Menu

Kryesore

Aksident në autostradën Fier-Vlorë, mjeti i përmbysur, dyshime për viktima

Një aksident i rëndë ka ndodhur në autostradën Fier-Vlorë. Report Tv raporton se dyshohet për viktima nga përplasja e dy makinave. Siç shihet edhe nga pamjet makinat ka dalë nga rruga dhe është shkatërruar pothuajse plotësisht. Një vajzë e mitur është nxjerrë nga makina e shtypur plotësisht e cila është marrë nga ambulanca dhe është në gjendje të rëndë për jetën. Ndërkohë një tjetër person ndodhet në makinë dhe po nxirret nga mjekët e urgjencës.(Lajmi në perditesim)

VOA: Shqipëri, pastrimi i parave, ekspertët shqetësim për depërtimin në ekonomi

Shqipëria ka mangësi në luftën kundër pastrimit të parave dhe ndodhet në listën gri të Maneyval një strukturë e Këshillit të Europës për vlerësimin e masave kundër pastrimit të parave. Ky organizëm i kërkon qeverisë shqiptare, përmirësime në disa fusha që lidhen me uljen e informalitetit dhe monitorimin e parasë kesh në ekonomi. Ekspertët, bazuar në disa të dhëna indirekte, ngrenë dyshime se në disa sektorë si ndërtimi apo tregu i pasurive të paluajtshme pastrohen para. Sipas të dhënave zyrtare të Drejtorisë së parandalimit të pastrimit të parave në një përqindje të lartë të rasteve të identifikuara, nuk dihet origjina e parave të pista dhe në 30% të rasteve që dihen ato vijnë nga trafikimi i lëndëve narkotike.

Shqipëria është renditur nga Komiteti i Ekspertëve për Vlerësimin e Masave Kundër Pastrimit të Parave dhe Financimin e Terrorizmit, një strukturë e përhershme e Këshillit të Europës, e njohur me emrin MONEYVAL, në listën e vendeve që kanë mangësi në luftën kundër pastrimit të parave. Ndërsa sipas Departamentit amerikan të Shtetit “Shqipëria mbetet e ndjeshme ndaj pastrimit të parave për shkak të korrupsionit, krimit të organizuar dhe institucioneve të dobëta ligjore dhe qeveritare, me një ekonomi të madhe të parasë në dorë (kesh) dhe sektor informal të gjerë”. Sipas statistikave të autoriteteve të paradalimit të pastrimit të parave në 5 vitet e fundit në 67% të rasteve nuk dihet origjina e parave, dhe në 30% të rasteve që dihen, paratë vijnë nga trafikimi i lëndëve narkotike, që pasohet nga mashtrimi, korrupsioni kryesisht pasiv dhe shpërdorimi i detyrës.

Bazuar në disa analiza ekspertët ngrenë dyshime se një pjesë e mirë e parave të pista investohen në sektorë me ndikim në ekonomi si ndërtimi dhe tregu i pasurive të paluajtshme. Edhe në raportin e Drejtorisë së parandaimit të pastrimit të parave për vitin 2020, vihet re se nga raportimi i akviteteve të dyshimta mbizotërojnë tipologjitë që lidhen me blerje të pasurive të paluajtshme, transferta të dyshimta etj.

Sektori i ndërtimit është nga sektorët kryesorë të ekonomisë, duke zënë në 5 vitet e fundit rreth 9% të Prodhimit të Brendshëm Bruto (PBB). Gjatë vitit të kaluar, si pasojë e krizës së shaktuar nga Pandemia e Covid-19, ndërsa ekonomia e vendit ra, sektori i ndërtimit shënoi një rritje të lehtë me 1.62% dhe ai i tregut të pasurive të paluajtshme u rrit ndjeshëm me 6.7%.

“Si është e mundur kur shumë sektorë të tjerë si bujqësia apo turizmi jetik për vendin, arritën të zvogëloheshin dhe ishin në kushtet e mbijetesës, ndërsa sektori i pasurive të paluajtshme pati një rritje. Ky është një indikator, që tregon faktin se këto ndërtime po përdoren si një mënyrë e paligjshme e parkimit dhe e ruajtjes së parave të pista”, thotë për Zërin e Amerikës Fatjona Mejdini Kordinatorja e Nismës Globale Kundër Krimit të Organizuar Ndërkombëtar, për Ballkanin.

