Menu

Konsumatori

Konsumatori në rrezik/ Në shitje ushqime të mykura dhe datë skadence më 30 shkurt

Skadimi i një produkti ushqimor më 30 shkurt është padyshim një tregues se sa funksionon etiketimi në vendin tonë. Siguria ushqimore nis pikërisht në mbarvajtjen e një etikete të saktw dhe me informacion të bollshëm. Shpesh herë kemi parë se ky standard nuk zbatohet nga prodhuesit dhe tregtuesit, të cilët i servirin konsumatorit ushqime me rrezikshmëri të lartë. Më së shumti ushqimet që abuzohet më tepër janë produktet e fëmijëve, biskotat e ndryshme, apo dhe prodhimet me origjinë shtazore si dhe prodhimet e brumit.

Së fundmi në rrjete sociale qarkullojnë foto ku qytetarët kanë blerë djath bebe të mykur dhe jashtë çdo kushti higjenosanitar për tu konsumuar. Ky produkt mbart baktere të shumta dhe ngrënia e tij rrezikon seriozisht shëndetin e konsumatorit. Për këto raste duket se AKU nuk shqetësohet aspak, përderisa zbatimi i rregulltë i etiketave mbetet një mision i vështirë për këtë autoritet.

Një tjetër mashtrim është edhe data e etiketës. Një tjetër qytetar ka blerë një produkt brumi me datë skadence 30 shkurtin e viti të ardhshëm. Dukshëm prodhuesi nuk është kujdesur për afatin e konsumimit por thjesht e ka vendosur atë si një numër të zakontë. Produkti i brumit mund të jetë edhe i skaduar dhe rihidhet sërish në treg, jashtë çdo lloj standardi për sigurinë ushqimore.

Foto të marra nga: JOQ Albania

Qendra Alert / Alert.al

Task Force e përbashkët për COVID, inspektorëve të ISHSH iu paguan 200 orë pune shtesë, kolegët e AKU në "gisht në gojë". Askush nuk u kujtua t'ju japë çfarë u takon

E gjithë bota është fokusur në sigurinë e shëndetit dhe mbrojtjen e popullatës nga COVID-19. Në këtë “rresht” është dhe Shqipëria, e cila rast pas rasti ka shtërnguar apo liruar masat, në varësi të situatës epidemiologjike. Por, anjë vend si Shqipëria, nuk ka lënë pas dore sigurinë ushqimore dhe shumë shërbime të tjera për shkak të pandemisë.

Që në muajin mars, për shkak të situatës së virusit, u ngrit Task Force për luftën ndaj COVID-19 ku në trupat inspektuese u përfshinë inspektoriate të ndryshme, si ISHSH dhe AKU. Grupet e punës, sidomos të AKU lanë menjanë sigurinë ushqimore dhe inspektimet për të gjithë zinxhirin dhe u fokusuan te masat anti-covoid. në këtë mënyrë, inspektorët dilnin në terren me turne, paradite e pasdite, edhe të shtunave e të djelave në shumë raste, duke kontrolluar subjekte të ndryshme, edhe që nuk kanë lidhje me ushqimin, për masat anticovid, distancimet e madje AKU “dhuroi” për Operatorët e Biznesit Ushqimor edhe dezinfektues duarsh e stickera adezivi me mbishkrimin “mbani distancën” që vendosen në dysheme. (Zëra të ndryshëm tregojnë se shumë prej inspektorëve i kanë shitur me cmime më të lira sesa mund të gjendeshin në markete apo farmaci).

Inspektore te AKU dhe ISHSH gjate inspektimeve te perbashketa ne kuader te Task Force anticovid

Situata e inspektimeve në terren vazhdon pa orare, ndërkohë që së fundmi, përfshirë edhe inspektorët e AKU, të gjitha inspektiatet kanë nxjerrë forcat në terren për t’i detyruar njerëzit që të mbajnë maskat. Madje, të gjitha inspekoriatet janë pajisur me të njëjtin jelek dhe logo, sa secili ka humbur autonominë apo identitetin e tij e shihen rrugëve edhe në mbrëmje vonë.

Vetëm në Drejtorinë e AKU Tiranë, janë vetëm 12 inspektorë që “na ruajnë” nga Covid, ata me më shumë eksperiencë në sigurinë ushqimore. Por edhe në qarqet tjera, në terren ndodh e njëjta gjë.

