Menu

Kryesore

Emërimet në administratë të “binjakëzimit” PD-PS

Nga Mirilda TILI

Në fillim të mujit tetor të vitit që lamë pas, kryeminsitri i vendit, Edi Rama, njoftoi ditën e zisë për energjinë elektirike dhe e faturoi vëshiresië në tregun ndëkmbëtar, dhe po në të njëjtën ditë, Partia Demokratike njoftoi planin me 7 pika për të dalë nga kriza. Që në ditën e parë u reflektua dakordësia mes PD dhe PS, për sa kohë që nga ana e opozitës, asnjëherë nuk është kërkuar shkaktari i krizës, por si të menaxhohej ajo.
Kjo dakordësi publike është manifestuar edhe në bashkëmenaxhimin e institucioneve kryesore të sektorit, ku familjarë të afërt të eksponentëve të rendësishëm të PD, kanë pozicion drejtues.
Në datën 11 shkurt 2022, Enti Rregullator i Energjisë, me firmën e kryterait Petrit Ahmeti, dhe me numër protokolli 182/3 është bërë njoftm fituesi për pranimin në shërbimin civili për shtetasin Denis Rushaj, si drejtor në drejtorinë Juridike dhe Zgjidhjes së Mosmarrëveshjeve.
Në dokument thuhet se Denis Rushaj është kandidat fitues me 95.8 pikë për pozicionin e drejtorit të Drejtorisë Juridike dhe Zgjidhjes së Mosmarrëveshjeve.


Denis Rushaj, është vellai i deputetit të Partisë Demokratike, Alfred Rushaj. Ky i fundit, i prezantuar edhe nga Basha si eksperti për energjinë brenda grupit të tij, kjo edhe për faktin se ka mbajtur disa pozicione ne sektorin e energjisë.
Alfred Rushaj është një emër i njohur për demokratët, i cili ka mbajtur poste të rëndësishme në qeverinë Berisha. Ai ka shërbyer si Zëvendës Ministër i Financave nga viti 2009 deri në vitin 2013 dhe si këshilltar juridik i Ministrit të Ekonomisë, Tregtisë dhe Energjisë nga viti 2005 deri në vitin 2009.
Nga viti 1997 deri 2005 ka mbajtur disa pozicione menaxheriale dhe ekzekutive në Korporatën Elektroenergjetike Shqiptare (KESh), ka qenë Kryetari i Bordit Mbikëqyrës të OSSH , Anëtar i Bordit të Drejtorëve të OST, Anëtar i Bordit të Drejtues për Agjencinë e Burimeve Natyrore, por ka mbajtur edhe pozicione të rëndësishme drejtuese në kompani të mëdha që operojnë në Shqipëri.
Po kështu nga një kontroll në open data, Denis Rushaj rezulton të jetë edhe administrator dhe pronari i vetëm i shoqërisë me përgjegjësi të kufizuar BIG Machinery AL që nga data 22 shkurt I 2019-ës.

Kinder, tërheqja nga Salmonella, ndoshta një nga më të mëdhatë në historinë e tregtisë evropiane të çokollatës

Tërheqja e produkteve “Kinder” nga Ferrero lidhur me një shpërthim të Salmonelës është ndoshta një nga tërheqjet më të mëdha të çokollatës në historinë e tregtisë evropiane, si për shkak se ndodhi para Pashkëve, ashtu edhe për shkak të shpërndarjes së gjerë të produktit në 77 vende.

Kështu fillon një artikull nga Joe Whitworth i publikuar më 19 prill 2022 në Food Safety News. Sipas raporteve nga agjenci të ndryshme të sigurisë ushqimore në Evropë, një shpërthim monofazwë i “Salmonella Typhimurium” është zhvilluar në të paktën 10 vende, duke prekur kryesisht fëmijët e vegjël dhe rastet mund të lidhen me çokollatën Kinder të prodhuar nga Ferrero në Belgjikë.

Franca, Gjermania, Irlanda, Luksemburgu, Holanda, Norvegjia, Spanja, Suedia, Mbretëria e Bashkuar dhe vetë Belgjika kanë raportuar raste, ndërsa mund të ketë persona të përfshirë edhe në Austri dhe Zvicër. Terheqje nga tregu i ketij produkti është bërë dhe në Shtetet e Bashkuara dhe Kanada, megjithëse nuk ka pasur raportime për të prekur. Në Itali janë duke u bërë analiza laboratorike për disa mostra.

