Menu

Konsumatori

Kujdes, nëse e vëreni tek vezët hidhini menjëherë

Vezët janë ndër ushqimet më të shëndetshme për organizmin. Përkatësisht, ato janë një formë e mirë parandaluese kundër zhvillimit të sëmundjeve, sepse forcojnë sistemin imunitar që lufton kundër viruseve dhe infeksioneve. Ky ushqim është plot me proteina dhe kontribuon në shëndet të mirë.

Megjithatë, ekspertët paralajmërojnë se veza ndonjëherë mund të jetë ‘shtëpia’ e baktereve të rrezikshme. Nëse e bardha ka marrë një nuancë margaritare ose rozë, hidheni menjëherë, këshillojnë ekspertët. Ndryshimi i ngjyrës mund të nënkuptojë se veza është prishur për shkak të bakterit Pseudomonas.

Bakteret krijojnë pigment në të bardhën e vezës dhe nëse vëreni se nuk ka një nuancë të njohur, hidheni. Një vezë e freskët ka një të verdhë të qëndrueshme dhe të bardhë të trashë por me kalimin e kohës, e bardha bëhet më e lëngshme.

Qendra Alert/Alert.al

Mënyra të sigurta për shkrirjen e mishit të pulës, që mos të humbasë vlerat ushqyese

Mishi i pulës përveçse i shëndetshëm, hyn edhe tek mishrat më të parapëlqyer për shumicën e njerëzve, madje edhe në dieta. Mishi i pulës gatuhet dhe konsumohet gjatë gjithë vitit për shkak të shijes së butë dhe të veçantë që ka.

Ndonëse freskia është një faktor kyç në cilësinë dhe vlerat ushqyese tek çdo ushqim, amvisat zgjedhin që ndonjëherë mishrat t’i ruajnë edhe në ngrirje. Kjo zgjedhje është ideale për ata që duan t’i ruajnë ushqimet e tyre për një kohë më të gjatë

Debati për ngrirjen e mishit dhe vlerat e tij është ende prezent për shkak të rreziqeve që mbart.

Prej kohësh ekspertët rekomandojnë mënyra se si të ruani dhe kujdeseni për ushqimet tuaja në mënyrë që të mos ju ikin vlerat ushqyese.

Nëse deri më sot e shkrini mishin tuaj thjeshtë duket e nxjerrë në temperaturë ambienti, kjo metodë është e gabuar.

Shkrirja e mishit të pulës brenda në frigorifer

Sipas ekspertëve të sigurisë ushqimore një ndër mënyrat më të sigurta për shkrirjen e mishit të pulës është brenda në frigorifer. Konsiderohet si një nga vendet më të sterilizuara dhe të mira për t’a kryer këtë proces. Mjafton që nga ngrirja ta zbrisni mishin në pjesën e poshtme të frigoriferit tuaj. Kini parasysh që ta bëni këtë disa orë para se ta gatuani mishin ose edhe një natë më parë. Në këtë mënyrë bakteret nuk do të zhvillohen dhe rriten brenda mishit tuaj.

Zhytja e mishit në ujë

Nëse nuk keni kohë për metodën e mësipërme dhe ju duhet të përgatisni një vakt të shpejtë, ka një tjetër mënyrë. Nxirreni pulën nga ngrirja dhe futeni në një qese hermetike dhe zhyteni në një enë me ujë të ftohtë. Lëreni pulën të shkrijë në këtë mënyrë dhe ndërrojani ujin çdo 30 minuta.

Bëni shumë kujdes që uji të mos futet brenda qeses, pasi në këtë mënyrë mund të zhvillohen edhe bakteret tek mishi.

Shkrirja në mikrovalë

Sipas radhës, kjo është edhe mënyra më e shpejtë për kryerjen e këtij procesi menjëherë. Mjafton ta nxirrni pulën nga ngrirja ta vendosni në një pjatë dhe ta fusni në mikrovalë për rreth 1 minutë. Ky proces do të arrijë të shkrijë akullin dhe të mbrojë mishin nga bakteret. Më pas sigurohuni ta gatuani këtë mish menjëherë në mënyrën që ju dëshironi.