Megjithatë, në raste epidemish, gjithçka mund të tolerohet e pranohet, kur mundi e djersa, apo edhe orët e pafundme shtesë në punë, paguhen. Ndërkohë që në trupa të përbashkëta inspektimi ishin inspektorët e ISHSH dhe të AKU, këta të fundit duket se janë të “njerkës”. Përveçse të keqtrajtuar, të akuzuar e madje me dinjitetin që nuk ua jep më as logo e përbashkët e inspektimeve, deri sot nuk kanë marrë as edhe një dinqarkë shtesë për të gjitha orët e punës shtesë. Ndërsa kolegët e tyre të ISHSH janë paguar, ose më e pakta, urdhëri për 200 orë pune shtesë në vit u është miratuar.

Korresponcendat e Ministrise se Shendetesise dhe asaj te Ekonomise, per miratimin e oreve shtese te inspektoreve te ISHSH

Në fakt, nuk ka asnjë pengesë ligjore për t’ju dhënë hakun, por thjesht neglizhencë e eprorëve të tyre, apo mungesë vëmendjeje totale. Kjo, pasi kolegët e tyre të ISHSH janë paguar falë vullnetit të eprorëve. Më 29.06.2020, Sekretari i Përgjithshëm i Ministrisë së Shëndetësisë i ka kërkuar Ministrisë së Financave dhe Ekonomisë miratimin e pagesës për orët shtesë të këtyre inspektorëve, duke qenë se zëvendësimi i tyre me ditë pushimi ishte e pamundur. Ndërsa më 8 korrik, Ministria e Financave ka kthyer përgjigjen e miratimit për pagesën e 200 orëve pune shtesë në vit për inspektorët e ISHSH.

Kjo mund të kishte ndodhur lehtësisht edhe për inspektorët e AKU, nëse do të mendohej për mirëqënjen e tyre apo fundja detyrimet ligjore të institucineve ndaj tyre. Por, duket se askush “nuk e ka vënë ujin në zjarr”. Në këtë situatë, inspektorët që duhet të na garantojnë sigurinë ushqimore, “bredhin” rrugëve të qyteteve tona për të na thënë “vendosni maskën”. Të njëjtën gjë bëjnë dhe kolegët e tyre të ISHSH, por këta të fundit, të vlerësuar e paguar për çka iu takon ligjërisht.

Qendra ALERT / Alert.al

Katraure dhe skandal në AKU e Tiranës, veterineri inspekton perimet dhe agronomi mishin e qumështin. Si u shkri sektori OSH

Për Autoritetin Kombëtar të Ushqimit, duket se vetëm siguria ushqimore nuk është prioritet edhe pse është detyrë funksionale. Dhe e dini çfarë ndodh?

Tirana është qarku më i madh i vendit, i cili ka dhe numrin më të madh të Operatorëve të Biznesit Ushqimor, prodhues, tregtues, importues, përpunues e deri te marketi më i vogël, në fshatin më të largët të këtij qarku. Dhe, sigurinë ushqimore të banorëve të këtij qarku, e kanë në dorë pikërisht inspektorët e Drejtorisë Rajonale të AKU-së. Këto drejtori, ashtu si dhe qendrorja, funksionojnë të ndara në sektorë dhe konkrtisht, Sektori i Kontrollit të Ushqimit me Origjinë Shtazore, ai Joshtazore dhe i Mbrojtjes së Bimëve.

Në të gjithë zinxhirin e sigurisë ushqimore, produktet me riskun më të lartë për konsumatorin, janë ato me origjinë shtazore. Dhe, pikërisht ky sektor, në Drejtorinë Rajonale të AKU Tiranë është shkrirë, që në fund të 2019 apo fillim të 2020. Drejtori Rajonal i asokohe, sipas burimeve të Alert.al, Arbër Nuri, i propozoi Drejtorisë së Përgjithshme të AKU, që të mos kishte sektor OSH. Çuditërisht kështu ndodhi. Propozimi i tij u bë fakt i kryer e që nga ajo kohë e deri sot, inspektorët e AKU Tiranë marrin detyrat në mëngjes, si dhe urdhërat e shërbimit (inspektimit) pa asnjë kriter. Që do të thohë se, një mjek veteriner mund të çohet për inspektim në një farmaci bujqësore ose fabrikë mielli, por edhe te preshi e domatja në tregje. Ndërsa produktet me origjinë shtazore, fabrika prodhimi e përpunimi qumështi apo mishi, importues, dyqane mishi etj, inspektohen nga kimistë, agronomë ose/dhe inspektorë që nuk janë të profilit. Ndarja e tyre bëhet siç vendosin drejtorët rajonalë dhe koordinatorët, ndoshta referuar dhe “rëndësisë” së subjektit që do të inspektohet.