Por edhe pse në raportet e Drejtorisë së Paradalimit të Pastrimit të Parave, tregu i pasurive të paluajtshme veçohet me risk për pastrimin e parave, zyrtarët i hedhin poshtë këto argumenta duke sjellë një qasje tjetër. Rritjen e tij ata e lidhin me disa politika favorizuese të bankave, që sipas tyre i shtyn qytetarët në blerjen e pasurive të paluajtshme përmes kredive.

“Nuk duhet të bëjmë gabimin që të lidhim ecurinë e disa tregjeve që kanë faktorë të tjerë kryesor makro që ndikojnë në to, me ecurinë e parasë kriminale. Për paranë kriminale ne nuk kemi kontabilitet që të mbajmë shënim, sa para krimianle është futur dhe ka lëvizur. Bankat kanë ulur interesin që aplikojnë për kredidhënien dhe për njerëzit është më e lirë të blejnë pasuri të patundshme. Dhe po të shohësh trendin për kredidhënie për pasuri të patundshme, me tregun e pasurive të patundshme, kanë një korrelacion të lartë dhe ai është faktori bazë që ndikon”, tha për Zërin e Amerikës, Drejtori i Drejtorisë së paradalimit te pastrimit të parave Elvis Koçi.

Pas një moratoriumi gati dy vjeçar për bllokimin e lejeve të ndërtimit që u hoq në vitin 2016 sektori i ndërtimit pësoi një hov. Sipërfaqja e ndërtimit u dyfishua në vitin 2020, në 1 milion e 600 mijë metra katror krahasuar me vitin 2017.

Sipas ekspertëve edhe pse sipërfaqet e ndërtimit rriten, duke rritur ofertën në treg, kjo nuk është shoqëruar me uljen e çmimit. Çmimet e banesave në Shqipëri vijojnë të mbeten më të lartat në kontinent në raport me të ardhurat, kryesisht në kryeqytet. Nga ana tjetër kostot sipas INSTAT janë disa herë më të ulëta, se çmimi i shitjeve.

“Shikoni të gjitha ndërtimet e larta në Tiranë, kanë çmime shitje 2 mijë deri ne 4 mijë euro metro katror, për hapësira banimi. Të mos harrojmë një gjë, të gjithë të pasurit shqiptar, ata që vijnë nga biznese të ekonomisë së ligjshme nuk preferojnë të marrin apartamente në mes të Tiranës, por kanë blerë vila jashtë kryeqytetit. Kjo do të thotë se e gjithë kjo sipërfaqe e madhe jo vetëm për banim por edhe për zyra, në qendër të Tiranës me këto çmime, nuk bën asnjë sens ekonomik”, pohon për Zërin e Amerikës Neritan Sejamini, ekspert për ekonominë.

Fatjona Mejdini kordinatore e Nismës Globale Kundër Krimit të Organizuar Ndërkombëtar, për Ballkanin, bazuar në disa të dhëna, ngre dyshime se çmimet e larta të pasurive të paluajtshme aplikohen për të parkuar paratë e pista.

“Në Shqipëri 70% e popullsisë merr një pagë që nuk e kalon shifrën 50 mijë lekë në muaj. Për këtë arsye të gjitha këto ndërtime që ne shohim, jo vetëm në Tiranë por edhe në bregdet, në fakt nuk duhet shumë shkencë për të kuptuar, se një pjesë e tyre financohen nga paratë e paligjshme”, vijon Fatjona Mejdini Kordinatorja e Nismës Globale Kundër Krimit të Organizuar Ndërkombëtar, për Ballkanin,

Autoritetet zyrtare e pranojnë mungesën e efektivitetit në uljen e informalitetit dhe qarkullimin e parasë kesh në ekonomi, ndaj dhe nënvizojnë nismat e ndërrmara në Kuadër të rekomandimeve të Manyval, për implementimin e fiskalizimit, vijimin e dixhitalizimit të kadastrave, rregullimin e fushës ndërmjetëse të pasurive të palujatshme, ndryshime në ligjin për noterinë si dhe rritjen e transparencës nga bizneset dhe organizatat joqeveritare.