Qendra Alert/Alert.al

Shtetet e Bashkuara përgatiten të godasin Salmonelën në mishin e pulës

Departamenti për bujqësinë amerikane, USDA i ka shpallur luftë Salmonelës. Më specifikisht, salmonela që ndot mishin e pulës dhe gjelit të detit, përgjegjës për pothuajse një të katërtën e 1.3 milion infeksioneve të raportuara në vend çdo vit. Salmonela vlerësohet t’i kushtojë shtetit më shumë se 4.1 miliardë dollarë në vit kur bëhet fjalë për spitalet, vizitat, humbjet e ditëve të punës dhe vdekjet. Për goditjen, agjensia propozon një plan veprimi tërësor të ngjashëm me atë të nisur më 1994 kundër Escherichia coli, që në fakt çoi në rezultate shumë të rëndësishme.

Masat e reja do të përqëndrohen në tre hapa, kushtuar tre tendosjeve kryesore patogjene që lidhen me konsumin e pulës dhe gjelit të detit (nga 2,500 serotipe të identifikuara deri më sot): I pari përfshin kontrollin e pranisë së tyre para se të hyjnë në thertore, në mënyrë që të shmanget ndotja e mishit të therur; i dyti kërkon monitorim në fazat e therjes dhe përpunimit; I treti është treguesi i një kufiri maksimal për këto baktere dhe tërheqja e mishit nga tregu sa herë që ky kufi është tejkaluar.

Masat e propozuara, raportuar nga revista Time, do të jenë subjekt i një diskutimi publik që do të fillojë këtë muaj. Departamenti shpreson të nisë procesin rregullator në mes të vitit 2023, i cili do të zgjasë për një maksimum prej dy vjetësh, pas të cilit do të nisë legjislacioni i ri. Ideja bazë është t’i shtyjë fermerët dhe administratorët e fabrikave të therjes dhe përpunimit të miratojnë praktika shumë më të sigurta se ato aktuale, në mënyrë që të kontribuojnë në një ulje të përgjithshme të qarkullimit të baktereve dhe kontaminimit, gjë që duhet të çojë në një rënie drastike në numrin e epidemive. Nga ana e saj, USDA do të kryejë shumë inspektime nëpërmjet FSIS (Shërbimi i Sigurisë ushqimore dhe Inspektimit).

Shoqatat e konsumatorëve, të cilat për të paktën dy dekada kanë bërë thirrje për rregulla më strikte mbi sëmundjet e lindura nga ushqimi, menjëherë deklaruan veten në favor, megjithëse theksuan se dy vite janë shumë të gjata dhe se do të ishte e nevojshme të procedohej shumë më shpejt. (FoodSafety)

Qendra Alert/Alert.al

Përpunonte dhe tregtonte produkte ushqimore jashtë kushteve higjeno-sanitare, pranga pronarit

Një 52-vjeçar ka rënë në prangat e policisë pasi ushtronte aktivitetin e përpunimit dhe të tregtimit të mishit, në një magazinë, duke mos zbatuar kushtet higjeno-sanitare. Bëhet me dije se në pranga ka rënë B.H., ndërsa janë sekuestruar rreth 450 kg mish.

Njoftimi:

Specialistët e Seksionit për Hetimin e Krimeve Ekonomike dhe Financiare, në vijim të punës për goditjen e paligjshmërive, pas informacioneve të siguruara se në një magazinë, në rrugën “Myslym Keta”, një shtetas përpunonte dhe tregtonte mish, pa u regjistruar në organet kompetente, menjëherë kanë organizuar punën dhe kanë ushtruar kontroll në ambientet e magazinës.

