Diaspora

Krahas aktiviteteve në kuadër të 15-vjetorit të Pavarësisë së Kosovës, filantropi dhe biznesmeni Lazim Destani ku ishte I ftuar nga institucionet e Prishtinës, nuk ka anashkaluar edhe komunat e prekura dhe të dëmtuara rëndë nga përmbytjet e disa javëve më parë. Destani, si pronar i kompanisë Ecolog International, nuk u mjaftuar vetëm me ndihmat që dërgoi menjëherë, më dhjetra kamionë në komunart Skënderaj, Mitrovicë dhe Klinë, por me ardhjen në Kosovë, vizitoi e takoi kryetarët e dy prej tri komunave, Mitrovicë dhe Skënderat. Lajmi është bërë i ditur nga vetë drejtuesit e komunave, të cilët kanë publikuar njoftimet dhe fotot në faqet e tyre zyrtare.

Kryetari i Komunës së Mitrovicës, Bedri Hamza, u njoftua në faqen zyrtare të komunës në Facebook, “se priti në takim afaristin, filantropin dhe humanistin e shquar shqiptar Lazim Destani”.

“Kryetari i Komunës së Mitrovicës, Z.Bedri Hamza, gjatë ditës së sotme ka pritur në takim Z.Lazim Destani, pronarin e kompanisë shqiptare “Ecolog”. Gjatë këtij takim, kryetari Z.Hamza, ka falënderuar Z.Destani për kontributin e tij të dhënë gjatë vërshimeve në Mitrovicë. Më tutje kryetari Z Hamza, e njoftoj Z.Destanin për vizionin e tij për Mitrovicën, duke shtuar se qytetit i duhet zhvillimi ekonomik, prandaj mirëpret të gjithë ata investitorë që duan të investojnë në Mitrovicë dhe të realizojnë projekte të ndryshme që janë në të mirë të qytetarëve”, njofton KOmuna MItrovicë. Ndërsa, Z.Destani ka falënderuar kryetarin Hamza për pritjen e tij, duke treguar gatishmëri të bashkëpunimit për projekte të përbashkëta. Ndërkaq Z.Destani është interesuar dhe për situatën e paspërmbytjeve dhe ndihmat që poi u jepen banorëve për të rikuperuar dëmet e shkaktuara.

“Në fund të takimit, në shenjë falënderimi për kontributin e tij, kryetari Hamza, ndau edhe një mirënjohje për Z.Lazim Destani”, njoftoi faqja e Komunës së Mitrovicës.

Ndërsa pritjen për Z.Destani e ka njoftuar edhe Kryetari I Komunës së Skënderajt, Fadil Nura.

“Respekt për filantropin, humanistin dhe afaristin e suksesshëm, Lazim Destani, pronar i kompanisë ‘Ecolog’, i cili na u gjend pranë në momentet e vështira pas vërshimeve të 19 janarit, duke çelë zemrën dhe ofruar ndihmën e nevojshme për familjet e goditura nga fatkeqësia natyrore! “, thotë Nura në faqen e tij zyrtare, I cili I ka akorduar gjithashtu Z.Destani mirënjohje për ndihmën e dhënë.

Menjëherë pas tërmetit të 16 janarit, kompania Ecolog-International, pronë e familjes Destani, nisi menjëherë drejt 3 komunave të dëmtuara, dhjetra kamionë me ndihma, për t’ju ardhur në ndihmë autoriteteve lokale, por edhe familjeve të prekura ta vërshimet e ujit dhe dëmeve.

I njëjti reagim i Ecolog dhe Lazim Destanit ndodhi dhe më Shqipërinë në tërmetin e 26 nëntorin 2019, teksa me datën 28, dhjera tonë me ndihma mbërritën në Tiranë, për t’ju ardhur në ndihmë familjeve të mbetura pa strehë.