Sipas një raporti të Drejtorisë së Parandalimit dhe Pastrimit të Parave që nga viti 2016 janë bllokuar nëpër banka mbi 55 milionë euro që dyshohet se i përkasin botës së krimit. Por sasia e parave të bllokuara ka ardhur në rënie nga viti në vit. Nga rreth 29 milionë euro në vitin 2016 në pak më shumë se 1 milion vitin e kaluar. I pyetur nga Zëri i Amerikës nëse mund të quhet sukses apo dështim rënia e shumës së bllokimeve, Drejtori i Drejtorise së Parandalimit të Pastrimit të Parave thotë se nuk ka një analizë për këtë, pasi insitucioni që ai drejton, shqyrton vetëm rastet e dyshimta që raportohen nga vetë Bankat. Ai sqaron se mjaft prej transfertave ato mund t’i kenë mënjanuar pa qenë nevoja t’i raportojnë.

“Ka ardhur në rënie sepse aq ka patur. Sa raportohen dhe vërtet ka dyshime ne i bllokojmë dhe i lëmë mundësi prokurorisë të vendosë sekuestro. Këto shifra kur shohim pastaj konfiskimet janë shumë më të ulëta. Më mirë bllokon ato që pritet të shkojnë në konfiskime se sa të tjera”, thotë Drejtori i Drejtorisë së paradalimit te pastrimit të parave Elvis Koçi.

Drejtoria e parandalimit të pastrimit të parave merr në vit afro 1 mijë e 400 raportime për aktvitete të dyshimta dhe referon në polici dhe prokurori rreth 20% -30% të tyre. Në vitin 2020 ajo referoi 34% më pak raste se 5 vjet me parë. Autoritetet e shpjegojnë këtë rënie me rritjen e cilësisë së dosjeve që dërgohen në këto organe.

Një prej shqetësimeve kryesore që ata kanë lidhet me hetimin dhe gjykimin e veprave penale të pastrimit të parave.

“Thembra Akilit është ajo që ka të bëjë me rekomandimin për hetimin dhe dënimin e personave që kryejnë vepra penale të pastrimit të parave. Ka hetime por ato nuk arrijnë të shkojnë në një përqindje të lartë në gjykatë, dhe numri i dëmimeve duhet të përmirësohet”, shprehet Drejtori i Drejtorisë së Paradalimit te Pastrimit të Parave Elvis Koçi.

Zëri i Amerikës ju drejtua dhe Prokurorisë së përgjithshme për një reagim lidhur me këto deklarata. Ajo i shmangu komentet e drejtpërdrejta dhe tha se të gjitha analizat përfshi dhe ato për veprat penale të pastrimit të parave, janë të pasqyruara në raportet vjetore. Klodiana Lala gazetare për çështje të rendit dhe drejtësisë thotë se hetimet për këto vepra paraqesin mjaft vështirësi.

“Jënë hetime të vështira sepse paratë që pastrohen vijnë kryesisht nga trafiku i drogërave të forta që kryhet në disa vende të BE. Dhe duke qenë se aktiviteti i trafikantëve shqiptar është i vendosur atje dhe paratë pastrohen në Shqipëri, padiskutim që nevojitet një bashkëpunim i fortë institucional dhe ndërkombëtar”, tha për Zërin e Amerikës Klodana Lala, gazetare për çështje të rendit dhe sigurisë.

Pesha specifike e veprave penale të pastrimit të parave kundrejt numrit total të proçedimeve të regjistruara në shkallë vendi është 1.03%. Në 5 vitet e fundit 9% e dosjeve dhe 68% e të pandehurve të proçeduar janë dërguar në Gjykatë, ku janë dënuar mbi 50% e tyre. Për ekspertët këto shifra e vendosin luftën kundër pastrimit të parave në një nivel të ulët në raport me shqetësimin në rritje që nënvizohet nga qeveritë e vendeve perëndimore dhe në raportet e ndryshme ndërkombëtare të organizatave prestigjoze që monitorjnë krimin e organizuar ndërkombëtar.

 

Richard Grenell merr në pyetje Edi Ramën: Ma bëri të qartë, është i frustruar me BE-në

Ish-Emisari i presidentit Trump për dialogun Kosovë-Serbi, Richard Grenell, ka zhvilluar një intervistë me kryeministrin e Shqipërisë, Edi Rama. Richard Grenell e ka pyetur Ramën për iniciativën e mini-Shengenit dhe shpalljen “non-grata” të ish-presidentit Sali Berisha nga Departamenti i Shtetit. Grenell ka shkruar se Rama ia bëri të qartë se është i frustruar me BE-në. Rama u shpreh se ai vendim do të thotë se askush s’është mbi ligjin dhe se ka mbaruar koha e pandëshkueshmërisë.