Nga kontrolli i ushtruar dhe nga verifikimet e kryera ka rezultuar se shtetasi B. H., banues në Tiranë, përpunonte dhe tregtonte mish, në magazinën e tij, në rrugën “Myslym Keta”, jashtë të gjitha kushteve higjeno-sanitare.

https://fb.watch/gzkfw9xaCH/

Në vijim të veprimeve u bë arrestimi në flagrancë i shtetasit B. H., 52 vjeç, për veprat penale “Prodhimi dhe shitja e ushqimeve dhe e lëndëve të tjera të rrezikshme për shëndetin”, “Mashtrimi me produktet ushqimore” dhe “Fshehja e të ardhurave”. Në cilësinë e provës materiale u sekuestruan rreth 450 kg mish pule. Materialet i kaluan Prokurorisë, për veprime të mëtejshme procedurale.

Qendra Alert/Alert.al

Rregulli për reformimin e industrisë organike

Rregulli: “Forcimi i zbatimit organik” është ende i varur në Shërbimin e Marketingut Bujqësor të USDA (AMS). Thuhet se është pjesë e rëndësishme e bërjes së rregullave të ushqimit organik, që kur Programi Kombëtar Organik (NOP) u krijua nga Akti i Prodhimit të Ushqimeve Organike të vitit 1990. NOP është programi rregullator federal që zhvillon dhe zbaton  standarde kombëtare të qëndrueshme  për të prodhuar organikisht produkte bujqësore të shitura në Shtetet e Bashkuara. Periudha e komenteve publike për  rregullin e propozuar për Forcimin e Zbatimit Organik  përfundoi dy vjet më parë, më 20 tetor 2020, por ende nuk është publikuar si rregull përfundimtar. Nëse publikohet, ai do të rrisë mbikëqyrjen në të gjithë zinxhirët e furnizimit në mbarë botën me një zbatim më të fuqishëm të rregulloreve organike të USDA.

Rregulli do të ndikonte në të gjithë zinxhirin e furnizimit organik, blerësit, shitësit, importuesit, pronarët e markave, shitësit me pakicë dhe të tjerë. Bizneseve të ndikuara u thuhet se duhet të përgatiten, por saktësisht se kur USDA mund të lëvizë për të miratuar rregullin është e panjohur.

Bujqësia organike është një nga sektorët me rritje më të shpejtë në sektorin e ushqimit, megjithëse ende përbën një pjesë shumë të vogël të shitjeve totale të ushqimit. Rritja çoi në nevojën për një mbikëqyrje më të madhe për të mbrojtur si prodhuesit organikë ashtu edhe konsumatorët, thonë të brendshëm të industrisë.

NOP gjithashtu akrediton organizata të palëve të treta për të vërtetuar se fermat dhe bizneset përmbushin standardet kombëtare organike. Certifikuesit dhe USDA punojnë së bashku për të zbatuar standardet, duke siguruar një fushë loje të barabartë për prodhuesit dhe duke mbrojtur besimin e konsumatorit në integritetin e  vulës organike të USDA .

AMS propozon ndryshimin e rregulloreve organike të USDA për të forcuar mbikëqyrjen dhe zbatimin e prodhimit, trajtimit dhe shitjes së produkteve bujqësore organike. Ndryshimet e propozuara synojnë të mbrojnë integritetin në zinxhirin e furnizimit organik dhe të krijojnë besimin e konsumatorit dhe industrisë në etiketën organike të USDA, duke forcuar sistemet e kontrollit organik, duke përmirësuar gjurmueshmërinë nga ferma në treg dhe duke siguruar zbatim të fuqishëm të rregulloreve organike të USDA.