Sipas Joe Whitworth, shtrirja e problemit është ‘definitivisht e nënvlerësuar’ për shkak të sistemeve të mbikëqyrjes së Salmonelës dhe ndjeshmërisë së ndryshme të teknikave mikrobiologjike të përdorura. Pacienti i parë u raportua në Mbreterine e Bashkuar  më 7 janar 2022 dhe iu referua një kampionimi më 21 dhjetor 2021.

Në shkurt, një grup prej tetë rastesh monofazike Salmonella Typhimurium u identifikua në Mbreterinë e Bashkuar. Grupi përbëhej pothuajse ekskluzivisht nga njerëz nën moshën 10 vjeç. Ndërsa periudha midis zbulimit fillestar të epidemisë dhe veprimit ndërkombëtar pasues zgjati më shumë se dy muaj, pasi u vendosën lidhjet përfundimtare epidemiologjike me produktin në fjalë, veprimet e kontrollit u ndoqën me shpejtësi.

Më 25 mars, Gjermania, Suedia, Franca, Holanda, Luksemburgu, Norvegjia, Irlanda, Belgjika dhe Spanja raportuan raste të konfirmuara ose të mundshme. Vendimi i autoriteteve belge për të ndaluar prodhimin në fabrikë erdhi gjithashtu në fillim të prillit.

Autoritetet braziliane kanë ndaluar shitjen dhe importin e produkteve Kinder të prodhuara nga Ferrero në Belgjikë. Kjo përkundër faktit se vendi nuk është në listën e atyre që kanë marrë produktet e mundshme të kontaminuara.

Sondazhet treguan se, 150 subjektet/personat e prekur nga Salmonella ishin të moshës nga 8 muaj deri në 56 vjeç, por 134 ishin më pak se 10 vjeç dhe 99 ishin femra.

Gjithsej 49 nga 116 rastet u shtruan në spital, që është një shkallë më e lartë se zakonisht për shpërthimet e salmonelës. Në përgjithësi, 88 nga 101 pacientët e anketuar në 10 vende thanë se kishin konsumuar produkte të ndryshme çokollate Ferrero.

Gjetjet e Ferrero-s që pranojnë ekzistencën e kontaminimit përgjatë linjës së përpunimit në fabrikën Arlon në Belgjikë (e cila prodhon rreth 7% të të gjitha produkteve Kinder në mbarë botën) erdhën nga tamponët e bëra në rezervuarët e magazinimit të dhallës i kryer në mes të dhjetorit 2021 dhe janar 2022.

Të paktën 10 mostra të produkteve të dyshimta nga shtëpitë e pacientëve u testuan në katër vende, me rezultate negative. Hetimet e mëparshme kanë gjetur vetëm sasi të vogla të baktereve Salmonele në mostrat e produkteve të çokollatës.

Hipoteza është se kontaminimi mund të jetë i vështirë për t’u zbuluar, siç shpjegon një studim nga Instituti Federal Gjerman për Vlerësimin e Rrezikut (BfR) mbi Salmonelën në çokollatë. Hetimet janë duke u zhvilluar këto ditë për të kuptuar nëse shkaku ka qenë përdorimi i një përbërësi të kontaminuar apo një burim tjetër kontaminimi.

Njoftimi në kohë i zbulimit të shpërthimit dhe gjetjeve paraprake të sondazhit në Mbreterinë e Bashkuar, i ndjekur nga bashkëpunimi i shpejtë midis vendeve të ndryshme në shkëmbimin e informacionit, i koordinuar dhe i mbështetur nga ECDC, ka qenë thelbësor për avancimin e shpejtë të hetimit të kësaj epidemie. Informacioni përshkrues epidemiologjik ka dhënë prova të qarta që përfshin mjetin e infeksionit në këtë shpërthim, për të lejuar autoritetet e shëndetit publik dhe të sigurisë ushqimore të kryejnë kontrolle të shpejta dhe të nevojshme.