“Do të thoja se në njërën anë është pikëlluese që ta shohësh këtë realitet, por është sinjal që administratat amerikane vazhdojnë që të jenë zë i reformave në drejtësi. Për mua kjo ishte pak a shumë sikur njoftimi për mbarimin e tranzicionit dhe mbarimin e pandëshkueshmërisë. Askush s’është mbi ligjin”, tha Rama.

Ai falenderoi ish-emisarin Grenell për kontributin e tij në iniciativën e mini-Shengenit.

“Së pari, më duhet ta përsëris që ju s’jeni më në rolin e kontribuesit të iniciativës së mini-shengenit për të cilin ju falenderoj për rolin tuaj. Në anën tjetër është një konflikt i pazgjidhur shkaku i mosnjohjes së Kosovës nga Serbia. Por është e mundshme që të zhvillohet jetesa pa barriera mes njerëzve dhe mallrave”, tha Rama.

Kryeministri Rama kritikoi BE-në që s’po merr vendim për anëtarësimin e Shqipërisë në Bashkimin Evropian.

“BE-ja ka dhënë vlerësimin dhe premtimin që Shqipëria dhe Maqedonia e Veriut të anëtarësohen në BE. Në anën tjetër s’ka vendim sepse BE-ja është e bazuar në vendim-marrjen e të gjitha shteteve dhe pastaj kur një shtet s’pajtohet gjithçka ndalohet”, u shpreh Rama.

Rihapet gara për tunelin e Llogarasë / Ofertat afat deri në fund të Korrikut, punimet nisin brenda vitit

Qeveria ka rihapur garën ndërkombëtare për zgjedhjen e një kompanie e cila do të ndërtojë tunelin e Llogarasë. Ofertat për shoqëritë e interesuara do të priten deri më 28 korrik, dhe nëse nuk do të ketë ankesa pritet që punimet për këtë vepër të nisin në fund të vitit.

Ministria e Infrastrukturës dhe Energjisë e anulloi tenderin e parë duke përjashtuar të 6 kompanitë që morën pjesë për mungesë të plotësimit të dokumentacionit. Tuneli i Llogarasë do të do të financohet me paratë e buxhetit të shtetit dhe do të kushtojë 155 milion euro.

Ai do të jetë i gjatë 5.9 kilometra dhe do të lidhet në hyrje dhe dalje të tij me dy ura, nga 110 dhe 40 metra të gjatë. Programohet që vepra të përfundojë pas 3 vjetësh e 1 muaji.

Qafa e Llogarasë pas ndërtimit të tunelit do të përshkohet për 6 minuta duke reduktuar kohën prej 55 minutash që i duhet sot automjeteve për të kaluar Llogaranë, ndërsa do të lidhet me Urën e Shën Elizës me aksin e ri për të cilin kanë nisur punimet Dukat-Orikum.

Ngjarja me pronarin e hotelit në Himarë/ Pushuesi: Vajza 6 vjeçe u trondit, ka nevojë për psikolog

Në studion e emisionit “Me zemër të hapur” në News24 të gazetares Evis Ahmeti, u trajtua incidenti i ndodhur në zonën e Livadhit në Himarë, ku një çift pushuesish u konfliktuan me pronaren e hotelit pak ditë më parë.

Çifti me një vajzë 6-vjeçare kishte prenotuar të pushonte për disa ditë teksa sherri mes tyre sipas pretendimeve të palëve ka nisur që në fillim e deri në largim të çiftit.

Por ajo që e bën tronditës këtë incident që agravoi me ulërima e me veprime skandaloze, është prania e vajzës 6 vjeçe të çiftit, e cila është trembur dhe ka filluar të qajë pa pushim.

Protagonisti kryesor i akuzuar nga pronarja e hotelit, është shprehur se kushtet në të cilat ndodhej dhoma ku po pushonin ishin skandaloze. Nga ana tjetër pronarja e hotelit është shprehur se incidenti ka nisur nga çifti, pasi pas largimit të tyre pajisjet e dhomës ishin shkatërruar. Për këtë incident ditën e sotme ka folur vetë pushuesi, i cili është dhe kryefamiljar Visar Mato. Ai tha se vajza ka ndryshuar sjellje pas ngjarjes që ka ndikuar shumë keq në psikologjinë e fëmijës.

