Menu

Kryesore

Vrasja e Klodian Rashës, prokurori jep pretencën, ja sa mund të dënohet ish-polici

Është dhënë sot pretenca për ish-policin Nevaldo Hajdaraj. Prokuroria e Tiranës ka kërkuar 20 vjet burgim, por me gjykimk të shkurtuar mbeten 13 vite e 4 muaj. Gjykata ka pranuar kërkesën e avokatit mbrojtës të Nevaldo Hajdarajt për gjykim të shkurtuar. Evektivi Hajdaraj akuzohet për “vrasje me dashje”. Seanca u ndoq edhe nga babai i viktimës, Qazim Rasha.

Vrasja e Klodian Rashës ka sjellë reagim shoqëror, sidomos në Tiranë. Qytetarë të shumtë kanë dalë në protestë, në lidhje me ekzekutimin e të riut në mesnatë. Banesën e familjes Rasha e vizitoi kryeministri Rama, si dhe presidenti Meta. Edhe kryedemokrati Basha reagoi për ngjarjen, ndërsa ministri i Brendshëm në detyrë Lleshaj dha dorëheqjen.

alert.al/

Seanca për Teatrin/ Kushtetuesja i dha kohë Presidencës për provat, juristja e Aleancës: Fitore e momentit, u plotësuan 2 nga 3 kërkesat

Gjykata Kushtetuese i jep kohë për provat shtesë Presidencës deri më 8 qershor Juristja e Aleancës për Mbrojtjen e Teatrit Kombëtar, Adriana Kalaja në një prononcim për mediat tha se Gjykata Kushtetuese pranoi 2 prej 3 kërkesave të parashtruara nga ata.

Brenda datës 8 qershor ora 12:00 duhet që të sillen dokumentet e listuara nga kërkuesi, ndërsa la afat datën 10 qershor për shpjegimet shtesë pasi të paraqiten dokumentet e reja.

Teksa e cilësoi si një fitore të momentit, juristja Kalaja tha se është kërkuar që në seancë të paraqitet edhe një ekspert për mbrojtjen e trashëgimisë kulturore, ku do të vërtetohet sipas saj se teatri Kombëtar ka qenë një vepër arti.

“Ne parashtruam disa kërkesa paraprake. Nga këto kërkesa dy nga 3 u pranuan. Kjo është fitore e momentin. Sot e çmojmë se nisi çështja në Gjykatën Kushtetuese. Ato që kemi kërkuar ne, mënyrën se si e kemi ngritur çështjen në Kushtetuese, do ta detyrojmë që të jetë pro teatrit. Krkuam marrjen e provave që daton që në 1937 që kanë të bëjmë me blerjen e votës. Ne kemi parashtruar në kërkesat paraprake se jo vetëm që jemi bashkuar me palën e presidentit, si palë e trete, po kemi kërkuar përveç dëshmitarëve pe të na lënë të paraqesim ekspertë. Eksperti do të jetë në fushën e trashëgimisë kulturore, një ekspert që ka dijeni të posaçme. Ngërçi është se palët e interesuara, duke nisur nga Kuvendi, Kryeministria, ministria e Kulturës dhe asaj të Financave dhe bashkia Tiranë sjellin argumentin se Teatri nuk ka qenë monument kulture. Ne do të vërtetojmë se teatri jo vetëm që ka qenë pjesë e zonës historike, monument kulture, por heqja është bërë për t’ju hapur rrugë prishjes së Teatrit.”, tha Kalaja.

Nga ana tjetër Gjykata Kushtetuese nuk ka vlerësuar thirrjen e dëshmitarëve në këtë proces.
Sipas Kushtetueses, secila palë duhet të paraqitet me nga një ekspert që kanë njohuri të posaçme për çështjen. Seanca e radhës u vendos më 15 qershor 2021.

“Pati një rrëzim të kërkesës për dëshmitarë. Por nga ana tjetër gjykata vlerësoi dhe i dha mundësi palëve në proces të paraqiten me ekspertë të tyre të profesionalizuar për çështje të trashëgimisë kulturore. Kjo është një risi në këtë proces në Gjykatën Kushtetuese, i cili besojmë fort se do të risjellë drejtësinë kushtetuese në Shqipëri, në mbrojtje të vlerave të trashëgimisë kulturore kombëtare, të identitetit tonë kombëtar që për fat të keq u cenuar, por që mundet të rikuperohet dhe ka kohë tani”, deklaroi Bledar Dervishaj, përfaqësues ligjor i Presidentit.

alert.al/

Mina me telekomandë të lidhura me celular, në shitje për 3 mijë euro

Në Durrës janë kapur nga Policia e Shtetit tri mina me telekomandë të lidhura me celular, gati për t’u shitur. Sipas njoftimit, tre të arrestuarit janë nga Sukthi dhe po shkonin për t’i çuar mjetet shpërthyese tek klientët e tyre.

