Menu

Kryesore

Kryesore - 2 Qershor, 2021

Non grata nga SHBA zyrtari i Bullgarisë që u dha pasaportë bullgare 1894 shqiptarëve

Departamenti i Shtetit të Shteteve të Bashkuara shpalli të padëshiruar disa zyrtarë dhe ish-zyrtarë bullgarë mes të cilëve edhe Petar Haralampiev, drejtor i Agjensisë për Bullgarët jashtë dhe Krasimir Tomov sekretar i përgjithshëm.

Më herët ata ishin arrestuar në Bullgari për skandalin e shitjes së pasaportave bullgare. Në pranga ranë 20 persona të cilët kishin ngritur një skemë që bëri bullgarë 18 mijë persona, 1894 nga të cilët nga Shqipëria.

Cfarë ndodhi?

Operacioni për arrestimin e të dyshuarve në Sofje, Kyustendil dhe Pleven u fillua pas katër muajsh hetime në emër të Prokurorisë Speciale, e cila përqendrohet në rastet e korrupsionit të profilit të lartë, raportoi Radioja Kombëtare Bullgare.

Midis të dyshuarve të lënë të paraburgim është edhe drejtori i Agjencisë Shtetërore Bullgare për Bullgarët Jashtë Vendit, SABA, Petar Haralampiev, i cili u emërua në post nga koalicioni nacionalist i Patriotëve të Bashkuar, që është pjesë e qeverisë së Bullgarisë.

Të arrestuar gjithashtu ishin edhe disa nga stafi i SABA-s, si dhe ndërmjetës të cilët dyshohet se u kërkuan njerëzve nga Maqedonia, Ukraina dhe Moldavia, të cilët nuk kishin rrënjë bullgare, të paguanin ryshfet për të marrë një certifikatë që njeh origjinën e tyre bullgare.

Kjo certifikatë është dokumenti i parë i nevojshëm në rrugën për marrjen e shtetësisë bullgare, por kriteret për atë që përbën trashëgiminë bullgare kanë tepër të paqarta.

Deri në qershor të vitit 2018, rreth 18,000 njerëz – kryesisht nga Maqedonia (10,252), Ukraina (1,894), Shqipëria (1,510), Serbia (1,013) dhe Moldavia (851) – pretenduan trashëgimi bullgare, tha ministrja e drejtësisë i Tsetska Tsacheva në një konferencë për shtyp në qershor, sipas Dnevnik.bg. Tsacheva tha se pothuajse 10,000 nga këta njerëz morën shtetësi bazuar në këto dokumente.

Një përgjigje e Ministrisë së Drejtësisë në një hetim parlamentar tha se 116 000 njerëz kanë marrë nënshtetësi në 15 vitet e fundit, shumica e të cilëve u mbështetën në certifikatat e trashëgimisë nga SABA. Numri i përgjithshëm i aplikuesve për marrje nënshtetësie ishte 185,000.

Edhe pse raportet e medias dhe hetimet për skemat e dyshuara korruptive për “të shitur” dokumentet e trashëgimisë bullgare janë publikuar prej vitesh, arsyeja më e mundshme pas hetimit ishte një thirrje nga Partia Lëvizja për të Drejtat dhe Liritë në qershor për krijimin e një komisioni parlamentar për të hetuar dhënien e pasaportave bullgare për 114 kriminelë që kërkoheshin në nivel ndërkombëtar nga Interpoli.

Edhe pse nuk u krijua kurrë asnjë komitet, nisja e hetimit përkoi me zemërimin për dhënien e pasaportave kriminelëve.

Edhe pse të tre partitë kryesore brenda koalicionit të Patriotëve të Bashkuar (VMRO, NFSB dhe Ataka) u distancuan publikisht nga Haralampiev dhe thanë se ai nuk ishte anëtar i tyre, ai u emërua si pjesë e kuotës së tyre qeverisëse në vitin 2017 dhe është lider i lëvizjes BG Patriot, një nga anëtarët më të vegjël të koalicionit të Patriotëve të Bashkuar.