“Kjo është një ngjarje shumë e rëndë për familjen tonë. Fëmija im është tronditur shumë nga kjo që ndodhi, nuk ka shkuar në shkollë, por ka kërkuar të rrijë me mua gjatë gjithë kohës, është bërë agresive, fle vonë. Ajo zonja e hotelit ka bërë veprime skandaloze, më ka ndjekur nga pas me një makinë dhe me një motor, ku dëgjoja ‘hape xhamin’ ishte një tmerr i vërtetë! Konflikti i gjithë nisi që duhet te paguanim edhe ditën e shtunë. Ne duhet te largoheshim, kishim planifikuar te iknim. Kur u larguam ajo na ndoqi pas me makinë dhe u desh që të bënte një aksident me një makinë tjetër që të mos bënte veprime të tjera të rënda , veç asaj që bëri duke dalë në rrugë e dua u shtrirë para makinës. Unë nëse do kthehesha pas në kohë nuk do ndaloja, do t’i bija borisë dhe nuk do ndaloja makinën fare. Kam nevojë të konsultohem me një psikolog, unë bëra një veprim të tillë, mbajta makinën dhe u solla në qetësi të madhe. Një ngjarje e tillë dhe njerëz të tillë nuk mund t’i lejosh që të të ndalin fare. Gjithë kjo që ndodhi më ka shqetësuar familjen dhe anën psikologjike tonën”, deklaroi Mato. /News 24/

Prokurori i Sarandës që mori ryshfet, ja sa lekë dhe euro iu gjetën nga kontrolli në shtëpi

Detaje të reja kanë dalë në dritë nga dosja e Prokurorit të Saradës Sali Hasa. Burime bëjnë me dije se gjatë kontrollit të banesës së prokuorit Hasa, atij i janë gjetur në banesë një shumë prej 11 milionë lekësh të vjetra dhe 2 mijë euro.

Kujtojmë se prokurori u la në burg disa ditë më parë, pasi sipas SPAK ai dyshohet se i mori një shumë parash shtetases Elsiona Papa, për t’i pushuar dosjen vëllait të saj Emiljan Mirjanit, pasi akuzohej dhe ishte vënën nën hetim për plagosje.

Referuar dosjes së prokurorisë, Papa është fotografuar në zyrën e prokurorit së bashku me Edison Korkutin, i cili u plagos nga vëllai i saj. Sipas hetimeve motra e të pandehurit ndikoi te prokurori për të pushuar hetimet për vëllain e saj që akuzohej për plagosje me dashje dhe mbajte të armëve të ftohta. /faxweb/

Skandal në Gjykatën e Lezhës, kancelarja dhe prokurorët djegin afatet e procedimit penal

Kryetarja e Gjykatës së Lezhës, Ornela Naqellari kallëson penalisht kancelaren e institucionit për shpërdorim detyre. Pas verifikimeve, prokuroria ka vendosur mos fillim të procedimit penal, pasi sipas saj nuk janë konstatuar elemente të vepres penale, të cilat i pretendonte kryegjyqtarja e Lezhës dhe vendimi ju është dërguar paleve.

Por çuditërisht 10 ditë më vonë i njëjti vendim ka dalë sërish i vulosur dhe protokolluar nga prokuroria, pa dijeninë e prokurorit të çështjes. Pasi është konstatuar ky falsifikim nga ana e prokurorisë, kanë nisur menjëherë hetimet, pasi këto veprime dyshohet të jenë bërë për shkak se vendimit të parë i kishte kaluar afati ligjor për ankimim në Gjykatë. Organi i akuzës ka regjistruar procedim penal për veprën penale “Falsifikim dokumentash” dhe hetimet po drejtohen nga prokurori Sabri Kastrati.
Prokurori ka marre në pyetje punonjës të prokurorisë dhe gjykatës, pasi ka dyshimet se keto veprime në shkelje te ligjit janë bërë në bashkëpunim, me qëllim që ti jepet mundësia kryegjyqtares së Lezhës Ornela Naqellari, që të bëjë ankimin kundër vendimit të prokurorisë për mos fillimin e procedimit penal, ndaj kancelares së Gjykatës.

