Menu

Kryesore

“Shkrihet” Bashkia e Lushnjës, ja kush u arrestua bashkë me kryetarin Tushe. Në pranga dhe pronarë kompanish

SPAK ka marrë nën hetim 11 zyrtarë dhe pronarë kompanish të implikuar në korrupsion në tendera në bashkinë e Lushnjës.

Prokuroria e Posaçme kundër Korrupsionit dhe Krimit të organizuar ka kryer hetime në kuadër të një kallëzimi të bërë nga Policia Gjyqësore për “korrupsion pasiv”, “shkelje të barazisë në tendera”, “falsifikim të dokumenteve” dhe “shpërdorim të detyrës”.

Në bazë të të dhënave është marrë masa e arrestit me burg nga gjykata e Posaçme për:

  • Fatos Tushe, kryetar i bashkisë
  • Flamur peqini, drejtor i Ndërmarrjes së Pasurisë Publike
  • Ibrahim Lami, administrator i kompanisë Loti Sh.p.k.
  • Bujar Murati, admnistrator i Euroalb shpk
  • Gazmend Çela, zyrtar i ndërmarrjes së pasurisë Publike
  • Bektash Nexha zyrtar i ndërmarrjes së pasurisë
  • Blerta Turku, zyrtare e ndërmarrjes së pasurisë Publike

Në arrest shtëpie janë zyrtarët e mëposhtëm:

  • Xhemal Hasko, zyrtar i Ndërmarrjes së Pasurisë Publike
  • Margarita Gjermëni, zyrtare e ndërmarrjes së pasurisë Publike
  • Andri Musho, zyrtar i Ndërmmarrjes së pasurisë Publike
  • Ani Simoni zyrtare e Ndërmarrjes së Pasurisë Publike.

alert.al

Ambasadorja Kim thirrje zyrtarëve të korruptuar: Koha të reflektoni, a ia vlen të shkosh në burg?

Ambasadorja e SHBA, Yuri Kim ka reaguar pas arrestimit të kryetarit të Bashkisë Lushnjë, Fatos Tushe. Ajo i fton zyrtarët të reflektojnë dhe shqyrtojnë veprimet e tyre. Sipas saj, askush nuk është mbi ligjin.

“Nëse jeni të përfshirë në korrupsion, pa marrë parasysh sa të fuqishëm mendoni se jeni, tani është koha për të shqyrtuar ndikimin që veprimet tuaja do të kenë në familjen dhe vendin tuaj. Tani është koha për të shqyrtuar nëse ia vlen të shkosh në burg. Tani është koha për të ndaluar. Askush nuk është mbi ligjin”, shkruan Kim në një postim në Twitter

alert.al/

 

Arrestohet kryetari i Bashkisë Lushnje, Fatos Tushe, SPAK dhe RENEA vënë në pranga disa persona

Fatos Tushe, kryetari i Bashkisë Lushnje është ndaluar nga Policia. Mësohet se Tushe është ndaluar në kuadër të një operacioni të organizuar nga Prokuroria e Posaçme Kundër Korrupsionit dhe Krimit të Organizuar. Operacioni anti-korrupsion ka nisur mëngjesin e sotëm. Operacioni është urdhëruar nga SPAK dhe është realizuar policia dhe FNSH, që kanë ‘zbarkuar’ në Ndërmarrjen e Pasurive Publike të këtij qyteti. Mësohet se Tushe akuzohet për veprën penale ‘korrupsion’.

Deri më tani mësohet se janë arrestuar disa persona, mes tyre edhe Tushe. Emrat e të arrestuarve të tjerë nuk dihen ende, por paraprakisht mësohet se bëhet fjalë për zyrtarë të lartë. NJoftohet se prokurorët  po verifikojnë dokumentet në zyrë e kryrbashkiakut, ndërkohë që Tushe po merret në pyetje në komisariat. Po ashtu bëhet e ditur se Tushe ka zhvilluar mëngjesin e sotëm një mbledhje me vartësit e tij dhe sapo ka përfunduar ky takim, policia i vuri prangat.

Kujtojmë se Fatos Tushe drejton këtë bashki prej 3 mandatesh, ndërsa përfaqëson Partinë Socialiste. Më herët ai bashkë me sekretaren e tij mbetën të plagosur më 31 dhjetor të 2020-ës, pasi në zyrë iu hodh lëndë plasëse.

alert.al/

Krimi në Bubq/ Burri dyshonte për tradhti, kishin tre muaj që ziheshin

Artan Ismalaja, 51-vjeçari që masakroi me thikë gruan e tij, zihej shumë shpesh me viktimën, Klarita, për arsye xhelozie. Mësohet se në tre muajt e fundit, çifti Ismalaja ziheshin pas Artani mendonte se gruaja e tij, 45-vjeçare e tradhëtonte.

