humanitare, si në diasporë ashtu dhe në trojet tona, janë mobilizuar dhe po u dalin në ndihmë familjeve në nevojë.
Në kuadër të donacioneve të biznesit tonë familjar, përmes një aksioni të ndërmarrë këto ditë dhuruam mijëra kuponë që po u shpërndahen familjeve në nevojë në qytetin e Tetovës dhe në komunat përreth. Këto letra me vlerë do t’u shërbejnë atyre për t’u furnizuar me artikujt e nevojshëm ushqimorë dhe higjienik. Me këtë rast po e theksoj se, përmes këtij postimi dua t’i jap një impuls të ri ftesës drejtuar bizneseve, kudo qofshin ato, të jenë sa më pranë këtyre familjeve pasi në këto momente të vështira, shpresa e tyre jemi ne.

Realizimi i ndihmave, duke blerë produkte vendore është ndihmë gjithashtu edhe për prodhuesit dhe ekonominë e vendit. Duke i mbështetur familjet në nevojë, e duke i zbatuar me disiplinë masat kundër koronavirusit, do ta kalojmë më lehtë e do ta mposhtim shpejt pandeminë”.

Qendra ALERT / Alert.al

Qindra tabletat e dhuruara nga Ecolog dhe Lazim Destani nisin të shpërndahen për nxënësit në Shqipëri

TIRANË, 12.05.2020 – Në ambientet e Drejtorisë së Përgjithshme të Arsimit Parauniversitar (Ministria e Arsimit, Rinisë dhe Sportit), u dorëzuan qindra tableta për nxënësit e shkollave shqiptare, dhuratë nga filantropi Lazim Destani dhe kompania “Ecolog International”. Tabletat e pajisura dhe me karta SIM nisën të shpërndaheshin menjëherë në të gjitha bashkitë e vendit, me qëllim pajisjen sa më shpejt të nxënësve, për të arritur javët e mbetura të mësimit online.

Drejtori i Përgjithshëm i Arsimit Parauniversitar, Z.Selman Hodaj shprehu mirënjohjen e tij për filantropin Destani dhe dhurarën e bërë për nxënësit në Shqipëri, e cila sipas tij, do t’ju shërbejë mjaft atyre fëmijëve që nuk kanë mundësi ekonomike të kenë pajisje ‘smart’ për mësim online. “E falenderoj Z.Destani për dhuratën dhe njerëz të tillë i duhen gjithmonë shqiptarisë”, tha ndër të tjera Z.Hodaj.

Ndërsa Granit Sokolaj, përfaqësues i Z.Destani tha se, ndihma e sotme për nxënësit në nevoja ekonomike në Shqipëri, ishte një dëshirë e donatorit, për të mbështetur fëmijët shqiptar në këto ditë të vështira dhe ky donacion vjen pasi edhe në Maqedoninë e Veriut e Kosovë, janë shpërndarë mijëra tableta të tjerë për nxënësit me nevoja ekonomike, nga i njejti dhurues.

Një dedikim falenderimi për Z.Destani dhe kompaninë Ecolog pati dhe nga Ministrja e Arsimit, Znj.Besa Shahini, e cila postoi në faqet e saj zyrtare në rrjetet sociale, si dhe në ato të institucionit, këtë mesazh: “Jemi shumë falënderues për bujarinë që tregoi kompania Ecolog International, duke dhuruar 500 pajisje digjitale për nxënësit tanë. Ato u dorëzuan sot tek Drejtori i Përgjithshëm i Arsimit Parauniversitar, Selman Hodaj dhe po shpërndahen tek nxënësit. Faleminderit!”

Tabletat janë të pajisura me karta SIM, me qëllim që nxënësit të kenë mundësi të ndjekin mësimin online në programet dhe platformat e ofruara nga Ministria e Arsimit, Sportit dhe Rinisë.

Përgjatë periudhës së pandeminë, Ecolog International dhe filantropi Destani u kanë dhuruar për mijëra tableta nxënësve në nevojë në Maqedoninë e Veriut, Kosovë dhe tani në Shqipëri, kur për shkak të situatës shkollat u ndërprenë dhe fëmijët u detyruan të përshtateshin me të mësuarit online.