Kjo shkrirje e Sektorit të Ushqimit me Origjinë Shtazore është bërë vetëm në Drejtorinë Rajonale të Tiranës dhe prej afro një viti, kjo situatë e tmerrshme për sigurinë ushqimore, vazhdon të ekzistojë.

Drejtoritë Rajonale të AKu në Qarqet tjera funksionojnë me 3 sektorët, ndërsa Tirana, më e madhja përsa i përket numrave por edhe OBU-ve gjendet në këtë mënyrë.

Shënim: AKU vazhdon të funksionojë me strukturën e vjetër, ndërkohë që e reja do ende shumë kohë të miratohet. Në strukturën e re është e parashikuar shkrirja e sektorëve OSH me OJSH dhe krijimin e një sektori të përbashkët (përveç Mbrojtjes së Bimëve) dhe do të kenë përgjegjësin që ndan detyrat sipas profilit të secilit inspektor).

Qendra ALERT / Alert.al

Raporti i KE, Shqipëria, probleme me sigurinë ushqimore, nuk u plotësuan as rekomandimet e vitit 2019. Ja shqetësimet më serioze

Siguria Ushqimore në Shqipëri vazhdon të mbetet shqetësuese edhe për Komisionin Evropian. Raporti i publikuar në muajin tetor 2020, për arritjet e Shqipërisë në plotësimine kapitujve, e përshkruan sigurinë ushqimore në nivele jo të duhura. Madje, sipas raportit, Shqipëria nuk ka plotësuar as rekomandimet e lëna në raportin e vitit 2019 përsa i përket sigurisë ushqimore.

Përsa i takon Kapitirullit XII, “Siguria ushqimore, politika veterinare dhe fitosanitare“, në raportin e 2020 të Komisionit Evropian, thuhet se, ristrukturimi i sektorit veterinar është ende për t’u implementuar. “Shqipëria duhet të hartojë një udhërrëfyes koherent për të siguruar rreshtimin, kapacitetin, ndërtimin dhe zbatimin e acquis të BE-së mbi kontrollet zyrtare, shëndetin e kafshëve dhe bimëve, shëndetin në kuadrin e një politike të konsoliduar kombëtare të sigurisë ushqimore”, thuhet në raport. Megjithatë, në vitin 2020, në Parlamentin e Shqipërisë u miratua Ligji për Shërbimin Veterinar, si dhe me Vendim të Këshillit të Ministrave, u vendos krijimi i Autoritetit Kombëtar të Veterinarisë dhe Mbrojtjes së Bimëve. Por, Ligji për Shërbimin Veterinar, nuk është përafruar me legjislacionin e BE-së, edhe pse kjo e kërkuar.  

Rekomandimet e Komisionit Evropian, thuhet në raport, të lëna në atë të vitit 2019, nuk u zbatuan plotësisht dhe mbeten ende të vlefshme. Sipas raportit të, gjatë vitit 2020, Shqipëria duhet të përfundojë riorganizimin e shërbimit veterinar, për të rritur efikasitetin dhe të sigurojë një nivel të përshtatshëm të kapacitetit administrativ;  të vazhdojë të zbatojë me efikasitet programin e ri të vaksinimit të tërbimit (2020-2021); të miratojë një metodologji të re të bazuar në risk për planifikimin e kontrolleve zyrtare të sigurisë ushqimore; të zbatojnë kontrollet zyrtare në përputhje me planet e azhurnuara vjetore të inspektimit bazuar në një metodologji të përmirësuar e bazuar në bazë risku për planifikimin e kontrolleve zyrtare të sigurisë ushqimore;  të përmirësojë kontrollin e produkteve për mbrojtjen e bimëve dhe të konsolidojë mbetjet e pesticideve, të shtojë kapacitetin e monitorimit në produktet ushqimore.