Përveç tradhëtisë, dyshja debatonin dhe për blerjen e një shtëpie. Konkretisht mësohet se Klarita Ismalaja i kishte kërkuar para të shoqit për të blerë një shtëpi të re për prindërit e saj në Bubq, në mënyrë që t’i largonte nga periferia e Fushë Krujës, ku dhe jetonin për momentin.

Dhe pikërisht dje, ditën kur ndodhi krimi, dyshja ishin nisur për të parë një shtëpi për prindërit e 45-vjeçares. Rrugës ata kanë debatuar për dyshimet për tradhëti që kishte autori dhe çështja ka agravuar. Artan Ismalaja futi makinën në oborrin e një stalle lopësh dhe e masakroi të shoqen. Më pas ai tentoi të vriste dhe veten.

Ishte roja i stallës së lopës ai që lajmëroi policinë pas skenës që pa në makinë dhe 51-vjeçari u dërgua në spital, ku u vu sot në pranga. Klarita Ismalaja la pas dy fëmijë, të dy djem.

alert.al/

 

Merkel: Shpejtësi e ngadalshme në Ballkanin Perëndimor, rezervat e BE-së për zgjerimin janë të drejta

Kancelarja gjermane, Angela Merkel, mendon se Procesi i Berlinit solli një mundësi bashkëpunimi të nivelit të ri në rajon dhe shumë përparime praktike për qytetarët e Ballkanit Perëndimor.

Në një konferencë për mediat në përfundim të samitit të Ballkanit Perëndimor në Berlin, ajo vlerësoi disa përparime që janë bërë në dobi të njerëzve, si për shembull, heqjen e tarifave roaming prej datës 1 korrik, çka u mundëson njerëzve telefonimin pa pagesa shtesë nga vendet e tjera të rajonit, por edhe korridoret e gjelbra të transportit, shkëmbimin mes nxënësve në kuadër të Zyrës së Bashkëpunimit Rinor, por edhe përfshirjen më të fortë të shoqërisë civile që u arrit nëpërmjet Procesit të Berlinit.

Ajo megjithatë tha se shumë gjëra ende nuk janë arritur, duke veçuar sidomos “njohjen reciproke të diplomave dhe lëvizjen e lirë me karta identiteti në rajon”, dy nga pikat kryesore të Planveprimit për Krijimin e një Tregu të Përbashkët Rajonal të miratuar në nëntor të vitit të kaluar në Sofje.

Angela Merkel, e cila ishte mikpritësja e samitit të tetë të Procesit të Berlinit shprehu shpresën që këto përparime të arrihen së paku më 6 tetor të këtij viti, kur është caktuar të mbahet samiti i BE-së me liderët e Ballkanit Perëndimor në kuadër të Presidencës Sllovene.

Takimi i fundit i në kuadër të Procesit të Berlinit

Ky ishte takimi i fundit i kancelares gjermane me krerët e Ballkanit Perëndimor në kuadër të Procesit të Berlinit. Ai u bë në formë virtuale për shkak të pandemisë.  Procesi i Berlinit ishte nismë e kancelares, e krijuar në vitin 2014, për të mbajtur Ballkanin Perëndimor afër BE-së, përsa kohë që BE-ja nuk ishte ende e gatshme për të pranuar vende të reja në gjirin e saj.

E pyetur për afrimin e vendeve të Ballkanit Perëndimor me BE-në Merkel tha se ka pasur edhe dritë edhe hije:

“Ne kemi hapur një numër të madh kapitujsh, kemi rindërtuar procesin e zgjerimit. Për shumë vende të Ballkanit Perëndimor shpejtësia është shumë e ngadalshme, por edhe Bashkimi Evropian ka pasur shumë rezerva”, tha kancelarja gjermane.

“Këto rezerva kanë qenë të drejta, edhe pse nganjëherë palët e prekura nuk i kanë parë si të drejta,” shtoi ajo. “Është bërë shumë, por ka edhe shumë për t’u bërë në drejtim të korrupsionit”, shtoi ajo duke veçuar Merkel, Shqipërinë, si shembull pozitiv.