Njoftimi i Policisë

Finalizohet operacioni policor i koduar “Muzeu”.

Operacioni i zhvilluar nga  strukturat e DVP Durrës, për goditjen e veprimtarisë kriminale të prodhimit dhe shitjes së minave me telekomandë.

Kapen dhe arrestohen në flagrancë 3 shtetas.

Sekuestrohen tri mina me telekomandë.

Specialistët për Hetimin e Krimit në Komisariatin e Policisë Durrës, në bashkëpunim me Sektorin e Trafiqeve të Paligjshme dhe te Krimeve Kundër Personit në DVP Durrës në bazë të informacioneve të siguruara në rrugë operative se disa persona me tendencë kriminale në fushën e prodhimit dhe shitjes së minave me telekomande po tentonin të shisnin disa mina me telekomandë, kanë organizuar punën dhe në bashkëpunim me patrullat e përgjithshme kanë finalizuar me sukses operacionin policor të koduar “Muzeu”.

Në kuadër të këtij operacioni, në vendin e quajtur “Muzeu”, në lagjen nr. 9 në Durrës, u bë kapja dhe arrestimi në flagrancë i shtetaseve:

 – I. A., 47 vjeç, B. Ç., 31 vjeç dhe E. B ., 37 vjeç, të tre lindur në Dibër dhe banues në Sukth, Durrës.

Këta shtetas u kapën duke udhëtuar me një automjet tip “Volvo” me drejtues shtetasin I. A.  dhe pasagjerë shtetasit B. Ç. dhe E. B. Gjatë kontrollit të ushtruar në mjet nga shërbimet e Policisë u gjetën dhe sekuestruan në cilësinë e provës materiale tri mina të montuara dhe të lidhura me telefon.

Nga hetimet paraprake rezultoi se  këta shtetas do të shisnin disa mina me telekomandë në qytetin e Durrësit, kundrejt shumës 2500-3000 euro copa.

Në bashkëpunim me Prokurorinë vijon puna për identifikimin dhe kapjen e personave të tjerë të përfshirë në këtë veprimtari kriminale.

Materialet i kaluan Prokurorisë së Rrethit Gjyqësor Durrës, për veprime të mëtejshme.

alert.al/

Ambasadorja Yuri Kim: Të funksionojë Gjykata e Lartë, pavarësisht shkëmbinjve që bllokojnë rrugën

Ambasadorja e SHBA ka kërkuar që Reforma në Drejtësi të vazhdojë me vënien në funksion të Gjykatës së Lartë, pavarësisht pengesave që mund të dalin. Apeli i saj u bë gjatë fjalës së mbajtur para gjyqtarëve të Gjykatës së Lartë dhe përfaqësuesve të tjerë të drejtësisë.

Fjala e plotë e Ambasadores Yuri Kim

Të nderuar Kryetar dhe gjyqtarë të Gjykatës së Lartë, përfaqësues të nderuar të institucioneve shqiptare të drejtësisë, partnerë, të dashur të ftuar. Është kënaqësi për mua të marr pjesë në këtë aktivitet. E vlerësoj ftesën dhe mundësinë.

Në vitin 2016, Qeveria e SHBA mbështeti ndryshimet kushtetuese dhe ligjore, të cilat krijuan një kornizë për reformën gjithëpërfshirëse të drejtësisë në Shqipëri. Jam krenare që jam këtu sot për të ripohuar mbështetjen tonë të vazhdueshme për reformën në drejtësi dhe miratimin e kësaj pakete të fundit të ndryshimeve ligjore. Këto ndryshime të fundit përbëjnë një moment të rëndësishëm historik në përpjekjet e Shqipërisë për reformën në drejtësi dhe do të lehtësojnë shqyrtimin e çështjeve nga Gjykata e Lartë.