Informacioni pasues mbi zbulimin e llojit epidemik në fabrikën e përpunimit të përfshirë siguroi konfirmim të mëtejshëm mikrobiologjik të lidhjes midis produkteve të kompanisë dhe epidemisë në nivel evropian. Kjo vërtetoi dobinë e saj dhe nënvizoi nevojën për shkëmbim të shpejtë të informacionit mbi sekuencën mikrobiologjike.

Masat kontrolluese të marra në të gjitha vendet e prekura janë ndoshta një nga tërheqjet më të mëdha të produkteve të çokollatës në historinë e tregtisë evropiane. Shënimi i fundit ka të bëjë me datën e njoftimit të Belgjikës në BE RASFF, e cila u bë vetëm më 25 mars 2022, më shumë se dy muaj pas identifikimit të rastit të parë në Mbretërinë e Bashkuar.

Burimi: ilfattoalimentare.it

Qendra ALERT – Alert.al

AKU reklamon suksesin e radhës, asgjësohen 1510 kokrra vezë "për shkak të influencës aviare". Po përse? Të cilit stabiliment apo importi?

Në ditët kur Influenca Aviare (Gripi i shpendëve) është ende tema aktuale, Autoriteti Kombëtar i Ushqimit ka njoftuar se ka asgjësuar 1510 kokrra vezë për shkak të këtij problemi. Në një foto-njoftim të Autoritetit Kombëtar të Ushqimit nuk thuhet asnjë detaj më tepër për konsumatorin, se të cilës kompani ishin, janë prodhim vendi apo importi nga vende të prekura nga ky virus apo çfarë problematike kanë pasur.

Gjithësesi, e sigurt është që këto vezë nuk janë analizuar, pasi ky produkt nuk analizohet për prani të Influencës Aviare.

Qendra ALERT ka mundur të mësojë se, vezët janë të një prej 3 stabilimenteve të prekura në Gripi i Skpendëve në mesin e muajit mars dhe datat prodhimit mund të korrespondonin me ato të shpalljes zyrtarisht të Gripit të Shpendëve.

Gjithësesi, për tema kaq delikate në kohë kur Influenca Aviare është “e nxehtë”, AKU duhet së pari të mos “reklamojë gjithë këtë sukses” dhe më kryesorja, kur e bën, të sqarojë konsumatorin për arsyet e bllokimit dhe asgjësimit, nëse jana analizuar apo jo, nëse ka pasur dyshime të forta apo vetëm si masë parandaluese, ose nëse i ka gjetur duke u tregtuar pa certifikatën veterinare.

AKU e ka detyrë ligjorë, ndër të tjera, edhe informimin e publikut, konsumatorit dhe ndërgjegjësimin e tij, i cili nuk mund të bëhet me foto të dizenjuara bukur.

Qendra ALERT – Alert.al

Superaksioni ndërkombëtar, më shumë se 5 milionë lodra potencialisht të rrezikshme janë sekuestruar në 21 shtete

Operacioni i dytë i koordinuar nga Europoli Ludus II çoi në sekuestrimin e lodrave të rrezikshme me një vlerë totale prej më shumë se 18 milionë euro

Midis tetorit 2021 dhe 31 janarit 2022, Europol koordinoi operacionin Ludus II që synonte trafikimin e lodrave të falsifikuara dhe mallrave të tjera. Ludus II, i udhëhequr nga Garda Civile Spanjolle (Guardia Civil), Policia Kombëtare Spanjolle (Policia Nacional) dhe autoritetet doganore spanjolle (DAVA), të dhe bashkëadrejtuara nga Policia rumune, përfshiu autoritetet e zbatimit të ligjit nga 21 vende gjithsej. Zyra Kundër Mashtrimit të BE-së (OLAF) dhe Zyra e Pronësisë Intelektuale të Bashkimit Evropian (EUIPO) gjithashtu mbështetën operacionin, ndërsa Organizata Botërore e Doganave (OBD) mori pjesë si vëzhgues dhe siguroi komunikim të sigurt me anëtarët e saj, për të mbështetur aktivitetet operacionale. Konfiskimet e kryera gjatë operacionit përfshijnë lodra të falsifikuara dhe të paligjshme, video lojëra dhe personazhe të lidhura me to, kukulla nga seriale të famshme televizive, lojra për fëmijë dhe veshje e aksesorë të markave të famshme. Malli i sekuestruar përmban rreziqe të tilla si ekspozim kimik, mbytje, goditje elektrike, dëmtim të dëgjimit dhe rrezik zjarri. Ky ishte rezultati i një analize të EUIPO-së për këto sinjalizime, e cila çoi në ngritjen e operacionit të parë Ludus në vitin 2020.