Për Komisionin Evropian, duket se një shqetësim i madh mbetet vlerësimi i riskut mbi opinione shkencore, gjë që sipas raportit, kjo mbetet në nivel të dobët. Kapacitetet e vlerësimit të riskut, bazuar në mendimin shkencor, mbeten të dobëta dhe duhet të përmirësohen. Në fazën aktuale, është e rëndësishme që të rriten kontrollet zyrtare, duke miratuar një metodologji të përmirësuar të bazuar në risk, të prodhohen statistika zyrtare të qarta dhe të hollësishme të kontrollit, që bazohen në sistemin përkatës të informacionit, që ndihmon në përgatitjen e planeve vjetore të inspektimit dhe hartimin e politikave specifike në sektor, vendosjen e auditimeve të brendshme dhe vazhdimin e sigurimit të trajnimit të stafit”, vijon më tej raporti.

Sa i përket politikës veterinare, sipas raportit, pas miratimit të strategjive të kontrollit të sëmundjes, Ministria e Bujqësisë dhe Zhvillimit Rural vazhdoi të punojë për një rregullore për vendosjen e kritereve për programet kombëtare për të përshpejtuar çrrënjosjen e sëmundjeve të caktuara në bagëti (p.sh. bruceloza, tuberkulozi dhe leukoza). Zbatimi i programeve për monitorimin e brucelozës dhe tuberkulozit në bagëti vazhduan tufa me mbi 10 krerë, ashtu si vaksinimi kundër sëmundjes së lëkurës me gunga në bagëti (LSD), bruceloza në kafshët zëvendësuese në ripërtypësit e vegjël dhe antraksin.

“Ndryshimet në ligjin veterinar të miratuar në qershor të vitit 2020 pritet të përmirësojnë strukturat dhe funksionimin e Shërbimit Veterinar, duke shmangur copëzimin dhe përmirësuar zinxhirin e kontrollit dhe komunikimit. Sidoqoftë, reforma është ende për t’u përfunduar. Problemet e identifikuara në raportin e mëparshëm duhet të adresohen.

Në lidhje me vendosjen në treg të ushqimit, ushqimit për kafshë dhe nënprodukteve me origjinë shtazore, plani kombëtar i monitorimit të mbetjeve (që mbulon produktet mjekësore veterinare, mbetjet e pesticideve, metalet e rënda dhe mykotoksinat në kafshët e gjalla dhe produktet me origjinë shtazore) u zbatua në përputhje me kërkesat dhe metodat e vlefshme analitike.

Ende shqetësim dhe kush i paplotësuar për KE, mbeten PIK-et (Pikat e Inspektimit Kufitar), që janë pjesë e Autoritetit Kombëtar të Ushqimit.

“Vëmendja duhet t’i kushtohet investimeve në kufi, në objektet e pikave të kontrollit”, thuhet ndër të tjera në raportin e KE.

Qendra ALERT / Alert.al

Teknologia Elda Rama: S’ka ushqime, fruta dhe perime pa kimikate, por ja kur dëmtohet konsumatori

E ftuar në emisionin “Alert” në News24 nga Granit Sokolaj, Elda Rama Ziu, inxhiniere teknologe ka folur për domosdoshmërinë e aditivëve ushqimor në produkte të përpunuara, rolin e konservantëve dhe industritë ku përdoren.

“Nuk ekzistojnë produkte të përpunuara pa aditivë ushqimor, madje edhe frutat e perimet janë me kimikate, si psh prania e pesticideve. Por është vendosur një normë e lejuar që duhet ndjekur për të mos dëmtuar konsumatorin. Duhet të jemi të kujdesshëm me konservantët dhe pesticidet, të cilët përdoren për të rritur jetëgjatësinë e produktit, por edhe konsumatori duhet të tregojë kujdes pasi çdo gjë e tepruar është e dëmshme. Në Shqipëri kemi përkthime, përshtatje të legjislacionit Europian, pasi Komuniteti Europian është hapa para nesh, por problemi mbetet me zbatimin. Aditivët nuk janë vetëm konservantët, janë dhe shtesat e tjera. Konservanti ka si rol të ruajë ngjyrën dhe nuk ka produkte pa konservant, pasi na japin edhe siguri. Konservantët nga 200-299 E janë nitritet, nitratet, sulfatet dhe janë grupi me i studiuar se lidhet me efektet që kanë në organizmin e njeriut. Diskutimi mbetet tek doza, ku nuk lejohet më shumë se 100 mg për 1 kg produkt, sipas EFSA-s. Nitriti në rastin e mishit, rekomandohet të futet në ngrirje dhe jo në ambient të freskët, pasi nuk reziston me shumë se 3 -4 ditë. Nëse do të shtojmë jetëgjatësinë, duhet të shtojmë shtesat dhe në këtë rast nuk kemi të bëjmë me lëndë të parë, por të përpunuar”-deklaroi teknologia.