Përtej sasisë së dorëzuar sot në Ministrinë e Arsimit, Ecolog dhe Z.Destani, po dhurojnë dhe një sasi tjetër pajisjesh elektronike, nëpërmjet konkateve të tyre dhe bashkëpunëtorëve në Shqipëri.

Lazim Destani, një filantrop dhe biznesmen i njohur, është Anëtar i Këshillit Koordinues të Diasporës në Shqipëri dhe President Nderi i Dhomës së Biznesit të Diasporës Shqiptare. Gjithashtu, Z.Destani është Kryetar i Bordit Mbikqyrës të Ecolog Internationational, një ndër kompanitë më të mëdha në botë e veçanërisht në fushën e shërbimeve.

Qendra Alert / Alert.al

Pas Maqedonisë, mijëra tableta nisin të shpërndahen dhe në Kosovë, të dhuruara nga Ecolog dhe familja e Lazim Destanit, për nxënës nga familje në nevojë

Mijëra nxënës në Republikën e Kosovës që viijnë nga familjet në nevojë do të pranojnë tabletë si donacion nga familja Destani përmes kompanisë Ecolog International.

Lazim Destani

Përgjatë periudhës që po përballemi me pandeminë, Ecolog International vjen me donacion për nxënësit që vijnë nga familjet në nevojë. Siç dihet tashmë, ndër masat për parandalimin e përhapjes së virusit Covid-19 erdhi dhe ndërprerja e mësimit në shkolla për të kaluar në formën e mësimit online. Kalimi i mësimit në këtë formë ua bëri të pamundur ndjekjen e mësimit shumë nxënësve që u mungonin pajisjet adekuate teknologjike e që familjet e tyre nuk ishin në gjendje t’ua siguronin këto.

Përmes këtij donacioni synohet zbutja e kësaj situate, duke ua mundësuar ndjekjene mësimit nga shtëpia edhe nxënësve nga kjo kategori shoqërore.

Sa i përket prokurimit, logjistikës dhe implementimit, ky projekt u zhvilluar brenda disa javësh nga resurse plotësisht interne të kompanisë Ecolog në bashkëpunim me institucionet relevante shtetërore  që kishin siguruar evidencën e familjeve në nevojë sipas komunave.

Filantropi Lazim Destani e çmoi dhe i falënderoi institucionet shtetërore për mbështetjen e ofruar. Sa i përket natyrës së donacionit ai tha:

“Arsimi dhe shkenca janë pistonët kryesorë të një shoqërie, investimet dhe mbështetjet e këtyre segmenteve janë mbështetja më e madhe që mund t’i bësh një kombi. Andaj vendosëm që këtë donacion t’ua dedikojmë nxënësve që për shkak të mungesës së pajisjeve të nevojshme teknologjike mbetën jashtë procesit arsimor. Digjitalizimi është gjithashtu një proces i pashmangshëm i një shoqërie, andaj edhe donacionin e shohim me kuptim afatgjatë”.

Ndërsa drejtuesit e kompanisë thanë se projektet e dedikuara për fëmijët në përgjithësi, ndërsa për nxënësit në veçanti, janë pjesa kryesore e filozofisë së përgjegjësisë shoqërore të kompanisë sonë.

“Ky projekt ka qenë një sfidë e rallë logjistike, por edhe një emocion i veçantë. Jemi shumë të kënaqur që përkrah vështirësive të mosfunksionimit të rregullt të tregjeve arritëm ta finalizojmë projektin e furnizimit të paisjeve elektronike për fëmijët në nevojë edhe në Kosovë. Lehtësimi i familjeve dhe gëzimi në fytyrat e fëmijëve, është kënaqësia jonë më e madhe.”

Ky donacion është rrjedhojë e aksionit dyjavor të shpërndarjes së mijëra tabletëve për nxënësit që mbetën jashtë procesit arsimor në Maqedoni, ndërsa përgjegjësia shoqërore e Ecolog International në shumicën e rasteve ka qenë e orientuar drejt të rinjve në përgjithësi dhe nxënësve e studentëve në veçanti.

Nga ana tjetër përmes angazhimeve private të vet filantropit Lazim Destani dhe përmes sipërmarrjeve të familjes së tij, vetëm gjatë pandemisë së Covid-19 janë mbështetur edhe shumë segmnete tjera të shoqërisë si shëndetësia apo familjet në nevojë.