Qendra ALERT – Alert.al

PRISHTINË – Pavarësia e Kosovës është kremtuar me një sërë aktivitetesh, nisur që nga Seanca Solemnte e Parlamentit dhe dhjetra aktivitete tjera në kryeqytetin Prishtinë. Mes qindra të ftuarve nga Kosova, Shqipëria, Maqedonia e veriut dhe Diaspora, por edhe nga organizat ndërkombëtare, në këto festime të 15-vjetorit të Pavarësisë, merrte pjesë dhe biznesmeni dhe filatropi i njohur, Lazim Destani. Ky i fundit ishte i ftuar nga autoritetet dhe organizatorët e aktiviteteve në Prishtinë, ku mori fillimisht në seancën plenare solemne të organizuar nga Parlamenti i Kosovës për 15-vjetorin e Pavarësisë. Lazim Destani, gjatë aktiviteteve të 17 Shkurtit, u takua me shumë personalitete të politikës dhe jovetëm, nga trojet tona shqiptare, me diplomatë e përfaqësues të huaj, si dhe me Kryeministrin Albin Kurti.

Përveç raportimeve nga mediat në Kosovë dhe Maqedoninë e Veriut, njoftimin dhe kënaqësinë për pjesëmarrjen në këto aktivitete e ka ndarë në rrjetet sociale edhe vetë Z.Destani, i cili shkruan:

“17 Shkurti i djeshëm, 15-vjetori i Pavarësisë së Kosovës, ishte një ditë e ngjeshur me aktivitete festuese në Prishtinë. Një ditë që gëzimin e shikoje në sytë e çdo shqiptari aty që kishte dalë për të festuar, në sytë e qindra të ftuarve në këto ceremoni, nga Kosova, Shqipëria, Maqedonia e Veriut e Diaspora.

I ftuar nga autoritetet Qeveritare pata nderin të marr pjesë në këto aktivitete, duke filluar nga ceremonia solemne e mbajtur në Parlamentin e Kosovës, ku pata rastin e kënaqësinë të takohem edhe me shumë personalitete shqiptare e ndërkombëtare.

Gëzimi më i madh ishte të shikoje në sheshin kryesor ushtrinë dhe policinë e Kosovës teksa parakalonin forcat e mbrojtjes dhe të sigurisë së një shteti të lirë, demokratik e të pavarur.

Gjatë aktiviteteve e manifestimeve të shumta takova të gjithë krerët e institucioneve të Kosovës si dhe liderët politik të vendit të cilëve ua urova 15-vjetorin e Pavarësisë së Kosovës.

Lavdi UÇK-së dhe martirëve që ranë për lirinë e Kosovës!

Mirënjohje NATO-s, SHBA-ve dhe gjithë botës demokratike që mbështeti dhe vazhdon ta përkrahë Pavarësinë e Kosovës.

Urime KOSOVË!”

Një ditë para aktiviteteve, filantropi Destani mori dekretin si anëtar nderi i Bordit të Këshillit të Ambasadorëve Shqiptarë. Ky nderim ndaj Z.Destani u bë në kuadër të kontributit të tij të dhënë gjatë 30 viteve në fusha të ndryshme. “Me kontributin e tij që ka dhënë në zhvillimin ekonomik, kulturo-sportiv dhe në shumë sfera tjera sidomos me lobimin që ka bërë për çështjen shqiptare. Një njeri i palodhur, një njeri që ka sfiduar shumë probleme në jetë, për të qenë këtu ku është si dhe njeriu më i shquar i mërgatës shqiptare sot në botë”, tha anëtari I KASH, Flaur Gashi, duke lexuar dhe motivacionin e këtij dekreti.

Lazim Destani është nga Tetova e Maqedonisë së Veriut dhe gjatë gjithë jetës së tij, ka kontribuar për çështjet shqiptare. Eshtë një ndër aktivistët më të fuqishëm në diasporë dhe kudo për kauzat shqiptare, si dhe një filantrop që në çdo moment, është gjendur pranë njerëzve në nevojë, duke ndigmuar me qindra mijëra familje.

Vetëm para pak javësh, pas përmbytjeve që sollën dëme të jashtëzakonshme në Kosovë, Destani, nëpërmjet kompanisë Ecolog Internacional që drejtohet nga familja e tij, dërgoi dhjetra kamionë me ndihma, të cilat iu dorëzuan komunave Skenderajt, Mitrovicës dhe Klinës.