Teknologia Elda Rama Ziu renditi klasën e aditivëve dhe rolin e tyre në produktet ushqimore. “Aditivët, përveç konservantëve janë ngjyruesit, me origjinë bimore dhe kimike. Në industrinë ushqimore përdoren bimore, të cilët janë me E nga 100-199, ndërsa ato me prejardhje kimike janë me shkronjën C dhe përdoren për ngjyrosjen e vezëve të pashkëve. Anti-oksiduesit kanë rol konservues, ku në industrinë e mishit përdoren për të ruajtur ngjyrën, pasi produktet oksidohen dhe përdoret në të gjitha llojet e industrive. Grupi i trashësve, nga 400-499 E, i japin një lloj konsinence produktit. Rregulluesit e aciditetit bëjnë homogjenizimin e produktit, janë më pak të përdorshëm. Ndërsa shijuesit janë 600-699 E dhe është më i zakonshmi. Janë listuar të gjithë aditivët, sasitë e tyre, por sa mund të kontrollohen? Uroj që me udhëzimin e ri diçka të ketë ndryshuar, por e dyshoj”-tha Elda Rama Ziu.

Qendra Alert/Alert.al

Emil Sharko nga ISUV: Kimikatet jo të dëmshme nëse janë brenda normave, raste abuzimesh në ushqime dhe pijet shqiptare

I ftuar në emisionin “Alert” në News24 nga Granit Sokolaj, Shefi i Sektorit të Vlerësimit të Cilësisë Ushqimore në ISUV Emil Sharko ka folur për kimikatet në ushqime, normat që duhen përdorur dhe për sigurinë ushqimore të konsumatorit. Sharko tha se kimikatet e njohura ndryshe si aditivë ushqimor gjenden në të gjitha produktet që konsumojmë dhe nëse janë brenda normave nuk janë të dëmshme, ndërsa Autoriteti Evropian i Sigurisë Ushqimore (EFSA) në bazë të studimeve, heq ose shton në listë çdo 3 muaj aditivë.

“Kimikatet i njohim si aditivë ushqimor dhe brenda disa normave janë të lejuar. Konsumatori mund të informohet përmes etiketës për aditivët ushqimorë, të cilët shënohen me disa numra dhe sa më shumë numra të shohim, aq më jashtë natyralitetit është produkti. Nuk duhet të kalojmë dozën ditore për peshë trupore. Konsumatori duhet të shohë etiketat, të ketë sa më pak E, të shohë rekomandimin, cilesinë. Tek vera që blejmë duhen parë sulfitet, kemi hasur probleme të sulfiteve mbi 300, ku norma e tyre është 220, pasi prodhuesi për të qenë i sigurt hedh me tepri konservantin. Kemi dhe sterilizues në gjendje të ftohtë E222, mjafto ta hedhësh në lëngje dhe pasterizohet. E kemi gjetur në pije shqiptare të sapo futura në treg, ndërsa Australia nuk e lejon. Është detyrim që çdo aditiv të tregohet në etikë pasi del na laborator. Aditivët sidomos në mish janë të domosdoshëm, pasi nuk mund të bësh një proshutë pa aditivë, nitrate. Nëse sheh një qofte, përbërësi i parë që duhet parë është mishi dhe jo buka, pra produkti kryesor që përbën 70% të tij. Aditivët janë klasë e veçantë që kanë brenda konservantët, aromatizuesit dhe deri tek oksidantët. Konservantët janë klasë e rëndësishme por edhe e dëmshme, pasi përdoret shumë dhe pa kriter, ndalon fermentimet për çdo gjë. Siguria ushqimore është disiplinë shkencore, e cila kërkon angazhim të lartë për t’u ndjekur”-tha Sharko.