Gjatë fazës operacionale të Ludus II, autoritetet e zbatimit të ligjit kryen kontrolle dhe inspektime për të zbuluar dërgesat dhe magazinimet e paligjshme. Një numër bastisjesh pasuan hetimet në internet të iniciuara në platformat e tregtisë elektronike. Shumica e lodrave false u importuan nga Azia Lindore në BE, Mbretërinë e Bashkuar dhe SHBA. Autoritetet zbuluan shkelje të të drejtave të pronësisë intelektuale, mungesë të markave CE dhe deklaratave të konformitetit të BE-së, si dhe praninë e substancave të rrezikshme të padëshirueshme.

Operacioni Ludus II arrini në:

Sekuestrimin e lodrave me vlerë afro 18 milionë euro

Më shumë se 5 milionë lodra të falsifikuara

Më shumë se 2600 raste të gjetura për parandalimin e nxjerrjes në treg të lodrave

99 persona janë denoncuar në organet gjyqësore

1459 individë u raportuan pranë autoriteteve administrative/shëndetësore

72 tregje online të kontrolluara

30 faqe interneti u mbyllën

Pikat kryesore të operacionit

Në rajonet e Lazios dhe Campania-s, Korpusi Financiar Italian (Guardia di Finanza) përgjoi dhe sekuestroi një sasi të madhe lojërash të paligjshme produktesh që vinin nga një vend aziatik. Lodrat ruheshin në dy depo. Autoritetet doganore franceze (Direction Générale des Douanes et Droits Indirects) ndërprenë furnizimin e rregullt të lodrave të falsifikuara, të cilat shiteshin nëpërmjet një platforme të famshme të tregtisë elektronike. Hetimi, i quajtur Pokezone, lejoi autoritetet të zbulonin një sasi të madhe produktesh, të cilat shiteshin në tregjet e brendshme të Francës dhe gjashtë vendeve të tjera.

Fronti ndërkombëtar kundër lodrave false

Europol koordinoi aktivitetet operacionale, lehtësoi shkëmbimin e komunikimit dhe ofroi analiza operacionale. Europol gjithashtu i mbështeti aktivitetet me ekspertizë teknike. IPC3 i Europolit (Koalicioni i Koordinuar i Krimit të Pronësisë Intelektuale), i cili mbështeti hetimin, është një projekt për të luftuar krimin e pronësisë intelektuale i bashkëfinancuar nga EUIPO (Zyra e Pronësisë Intelektuale të Bashkimit Evropian). Shtetet Anëtare të BE-së pjesëmarrëse: Belgjika, Bullgaria, Kroacia, Çekia, Estonia, Franca, Gjermania, Greqia, Hungaria, Italia, Letonia, Holanda, Portugalia, Rumania, Sllovakia, Sllovenia, Spanja. Vendet e joanëtare: Cote d’Ivoire, Maqedonia e Veriut, Mbretëria e Bashkuar dhe Shtetet e Bashkuara.

Burimi: www.europol.europa.eu

Qendra ALERT – Alert.al

Skandal ne Portin e Durresit, Policia e Doganat hapin konteineret me ushqime ne mes te kalatave. Asnje kritet per Urdherin e Perbashket te institucioneve

Nje skandal ne sigurine ushqimore dhe cenimin e standardeve ne kete fushe, po ndodh ne Portin e Durresir. Konterinet me produkte ushqimore po hapen ne kalatat e portit nga policia dhe autoritetet doganore, pa pranine e AKU dhe ne kushte teresisht te papranueshme.
Duket se kjo po ndodh ne saje te Urdherit te Perbashket te firmosur nga Drejtoret e Pergjithshem te Policise se Shtetit dhe te Doganave, “Per miratimin e rregullave per bashkepunim per kryerjen e procedurave dhe velrimeve te perbashketa te autoriteteve policore e doganore”. Por, duket se ky urdher eshre firmosur pa mendur per pasojat apo zbatimin e prorokolleve te siguslrise ushqimore. Sic duket dhe ne pamje, produktet ushqimore dhe kontroneret hapen ne kalatat e portit, duke thyer te gjitha rregullat.