Qendra ALERT / Alert.al

Një mijë mjekë shqiptarë nga diaspora në shërbim online për mërgimtarët

Platforma online e konsultimeve falas nga mjekët e diasporës shqiptare, që ofrojnë këshillim , jo vetëm brenda Kosovës, Shqipërisë dhe Maqedonisë, por edhe mbarë Diasporës shqiptare kudo në botë

Mjekët shqiptarë në Evropë kanë marrur një nismë për t’u dalur në ndihmë gjithë shqipëtarve, jo vetëm brenda Kosovës, Shqipërisë dhe Maqedonisë, por edhe mbarë diasporës shqiptare kudo në botë, shkruan albinfo.ch.

Federata e Mjekëve Shqiptarë në Evropë, ka mbledhur nën një kulm mjekët shqiptarë në Evropë, me specializime të ndryshme për t’u vënë në shërbim të pacientëve shqiptarë kudo që ndodhen në botë, përmes platformës falas për konsultime online rreth COVID-19.

Federata e Mjekëve shqiptarë në Evropë tashmë ka 1,000 anëtarë shqiptarë të cilët jetojnë dhe punojnë në diasporë me prejardhje nga Shqipëria, Kosova, Maqedonia dhe Mal i Zi dhe vlen të theksohet se shumica e tyre janë me specializime të ndryshme.

Elona Meta Haubrich, mjeke e specializuar në Gjermani, tregon për albinfo.ch se qëllimi i gjithë kësaj iniciative ka ardhur nga bashkepunimi i ndërsjelltë dhe shkembimi I eksperiencave të mjekëve shqiptarë nga Evropa, duke e vënë gjithë potencialin e tyre akademik dhe human në shërbim të pacientëve shqiptarë kudo në botë.

Intervistë me mjekën shqiptare të specializuar në Gjermani Elona Meta Haubrich

Na tregoni rreth Federatës së Mjekëve shqiptarë në Evropë, nga sa mjekë përbehet përafërsisht, pra numrin e tyre i përgjithshëm?

Federata është themeluar në dhjetor të 2019, dhe ka selinë qendrore në Wolfenbüttel në Gjermani. Federata vjen si vijimësi e shoqatës „Mjekët e së ardhmes“, të themeluar në vitin 2006 në Tiranë, kohë në të cilën unë dhe motra ime Dr.Aurora Dollenberg ishim studente të Mjeksisë në Fakultetin shtetëror në Tiranë. Federata ka tashmë 1.000 anëtarë shqiptarë të cilët jetojnë dhe punojnë në diasporë, me prejardhje nga Shqiperia, Kosova, Maqedonia dhe Mal i Zi. Qëllimi i gjithë kësaj është bashkëpunimi dhe shkëmbimi I eksperiencave mes tyre, dhe me tej vënia e këtij potenciali akademik dhe human në sh[rbim të pacientëve shqiptarë brenda dhe jashtë saj.

Nga kush erdhi ideja e themelimit të platformës falas për konsultim me mjekët?

Pandemia e covid 19 nxorri e pah edhe më shumë domosdoshmërinë e mjekëve. Ne si Federatë ndjemë përgjegjësinë të ndihmojmë bashëeathdhetarët tanë dhe në pamundësi të pranisë fizike, menduam të hartojmë këtë platformë ku mund t‘i përgigjemi pyetjeve të shqiptarëve kudo që janë .

Falë avancimit të teknologjisë, Federata ka integruar në faqen e saj zyrtare një platformë online për konsulta falas me mjekë nga 27 vende të Evropës, dhe SHBA-ve.

Mjekët, ju përgjigjen nevojave të pacientëve në lidhje me koronavirusin , por edhe problemeve të tjera shëndetësore, në një kohë kur kontakti direkt me mjekun është i pamundur.

Gjithçka mundësohet në kohë reale, mjafton të futesh në faqen e Federatës së mjekëve shqiptarë në Evropë:

 https://amfe-federation.eu/konsulta/mjeku-europe/

Aty mund t‘u drejtohen me pyetje mjekëve duke marr prej tyre pergjigje.

A ka shumë të interesuar për konsultime?