“Kur shoh se si po emërohen gjyqtarët e rinj, për shembull, me procesin e Vettingut në Shqipëri, atëherë shoh se po bëhen përparime pararendëse të qendruehme”,  tha Merkel.

“Procesi i Berlinit ishte i drejtë”

Merkel tha më tej se nisur nga fakti që shpejtësia e zgjerimit është më e ngadaltë se sa mund ta kishte shpresuar shumëkush, hapja e Procesit të Berlinit, në vitin 2014, ishte diçka e drejtë.

Por ajo vuri në dukje se vështirësitë e reja e të papritura, si për shembull bllokimi i Bullgarisë ndaj Maqedonisë së Veriut, pasi u zgjidh bllokada shumëvjeçare e Greqisë, tregojnë se BE-ja ka nevojë për një ndryshim.

Ajo tha se këtë e kishte biseduar edhe më parë me Presidentin Macron, në takimin e fundit të tyre në Berlin. “Ne duhet ta bëjmë Bashkimin Evropian të aftë për të pranuar anëtarë të rinj”, tha kancelarja gjermane.

“Pra, në tërësi ka pasur dritë dhe hije në vitet e fundit”, tha kancelarja. “Disa gjëra janë bërë, por ka edhe shumë për të bërë,” shtoi ajo.

Forumi i shoqërisë civile

Paralelisht me samitin e drejtuar nga kancelarja Merkel, u zhvillua edhe Forumi i Shoqërisë Civile, organizuar nga Insitituti Apsen dhe Shoqata e Evropës Juglindore. Forumi digjital u prezantoi përfaqësuesve të qeverive të vendeve pjesëmarrëse në Procesin e Berlinit një numër të madh propozimesh për përmirësmin e bashkëpunimit në fusha të ndryshme.

Një nga kërkesat e shoqërisë civile është bashkëpjesëmarrja e saj në kontrollin e përdorimit të mjeteve financiare. Komisioni Evropian i ka ndarë Ballkanit Perëndimor vitin e kaluar deri në 9 miliardë euro dhurata dhe deri në 20 miliradë euro garanci për kredi, të cilat vendet e rajonit do t’i përdorin për zhvillimin e tyre ekonomik.

Sipas shoqërisë civile, mekanizmat e kontrollit të Bashkimit Evropian, nuk janë të mjaftueshme për të parandaluar keqpërdorimin e mjeteve. “Ato vihen në përdorim, pasi është bërë e keqja,” thotë Ardian Hackaj, nga Instituti për Bashkëpunim dhe Zhvillimin, me qendër në Tiranë, në një bisedë me DW.  Hackaj mendon se përfshirja e shoqërisë civile në të gjitha fazat e procesit të vendimmarrjes do të ishte një mundësi e mirë për të kontrolluar dhe parandaluar  keqpërdorimin e mjeteve për qëllime korruptive./DW

U ankuan ndërkombëtarët, Komisioneri Publik dërgon në Apel drejtuesen e Prokurorisë Tiranë, Elizabeta Imerajn

Institucioni i Komisionerëve Publikë ka ankimuar vendimin e Komisionit të Pavarur të Kualifikimit për konfirmimin në detyrë të prokurores Elisabeta Imeraj.

Me anë të një njoftimi zyrtar, IKP kërkon që të merret parasysh rekomendimi i Operacionit Ndërkombëtar të Apelimit, insitutucion që pretendon se Imeraj nuk i plotëson kushtet për të vijuar detyrën.

Njoftimi i Komisionerit Publik

Komisioneri Publik, brenda afatit ligjor, ushtroi ankim në Kolegjin e Posaçëm të Apelimit, pranë Gjykatës Kushtetuese, kundër vendimit nr. 363, datë 1.4.2021, të Komisionit të Pavarur të Kualifikimit, për subjektin e rivlerësimit, znj. Elizabeta Imeraj me detyrë prokurore/ Drejtuese e Prokurorisë së Rrethit Gjyqësor Tiranë.

Komisioneri Publik, pasi shqyrtoi vendimin nr. 363, datë 1.4.2021, të Komisionit të Pavarur të Kualifikimit, në vlerësim edhe të rekomandimit të Operacionit Ndërkombëtar të Monitorimit (ONM), konstaton se vendimi është i cënueshëm në tërësinë e tij dhe se subjekti i rivlerësimit, znj. Elizabeta Imeraj, nuk plotëson kushtet për konfirmimin në detyrë.