Nderkohe, Autoriteti Kombetar i Ushqimit nuk ka asnje inspektor prezent, per faktin se kjo eshte nisme e Doganave dhe Policise, pa vene ne dijeni autoritetet pergjegjese te sigurise ushqimore.

IMG_1631

Qendra Alert – Alert.al

 

Ferrero: Ja si u kontaminuan me Salmonela Typhimurium produket "Kinder"

Historia e shpërthimit evropian të Salmonelozës, e shkaktuar nga produktet Kinder Ferrero të paketuara në fabrikën Arlon në Belgjikë, pasurohet me një element të ri shumë të rëndësishëm. Sipas një njoftimi për shtyp nga kompania që u shfaq në faqen e internetit franceze më 7 prill 2022, i njëjti lloj Salmonela Typhimurium përgjegjës për infeksionet tek fëmijët ishte identifikuar tashmë brenda fabrikes  më 15 dhjetor 2021 gjatë kontrolleve të brendshme.

Kontaminimi  u zbulua në një filtër të vendosur në daljen e dy rezervuarëve të dhallës. Njoftimi për shtyp i Ferrero-s specifikon se në atë kohë produktet potencialisht të kontaminuara u bllokuan përpara shpërndarjes dhe se në ditët në vijim filtri u zëvendësua dhe kontrollet e brendshme si për produktet e linjës ashtu edhe për ato të paketuara u rritën. “Pas kësaj faze të parë – shkruan në një njoftim për shtyp të EFSA-s – u bënë kampione dhe pasi nuk u gjet asnjë gjurmë e Salmonelës, rifilloi prodhimi dhe produktet u shpërndanë sërish në Evropë dhe në mbarë botën”.

Në fund të marsit 2022, me të dhënat e sekuencave të disponueshme, shkencëtarët lidhën rastet e perhapjes se  Salmonelës te njerëzit  me produktet e shpërndara nga fabrika në Belgjikë, duke përdorur teknika të avancuara të tipizimit molekular.

Llojet e Kinder te kontaminuara

Alarmi u ngrit nga Mbretëria e Bashkuar, e cila identifikoi episodin e parë më 7 janar 2022. Siç është deklaruar  nga revista franceze “60 Millions de Consommateurs”, më 17 shkurt autoritetet shëndetësore britanike kontaktuan kolegët e tyre francezë për të raportuar praninë e një shpërthimi të Salmonelës në vend.

Në këtë pikë francezët zbuluan raste të salmonelës që ishin gjenetikisht identike me ato britanike dhe filluan të hetojnë shkakun. Pas intervistave të kryera me 15 pacientë (ose prindërit e tyre, duke pasur parasysh moshën mesatare të individëve të prekur) u zbulua se të gjithë fëmijët kishin konsumuar një ditë para fillimit të simptomave të prodhuara nga Kinder Ferrero nga uzina Arlon, në Belgjikë (pike industriale vend që prodhon çdo vit 7% të vëllimit të përgjithshëm të produkteve Kinder Ferrero).

Një lidhje e ngjashme u bë gjatë hetimeve epidemiologjike të autoriteteve britanike. Raportimet nga autoritetet kombëtare filluan më 2 prill 2022 dhe kompania kreu një tërheqje vullnetare të produkteve dhe grupeve specifike në vende të ndryshme.

Në këtë moment, Ferrero terhoqi menjëherë vullnetarisht të gjitha produktet e prodhuara në fabrikën belge dhe të shpërndara në vende të ndryshme. Mes këtij grupi ëmbëlsirash ishin edhe vezët Kinder Surprise. Tërheqja më pas u shtri për të gjitha vezët Kinder Surprise, Kinder Mini, Kinder Surprise Maxi 100 g dhe Kinder Schoko-Bons të prodhuara nga tetori 2021 deri në janar 2022 në kete fabrikë.