Emil Sharko deklaron se ligji i ri i Etiketimit ka shtuar vlerat ushqyese dhe ka detyruar prodhuesit që të deklarojnë aditivët ushqimorë në etiketa.

“Pas denoncimit në emisionin Alert, shumë fabrika të salcave kanë deklaruar praninë e niseshtesë, gjë që është e mirë për konsumatorin. Ligji kërkon që etiketa të deklarohet e saktë dhe të zbatohet. ISUV është laborator reference, kryesisht tek konservantët, që kanë një efekt hiperaktiv tek fëmijët dhe antimikrobal psh. nëse konsumo shumë produkte qumështi, aditivët duhet të jenë sipas normave”-theksoi Sharko.

Qendra Alert/Alert.al

Ta hash çokollatën për sapun/ Rasti flagrant në marketet e Tiranës, AKU braktis konsumatorin

Etiketa në produktet ushqimore dhe jo vetëm është pasqyra e vërtetë e asaj çfarë konsumojmë. Detyrimi për të sqaruar me detaje origjinën e produktit, përbërësit e tij si dhe garancin për konsum, shpesh nuk e gjemë kërkund. Kështu, siguria ushqimore cënohet hapur sa herë që në pikat e shitjes mungon kontrolli i nevojshëm.

Rasti konkret vjen nga Linza, denoncuar nga një qytetar pranë Qendrës ALERT. Pranë rrugës së Thesarit, një market lagjeje tregton çokollatë me etiketë sapuni. Pak sa e çuditëshme apo jo? Të tilla shkelje hasen rëndomtë ku produkte të ndryshme ushqimore tregtohen pa etiketën përkatëse, ose në disa raste ajo edhe mungon totalisht.

Produkti i çokollatës është mall importi për të cilin pikat e tregtimit duhet të kujdesen që për to të ketë informacion të nevojshëm për të shkuar te konsumatori fundor. Nga ana tjetër, Autoriteti Kombëtar i Ushqimit nuk po shfaqet mjaftueshëm në terren për të siguruar konsumatorin se produktet që ai ble, janë të kontrolluara dhe të sigurta për ta.

Qendra Alert / Alert.al

Rreziku nga mishi i derrit, studiuesit hetojnë përhapjen Salmonelës

Studiuesit në Mbretërinë e Bashkuar kanë ekzaminuar shfaqjen dhe përhapjen e një lloji të Salmonelës të zakonshëm tek derrat. Shkencëtarët shpresojnë se të kuptuarit se si dhe pse shfaqen lloje të reja të Salmonelës te bagëtitë, do të ndihmojë në zhvillimin e strategjive të përmirësuara për të zvogëluar rrezikun dhe për ta bërë furnizimin me ushqim më të sigurt. Viruset janë pako shumë të vogla të materialit gjenetik që kërkojnë nga qelizat që të kopjojnë këtë material dhe të shkaktojnë sëmundje.

Ekzistojnë gjithashtu viruse, të quajtur bakterofagë, që përdorin bakteret për të replikuar dhe duke bërë kështu vrasin bakterin. Sidoqoftë, disa janë në gjendje të fshihen brenda qelizës bakteriale duke u bashkuar me materialin gjenetik të baktereve. Studiuesit thanë se kjo është ajo që ndodhi ndoshta qindra herë gjatë shfaqjes së një lloji që ka ndihmuar bakteret të përhapen globalisht. Ky gjen shpërndahet në mënyrë sporadike brenda Salmonelës.

Studiuesit zbuluan se paraardhësi i përbashkët i llojit në derrat e Mbretërisë së Bashkuar ekzistonte rreth 30 vjet më parë, por kaloi pa u vënë re deri në vitin 2005 kur mbikëqyrja nga Agjencia e Shëndetit të Kafshëve dhe Bimëve gjeti ST34 në numër të ulët. Duke analizuar strukturën e popullsisë së ST34 u zbulua se Salmonella që strehonte këtë virus në materialin e tyre gjenetik u bë më e shumta me kalimin e kohës dhe fitoi një avantazh konkurrues ndaj atyre që nuk kishin virus.