Po, ka shumë të intersuar nga shqiptarët e diasporës, por edhe të trevat shqipatare që na shkruajnë, ku pyetjet më të shpeshta janë rreth situatës dhe përhapjes së koronavirusit në shtete të ndryshme. Këshilla për të kaluar pa stres gjendjën e karantiminit, ka qene interesi i shumë qytetarëve. Por, ka edhe nga ata që kanë patur nevojë për këshilla rreth semundjeve të tjera, që kanë, apo janë ndeshur përgjatë periudhës së izolimit.

Pyetjet e tyre a kanë të bëjnë më shumë rreth simptomave apo nga frika në përgjithësi?

Pyetje më të shpejta janë frika nëse janë të infektuar duke qene[ se kishin shenja të lehte të një infeksioni viral dhe nëse duhet të bënin testin apo duhet të prisnin ndoshta edhe për një kohë. Gjithashtu janë paraqitur edhe pyetje të përgjithshme që nuk kanë patur lidhjen e Infeksionin prej COVID 19. Ne japin vazhdimisht informacione në lidhje me të rejat e fundit të trajtimit të infektuarve dhe referimin e faktorëve rrezikues edhe ata mbrojtës ndaj përhapjes së infeksionit.

Nëse një person ka shqetësime rreth simptomave, si mund të qaset ne web-in për konsultime me ndonjë mjek? Pra ciltë janë hapat që duhet ndjekur?

Adresa ku mund të klikosh konsult falas është kjo: https://amfe-federation.eu/konsulta/mjeku-europe/

Por, përveç kësaj mjekët që janë anëtarë edhe pse kanë arritur majat e suksesit në Mjëkësinë evropiane  gjejnë kohë të angazhohen vullnetarisht në mbështetje të shqiptarëve me konsultime mjekesore. Ndërkohë që një pjesë e mirë e tyre kanë bërë video sensibilizuese duke referuar për gjendjen e COVID-19 në vendet ku jetojnë dhe punojnë, masat që duhen marrë për minimizimin e përhapjes se COVID-19 si dhe të rejat e fundit shkencore në lidhje me trajtimin e Infeksiont prej koronavirusit.

Platforma e juaj, a ka edhe psikolog në dispozicion për konsultime?

Po, nënkryetarja e Federatës preveçse është mjeke Urgjence dhe familje, është edhe Psikoterapeute duke ndikuar me profesinalitetin e saj tek qytetarët të cilët ndihen të stresuar apo në ankth në këtë kohë pandemie . Ajo këshillon vazhdimisht çfare masash duhet të merren për të eliminuar faktorët negativ që ndikojnë në rritjen e gjendjes psikologjike të qytetarët shqiptarë.

/Albinfo.ch.

Qendra Alert / Alert.al

ECOLOG-INTERNATIONAL dhuron mijëra tableta për fëmijët e familjeve në nevojë

Kompania Ndërkombëtare ECOLOG-INTERNATIONAL do të dhurojë mijëra tableta për nxënësit e shkollave në Maqedoninë e Veriut, Kosovë e Shqipëri dhe konretisht, pë fëmijë të familjeve në nevojë. Lajmi është bërë i ditur nga filantropi e biznesmeni Lazim Destani, i cili është dhe Kryatar i Bordit të ECOLOG, kompani në pronësi të familjes së tij.