Nëpërmjet këtij ankimi, Komisioneri Publik kërkon nga Kolegji i Posaçëm i Apelimit të marrë në shqyrtim çështjen në seancë publike dhe, në përfundim të gjykimit, të ndryshojë vendimin nr.363, datë 1.4.2021, të Komisionit të Pavarur të Kualifikimit, duke vendosur shkarkimin nga detyra të subjektit të rivlerësimit, znj. Elizabeta Imeraj.

Komisioni i Pavarur i Kualifikimit e konfirmoi ne detyre

Komisioni i Pavarur i Kualifikimit ka shpallur më 1 prill 2021 vendimin për drejtuese e Prokurorisë së Tiranës, Elisabeta Imerajn duke e konfirmuar në detyrë.

Drejtuesja e Prokurorisë së Tiranës, Elisabeta Imeraj doli më parë para institucioneve të vetingut për vlerësimin e figurës. Vendimi u dha nga trupa gjykuese e përbërë nga Olsi Komici, Roland Ilia si dhe Suela Zhegu.

Më herët KLP kreu vlerësimin etik dhe profesional të prokurores dhe në mënyrë unanime votuan për ta lejuar atë të vijojë ngjitjen në karrierë, duke e emëruar  Elisabeta Imerajn drejtuese të Prokurorisë së Tiranës për një mandat 3-vjeçar.

Theksojmë se Prokurorja Elisabeta Imeraj është konfirmuar në detyrë pavarësisht kundërshtisë së fortë të Operacionit Ndërkombëtar të Monitorimit dhe përfaqësuesit të saj, Theo Jacobs.

Në datën 29.6.2021, Operacioni Ndërkombëtar i Monitorimit u paraqiti Komisionerëve Publikë një shtesë (Addendum) të Rekomandimit, të paraqitur në datën 21.6.2021. ONM i rekomandoi Komisionerëve Publikë që të ankimojnë vendimin e Komisionit të Pavarur të Kualifikimit (KPK) për konfirmimin në detyrë të prokurores Elizabeta Imeraj, e cila drejton aktualisht Prokurorinë e Tiranës. ONM-ja shprehet se një kredi prej dy milion lekësh e marrë prej saj dhe bashkëshorti i saj, me të cilin është divorcuar në vitin 2019 është tejet e dyshimtë. ONM-ja përmend dhe një çështje që përfaqësuesit e saj e kishin ngritur dhe gjatë procesit në Komisionin e Pavarur të Kualifikimit.

alert.al/

Gjenden 310 municione dhe armë në det, marina franceze po ndihmon në pastrimin e Gjirit të Vlorës

Në gjirin e Vlorës gjatë pastrimit të detit nga forcat detare shqiptare dhe marina franceze janë gjetur 310 municione historike të kalibrave të ndryshëm. Ky aktivitet i fundit ka kontribuar në ‘pastrimin’ e gjirit të Vlorës, një vend turistik mjaft i frekuentuar, siguria e të cilit është përmirësuar në këtë mënyrë. Gjiri i Vlorës është 19 km i gjatë dhe 16 km i gjerë duke filluar nga Kepi i Triportit dhe duke përfundon tek Kepi i Gjuhëzës, midis të cilëve gjendet ishulli i Sazanit.

Lajmin e bën me dije ambasada franceze në Tiranë përmes një postimi në rrjete sociale.

“Në bashkëpunim me forcave detare shqiptare të komanduara nga kapiteni i fregatës Sabri Gjinollari, një ish-student i Shkollës së Luftës në Paris u kryen shumë aktivitete si: ushtrim manovrimi dhe lundrimi me anijen patrulluese Oriku; ekspertiza e një rrënoje të bazuar që pengon në bazën detare Pashaliman; kërkimi i armëve të pashpërthyera nga zhytësit dhe mjetet e specializuara teknike (AUV).

Ky aktivitet i fundit bëri të mundur në veçanti zbulimin dhe nxjerrjen e 310 municioneve historike të kalibrave të ndryshëm, duke kontribuar në kthimin e gjirit të Vlorës, një vend i rëndësishëm turistik, siguria e të cilit është përmirësuar në këtë mënyrë”.