Më 8 prill 2022, pas kontrolleve zyrtare, Autoriteti Federal i Sigurisë së Zinxhirit Ushqimor të Belgjikës vendosi të pezullojë autorizimin e prodhimit në uzinën e Arloon sepse Ferrero nuk ishte në gjendje të jepte informacion të plotë. Vetë Ferrero më pas pranoi se “ka pasur probleme të brendshme, të cilat kanë shkaktuar vonesa në marrjen dhe shkëmbimin e informacionit”.

Të dhënat më të fundit të publikuara nga Qendra Evropiane për Kontrollin dhe Parandalimin e Sëmundjeve (Ecdc) e rrisin numrin e rasteve të salmonelës nën hetim në 142, nga të cilat 114 të konfirmuara dhe 28 të mundshme, kryesisht te fëmijët nën moshën 10 vjeç, me një shkallë jashtëzakonisht të lartë të shtrimet në spital dhe simptoma të rënda klinike.

Probleme të ngjashme janë gjetur në nëntë vende – Belgjikë, Francë, Gjermani, Irlandë, Luksemburg, Norvegji, Holandë, Mbretërinë e Bashkuar dhe Suedi.

Burimi: www.ilfattoalimentare.it

Qendra ALERT –  Dedikuar Konsumatorit

Video - "Spiunimet" tregtare, si ndodhin dhe tani është koha për t'i ndaluar

Mbikëqyrja komerciale është tashmë kudo. Çdo gjë që bëjmë, ku shkojmë, çfarë na pëlqen dhe çfarë blejmë, monitorohet nga kompanitë dhe përdoret për të ndikuar në zgjedhjet dhe vendimet tona. Por mund të bëhet shumë më keq. Për të treguar se sa pushtuese janë dhe mund të bëhen praktikat e mbikëqyrjes tregtare, Organizata Evropiane e Konsumatorëve (BEUC) ka realizuar një video humoristike mbi ekonominë e mbikëqyrjes, survejimit, e cila ndërthur situatat e sotme me skenarët në të ardhmen jo shumë të largët.

Vendosja e një gjurmuesi shëndetësor për të ulur çmimin e sigurimit shëndetësor, marrja e reklamave invazive bazuar në sjelljen tuaj të së kaluarës, ekspozuar ndaj softuerit që njeh emocionet tuaja dhe dëgjon bisedat tuaja…mirë se erdhët në botën e re të guximshme të ekonomisë së mbikëqyrjes! Ne besojmë se BE-ja duhet të marrë masa për të ndaluar survejimin tregtar. Ka shumë gjëra që BE duhet të bëjë, disa prej të cilave janë aktualisht në diskutim, duke përfshirë masat për të kufizuar përdorimin e të dhënave sensitive dhe të të dhënave të fëmijëve për gjurmimin e reklamave dhe për të ndaluar përdorimin e modeleve të errëta, duke kufizuar më tej kombinimin dhe përdorimin e të dhënave nga “Big Tech” dhe parandalimi i përdorimit të sistemeve të dëmshme, siç është vlerësimi social.

Marrë nga BEUC.eu

Qendra ALERT – Dedikuar Konsumatorit

Arrestimet për kontrabandë të administratorëve të faqeve që shsin online, reagon E-Commerce: Ky treg po has vështirësi, duhet formalizuar

Shoqata Shqiptare e Tregtisë Elektronike (Albanian E-Commerce Association – AECA) nisi si një iniciativë private e disa prej aktorëve më të rëndësishëm në industrinë e-commerce në vendin tonë. E krijuar si clustër i një aktori të rëndësishëm rajonal si ABSL Albania, AECA gjeti mbështetjen edhe të donatorëvë dhe institucioneve publike si Ministria e Financave dhe Ekonomisë.

Shoqata Shqiptare e Tregtisë Elektronike (AECA) u informua nga media në lidhje me aksionin e organeve ligjzbatuese për arrestimin e disa subjekteve që ushtrojnë aktivitetin e tregtisë online.