Qendra ALERT – Alert.al

Kuvendi i Kosovës do të mbajë seancën solemne me rastin e 15-vjetorit të Pavarësisë së Kosovës. Në këtë seancë do të marrin pjesë personalitete të ndryshme vendore e ndërkombëtare, të cilat kanë kontribuar në mënyra të ndryshme për pavarësimin e Kosovës. Mes personaliteteve të ftuara është edhe filantropi dhe biznesmeni i njohur shqiptar Lazim Destani, i cili ka dhënë kontributin e tij në fusha të ndryshme.

Qendra Alert/Alert.al

Filantropi dhe biznesmeni i njohur Lazim Destani është zgjedhur anëtar nderi i Bordit të Këshillit të Ambasadorëve Shqiptarë. Ky nderim ndaj Z.Destani u bë në kuadër të kontributit të tij të dhënë gjatë 30 viteve në fusha të ndryshme.

“Me kontributin e tij që ka dhënë në zhvillimin ekonomik, kulturo-sportiv dhe në shumë sfera tjera sidomos me lobimin që ka bërë për çështjen shqiptare. Një njeri i palodhur, një njeri që ka sfiduar shumë probleme në jetë, për të qenë këtu ku është si dhe njeriu më i shquar i mërgatës shqiptare sot në botë”-tha Flamur Gashi, nga Këshillit të Ambasadorëve Shqiptarë

Me këtë rast, zotëri Destani tha se ndjehet i nderuar që është përzgjedhur të jetë Anëtarë Nderi i Bordit të Këshillit të Ambasadorëve Shqiptarë. Ai tha se ky çmim që i ndahet tij ka rëndësi të veçantë pasi vendimi është marrë më 28 nëntor të vitit të kaluar, në festën e Pavarësisë së Shtetit shqiptar, kurse i ndahet më 17 shkurt në vigjilje të shënimit të 15 vjetorit të pavarësisë së Kosovës.

“Të marrësh këtë çmim është një punë shumë e madhe dhe do të punojmë si t’i bashkojmë shqiptarët. Ne të gjithë e dijmë se bashkimi e bën fuqinë. Na presin shumë punë që bashkë të gjithë të arrijmë qëllimet tona që çdo shqiptar e ka në zemër dhe në shpirt”-tha mes tjerash Destani.

Në dekretin e kryetarit të Këshillit të Ambasadorëve Shqiptarë zotëri Besnik Mustafaj, thuhet se Lazim Destani zgjidhet anëtar nderi në vlerësim të kontributit të tij, të shquar si filantrop, veprimtar për paqe dhe humanist. Për kontributet e shumta të çmuara, në ndihmë të çështjes shqiptare dhe në mbështetje të aktiviteve dhe qarqeve patriotike në mbarë botën.për reputacionin e tij si një individ i respektueshëm dhe biznesmen i suksesshëm dhe me mirënjohje për veprimtarinë e e tij humanitare, duke bërë një ndryshim të madh në jetën e njerëzve të thjeshtë.

Z.Destani shpërndau në faqen e tij në Facebook foto nga takimi i realizuar në Prishtinë, nga ku mori dhe titullin Anëtar Nderi i KASH. Krahas fotove, Z.Lazim Destani shkruan:

“Në kuadër të aktiviteteve për shënimin e 17 Shkurtit, Ditës së Pavarësisë së Kosovës, mbrëmë në Prishtinë relizuam takim ceremonial me drejtuesit dhe anëtarët e Këshillit të Ambasadorëve Shqiptarë (KASH). Me këtë rast pata kënaqesinë ta pranoj dekretin e titullit Anëtar Nderi i KASH. Krahas drejtuesve dhe anëtarëve të KASH, ish-Ambasadorë nga Shqipëria e Kosova, në këtë ceremoni festive të pranishëm ishin shumë miq e personalitete nga trojet e nga diaspora jonë, në mesin e të cilëve dhe veprimtarë të shquar nga Amerika.

Me këtë rast, gjatë fjalës sime shpreha kënaqësinë dhe falënderimet e mia për nderimin që po më bëjnë drejtuesit dhe anëtarët e respektuar të këtij Këshilli duke shprehur gatishmerinë për angazhimin dhe kontributin tim në punën dhe aktivitetet e çmueshme të KASH”-u shpreh Destani.

Qendra Alert/Alert.al

Karvani i ndihmave nga kompania “Ecolog” e filantropit Lazim Destani ka përfunduar sot në Mitrovicë pas Skenderajt dhe Klinës, ku janë dhuruar mijëra pako me ndihma esenciale për familjet e prekura nga vërshimet.