Ky bashkëpunim i frytshëm, thotë ambasada, bën të mundur parashikimin e ndjekjes së aktiviteteve me interes të përbashkët me rastin e ndalesave të rradhës të Marinës franceze në Shqipëri.

alert.al/

 

Gjykata Kushtetuese shfuqizon nenin e përgjimeve në ligjin për Policinë e Shtetit

Shfuqezohet neni per pergjimet, që i jepte të drejtë Policisë të survejonte qytetarët në ambientet publike, pa lejen e prokurorit.  Sipas Gjykatës Kushtetuese, “ligji nuk rregullon në mënyrë shteruese dhe të qartë “masat e veçanta”, që zbaton Policia e Shtetit, duke prekur njëherazi edhe parimin e sigurisë juridike në drejtim të saktësisë së ligjit dhe koherencës së rendit juridik”.

Njoftimi i Gjykatës Kushtetuese

Gjykata Kushtetuese e Republikës së Shqipërisë në seancën plenare publike të datës 01.07.2021 mori në shqyrtim çështjen me kërkues Avokatin e Popullit dhe Komitetin Shqiptar të Helsinkit, me objekt:
– Shfuqizimi i nenit 131 të ligjit nr. 108/2014 “Për Policinë e Shtetit”, të ndryshuar, si i papajtueshëm me Kushtetutën e Republikës së Shqipërisë dhe Konventën Evropiane për të Drejtat e Njeriut.
– Pezullimi i zbatimit të nenit 131 të ligjit nr. 108/2014 “Për Policinë e Shtetit”, të ndryshuar, deri në hyrjen në fuqi të vendimit përfundimtar të Gjykatës Kushtetuese.
Në përfundim të shqyrtimit, Gjykata Kushtetuese vlerësoi se:
– Neni 131, i lidhur me nenin 6, pika 29/1, i ligjit nr. 108/2014 “Për Policinë e Shtetit”, të ndryshuar, vendos kufizim të së drejtës kushtetuese të jetës private, duke mos respektuar kriterin kushtetues  “vetëm me ligj”, sipas nenit 17 të Kushtetutës, pasi ligji nuk rregullon në mënyrë shteruese dhe të qartë “masat e veçanta”, që zbaton Policia e Shtetit, duke prekur njëherazi edhe parimin e sigurisë juridike në drejtim të saktësisë së ligjit dhe koherencës së rendit juridik.
Për këto arsye Gjykata Kushtetuese,

VENDOSI:

1. Pranimin e kërkesave.
2. Shfuqizimin e nenit 6, pika 29/1 dhe të nenit 131 të ligjit nr. 108/2014 “Për Policinë e Shtetit”, të ndryshuar.
3. Pezullimin e zbatimit të nenit 131 të ligjit nr. 108/2014 “Për Policinë e Shtetit”, të ndryshuar, deri në hyrjen në fuqi të vendimit përfundimtar të Gjykatës Kushtetuese.

Vendimi përfundimtar i arsyetuar do të shpallet brenda afateve të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar.

"Për 100 ditë do të nisimin punën për Teatrin e ri Kombëtar”, Veliaj: Kushtetuesja na dha të drejtë!

Në një lidhje skype me News24, nga Budapesti ku ishte i pranishëm në përurimin e bustit të heroit tonë kombëtar Gjergj Kastrioti Skënderbeu, Kreu i bashkisë së Tiranës, komentoi vendimin e dhënë nga Gjykata Kushtetuese për Teatrin Kombëtar.

Veliaj u theksoi se Kushtetuesja i ka dhënë të drejtë bashkisë me vendimin e saj, ndërsa ligji i shfuqizuar, ishte ndërprere më parë prej tyre, kur u vendos që Teatri i ri Kombëtar do të ndertohej me fondet e qeverisë dhe jo me PPP.

‘Unë nuk hahem dot me gjithologët, janë të pakapshëm për mendjen time modeste. ishte një vendim për ligjin për PPP kur ne vetë e anuluam. Ai ligj special mbaroi së ekzistuari.

Ligji skadoi edhe prej afatit por edhe për faktin se ne vendosim ta bëjmë vetë. Gjykata i dha të drejtë bashkisë që mori vendimin për të prishur Teatrin. Do presim zbardhjen e lejes nga KKT, do respektojmë procedurat dhe besoj në 100 ditë do të nisimin punën për Teatrin e ri Kombëtar.” u shpreh Veliaj.