Temat e trajtuara në rregullin e propozuar përfshijnë:

  • certifikatat e importit;
  • mbajtja e shënimeve dhe gjurmueshmëria e produktit;
  • kualifikimet dhe trajnimet e personelit të agjentëve certifikues;
  • certifikata të standardizuara të funksionimit organik;
  • inspektime të paparalajmëruara
  • mbikëqyrja e aktiviteteve të certifikimit;
  • sistemet e huaja të vlerësimit të konformitetit;
  • certifikimi i operacioneve të grupit të kultivuesve;
  • etiketimi i kontejnerëve me pakicë;
  • kërkesat vjetore të përditësimit për operacionet e certifikuara;
  • proceset e pajtueshmërisë dhe ankesave dhe llogaritja e përmbajtjes organike të produkteve me shumë përbërës. (FoodSafetyNews)

Qendra Alert/Alert.al

Salçiçet me praninë e salmonelës

Ministria e Shëndetësisë së Italisë raportoi prodhuesin e një grupi salçiçesh të markës Bartoloni Salumi për praninë e Salmonella spp. Produkti në fjalë është shpërndarë në paketa vakumi prej 2 kg dhe shitet me datën e paketimit 23/09/2022 dhe datën e qëndrueshmërisë minimale 23/05/2023. Si masë parandaluese, prodhuesi rekomandon të mos konsumohen salçiçet e raportuara dhe t’i kthejë në pikën e blerjes. Infeksioni i salmonelës (salmoneloza) është një sëmundje e zakonshme bakteriale që prek traktin e zorrëve. Bakteret e salmonelës zakonisht jetojnë në zorrët e kafshëve dhe njerëzve dhe dalin nga organizmi përmes fecesit. Njerëzit infektohen më shpesh përmes ujit ose ushqimit të kontaminuar.

(IlFattoAlimentare)

Qendra Alert/Alert.al

Rritja e çmimeve shton kërkesën për vajin e ullirit vendas

Shtrenjtimi i çmimit të vajit ushqimor që pas fillimit të luftës në Ukrainë ka rritur në Shqipëri interesin për vajin e ullirit. Në disa qarqe si në Fier dhe në Vlorë sapo ka nisur vjelja e ullinjve dhe prodhimi i vajit. Sektori përballet me vështirësi për shkak të mungesës së punëtorëve, rritjes së kostove për fabrikat e vajit dhe tregut.

Në kodrat e buta të Panajasë në Vlorë të kultivuara gjerësisht me ullinj specialisti bujqësisë Adhurim Lazaj dhe kolegu i tij Ramo Merkohitaj po ndjekin procesin e vjeljes.Dy specialistët që punojnë në Qendrën e Transferimit të Teknologjive Bujqësore që mbulon në nivel kombëtar ullirin janë optimist për prodhimin e këtij viti, ndonëse kushtet klimaterike nuk kanë qenë shumë favorizuese.

“Kushtet klimaterike në momentin e lulëzimit bënë që një pjesë e kultivarëve të mos lidhin aq sa duhet kokërr. Megjithatë prodhimi i ullirit këtë vit në shkallë kombëtare duhet të shkojë diku tek 120 mijë tonë”, thotë zoti Lazaj.

Vjelja e ulliirt këtë vit ka si sfidë fuqinë punëtore, mungesa e së cilës po del çdo ditë e më tepër në pah në Shqipëri në shumë sektorë prej emigrimit të lartë të të rinjve.

Sipas specialsitti Adhurim Lazaj “ulliri ka një nga kostot më të mëdha procesin e vjeljes.

“Duke qenë në sezonin e vjeljes shumica e fermerëve e vuajnë mungesën e fuqisë punëtore. Shumica e sipërfaqeve të mbjella me ullinj janë edhe në terrene kodrinore dhe nuk mund të përdoret vjelja e mekanizuar, por vetëm me krah pune kështu që kërkohen punëtorë.”

Specialisti i bujqësisë Adhurim Lazaj flet edhe për sfidat të tjera të kultivuesve të ullirit.

“Prodhuesit janë në sfidë me kohën, me ndryshimet klimaterike, me ndryshimet e tregut dhe sfida kryesore është me shtijen e prodhimit”.

Pjesa më e madhe e prodhimit të ullirit në Shqipëri shkon për vaj, për të cilin është rritur interesi konsumatorëve pas rritjes së çmimit të vajit ushqimor prej luftës në Ukrainë.