Gjatë qëndrimit tim këtu në Shqipëri, më kanë treguar shumë herë për rëndësinë e maleve për historinë e Shqipërisë. Historia e reformës në drejtësi nuk është e ndryshme nga kjo.

Që nga viti 2016, ju, aktorët kryesorë në sistemin e drejtësisë së Shqipërisë, së bashku me popullin e Shqipërisë, keni qenë duke iu ngjitur një mali. Ky ka qenë një shteg i kthesave të papritura, sfidave dhe pengesave të paparashikuara. Jam këtu sot për t’ju kujtuar se po i afroheni majës. Ju them se pamja nga lart është e një të ardhmeje më të ndritur dhe me mundësi më të mira. Vizioni se ku mund të shkoni nga atje është i qartë. Ne do të arrijmë atje së bashku, hap pas hapi.

Një Gjykatë Kushtetuese plotësisht funksionale është një hap që duhet ta ndërmerrni për të vazhduar ngjitjen e malit. Ju po lëvizni në drejtimin e duhur, por unë e nxis Këshillin e Lartë Gjyqësor që të përfundojë procedurat për vlerësimin dhe të rendisë e caktojë kandidatët më të mirë të verifikuar që kanë aplikuar për ngritje në detyrë në Gjykatën e Lartë. Sapo Këshilli ta bëjë këtë, kjo do të hapë rrugën për udhëtimin e Gjykatës së Lartë drejt majës së malit. Majën mund ta arrini vetëm nëse punoni së bashku.

Në opinionin e tij të qershorit 2020, Komisioni i Venecias nënvizoi se funksionimi i Gjykatës së Lartë mund të jetë edhe më vendimtar për stabilitetin e Shqipërisë, sesa prania e Gjykatës Kushtetuese. Për këtë qëllim, jam krenare për punën që po bëjmë për të zvogëluar numrin e çështjeve të prapambetura të Gjykatës së Lartë dhe për të vendosur politika që parandalojnë përsëritjen e tyre. Përmes punës së Nëpunësve për Uljen e Numrit të Çështjeve të Prapambetura, të mbështetur nga SHBA, ne po bëjmë pjesën tonë që të përmirësojmë efikasitetin në Gjykatën e Lartë dhe për të siguruar që një Gjykatë e Lartë funksionale të ndihmojë për t’u siguruar qytetarëve shqiptarë qasje në drejtësi, një pikë thelbësore për procesin e integrimit të Shqipërisë në BE.

Institucionet e drejtësisë, përfshirë Gjykatën e Lartë, janë tashmë funksionale dhe reforma në drejtësi po sjell zhvillime dhe rezultate pozitive. Publiku shqiptar meriton të shohë se çfarë janë

të afta të bëjnë këto institucione me të pasur kapacitet të plotë! Të gjithë jemi duke iu ngjitur së bashku majës së atij mali. Shqipëria është tani në kulmin e reformës reale në drejtësi.

Shtetet e Bashkuara ju nxisin të ruani ritmin dhe punën e mirë, pavarësisht nga pengesat që hasni, dhe pavarësisht nga shkëmbinjtë që bllokojnë rrugën tuaj. Të japësh drejtësi është një sipërmarrje e rëndësishme dhe sfiduese. Mbështetja jonë për ju dhe sistemin do të vazhdojë! Do të takohemi në majë!

Faleminderit!

alert.al/

Edhe ministrja Evis Kushi në Turqi me Ramën: “Së shpejti Universiteti Teknik i Stambollit në Shqipëri”

Në Tiranë do të hapet një filial i Universitetit Teknik të Stambollit. Lajmin e njoftoi ministrja e Arsimit, Sportit dhe Rinisë, Evis Kushi, e cila gjendet në Turqi me delegacionin e kryeministrit Rama.

Në kuadër të vizitës dyditore të delegacionit shqiptar në Turqi për shtimin e bashkëpunimeve dypalëshe mes dy vendeve tona, ministrja ka zhvilluar sot në Ankara një takim me Presidentin e Këshillit të Arsimit të Lartë të Republikës së Turqisë, Prof. Dr. M. A. Yekta Saraç.

Në lidhje me takimin, Ministrja Kushi nënvizon përmes publikimit në rrjet social se takimi ka qenë shumë i frytshëm dhe se palët kanë dakordësuar mbi planin e veprimit për hapjen së shpejti të filialit të Universitetit Teknik të Stambollit (ITÜ) në Shqipëri.