Marrë nga: Food Safety News

  1. Qendra Alert / Alert.al

Shoqata Mikrofinanca Shqiptare përmbyll me sukses fushatën edukative “Huamarrje e Zgjuar”

Një ndër shtyllat kryesore të veprimtarisë së Shoqatës Mikrofinanca Shqiptare, edukimi financiar i masave ka marrë vazhdimisht rëndësinë e duhur nëpërmjet aktiviteteve, publikimeve dhe komunikimeve të shumta që Shoqata dhe anëtarët e saj organizojnë në formate të ndryshme. Këtë vit, kjo Shoqatw u bë pjesë e një komunikimi shumë më masiv dhe interesant të edukimit financiar, sicc ishte Fushata Edukative “Huamarrje e Zgjuar”, një inisiative e Qëndrës për Mikrofinancën (MFC), një rrjet organizatash dhe institucionesh që promovojnë mikrofinancën sociale në 113 vende të botës.

Fushata “Huamarrje e Zgjuar” këtë vit u organizua në 14 shtete, me 26 institucione, shoqata dhe organizata pjesëmarrëse, të cilat kryesisht nëpërmjet kanaleve dixhitale për shkak të sigurisë shëndetsore, promovuan rëndësinë e edukimit financiar dhe marrjes së informacionit të detajuar gjatë procesit të aplikimit për një mikrokredi. Disa nga aspektet e huamarrjes që theksohen nëpërmjet kësaj fushate kanë të bejnë me përcjelljen e plotë dhe me fjalor të thjeshtë të informacionit bazë që shoqëron një kredi dhe procesin e huamarrjes, ndërgjegjesimin ndaj mbingarkesës me borxh financiar dhe se si mund të shmanget, njohja me të drejtat dhe detyrimet që i lindin huamarrësit me firmosjen e kontratës së kredisë, njohja e detajuar e të gjitha pikave të kontratës së kredisë, komunikimi me institucionet kredidhënëse nëse shfaqen probleme në ripagimin e kredive, etj.

Përvec Shoqatës Mikrofinanca Shqiptare, këtë vit i janë bashkuar fushatës edhe anëtarët e saj: Agro & Social Fund, Fondi BESA dhe NOA, të cilët kane qënë jashtëzakonisht aktive në komunikimin me klientët nëpërmjet rrjeteve sociale, prezantimeve, artikujve në media, uebinareve, panaireve dhe gjithë mundësive të tjera të komunikimit, për të dhënë një tablo sa më të qartë të informacionit që i duhet përcjellë klientit gjatë huamarrjes. Njëkohësisht me fillimin e fushatës prezantuan një hapësire të dedikuar për fushatën në faqen e tyre të internetit, ku përfshihej edhe një pyetësor në shqip për të kontrolluar stabilitetin financiar të familjes. Organizuan trajnime për grupe më të vogla, këtë vit në bashkëpunim me SwissContact. Fushata u bë edhe pjesë e panairit “Tirana Agro 100” zhvilluar në data 23-25 Tetor. Me intensitet më të lartë iishin njoftimet në rrjete sociale, të cilat arritën mbi 30 mijë lexues.

Përgjatë gjithë muajit, oficerët e kredisë së Fondit Besa, në 82 zyrat në të gjithë vendin u bashkuan për të informuar një numër sa më të madh njerëzish, klientë ose jo, si të shmangin mbingarkesën me kredi, cilat janë pyetjet që duhet t’i bëjnë vetës para se të marrin vendimin për kredi, si të llogarisin këstin e kredisë dhe si të përdorin kredinë me zgjuarsi. Në kuadër të fushatës, Fondi Besa organizoi aktivitete të ndryshme si trajnime me stafin, prezantime dhe takime me klientë dhe jo vetëm, duke shpërndarë broshura apo fletëpalosjeve informative si dhe duke prezantuar materialet në rrjetet sociale. Sigurisht, informimi dhe transparenca do të vazhdojnë të jenë praktikë e Fondit Besa, i cili ka moto të punës: Prapa një kredie të shlyer në kohën e duhur, qëndron një klient i informuar në kohën e duhur.