Mesin e këtij viti çmimi i një litër vaji ushqimor luledielli shkoi mbi 4 dollarë dhe vajrat e tjerë bimorë shënuan rritje te ndjeshme ndërkrohë që një litër vaj ulliri shitet në rreth 5 dollarë. Në Shqipëri sipas të dhënave zyrtare varietet e ullirit për vaj zënë 87,6 % dhe varietetet e ullirit për tavolinë zënë 12,4 %. Sipas të dhënave të ministrisë së Bujqësisë Shqipëria ka rreth 350 përpunues të ullirit për vaj ndërsa konsumi vjetor i vajit të ullirit për frymë është afro 7.1 litra.

Në zonën e fshatit Oshëtimë në Vlorë familja Xhaferaj ka ngritur një fabrikë moderne vaji me teknologjinë që përdoret sot gjerësisht në Europë për prodhimin e vajit.

Enrik Xhaferaj thotë se familja e nisi 30 vite më parë me rreth 100 rrënjë ullinj dhe tani ata kanë mbi pesë mijë rrënjë dhe po investojnë edhe për përpunimin.

“E nisëm diku tek 120 rrënjë dhe tani kemi mbi 5000 rrënjë ullinj. Në vitin 2021 menduam me vëllain tim Fatjon Xhaferaj të invesotnim në prodhimin e vajit me një fabrikë moderne me një kapacitet 35 kuintalë për orë. Është një nga linjat më të mëdha që ka Piralisi për vende si Shqipëria me një prodhim dhe treg të vogël”.

Aktualisht fabrika përpunon prodhimin e fermerëve të zonës të njësive Novoselë dhe Qendër. Zoti Xhaferaj thotë se synimi është eksporti i vajit dhe shtimi i sipërfaqes me ullinj por ai thotë se hasin vëvshtirësi për gjetjen e punëtorëve për ta zgjeruar aktivitetin.

“Pretendojmë dhe duam të vazhdojmë akoma më shumë në shtimin e aktivitetit si kultivues dhe prodhues. Vitin tjetër synojmë paketimin e vajit dhe daljen për eksport. Por hasim vështirës për punëtorë. Vendi është shumë i përshtatshëm për të shtuar ullinjtë pasi janë toka pjellore dhe afër detit me klimë favorizuese për ullirin, thotë Enrik Xhaferaj .

Edhe rritja e parashikuar e çmimit të energjisë në nëntor pritet të ndikojnë në rritjen e kostove të përpunimit për fabrikat e vajit pasi në dy muajt e fundit të vitit ato punojnë me kapacitet të plotë.

Viti i shkuar ishte më i vështirë për prodhimin e ullirit me rreth 110, 2 mijë tonë nga 131,9 mijë tonë që kishte qenë në vitin 2020.

Shqipëria ka konsumuar dy vitet e funsit sipas specialistëve sasitë e mbiprodhimit të vajit të ullrit sidomos të vitit 2020 por edhe sasi që vijnë nga importi të cilat mbi bazë të të dhënave zyrtare janë rritur këtë vit me rreth 40% për vajin e ullirit ekstra i virgjër krahasur me vitin 2021. Vetëm për periudhën janar – gusht të vitit 2022 u importuan rreth 177.6 ton vaj ulliri ekstra i virgjër, me një vlerë rreth 868 mijë dollarë.

Sipas Ministrisë së Bujqësisë ulliri është një nga produktet që ka pasur një ecuri mjaft të mirë 10 vitet fundit me rreth 11 milionë rrënjë të regjistruara nga të cilat rreth 8milionë janë në prodhim.

Vlera e prodhimit të ullirit u rrit nga 36 milionë dollarë në vitin 2006 në 134 milionë dollarë në 2016 dhe në gati 147 milionë USD në vitin 2020,vlerëson Minstria e Bujqësisë. Shqipëria prodhon mbi 20 mijë tonë vaj ulliri në vit por mungesa e çertifikimit të prodhimit dhe e rafinerive përpunuese bën që eksportet të jenë ende në shifra të papërfillshme.(VOA)

Qendra Alert/Alert.al

Kungulli dhe vlerat e tij ushqyese

Në stinën e vjeshtës, kungulli është një nga perimet më të dashura, i pasur në vlera, vitamina dhe minerale përmban pak kalori.