Ndër të tjera, Znj. Kushi përmend faktin se kanë diskutuar gjerësisht gjithashtu për për intensifikimin e bashkëpunimit mes Shqipërisë dhe Turqisë nëpërmjet projekteve konkrete në fusha me interes të përbashkët për arsimin e lartë dhe kërkimin shkencor.

alert.al/

Sherri për një gotë raki, autori telefonon gruan: Vrava Rakon dhe plagosa të birin

Të tjera detaje dalin në dritë nga vrasja në Lushnjë, ku një 57-vjeçar qëlloi për vdekje me automatik bashkëfshatarin e tij dhe i plagosi djalin. Ngjarja e rëndë ndodhi rreth orës 23:47, në fshatin Fier i Ri në Lushnje.

autori i dyshuar i krimit, Sofokli Shani, pak pas ngjarjes i ka rrëfyer gruas në telefon se kishte vrarë 62-vjeçarin Rako Qorri dhe kishte plagosur Kejdi Qorrin. Më pas ai ka pritur në banesën e tij që të vinte policia, e cila bëri të mundur edhe arrestimin e tij. Po ashtu mësohet se Shani ka qenë 15 vite i dënuar para viteve 90 pasi kishte vrarë shokun e tij me thikë. Kujtojmë se ngjarja e mbrëmshme nisi pas një sherri për pije, ku autori kishte kërkuar një gotë raki.

Pasi ishte zënë me djemtë e viktimës, duke u përleshur fizikisht, autori kishte shkuar në banesë dhe kishte marrë prej aty një kallashnikov, dhe ishte kthyer sërish në lokalin e 62-vjeçarit. Pasi ishte futur nga dera e pasme e lokalit kishte qëlluar në drejtim të Rako Qorrit, duke e lënë të vdekur në vend, ndërsa i kishte plagosur të birin, Kejdi Qorrin, 31 vjeç. Ky i fundit aktualisht është në spital në Tiranë, në gjendje të rëndë për jetën.

Njoftimi i Policisë

Kapet nga Policia disa minuta pas kryerjes së krimit autori i vrasjes së 62-vjeçarit dhe plagosjes së djalit të tij në fshatin Fier i Ri, Lushnjë.

Në datë 02.06.2021, rreth orës 23:47, në fshatin Fier i Ri, Lushnjë, shtetasi S.Sh, si pasojë e një konflikti të çastit në lokalin në pronësi të shtetasit R. Q., ka vrarë me armë zjarri shtetasin R. Q., 62 vjeç dhe ka plagosur djalin e tij, shtetasin K. Q., 31 vjeç, i cili ndodhet në spitalin e Lushnjes nën kujdesin e mjekëve.

Menjëherë shërbimet e Komisariatit të Policisë Lushnjë  kanë shkuar në vendngjarje dhe falë reagimit në kohë dhe punës së mirëorganizuar, bënë të mundur kapjen e autorit të dyshuar të ngjarjes, shtetasin S. Sh., 57 vjeç, banues në fshatin Krutje e Sipërme.

Gjithashtu Policia ka  sekuestruar në cilësinë e provës materiale armën e zjarrit automatik me të cilën dyshohet se autori kreu krimin.

Grupi hetimor nën drejtimin e Prokurorisë ndodhet në vendngjarje dhe po punon për zbardhjen e plotë të rrethanave të ngjarjes.

alert.al/

Kushtetuesja/ Seanca për Teatrin, këshilltari Dervishaj: Të thirren si dëshmitarë senatorët italianë

Bledar Dervishaj, Këshilltar i Presidentit deklaroi sot në hapjen e senacës në Gjykatën Kushtetuese, se për Teatrin kombëtar është e domosdoshme që Gjykata Kushtetuese të marrë provat shtesë. Sipas tij janë rreth 19 të tilla, duke theksuar se pa u marrë këto prova nuk bëhet hetim gjyqësor thelbësor.