Nga ana e prokurorisë ende nuk është arritur të identifikohen personat e përfshirë në këtë skandal që ka ndodhur brenda institucionit por po verifikohen të gjitha veprimet dhe praktikat e ndjekura.
Dalja e vendimit të dytë nga prokuroria i ka dhënë afatet e nevojshme kryetares së Gjykatës së Lezhës Ornela Naqellari që të ankimojë vendimin e prokurorise për mos fillimin e hetimeve, ndaj kancelares dhe çështja eshte regjistruar dhe pritet të shqyrtohet në Gjykaten e Lezhës.

alert.al/

Pa test dhe pa vaksinë, Austria dhe Holanda heqin të gjitha kufizimet anti-COVID me Shqipërinë

Duke filluar nga dita e sotme Austria dhe Holanda kanë hequr të gjitha masat anti-COVID me Shqipërinë për të udhëtuar. Nuk ka asnjë kriter, as test negativ dhe as kriterin e vaksinës.

Megjithatë, të gjithë qytetarët që udhëtojnë në avion e kanë të detyrueshme mbajtjen e maskës të një formatit FFP2. Austria është shteti i parë nga BE-ja që ka hequr të gjitha kufizimet me vendin tonë, ndërkohë që shtetet e tjera e kanë të detyrueshme që qytetari të ketë me vete testin negativ, që të ketë bërë një nga vaksinat apo edhe formularin PFL siç është në rastin e Greqisë.

Njoftimi për Austrinë:

Austria heq të gjitha kufizimet për pasagjerët me pasaporta biometrike që udhëtojnë në Austri, duke filluar nga data 24 Qershor 2021.

1) Asnjë kriter testi
2) Asnjë kriter vaksine
3) Vizat për rastet e aplikueshme vazhdojnë si më parë

I vetmi kriter, ju lutemi qytetarëve që udhëtojnë në Austri, është maska FFP2, si kjo ne foto. Kompania Austrian Airlines që operon në Austri, e ka të detyrueshme vetëm këtë tip maske, që e gjeni në farmaci.  Ata pasagjerë që janë tranzit në Austri, ju lutemi të kontrollojnë rregullat e udhëtimit Covid-19, që ka destinacioni final i mbërritjes.  Faleminderit për bashkëpunimin, Tirana International Airport”, thuhet në njoftimin e TIA-s.

Njoftimi për Hollandën:

Hollanda heq të gjitha kufizimet për pasagjerët shqiptarë me pasaporta biometrike që udhëtojnë në Hollandë, duke filluar nga data 24 Qershor 2021.

1) Asnjë kriter testi

2) Asnjë kriter vaksine

I vetmi kriter, ju lutemi qytetarëve shqiptarë që udhëtojnë në Hollandë, të plotësojnë Formën e Deklaratës së Shëndetit. Formën e gjeni të listuar në këtë link: https://www.government.nl/…/information-for-passengers… Ju lutemi, prindërve të moshuar u duhet ndihmë për plotësimin e formës. Nëse udhëtojnë, sugjerojmë që ta kenë të printuar me vete, kur të paraqesin biletën.

alert.al/

 

 

Ish-Ambasadori Xhakaliu: Kosova duhet të finalizojë me njohje marrëveshjen me Serbinë

Ish-ambasadori i Kosovës në Gjermani, Skënder Xhakaliu deklaron se Kosova ndodhet në pozita të favorshme me ardhjen në pushtet të Presidentit Biden, prandaj duhet ta përmbyllë dialogun me Serbinë me një marrëveshje me njohjen e pavarësisë.

Në një intervistë për emisionin “Zëri i Diasporës” në ALBUK TV, Xhakaliu tha se “Mendoj që dialogu është proces shumë i rëndësishëm për Kosovën për rryugëtimin drejt BE. Mendoj se ka pasur suksese dhe dështime. Tani jemi në një faze përfundimtare. Në shumë takime bilaterale ku ka qenë prezent në Berlin, kemi theksuar që bisedimet duhet të kenë një datë të përfundimit, me qëllim që të arrihet një fazë finale. Edhe qeveria e tanishme e ka marrë seiozisht çështjen e bisedimeve në Bruksel. Pala kosovare duhet të jetë e përgatitur për këto bidsedime”.

Lithur me librealzimin e vizave, Ambasadori Xhakaliu tha:  “Së pari, mendoj se Bashkimi Evropian padrejtësisht e mban popullin Kosovës ende të izoluar. Kosova mbi 98% të detyrimeve i ka përmbushur qysh në vitin 2018. Edhe si shtet edhe si qytetar jemi evropian dhe meritojmë lëvizjen e lirë”.