Farat, gjethet dhe lëngjet e nxjerra prej tij janë shumë të mira me shëndetin.

Një perime të tillë arrin të bëjë pjesë në regjimin ushqimor në mënyra të ndryshme.

Atë mund ta konsumojmë si ëmbëlsirë, supë, sallatë, komposto apo edhe si zëvëndësues për gjalpin nëse e përdorni në formë pureje për gatimet me pjekje.

Kungulli përmban kalium që ka një ndikim pozitiv në tensionin e gjakut. Antioksidantët tek kungulli munden të parandalojnë dëmet e shkaktuara nga radikalet e lira dhe të përmirësojnë shikimin.

Kungujt e paprerë mund të ruhen në një vend të freskët dhe në errësirë për 2 muaj.

Arsyet Përse Kungulli të Bën Mirë

Shëndeti i syve dhe sistemi imunitar

Kungulli është i mirë për sytë dhe për sistemin imunitar sepse është i pasur me vitaminë A. Një racion i vetëm me kungull ofron 200 përqind të dozës së rekomanduar ditore të këtij ushqyesi kaq të dobishëm për organizmin.

Shëndeti i zemrës

Kungulli përmban kalium dhe antioksidantë të cilët mund të parandalojnë sëmundjet e zemrës por edhe disa lloje kanceri.

Kolesteroli

Sterolët bimorë tek farat e kungullit ndihmojnë në uljen e kolesterolit të keq. Të njëjtin rol luajnë edhe acidet yndyrore omega-3 që ulin trigliceridet dhe tensionin e gjakut.

Pesha trupore

Kungulli është një ushqim i lehtë dhe me pak kalori. Një racion i vetëm përmban vetëm 50 kalori. I njëjti racion përmban 3 gramë fibër që do të thotë se do të ndiheni të ngopur për më gjatë.

Ushqehuni me më shumë kungull

Përfshirja e kungullit në regjimin ditor ushqimor është e thjeshtë.

1. Kungullin mund ta piqni në furrë dhe ta përdorni në antipasta.

2. Purenë e kungullit mund ta përdorni në supa, jo vetëm për ta bërë lëngun më të trashë por edhe për të zëvëndësuar yndyrnat dhe karbohidratet.

3. Përdorni kungullin në vend të yndyrës në gatimet e brumit dhe në ëmbëlsira.

4. Shtojeni kungullin në kos bashkë me mjaltin për një recetë pikante por edhe të ëmbël.

5. Kungullin mund ta përdorni në lëngjet e plota të frutave apo perimeve.

6. Farat e kungullit mund t’i piqni dhe t’i përdorni në sallata ose me perime të pjekura.

Qendra Alert/Alert.al

Sekreti si prodhohet birra unike çeke, nga parajsa e përbërësve më të mirë

Budweiser Budvar ka prodhuar birrën vetëm duke përdorur përbërësit më të mirë vendase çeke.

Mësoni arsyen pse…

Disa pije përmbajnë esencën e një vendi. Duke vjelur përbrësit më të mirë nga plantacionet lokale, ato krijojnë shprehjen unike të atij regjioni. Mendoni për wiskyn skoceze, apo shampanjën franceze. Secila është destilim perfekt i një vendi që nuk ka mundur të bëhet diku tjetër. Dhe pikërisht, storia e njëjtë vlen edhe për Budweiser Budvar.