  1. Kopje të shitblerjes së pronës truall nga Francesko Jakomoni dhe trashëgimtareve të familjes Libohova ku u ndërtua teatri kombëtar
    2. Kopje të lejes së ndërtimit nga Mbreti Zog për ndërtimin e teatrit
    3. Kopje e projektit të arkitektit për ndërtimin e teatrit
    4. Akte që vërtetojnë ndryshimin e qëllimit të përdorimit të Godinës
    5. Kopjen e praktikës së shpalljes së Ansamblit të Teatrit monument kulture
    6. Hartat e përdorura për shpalljen e kësaj zone të trashëgimisë historike
    7. Kopje të diskutimeve shkencore të Monumenteve të Kulturës 2004-2007 që ka vlerësuar monumentet historike në qendrën e Tiranës
    8. Listën e plotë të ndërtesave të përfshira në qendrën historike
    9. Kopje të praktikës institucionale ku pasqyrohet identifikimi i nevojës për miratimin e ligjit special për Teatrin
    10. Konsultimet para dhe pas hartimit të këtij ligji të posaçëm
    11. Mendimet e të gjitha institucioneve të përfshira gjatë konsultimit
    12. Diskutimet në këshillin e ministrave për këtë çështje
    13. Kopje të akteve se si Bashkia Tiranë ka ndërprerë negociatat për godinën
    14. Procesverbalet e komisionit të posaçëm nëse ai ka zhvilluar negociata me kompani të interesuara për të ndërtuar teatrin e ri dhe kostot financiare të secilës ofertë
    15. Kostot e gjetjes dhe përballimit të konsulencës
  2. Si u arrit në përfundimin që Shteti arriti në përfundimin për ta ndërtuar vetë, me para publike, dhe jo me koncesion
    17. Si u kalua trualli nga Ministria e Kulturës në pronësi të Bashkisë Tiranë? Duam praktikën e kësaj procedure
    18. Kopje të akteve të nxjerra para gjatë dhe pas shembjes së godinës së Teatrit Kombëtar
    19. Veprimet e Kryetarit të Bashkisë Tiranë pas kërkesës së KLSH-së për të pezulluar veprimet me teatrin deri në shprehjen e gjykatës.

Në Padinë e Presidentit thuhet se ligji është antikushtetues pasi paracakton garën. Përfaqësuesi i Presidentit ka paraqitur listën e dëshmitarëve dhe konkretisht kërkon thirrjen si dëshmitarë të dy senatorëve italianë që e kanë ngritur çështjen në parlamentin italian, përfaqësues të Europa Nostra etj.

  1. Erviko Aimi (dhe dy të tjerë), senatorë të Republikës Italiane. Kemi folur paraprakisht, janë dakord të vijnë këtu, pasi kanë interes për mbrojtjen e trashëgimisë së ndërtimeve të bëra nga italianët.
    2. Përfaqësues të Europa Nostra
    3. Përfaqësues të KLSH
    4. Albana Vokshi që e ka mbrojtur çështjen në Komisionin e Medias
    5. Bujar Leskaj, ish-kreu i KLSH
    6. Shoqata e Bashkive të Shqipërisë e përfaqësuar nga Voltana Ademi
    7. Erjon Veliaj
    8. Arbi Mzniku
    9. Toni Gogu
    10. Behar Zeneli
    11. Artan Lame
    12. Artan Shkreli
    13. Mirela Kumbaro
    14. Elva Margariti

alert.al/

Gjykata Kushtetuese nis shqyrtimin e padisë së Presidentit Meta për Teatrin Kombëtar

Gjykata Kushtetuese nis sot shqyrtimin e padisë së Presidentittë Republikës Ilir Meta mbi çështjen e Teatrit Kombëtar. Presidenti Meta në 14 Maj 2020, depozitoi pranë Kushtetueses një padi ku kërkonte shfuqizimin e vendimit të kalimit të pronës së Teatrit Kombëtar në pronësi të Bashkisë Tiranë, si dhe shfuqizimin dhe shpalljen antilushtetues të p/ligjit që i hapte rrugë ndërtimit të Teatrit të ri Kombëtar.

Presidentit Meta argumentoi në atë kohë se shembja e Teatrit Kombëtar cenonte identitetin kombëtar dhe trashëgiminë kulturore.

Në seancën e sotme, Presidenti i Republikës përfaqësohet nga këshilltari i tij ligjor Bledar Dervishaj. Ndërsa si palë e interesuar është edhe grupimi Për Mbrojtjen eTeatrit, i përfaqësuar nga regjizori Edmond Budina.