“Teatri do bëhet, pyetja është sa kllounë do bëhen. Unë nuk kthehem nga misioni për modernizimin e qytetit. Kryeministri Rama është 100 % i vendosur për t’i shkuar deri në fund projekteve. Këshilla ime për cdo lloj klouni që del e merr aventura, teatri do bëhet. Mund të na vonojnë, por nuk do na ndalojnë. Nuk ka asnjë pengesë për të bërë një teatër modern, si po bëjmë piramidën, sic po bëjmë punimet te Astiri” vijoi më tej Veliaj.

Ndër të tjera kryebashkiaku u pyet edhe mbi akuzat e ngritua nga Aleanca për Mbrojtjen e Teatrit, kryesisht nga juristja e saj Adriana Kalaja, për të cilat u shpreh se nuk meritojnë të marrin vëmendje publike.

“Cdo lloj mitomani që merr mikrofonin, meriton të ketë vëmendje publike sot? Jam i përgjegjshëm për ata që më përfaqësojnë. Kë artistë, mua kjo zonjë s’më duket artiste, më duket një mitomane e dënuar për mashtrim me vendim gjykate.

Cdo hajvan, mitoman, klloun që kërkon të nisë luftë me ambasandën amerikane meriton të ketë mikrofon. Ndaj ku je kë përfaqësoni. Jo çdo klloun meriton mikrofon. Të tillë gaztorë unë kam takuar pafund. Cdo projekt i ri prodhon njerëz edhe më qesharakë. Ky është projekti ynë i 100 në bashkinë e Tiranës, ndaj këto historitë me pushtim ambasadash janë të denjë për filma me sherifa, që nuk i shërbejnë Shqipërisë së 2021. Teatri do bëhet dhe do fillojmë punën shumë shpejt.” tha Veliaj.

Ndarjen në votim të anëtarëve të gjykatës Kushtetuese mbi Teatrin, kryebashkiaku e komentoi si një ‘qokë politike’ të tyre ndaj presidentit të Republikës.

“Kushtetuesja nuk ishte unanime, ne kishim shumicën por e kuptoj edhe ca në minorancë, i kuptoj detyrimet politike ndaj presidentit. I mirëkuptoj, por iu bëj apel: Do i rrisni fëmijët në Shqipëri, do i coni në një teatër tallashi, apo ne nje vend ku te shkosh si zoteri? Vendimet e tyre nuk janë vetëm qoka politike. Viti i ri do ta gjejë Tiranën të paktën me një kantier teatri të ri.” tha Veliaj. /News24

Zbardhet vrasja në Bubq/ Jetonin në Tiranë, si e vrau kameramani gruan e tij në oborrin e stallës së lopëve

Zbardhet ngjarja e rëndë që ndodhi sot në Bubq, ku një burrë vrau me thikë bashkëshorten e tij dhe tentoi të vetëvritej. Ngjarja ndodhi në orën 10:45, në një magazinë në Bubq të Krujës.

Autori i dyshuar i krimit, 51-vjecari Artan Ismalaj, me profesion kameraman, teksa ishte në mjetin e tij tip “Ford” bashkë me gruan, Klaritën, 45 vjeçe, në rrethana ende të paqarta kanë hyrë brenda në magazinë.

Sipas policisë, çifti ka hyrë brenda territorit të objektit duke ndjekur një kamion, i cili është futur për të shkarkuar ushqim për lopët, pasi magazina është stalle lopësh. Ndërkohë, të paqarta janë motivet pasi policia e Krujës deklaron se nuk kanë asnjë dijeni pasi çifti prej vitesh jetonte në Tiranë. Mësohet se çifti në fjalë ka në pronësi të tyre një dyqan pranë fakultetit të Inxhinierisë.

“Fillimisht mendova se ishin në momente intime, dhe u afrova për t’i larguar, por më pas pash viktimën të mbuluar me gjak, atëherë njoftova policinë” – kështu është shprehur punonjësi i sigurisë në dëshminë e tij për policinë, lidhur me krimin e ndodhur mesditën e sotme në fshatin Bubq të Krujës.

Ka qenë pikërisht roja i magazinës që ka njoftuar policinë, pasi ka pikasur makinën tip ‘Ford”, në të cilën 51 vjecari Artan Ismalaja qëlloi për vdekje me thikë bashkëshorten e tij, 45-vjecare Klarita. “U afrova për t’i larguar” mësohet të jetë shprehur ai.

Po ashtu nga pohimet e familjarëve të tyre, mësohet se çifti nuk ka pasur probleme. Aktualisht 51-vjeçari ndodhet në spital, në gjendje të rëndë për jetën, pasi goditi disa herë me thikë edhe veten.

alert.al/