Ambasadori theksoi se ndryshimet në pushtet në SHBA e favorizojnë arritjen e këtyre objektivave.

“Janë krijuar rrethana të favorshme me zgjedhjen e presidenti Biden, pasi është mik i Kosovës, dihet vizita e tij, kontributi i djalit të tij dhe po shtohet interesimi i shtuar i diplomacisë amerikane ndaj Kosovës.  Mendoj se SHBA duhet të jenë pjesë e bisedimeve në Bruksel me Serbinë. Koordinimi i BE-së me SHBA për ne është një ndihmë e madhe dhe besoj se do të kemi rezultate nga kjo qeveri”.

I pyetur nga medratori mbi Lajçak që foli serbisht dhe tha se Kushtetuta nuk është një bibël, Xhakaliu tha se politika evropiane nuk varet nga individët.

“Nuk e shoh ndonjë problem për bisedimet nga ndërmjetësit Lajçak dhe Borell. Takimet e përbashkëta dhe konferencat e shtypit janë më tepër prezantim publik, kurse në bisedime ka një qasje më pragmatike”, tha Ambasadori Xhakaliu.

alert.al/

Rama-gazetares greke: Greqia të heqë ligjin e luftës, për detin morëm arbitër ndërkombëtar

Kryeministri Edi Rama është duke marrë pjesë aktualisht në Forumin Ekonomik që mbahet në Maqedoninë e Veriut. Fokusi kryesor është e ardhmja europiane e dy vendeve dhe mbajtja e konferencës së parë ndërqeveritare.

Në një moment, gazetarja greke e ka pyetur Ramën për marrëdhënien e tij me Turqinë, në një kohë që dy vendet – Greqia dhe Turqia – nuk kanë raporte të mira. Kryeministri guxoi duke e vënë në siklet gazetaren, dhe e pyeti nëse ajo ishte xheloze për marrëdhënien e tij me Turqinë.

Gazetarja: Si janë marrëdhëniet me Turqinë?

Rama: Mos jeni xheloze nga kjo marrëdhënie se është një marrëdhënie e frytshme për të dyja palët. Për ne është shumë e qartë jetojmë në mes të trekëndëshsit dhe njerëzit, historia na bëjnë partnerë strategjik

Gazetarja: Nuk është xhelozi

Rama: Po flisja për marrëdhënien tënde, jo xhelozisë zyrtare nga Greqia

Gjithashtu, kryeministri shqiptar është pyetur dhe për çështjen e detit dhe ligjin e luftës me Greqinë.

Rama: Pikë së pari nuk janë të lidhura me njëra, nuk dua të flas për probleme më shumë dua të fokusohem në zgjidhje. Ne kemi nevojë dhe duhet të jemi në të njëjtin nivel dhe të reflektojmë këtë mënyrë të të kuptuarit të njerëzve të zakonshëm. Sa i përket përcaktimit të kufijve detarë ne kemi vendosur të shkojmë në Gjykatën ndërkombëtare dhe jam shumë i lumtur që Greqia pranoi këtë kërkesë time.

Ne jemi popull ballkanik dhe udhëhiqemi nga ndjenjat , prandaj kemi nevojë për një vëzhgues ndërkombëtar. Sa i përket ligjit të luftës, është një paradoks i vërtetë, sepse në bazë të tij ne jemi në Luftë me Greqinë dhe kjo në fakt është absurde. Dhe qeveria juan tuaj dhe të heq këtë gjë. Duhet të hidhet poshtë dhe të heqim dorë nga dashuria dhe urrejtja ballkanike.

Më tej, Rama komentoi dhe vendimin e djeshëm të ministrave të Jahstëm të vendeve të BE, të cilët nuk morën dot një vendim për Konferencën e parë Ndërqeveritare të Shqipërisë dhe Maqedonisë së Veriut. Shkak u bë vetoja bullgare për M.Veriut e cila penalizoi dhe Shqipërinë.

Rama: Jemi mbledhur këtu me vëllain tim Zoran, fatkeqësisht pasi nuk morëm dot një datë për konferencën e parë ndërqeveritare. Ajo që ne duhet të bëjmë është të ecim pëprara dhe të realizojmë atë që na kërkohet nga Bashkimi Europian. Ne jemi të vegjël për të jetuar të izoluar nga njëri-tjetri, por të bashkuar mund të ia dalim  për të jetuar së bashku.