Ja çfarë thotë Destani në postimin e tij në Facebook:
”Përpjekjet për t’i dalë në ndihmë popullatës sonë në këtë periudhë pandemie janë obligim i secilit që e ka këtë mundësi dhe ato po inkurajojnë gjithnjë e më shumë.
Ndihem mirë kur shikoj që biznese e kompani të shumta, shoqata e fondacione nga diaspora e nga vendet tona janë vënë në lëvizje e po tregojnë zemërgjerësi duke u ardhur në ndihmë familjeve në nevojë e duke dhënë kontribut në sfera të ndryshme të jetës shoqërore.
Në kuadër të këtyre përpjekjeve si dhe në përputhje me apelin tim, e çmoj dhe e falënderoj ekipin nga biznesi ynë familjar i cili pas një angazhimi prej dy javësh e finalizoi projektin për dhurimin e mijëra pajisjeve teknologjike për mësim online.
Sipas evidencës nga institucionet shtetërore, në mungesë të këtyre pajisjeve shumë nxënës nuk e kishin mundësinë ta ndjekin mësimin nga shtëpia.
Andaj, ky donacion u dedikohet nxënësve të cilët për shkak të mungesës së pajisjeve teknologjike mbetën jashtë procesit arsimor. Ndër gjërat më të rëndësishme që mund të bëjmë gjatë krizës që solli Covid-19 është që, e ardhmja e këtij vendi, fëmijët, të vazhdojnë me ndjekjen e procesit mësimor pa pengesa.
Ky donacion do t’i përfshijë fëmijët e familjeve me gjendje më të rënduar ekonomike si në Maqedoninë e Veriut ashtu dhe në Shqipëri, Kosovë e më gjerë në trojet tona.
Sipas projektit, sot filloi faza e parë e shpërndarjes duke nisur nga qyteti i Shkupit dhe komunat e tij për të vazhduar pastaj edhe më gjerë në qytetet tjera”.

Qendra Alert / Alert.al

Libra Pecuniaria Apo Balanca Financiare!

Nga Ardian LEKAJ*

Edhe kapitalizmi, sot në kohën e COVID-19, është në krizë. E megjithatë kapitalizmi është një formulë e suksesshme. Eksperimentet me sisteme të tjera i kemi jetuar, por nuk kanë rezultuar efektive.

Sot e gjithë bota është në krizë. Kurrë nuk ka ndodhur që kontinentet të përballeshin me një krizë të këtij niveli njëkohësisht. Amerika është parë gjithmonë si një vend me dyer të hapura për të gjithë. Pionieret e parë në atë kontinent ishin europiano-perëndimorët, anglezët, gjermanët, holandezët, francezët dhe skandinavët. Këta të gjithë u përpoqën të mbyllin dyert për irlandezët, çifutët, italianët, polakët, rusët dhe grekët.

Duket sikur e njëjta histori po përsëritet me aziatët dhe amerikano-jugorët.

Amerika ndërkohë, nuk ka reshtur të guxojë të synojë diçka tjetër. Për herë të parë u vu president një afro-amerikan. A do të ndodhë vallë që në Gjermani të vijë një turk, në Francë një algjerian, në Holandë një maroken, në Angli një indian?! Por me sa duket, sot jemi “në fundin e ëndrrës Amerikane”. Situata e sotme në periudhën e virusit po vërteton se sistemi ekzistues kapitalist, nuk mund të mbahet më me metodat e vjetra. Arsyeja kryesore, është se mënyra e pjesëtimit të fitimit është e pabarabartë. Me siguri që po mendohet për një “Kapitalizëm të Ri”, Kapitalizmi pos COVID-19.

Periudhë më interesante se sot, nuk besoj se vjen për ekonomistët dhe politikanët. Me sa duket po jetojmë në një univers, ku kaosi dhe rastësia zënë një vend të veçantë. Në këtë krizë, ku fajin nuk e ka askush, i jepet shansi qeverisë të analizojë dhe ristrukturojë ekonominë me anë të politikave, strategjive apo mekanizmave të rinj. Është pikërisht ky momenti, që kërkon një model të ri makroekonomik, i cili do t’ju shërbejë gjeneratave të ardhshme.

Jam përpjekur disa herë të shpjegoj e të theksoj, se kjo krizë është ndryshe nga të gjitha krizat që kemi përjetuar deri më sot. Në këtë situatë, është prekur njëkohësisht; nga njëra anë “oferta” dhe nga ana tjetër “kërkesa” e tregut. Siç po tregohet edhe nga statistikat kombëtare e ndërkombëtare, përditë konsumatori i ka ulur shpenzimet për arsye nga më të ndryshmet, siç janë: izolimi; mbyllja e disa aktiviteteve tregtare, dyqanet, restorantet, baret, kinematë, aktivitetet argëtuese etj. Kjo sjellje, për një periudhë të papërcaktuar, e favorizuar nga pasiguria, do të krijojë një lidhje të ngushtë me kujdesin për të shpenzuar kryesisht të orientuar në minimumin e jetik, që ndoshta përbën rreth një të tretën e asaj që njerëzit shpenzojnë normalisht.