NOA, organizoi një sërë takimesh me fermerë, qoftë në aspektet e kreditimit, ashtu dhe ne konceptimin e biznesplaneve sa me inteligjente që kane kthim e rendiment per investimin e tyre, dhe gjithashtu prezantoi një numër postimesh në rrjetet sociale në bashkepunim me kompanine e Auditimit GrantThornton mbi mirë-menaxhimin financiar në kontekstin e huamarrjes së zgjuar, por dhe të sfidave që paraqet periudha e COVID-19. Postime pati gjithashtu në rrjetet sociale mbi qasjet me ndikim në rritjen e shitjeve, dhe mjaft publikime të dedikuara fushatës të ilustruara me vizualet e saj. Vitin e kaluar fushata “Huamarrje e Zgjuar” pati një publik prej 1.9 milionë ndjekësish në të gjithë botën, një arritje mjaft e lartë që mbështetet edhe nga fuqia e kanaleve dixhitale dhe rrjeteve sociale. Këtë vit, pritshmëritë janë edhe më të larta, duke pasur parasysh intensitetin e dhënies së mesazheve dhe interesin e publikut të gjerë për informacionin e përcjellë në to.

Qendra Alert / Alert.al

Siguria ushqimore në spiatale, si rrezikohet pacientët nga bakteret vdekjeprurëse?

Në vitin 2019, nëntë njerëz në Angli u sëmurën nga bakteri i Listeriozë. Gjashtë prej tyre vdiqën pasi hëngrën sanduiçe të marra në spitale. Pas kësaj ngjarje, një grup ekspertësh të ushqimit dhe mbrojtjes së konsumatorit kanë nisur punën për analizimin e ushqimit në spitale. Qëllimi është të sigurohet që furnizuesit, punëtorët dhe kontraktorët janë duke përmbushur standardet e larta për të parandaluar infeksionin ushqimor. Kjo përfshin trajnimin e punonjësve të spitaleve, duke përfshirë personelin jo-hotelierik si infermierët, në çështjet e higjienës së ushqimit që lidhen me punën e tyre.

Emily Miles, shefi ekzekutiv i FSA, tha: “Ne kemi parë pasojat shkatërruese që mund të kenë shpërthimet e sëmundjeve ushqimore dhe ne i mirëpresim rekomandimet për të përmirësuar sigurinë e ushqimit në këtë raport. Vitalshtë shumë e rëndësishme që të gjitha Trustet e NHS të njohin përgjegjësitë e tyre ligjore për të siguruar që ushqimi që ata shesin dhe shërbejnë është i sigurt për t’u ngrënë “.

Rrezikshmëria e shtuar e pacientëve do të thotë mangësi në praktikat higjienike, dështimi për të ndjekur vazhdimisht këshillat për sigurinë e ushqimit dhe mbështetja e tepërt në skemat e akreditimit kontribuan në disa shpërthime. Qeveria njoftoi se do të krijojë një grup furnizuesish ushqyesish, dietologësh dhe infermierësh për të marrë përpara rekomandimet dhe për të vendosur mbi hapat e ardhshëm. Një rekomandim është rënë dakord për standardet profesionale kombëtare për kuzhinierët me zhvillim të detyrueshëm profesional, duke përfshirë higjienën e detyrueshme të ushqimit dhe trajnimin e alergjenëve.

“Megjithatë, ne thjesht nuk mund të ecim përpara pa investime kapitale në operacionet tona hotelierike në spital dhe ne e nxisim qeverinë të lëshojë detaje të planeve të financimit për të mbështetur këto iniciativa. Ne nuk duhet ta harrojmë arsyen për të cilën u kërkua ky rishikim në radhë të parë. Duke njohur rëndësinë e ushqimit, dhe rolin e tij në mirëqenien, dhe se si siguria e ushqimit duhet të merret në konsideratë gjatë gjithë kohës. Pa kuzhina adekuate, është e pamundur të përgatitet ushqimi në mënyrë të sigurt. Çështja për investime në kuzhinat spitalore është bërë dhe kjo është një mundësi një herë në një brez për të rivendosur kuzhinat në spitale në fazën e projektimit dhe ndërtimit” – tha Craig Smith, kryetari i Shoqatës së Ushqyesve të Spitalit.

Marrë nga: Food Safety News

Qendra Alert / Alert.al