Kujtojmë se godina e vjetër i Teatrit Kombëtar u shkatërrua duke u gdhirë 17 Maji i vitit 2020, ku nuk munguan as përplasjet e forcave të policisë me aktorë e qytetarë. Shkatërrimi i godinës së TK pasoi me protesta të shuma qytetare.

alert.al/

Eksperti për vdekjen e Evgjeni Baxhos: “Rituali bëhet online”; gazetarja: Po hetohet edhe një rast tjetër

Ekspert i profilizimit kriminalistik, Ervin Karamuça i ftuar në emisionin “Open” në Top Channel ka thënë se vdekja e mistershme e të resë Evgjeni Baxho, së cilës iu gjetën në trup edhe disa shenja ka lidhje me një sekt.

Po ashtu Karamuça tha se këta persona që ftohen të bëhen pjesë e këtij rituali mund të joshen edhe me një kurs anglishtjeje, deri sa vjen një moment që i bëhet shpëlarje ideologjike.

Karamuço: Tre ngjarje me katër viktima brenda viti i marr të lidhura brenda tyre. Ai më tha se policia nuk vepron dot e vetme. Ne jemi në një situatë ku policia pa një konstelacion aktual mes pedagogëve me gazetarët dhe priftërinjtë e specializuar në rituale okulte ne nuk do ia dalim dot t’i shmangim këto ngjarje.

Nga ato shenja që viktima ka më rezulton se janë pjesë e një rituali sakrifice. Mua më rezulton se është një ritual që mund të bëhet online, personat nuk janë koshientë, por janë në gjendje transi dhe kur vijnë në ndërgjegje ai kupton se është në një gjendje të rënduar mendore.

Sipas jush zoti Karamuça vajza ndiqte sekte okulte dhe fetare?

Karamuça: Në një manual që po lexoja mbrëmë dhe është i vitit 2016, janë të përcaktuara të gjitha rastet kur këta persona hyjnë, joshen, mund t’i ofrohet një kurs anglishteje, pastaj i bëhet një shpëlarje truri ideologjike dhe në këtë rast ata kërcënohen që t’i nënshtrohen këtyre ritualeve. Ne duhet të bëjmë një apel për të gjithë prindërit, të kenë kujdes me fëmijët e tyre të rinj si flasin, vishen, kurohen dhe më tej.

Gazetarja Anila Hoxha ka folur për rastin e të riut, të identifikuar si Gerti, i cili ndërroi jetë për shkak të refuzimit të ushqimit. Për këtë çështje po hetohet ende ndërsa nuk ka detaje konkrete në lidhje me vdekjen e tij.

Në emisionin “Open” në Top Channel, rrëfeu se dyshohet që ngjarja të ketë lidhje me udhëtimin e të riut në Greqi, nga ku u kthye me dëshirën për të konsumuar vetëm produkte me natyrë bimore.

Teksa familjarët po përpiqeshin që të ndryshonin mënyrën e tij të jetesës, Gerti vendosi që të largohej nga shtëpia dhe pas disa ditësh u gjet i vdekur në një Bathore teksa ishte i ulur në formën e ritualit të lutjes.

Anila Hoxha: Bëhet fjalë për një 32 vjeçar, Gerti, i cili ndryshoi sjellje në mënyrë të beftë dhe filloi të izolohet e të ndryshojë menunë ushqimore duke kërkuar vetëm produkte me natyrë bimore dhe duke i kërkuar edhe familjes që të ushqehej në këtë mënyrë. Në këto momente, në familjen e tij hapet një konflikt, e dinin që djali po frekuentonte diçka ndryshe dhe më pas djali largohet nga shtëpia në gusht 2019 dhe në fund të muajit gjendet në ullishte në Bathore.

E gjetën në një formë të ulur në ritual lutjeje. Ai ka ndërruar jetë nga refuzimi i ushqimit dhe kjo përcaktohet në ekspertizë. Prokurorja e çështjes dyshon që ngjarja lidhet me Greqinë se i riu kishte qenë në Greqi dhe është kthyer me këtë ndryshim, me këtë indoktrinim me refuzim ushqimi.

Ka pasur një ping pong kjo dosje dhe çështja vijon të mbetet sekret me pakënaqësi të vazhdueshme nga familjarët që kërkojnë vazhdimisht të mësojnë diçka më shumë.

Ndërsa për rastin e Zhaneta dhe Anisa Jostifit (nënë e bijë) që u vetëflijuan me idenë se do të ringjallen së bashku me vajzën tjetër të pajetë që mbanin në shtëpi, cilësohen si vdekje të ndodhura për shkak të gjendjes së rënduar shëndetësore.