Asnjë iniciativë e qeverisë nuk do të jetë në gjendje të zgjojë konsumatorin, përveçse nëpërmjet aksioneve të luftës ndaj koronavirusit. Nga ana tjetër, mendime dhe opinione të shumta përpiqen të mbështesin shpresën e tyre me zgjidhje nga qeveria. Por mbështetja qeveritare, në kushtet edhe vendet në zhvillim, patjetër që gjendet përballë limiteve selektive. Pikërisht aspekti selektiv, duhet të ketë mision të ndihmojë familjet në nevojë dhe të krijojë mundësitë e minimumit jetik, por në asnjë mënyrë tjetër, nuk i japin hov ekonomisë pa u rregulluar tregjet.

Në rast se bankat do të jepnin para me interes shumë të ulët do të krijonin një flluskë të re ekonomike. Asgjë nuk mund të zgjidhet me hua dhe kredi si për individin, ashtu edhe për sipërmarrjen. Këto dy të fundit nuk janë veçse inxheksione. Në një periudhë të tillë kaotike këto zgjidhje përdoren si propagandë nga elemente që kanë qëllime të tjera. Çdo ndërhyrje nga shteti në sistemin financiar ka pasoja dhe nuk është aq e lehtë sa mendohet nga disa.

Jam shumë kurioz sot dhe do të doja që kur të hapen shkollat përsëri, të merrja pjesë në një nga leksionet e Fakultetit Ekonomik, ku profesori do të shpjegonte interesin bankar dhe prognozat e tij, pasi librat nga të cilat mësuam ne, nuk diskutohet që nuk kanë vlerë absolute për të përgatitur gjeneratën e re për sistemin e të sotmes. Po librat mësimorë që flasin për rolin e Bankës Qendrore, apo për monedhat e reja, si Bitcoin apo Libra çfarë thonë vallë?! Sistemi Financiar sot, vërtet po pëson një metamorfozë. Në Europë flitet për interesa bankare negative. Kush mund ta imagjinonte një gjë të tillë?! Si do ju shkojë puna investimeve apo kontratave afatgjata, siguracioneve apo pensioneve?! Nga eksperienca ime kam nxjerrë konkluzionin që mësues të mirë janë ata që marrin në studim dhe transmetojnë eksperienca e tyre në kohë të ndryshme, por që sot është vështirë të përcaktohet zgjidhja me qëllim të vlerësosh metodat dhe cilën rrugë duhet të ndjekësh. Këtë rrugëtim çdo individ duhet ta zhvillojë vetë.

Natyrisht që gjëja e parë që më shqetëson në këto momente të COVID-19, është shëndeti i njerëzve, por kuptohet që direkt pas kësaj, dua të di se çfarë do të ndodhë me ekonominë nesër. Sa kompani do të arrijnë ta përballojnë këtë krizë të paprecedent dhe kur do vijë ai moment, që të mendojmë për mundësitë e reja që na kanë dalë gjatë kësaj periudhe? Duke qenë një hallkë e logjistikës, pyetja kryesore që më drejtojnë sot nga të gjitha kontinentet është se si mendoj se do të jetë “supply chain” i nesërm dhe çfarë roli do të ketë Globalizimi?! Tregjet kanë vështirësi për të planifikuar konsumin e afërt dhe atë të largët. Trendi akoma është i paqartë. Në këtë mënyrë si konsumi edhe investimet do t’i pasohen një kohe pos Covid-19. Një kohe ku edhe konkurrenca fiskale ndërkombëtare do të fitojë terren të ndjeshëm. Vendet do të nisin planin e thithjes së investimeve të huaja, duke qenë se vështirësia e të vegjëlve dhe të shoqërive të mesme drejt mbylljes do të krijojë një vakum të ardhurash për buxhetin e shtetit, një mungesë në vende pune duke prodhuar papunësi më të lartë. Të gjithë janë në pritje të së nesërmes.