Me anë të kësaj deklarate për shtyp shoqata AECA konfirmon vullnetin e saj për mbrojtjen e interesave të bizneseve formale që ushtrojnë aktivitetin në industrinë e-commerce, në përputhje me kuadrin ligjor e rregullativ. Pikërisht, kjo ka qënë një ndër arsyet e krijimit të shoqatës në fillim të këtij viti, në mënyrë që të kishim një zë të unifkuar në mardhënie me organet shtetërore me qëllim përmirësimin e ambjentit të të bërit biznes në tregtinë online në Shqipëri.

Formalizimi i bizneseve në këtë industri është një nga fokuset kryesore të aktivitetit të shoqatës AECA dhe këtë e kemi treguar me veprimin tonë të parë që është kërkesa për ndërtimin e urës së komunikimit dhe bashkëpunimit me Ministrinë e Financave dhe Ekonomisë për ndërtimin e një Grupi Pune që do të institucionalizojë mardhënien mes sektorit privat dhe Shtetit.

Me shqetësim konstatojmë se tregu aktualisht ka probleme të shumta dhe po i krijon vështirësi bizneseve që duan të operojnë në këtë industri. Megjithatë kjo problematikë është komplekse duke përfshirë shumë hallka nga baza rregullative e tatimeve dhe doganave, tek proçesi kompleks i fiskalizimit dhe implementimi i tij në terren. Tregtia online është hallka e fundit e proçesit të shitjes së produktit dhe problematikat në informalitet vijnë të mbartura nga të gjitha hallkat paraardhëse. Për këtë arsye presim nga autoritetet trajtimin me kujdes, në mënyrë të drejtë e të pavarur të problematikës së lindur me subjektet nën këtë proces hetimor specifik.

Shoqata Shqiptare e Tregtisë Elekronike (AECA) mirëpret çdo përpjekje institucionale për formalizimin dhe standartizimin e tregut, por gjykon se taktika të tilla sporadike me fushata agresive dhe denigruese nuk ndihmojnë në zgjidhjen e problemit, përkundrazi përkeqësojnë klimën e të bërit biznes në këtë sektor.

Në këtë frymë, kërkohet një përkushtim gradual dhe i vazhduar për përmirësimin e klimës së biznesit si një nga format më efektive për luftën kundër evazionit fiskal. Ne besojmë se kjo është e vetmja rrugë për progress afatgjatë, dhe nëse shoqërohet edhe me sensibilizim dhe edukim të konsmatorit, efekti do të ishte edhe më i shpejtë.

Shoqata AECA është hapur për të bashkëpunuar me çdo institucion shtetëror për këtë problem dhe mbetemi në pritje të krijimit të Grupit të Punës nga Ministria e Financave dhe Ekonomisë për zhvillimin më tej të sektorit të shitjeve online në Shqipëri.

Qendra ALERT – Alert.al

Kinder me Salmonella Typhimurium? RASFF e përfshin Shqipërinë në vendet ku mund të jenë shpërndarë, AKU pranon "fshehurazi" situatën, nis tërheqjen nga tregu të disa loteve

Çokollatat Kinder, për të cilat u dha alarmi në Britaninë e Madhe dhe në shumë shtete të BE-së, të kontaminuara me Salmonella Typhimurium, ka të ngjarë se janë prezente dhe në tregun shqiptar, por Autoriteti Kombëtar i Ushqimit nuk e ka bërë publik lajmin, përveç një njoftimi jo të qartë në WEB-in zyrtar, i cili nuk është dhe sqarues. Ndërsa në rrjetet sociale të këtij intstitucioni, të cilat kanë dhe numrin më të madh të konsumatorëve që i ndjekin, nuk kanë asnjë të dhënë.

Ndërkohë, zyrtarisht, nga sistemi RASFF, Shqipëria është e përfshirë në vendet që janë shpërndarë këto produkte, AKU thotë në njoftim se, “referuar situatës ndërkombëtare si dhe masave paraprake të marra, AKU njofton dhe këshillon konsumatorët që të shmangin blerjen e produkteve Kinder dhe nëse kanë blerë të mos konsumojnë produktet e mëposhtme:

KINDER SCHOKOBONS 46 g- me datë skadence 31.5.2022; 29.6.2022,

KINDER SCHOKOBONS 125 g – me datë skadence 7.7.2022; 5.7.2022,

KINDER SORPRESA MAXI 100 g – me datë skadence 23.8.2022.