Që nga viti 1895, secila pikë e birrës është prodhuar në një dhe të vetmin vend: Në Budejovice, apo ‘Budweiss’. Njëjtë sikur shampanja, lvendi nuk është vetëm përgjegjës për emrin – Budweiss-er, birrën e Budweissit – por edhe për përbërësit që e bëjnë birrën kaq të veçantë. Birraria i merr përbërësit nga të njëjtat vende, nga të njëjtat fusha, nga të njëjtit fermerë dhe artizanë tash e 125 vite – që është arsyeja pse njihet si zonë e mbrojtur gjeografike me një çmim nga Bashkimi Evropian në vitin 2004.

Gjeografia unike dhe gjeologjia e Republikës së Çekisë është një parajsë për prodhimin e birrës, duke prodhuar katër përbërësit më të mirë dhe kryesorë për të fituar birrën më të mirë. Në një shishe Budweiser ju do t’i gjeni të gjitha aty: kulperin me kon të plotë, maltën moraviane, ujin krejtësisht natyral dhe majën e trashëguar të birrës – të gjitha bashkë me njëra-tjetrën krijojnë freskinë dhe shijen e plotë komplekse.

Dhe prapa secilës prej tyre, është një histori.

Kulperi

Teksa dielli ngritet nëpër plantacione duke i ngrohur korridoret e tyre, ajri bëhet tejet aromatik. Sa e ëmbël, aq e idhët, sa aromë limoni aq edhe e luleve – është ndjesia që secili adhurues i birrës e njeh. Kulperi. Kulperi me kon të plotë, që të jemi më preciz, me aromën e vet të lavdishme dhe të freskët.

Si përbërësi më i njohur i birrës në botë, kulperi Saaz nga Bohemia e Jugut është i renditur lart përbërësve të ngjashëm gjerman. Kulperi Saaz çek posedon baraspeshën e radhë mes shijes së idhët dhe aromës që ja dhuron në mënyrë perfekte beers çeke.

Edhe pse është prej përbërësve më të shtrenjtë, Budweiser refuzon të përdorë lloj tjetër të kulperit, andaj jo rastësisht ky përbërës quhet “ari i gjelbërt”.

Malta

Është thënë shpesh se birra çeke ka shpirt të vërtetë dhe ai shpirt ka emrin: malta. Para së gjithash, është malta që sjell ngjyrën dhe shijen e birrës. Që nga viti 1895, Budweiser Budvar e ka marrë maltën (elbin) nga një vend që gjithashtu ka shpirt të vërtetë: Regjioni Hana i Moravisë, në juglindje të Republikës Çeke. Këtu, shtatë lumenj puthen për të krijuar tokën pjellore. Njerëzit flasin dialektin e tyre, kanë veshjen e tyre dhe festivalet. Është e thënë se toka është aq pjellore sa që edhe nëse bie një pullë e fermerit, atëherë pulla do të mbillej dhe do të rritej.

Para se të mendoni për të gjetur ari apo diamantë, ekziston tashmë një thesar që po rritet. Elbi specifik që Budweiser Budvar përdor për të prodhuar birrën me shumë kujdes, është falë maltës më të mirë që mund të gjendet ndoku në botë. Është një proces i tërë nëpër të cilën kalon prodhimi dhe kur ky proces të kryhet atëherë birraria është gati që të bëjë magjinë, me shkëlqimin e artë të sjellë shpirt në secilën shishe të Budweiser Budvar.

Uji

Uji për kohë të gjatë i ka dhënë formë njerëzimit. Qoftë për t’u pirë, për prodhim, për udhëtim apo tregti, pak vende mund të përparojnë pa jë. Dhe, është po ashtu e vërtetë edhe për Budejovicen, shtëpinë e birrarisë Budweiser Budvar. Aty pari, lumi kombëtar i çekisë, Vltava, ka ndikimin i cili nuk mungon. Por, teksa është e vërtetë se ky regjion nuk do të ekzistonte sot pa fuqinë e “lumit amë”, ekzisto nnjë tjetër lloj i ujit që gjendet aty dhe është shumë më i veçantë. Një ujë antik i cili buron nga thellësia e tokës.