Kuptohet që kjo periudhë karantine edhe mua më ka dhënë mundësinë të mendoj më gjatë dhe më qetë, po ashtu siç me siguri po bëjnë edhe qeveritë apo kompanitë. Për një gjë te gjithë të jenë të sigurt se sado e keqe që është kjo sëmundje ka një anë shumë pozitive. Në këtë situatë, të gjithë janë të detyruar të sakrifikojnë në një mënyrë apo në një tjetër, dikush më pak e dikush më shumë. Pas kësaj situate, ekonomia do të marrë impulse të reja duke eliminuar bizneset e dobëta, ato biznese primitive që prodhojnë kosto të lartë për njësi, dhe do të mbijetojnë ato biznese që do arrijnë ta përballojnë këtë situatë, kryesisht nëpërmjet financimit të vet dhe më pak me natyrën e përshtatjes me sistemin.

Kompani të reja me inventive do të lindin. Historikisht ne shqiptarët kemi treguar se jemi pak të zotët të ndërtojmë struktura ekonomike edhe pse shumë të zotët të ndërtojmë koncepte. Gjenerata e sotme dhe ajo e ardhme, po presin pikërisht nga ne, që t’i ndërtojmë këto struktura të reja të qëndrueshme të ekonomisë. Ajo çfarë sot pritet, është vetëm bashkëpunim për të zgjedhur skenarin e duhur ekonomik, për të ardhmen e Shqipërisë. Vlerësimin me siguri do ta japin gjeneratat e ardhshme.
*Aurori është Kryetar i Dhomës së Biznesit të Diasporës Shqiptare

Karantinën 2-javore jua pagoi KKD, 35 shqiptarët lënë hotelin dhe nisen drejt familjeve të tyre. Ja çfarë deklarojnë. Video - Foto

Shqiptarët që u karantinuan në Hotel “Kristal” në Korçë, me financimin e Këshillit Koordinues të Diasporës, sot kanë përfunduar 14 ditët e qëndrimit të detyrueshëm dhe janë nisur drejt familjeve të tyre.

35 persona, me mbështetjen edhe të policisë, janë organizuar në furgonë të ndryshëm sot në mëngjes, duke lënë hotelin në Korçë, ku kaluan 14 ditët e karantinimit të detyrueshëm.

Ky grup kaloi 5 ditë në Pikën Kufitare të Kapshticës, në të ftohtë, dëborë e pa ngrënë, pasi Qeveria Shqiptare nuk lejoi kalimin e tyre në territorin tonë, ndërkohë që në Greqi nuk ktheheshin dot, pasi nuk kishin leje qëndrimi dhe afati 90-ditor iu kishte përfunduar.

Në këto kushte, Kryeministri Rama deklaroi se, ata mund të lejoheshin në terrotorin tonë, ndërkohë që 14 ditët e karantinës duhet t’i paguanin vet.

Por, kjo nuk po ndodhte për arsye se, emigrantët shqiptarë thonin që nuk kishin mundësi financiare, ndërsa vazhdonin të kalonin ditët e netët në tokën mes dy pikave kufitare, asaj të Shqipërisë dhe Greqisë.

Keshilli Koordinues i Diaspores

Por, për ta zbutur këtë situatë e për t’ju ardhur në ndihmë patriotëve të tyre, reagoi Këshilli Koordinues i Diasporës, i cili deklaroi se, “nuk mund të lëmë në këtë gjëndje bashkëatdhetarët tanë”, ndërkohë që mori përsipër edhe kostot e karantinimit të tyre, fjetje dhe ushqim për 14 ditë, për grupin e 35 personave që gjendeshin të bllokuar në Kapshticë.

Ndërkohë, Hotel “Kristal” vendosi të hapë dyert për ta, duke iu ofruar kushte të përshtatshme, si dhe policia e ushtria morën në mbrojtje hotelin, me qëllim që asnjëri prej tyre të mos mund të largohehej. Gjatë gjithë kohës, 35 emigrantët kanë qenë edhë nën kontrollin 24-orësh të mjekëve.

Në largim e sipër, sot ata falenderuan dhe njëherë Këshillin Koordinues të Diasporës për të gjithë mbështetjen që iu dha, duke mos i lënë ata të kalopjnë netë të tjera në Kapshticë.

Siç e kanë deklaruar dhe vetë të karantinuarit, pronari i Hotel “Kristal” në Korçë, shuma e karantinës së tyre është paguar nga filantropi Lazim Destani, anëtar i Këshillit Koordinues të Diasporës dhe biznesmen i njohur e i suksesshëm.

Qendra ALERT / Alert.al