Padyshim lind pyetja: Përsa kohë nuk ka produkte me probleme, përse bllokohen? Përse bllokohen vetëm këto tre produkte me të dhënat e mësipërme dhe çfarë dyshimesh apo informacionesh ka??

RASFF, autoritetet europiane të sigurisë ushqimore dhe mediat ndërkombëtar e kanë konsideruar rrezikun si mjaft serioz, nga i cili janë infektuar me Salmonella Typhimurium 127 fëmijë, ndërsa konsumatorët shqiptarë nuk kanë asnjë informacion publik (vec WEB-it të AKU), që të paktën, produktet e mësipërme, nëse i gjejnë më markete të mos i blejnë.

Njoftimi ne faqen e RASFF, ku perfshihen dhe Shqiperia si vend i shperndarjes se ketyre produkteve

Ja njoftimi i plotë i AKU në WEB-in e saj zyrtar:

“Lidhur me evidentimin e disa rasteve helmimesh nga Salmonella në vezë Kinder Suprise në Britaninë e Madhe, ku specifikoheshin datat e skadencave 11.7.2022 dhe 7.10 2022 për produktin, AKU kreu verifikim në Pikat e Inspektimit Kufitar nëse ishte importuar në Republikën e Shqipërisë produkti Kinder Surprise me këto të dhëna, nga ku rezulton se Shqipëria nuk ka kryer import për lotet e specifikuara të produktit në fjalë.

Njoftimi i AKU ne WEB-in e institucionit

Edhe pse këto lote nuk janë importuar në vendin tonë, Autoriteti Kombëtar i Ushqimit ka marrë masa për monitorimin e tregut lidhur me këtë produkt nëpërmjet kontrolleve të vazhdueshme dhe inspektimeve në terren për të siguruar konsumatorin.

Kompania importuese e produkteve si masë parandaluese paraprake po tërheq vullnetarisht nga tregu një seri të caktuar të produkteve Kinder në Shqipëri, pavarësisht se asnjë nga produktet Kinder të hedhura në treg nga ana e tyre nuk ka rezultuar pozitive nga testimet për Salmonella.

Autoriteti Kombëtar i Ushqimit në bashkëpunim me Operatorët e Biznesit Ushqimor ka nisur procedurën e tërheqjes nga tregu të këtyre produkteve, të cilat do të qëndrojnë të bllokuara deri në saktësimin e plotë të situatës nga Sistemi RASFF.

Për sa më sipër, referuar situatës ndërkombëtare si dhe masave paraprake të marra, AKU njofton dhe këshillon konsumatorët që të shmangin blerjen e produkteve Kinder dhe nëse kanë blerë të mos konsumojnë produktet e mëposhtme:

KINDER SCHOKOBONS 46 g- me datë skadence 31.5.2022; 29.6.2022,

KINDER SCHOKOBONS 125 g – me datë skadence 7.7.2022; 5.7.2022,

KINDER SORPRESA MAXI 100 g – me datë skadence 23.8.2022.

Autoriteti Kombëtar i Ushqimit siguron konsumatorin se drejtoritë rajonale dhe trupat inspektuese në terren janë në monitorim dhe ndjekje të situatës dhe për çdo zhvillim do të kryhet njoftimi i konsumatorëve”.

Qendra ALERT – Alert.al

AKU: "Kinder Surprise" me Salmonele nuk kanë hyrë të Shqipëri, nuk importojmë nga Belgjika

Pas lajmit të publikuar nga Alert.al në lidhje me vezë dhe çokollata “Kinder Surprise” të cilat po tërhiqen nga tërhiqen nga tregu britanik, për shkak të pranisë së mundshme të Salnomelës, AKU ka bërë të ditur se këto produkte nuk janë në Shqipëri. Burime nga ky institucion i treguan Qendrës ALERT se produktet e Ferrero që po tërhiqen në Angli, me madhësi të paketimit 20g dhe Kinder Surprise 20g x 3, datat e përdorimit të të cilave janë ndërmjet 11 korrikut 2022 dhe 7 tetorit 2022 dhe me origjinë Belgjikën, nuk ndodhen në vendin tonë, “pasi importuesit nuk e sjellin këtë produkt nga ky shtet”.

Qendra ALERT – Alert.al