Fama e Budejovices vjen nga birraria Budweiser dhe në zemër të saj është uji natyral. I pastër, i freskët. Qyteti është shpërblyer me dekretin mbretëror për birarrinë nga Mbretëria e Bohemisë në vitin 1265, për shkak të cilësisë së madhe të birrës. Gjeografikisht, qyteti ka pasur fat. Është i pozicionuar 300 metra mbi rezervat nëntokësore të ujit kristal të pastër që është aq i freskët, sa që edhe foshnjet mund ta konsumojnë – direkt nga nëntoka. Ky ftohës nga koha e gurit është kapsulë e kohës nga bora e shkrirë, i paprekur për 10 mijë vjet, i cili ka bazën në një epokë para industrisë, ndotjes dhe bujqësisë.

Qendra Alert/Alert.al

Çfarë duhet të dimë për ruajtjen e vezëve

Vezët janë një ushqim i gjithanshëm dhe një përbërës në shumë receta, nga të kripurat e deri tek të ëmblat. Duke qenë të tilla, është e rëndësishme të mbani mend se ato janë një produkt që prishen, prandaj duhet të trajtohen dhe ruhen me kujdes.

Fatmirësisht, ftohja, gatimi dhe kujdesi i duhur mund të parandalojnë shumicën e problemeve të sigurisë ushqimore të vezëve.

AgroWeb.org ju njeh në këtë artikull me ç’ka duhet të dini rreth ruajtjes së këtij produkti në mënyrë sa më të sigurt.

Pse duhet t’i mbani vezët në frigorifer?

Megjithëse vezët mund të lihen jashtë frigoriferit, e mira është t’i ruani ato në frigorifer.

Kjo sepse ato mund të përmbajnë baktere në sipërfaqe. Prandaj prodhuesëve iu këkohet t’i lajnë vezët.

Duke qenë se ky hap largon mbrojtjen natyrale që parandalon hyrjen e baktereve, vezët duhet të ruhen në frigorifer për të mbajtur numurin e baktereve në minimum.

Në mënyrë të veçantë, prodhuesve u kërkohet t’i mbajnë vezët në një temperaturë prej 7 gradë Celsius.

Pse rekomandohet që vezët e lëna jashtë të gatuhen?

Nëse e lini një vezë në banak pasi e keni nxjerrë nga frigoriferi, ajo mund të “djersitet”.

Kjo mund të ndihmojë bakteret e dëmshme të futen në brendësi të vezës, duke ndotur si të verdhën ashtu edhe të bardhën.

Si rezultat, nëse nuk e gatuani plotësisht atë, mund të sëmureni nga bakteret.

Edhe pse procesi i gatimit vret patogjenët që mund të kalojnë nëpër lëvozhgat poroze të vezëve, disa baktere mund t’i mbijetojnë nxehtësisë dhe të shkaktojnë sëmundje.

Pra, nëse ndodh që t’i lini vezët jashtë frigoriferit për një kohë shumë të gjatë, e mira është të mos përdoren më.

Si t’i ruani vezët në frigorifer

Ekspertët e sigurisë ushqimore, rekomandojnë ruajtjen e vezëve në kutinë ku janë blerë dhe t’i lini ato në pjesën më të ftohtë të frigoriferit.

Në përgjithësi, kjo është në raftet e poshtme dhe në pjesën e pasme të njësisë.

Nëse frigoriferi juaj ka një zonë për ruajtjen e vezëve në derë, dijeni se ky vend ka tendencë të mos jetë aq i ftohtë sa duhet.

Po vezët me lëvozhgë të plasaritur?

Arsyeja për të kontrolluar nëse vezët janë apo jo të krisura para se t’i blini është sepse bakteret mund të hyjnë brenda përmes çarjeve, kështu që nuk duhet t’i blini kurrë nëse janë të dëmtuara.

Dhe nëse vezët çahen gjatë udhëtimit nga dyqani për në shtëpi, kalojini në një enë të pastër, mbulojini hermetikisht dhe vendosini në frigorifer. Ato duhet të konsumohen brenda 2 ditësh.

Qendra Alert/Alert.al