Kryetari i Mitrovicës, Bedri Hamza është shprehur falënderues për ndihmën nga Lazim Destani dhe kompania e tij.

Hamza përmendi faktin se kjo nuk është hera e parë që Lazim Destani dhe familja e tij i janë përgjigjur nevojave të qytetarëve për ndihmë.

“Ndihmesë jashtëzakonisht e vlefshme, shfrytëzoj rastin me falënderua kompaninë “Ecolog”, pronarin e kompanisë Lazim Destani, këto ndihma me artikuj të domosdoshëm janë të mirëseardhura për familjet e prekura nga vërshimet”.

“Në emër te Komunës së Mitrovicës e falënderoj kompaninë “Ecolog” për përkrahjen, kjo nuk është hera e parë qe kjo kompani ndihmon dhe sigurisht se do të ndihmoj edhe në të ardhmen dhe besoj se do t’ia dalim bashkërisht të tejkalojmë këtë situatë”, tha Hamza.

Qendra Alert/Alert.al

Karvani i kamionëve me ndihma nga kompania “Ecolog” është shkarkuar në Skenderaj dhe në Klinë.

Qindra pako me produkte esenciale i janë dorëzuar Komunës së Klinës nga kompania “Ecolog”, pas vërshimeve që lanë pasoja të mëdha materiale, duke dëmtuar ekonomikisht mbi 500 familje.

Me këtë rast kryetari i Klinës, Zenun Elezaj ka falënderuar pronarin e kompanisë “Ecolog” Lazim Destanin për ndihmat, të cilat i cilësoi si mjaft të nevojshme në këtë kohë të vështirë.

“Pas reshjeve dhe vërshimeve, tani po vjen momenti që duhet të merremi me pasojat dhe qytetarë të shumtë, mbi 500 familje janë paraqitur si të prekura nga vërshimet. Kjo është ndihmë e madhe që vjen nga një biznesmen yni, vëlla i Maqedonisë së Veriut dhe unë u falënderohem shumë të gjithë atyre që kanë ndihmuar në këtë situatë në emër të qytetarëve të komunës së Klinës, kjo është një ndihmë e madhe në këto momente”, tha Elezaj.

Edhe kryetari i Komunës, Fadil Nura e ka falënderuar pronarin e kompanisë “Ecolog” Lazim Destanin për solidaritetin dhe mbështetjen e treguar për këtë situatë të vështirë, nëpër të cilën po kalon popullata e Skenderajt.

“Fillimisht dua të them që Lazim Destani është ndër njerëzit e parë që më ka kontaktuar pasi kanë ndodhur vërshimet, kemi qenë në vazhdimësi në kontakt, ky eshtë një humanitet i madh që zoti Destani e ka treguar qysh herët dhe e falënderoj në emër të gjithë qytetarëve të Skenderajt për këtë kontigjent humanitar që solli sot”, tha Nura.

Qendra Alert/Alert.al

Një karvan i gjatë i kamionëve me ndihma është nisur drejt Skenderajt, Mitrovicës dhe Klinës, komuna këto të cilat pësuan dëme të mëdha materiale pas përmbytjeve ditëve të fundit.

Ndihmat për mijëra familje vijnë nga kompania e njohur “Ecolog” e filantropit dhe biznesmenit Lazim Destani. Pakot me ndihma përmbajnë produkte bazike dhe do të dërgohen në shtabet e emergjencave të komunave dhe pastaj do t’u shpërndahen familjeve në zonat më të dëmtuara nga përmbytjet. Kjo nuk është hera e parë, pasi kompania “Ecolog” ka ndihmuar edhe në forma të tjera këto komuna pas përmbytjeve javën e kaluar. Nga llogaritjet fillestare që kanë bërë komunat deri më tani, dëmet nga përmbytjet mund të jenë miliona në ekonomitë familjare, por edhe në infrastrukturë.

Kompania “Ecolog” e filantropit Lazim  Destani ka ndihmuar familjet shqiptare, të cilat u dëmtuan rëndë nga tërmeti i 26 nëntorit që goditi Shqipërinë. Kompania “Ecolog” ishte ndër të parat që u solidarizua duke dërguar ndihmat e para në zonat më të prekura. Nga Tetova u nisën 3 kamione 12 tonesh dhe një furgon nga kompania “Ecolog” të cilat iu dorëzuan Shtabit te Emergjencave Civile.