Gazetarja Anila Hoxha thotë se nuk e marrin parasysh se kush ka ndikuar në gjendjen e tyre duke shtuar se ka dëshmitarë që tregojnë se ato takonin njerëz të çuditshëm.

Anila Hoxha: Ka 2 kategori ngjarjesh që mbyllen lehtë, e para që konsiderohen për motive banale dhe mbyllet. Janë dhe histori të tilla që nuk shpjegohen dot dhe e cilësojnë si çështje për shkak të kushteve të rënduara të viktimave. Por nuk merret asnjëherë parasysh se kush i ka ndikuar. Nuk shkruanin letra anonime, por ishin me mikrofon dhe thonin njerëz të çuditshëm i takonin këto gra.

Gazetarja Hoxha ka dhënë detaje të tjera lidhur me ngjarjen e rëndë, të vdekjes së 23-vjeçares nga Delvina, Evgjeni Baxho.

Hoxha thotë se mjekët nuk kanë dalë ende në një përfundim, por që shumë shoejt do të dalin në përfundimin se ajo vdiq nga tromboza. Siç tha dhe gazetari Elton Qyno, infeksioni në dhëmballë jep temperaturë dhe kjo gjë mund të shkaktojë trombozë.

Anila Hoxha deklaroi në “Open” se në shtëpinë e saj, përveç simboleve në trup, u gjetën simbole në letra dhe gjithashtu objekte simbolike të çuditshme dhe të panjohura.

Anila Hoxha: Mjekët ligjorë ende nuk kanë dalë në një përfundim, por do të përcaktohet vdekje nga tromboza. Po priten dhe disa përgjigje bazuar në ekspertiza nga mjekësia ligjore. Janë marrë telefoni dhe lap topi. Këto do të hedhin dritë mbi komunikimet që ka patur. Agjentët e krimeve kanë marrë deklarata dhe nga një 28-vjeçar që ajo punonte në një kompani telefonike. Mendohet se është personi i fundit që e takoi dhe ka treguar se kishte 10 ditë që mungonte në punë dhe e kishte marrë në telefon. Ai i kishte kërkuar për kafe dhe ai tha se kishte zgjatur 15 minuta dhe vajza rrëmbimthi u çua nga tavolina dhe u largua. Ditët e fundit është mbyllur dhe rrjeti social facebook, nga të afërmit mendohet. Është marrë dëshmia e një mjeku sepse i janë gjetur disa ilaçe në shtëpi. Përveç simboleve që ajo kishte në trup kishte dhe simbole në letra, kishte dhe objekte simbolike. Ekspertët tanë e kanë të pamundur të përcaktojnë se çfarë do të thonë ato simbole. Nuk kanë komunikuar me ekspertë të huaj.

Elton Qyno: Infeksioni në dhëmballë dhe bajame jep temperaturë të lartë dhe ndaj ka pësuar trombozë. Ndaj ajo ka hyrë në një ritual duke mos u ushqyer. Pyetja shtrohet se kush ia ka vizatuar në shpinë simbolin? Dyshohet se ajo ka qenë brenda në shtëpi me një person tjetër dhe se ky person ia ka vizatuar këto simbole. Çfarë kemi lexuar në internet, tregojnë fuqinë dhe sakrifikimin. Fuqinë e vetë personit që i vizaton.

/TCH/

Agron Shehaj: Pas takimit me Yuri Kim, më sulmuan persona antiamerikanë të kontraktuar nga PD

Kandidati për kryetar të Partisë Demokratike, Agron Shehaj, ka hedhur akuza të forta ndaj kryedemokratit Lulzim Basha.
Ai tha se pas takimit të tij me ambasadoren amerikane Yuri Kim, persona me qasje anti-amerikane janë kontraktuar nga PD për ta sulmuar atë.
“Përveç reagimeve të demokratëve për shpalljen “non grata” të Berishës nga SHBA, ka patur edhe sulme nga individë që kanë filluar të punojnë kohët e fundit në PD dhe kanë qasje anti-amerikane. Janë të kontraktuar. Sulmet që më janë bërë pasi u bë i ditur takimi me ambasadoren amerikane janë të orkestruara”, tha Shehaj në Euronews Albania.