Qendra Alert/Alert.al

Filantropi dhe biznesmeni Lazim Destani është vlerësuar me titullin “Gjeneral i Paqes” nga Misioni Diplomatik për Paqe dhe Prosperitet.

Dhoma e Biznesit të Diasporës Shqiptare dhe Unioni i Sipërmarrësve të Rinj të Shqipërisë, në bashkëpunim me Fondacionin Konrad Adenauer Stiftung, Ministrinë për Europën dhe Punët e Jashtme, partnerë të tjerë kombëtarë dhe ndërkombëtarë, në kuadër të Ditës së Diasporës, zhvilluan në Tiranë një event gala, të titulluar “Bright Minds Albanian Worldwide Awards 2022”. Mbrëmja gala, nisi me himnin kombëtar, e më pas, fjalën e mori kryetari i Dhomës së Tregtare të Diasporës, Ardian Lekaj, i cili tregoi se sa e rëndësishme është kur bizneset shqiptare bëhen bashkë.

Ndërsa, nënkryetarja e Unionit të Dhomave të Tregtisë dhe Industrisë, Elizabeta Katiaj, nënvizoi rëndësinë që kanë këto takime për të gjithë shqiptarët në të gjithë botën.

Guvernatori i Misionit Diplomatik Paqe dhe Prosperitet Dr. Shefki Hysa, foli mbi gjurmët që kanë lënë shqiptarët kudo në Botë, dhe ftoi kryegjyshin Botëror Baba Mondi, për t’i dhënë medaljen e artë “Gjeneral i Paqes” Lazim Destani, për gjithë kontributin e tij.

“Nën organizimin e Dhomës së Biznesit të Diasporës dhe Agjencisë Kombëtare të Diasporës në Tiranë, në një mënyrë tejet surprizë për mua, nga Misioni Diplomatik për Paqe dhe Prosperitet pranova vlerësimin Gjeneral i Paqes. Takime dhe aktivitete të tilla i shërbejnë afrimit dhe bashkimit të mëtejshëm të diasporës sonë me trojet tona. Në fjalën time me këtë rast theksova se e kam ditur kurdoherë, që t’i shërbesh atdheut dhe kombit është nder dhe lavdi. Të ndihmosh njerëzit, është mirësi. Por, t’i shërbesh paqes për vendin tënd, për kombin tënd dhe për mbarë njerëzimin është hyjnore”-shprehet Z.Destani.

Qendra Alert/Alert.al

Filantropi dhe biznesmeni Lazim Destani mori pjesë në takimet 2-ditore të zhvilluara në Tiranë, në kuadër të Ditës së Diasporës.

“Në kuadër të Ditës së Diasporës filloi axhenda e Këshillit Koordinues të Diasporës ku patëm kënaqësinë që me drejtuesit dhe anëtarët e tjerë të KKD-së të zhvillojmë takime mjaft të rëndësishme në Tiranë.

Me Bashkëkryetarin e Komisionit Parlamentar për Reformën Zgjedhore, Z. Damian Gjiknuri, diskutuam për rëndësinë e diasporës shqiptare në proceset integruese të vendit, për reformat e rëndësishme dhe në veçanti për votën e diasporës, që mbetet njëra ndër temat kryesore të KKD-së. Ministrja për Europën dhe Punët e Jashtme, Znj. Olta Xhaçka, shtroi darkë pune duke u dëshiruar mirëseardhje Anëtarëve të Këshillit Koordinues të Diasporës. Në ditën e dytë të këtij aktiviteti axhenda vazhdoi me hapjen e Konferencës së Diasporës ku të pranishëm ishin Kryeministri dhe disa ministra të Kabinetit Qeveritar. Me këtë rast KKD-ja prezantoi punën e saj 3-vjeçare rreth aktiviteteve të zhvilluara deri më tani. Nga diskutuesit në konferencë u theksua rëndësia e vazhdimit të punës për forcimin e urave lidhëse mes diasporës dhe institucioneve shqiptare”-shkroi në Facebook filantropi Lazim Destani.

Qendra Alert/Alert.al