Haralampiev u bë i njohur në kohën e emërimit të tij, kur u shfaq një postim i tij në Facebook, ku mbante veshur një bluzë “”Wehrmacht”.

Edhe pse ai u shpreh se i referohej një bande muzikore rroku, emri është gjithashtu ai që përdorej nga ushtria e Gjermanisë naziste në Luftën e Dytë Botërore.

Top Channel

, , 0 Komente
Read More
Kryesore, Sociale - 2 Qershor, 2021

Covid-19, MSh: 14 raste të reja në 24 orët e fundit, asnjë humbje jete

14 raste të reja me koronavirus në 24 orët e fundit jane regjistruar ne vendin tone. Sipas Ministrisë së Shëndetësisë, fatmiresisht asnje humbje njerezore nuk ka pasur. Aktualisht në spitalet Covid po trajtohen 35 pacientë, nga të cilët 7 pacientë janë në terapi intensive.

NJOFTIMI I MSH

Ministria e Shëndetësisë dhe Mbrojtjes Sociale ju bën apel qytetarëve të vijojnë të zbatojnë me përpikmëri rregullat për parandalimin e COVID19: Vendosni maskën mbrojtëse në çdo ambient të mbyllur dhe kudo ku nuk mund të ruhet distancimi fizik, kujdesuni për higjenën vetjake dhe vetëizolohuni kur dyshoni se jeni të prekur nga COVID19.

Situata e COVID19 në 24 orët e fundit është si vijon:
Janë kryer 3,057 testime, nga të cilat kanë rezultuar pozitivë 14 qytetarë. Rastet pozitive të konfirmuara janë identifikuar në këto bashki: 5 raste në Tiranë, nga 2 raste në Shkodër, Devoll, nga 1 rast Kavajë, Mat, Gjirokastër, Kamëz, Skrapar.

Aktualisht në spitalet Covid po trajtohen 35 pacientë, nga të cilët 7 pacientë janë në terapi intensive.

Në 24 orët e fundit nuk ka asnjë humbje jete me Sars-Cov2 pozitiv.

Në 24 orët e fundit janë shëruar 48 qytetarë, duke e çuar numrin e të shëruarve në 129,521 që nga fillimi i epidemisë.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes, për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.

Statistika (2 Qershor 2021)

Raste të reja ditore 14
Të shëruar në 24 orë 48
Të shtruar në spitale 35
Humbje jete në 24 orë 0
Testime ditore 3,057

Testime totale 726,739
Raste pozitive 132,351
Raste të shëruara 129,521
Raste Aktive 379
Humbje jete 2,451

Shpërndarja gjeografike e rasteve aktive sipas qarqeve:

Tiranë 128
Korçë 63
Shkodër 59
Berat 33
Lezhë 25
Elbasan 23
Vlorë 13
Gjirokastër 14
Durrës 6
Kukës 6
Fier 4
Dibër 5

alert.al/

, , 0 Komente
Read More
Kryesore - 2 Qershor, 2021

PS mbledh online Asamblenë për Kongresin, Rama niset në Turqi, mban vetëm fjalën hapëse

Mblidhet e Asamblea Kombëtare e Partisë Socialiste. Në rendin e ditës parashikohen 6 pika kryesore ku mes tyre miratimi i projekt vendimit për thirrjen e kongresit të jashtëzakonshëm  në 12 qershor, analiza e rezultateve të zgjedhjeve të 25 prillit në strukturat vendore si  miratimi vendimit për zgjedhjet e reja në strukturat vendore të partisë.

Asambleja do të zhvillohet online për të respektuar masat anti-COVID. 10 ditë më pas, në datë 12 qershor socialistët do të mbajnë kongresin e partisë, në përvjetorin e 30 të Partisë Socialiste. Më herët Edi Rama ka thënë se një arsye pse është vendosur kjo datë ka të bëjë me  numrin e  viteve të qeverisjes së socialistëve përllogaritur në tre mandate të fituara rresht.

Në një deklaratë të mëparshme Rama tha se në këtë vit 30-vjetori, do jetë një fushatë hapjeje e Partisë Socialiste, hapje e cila sipas tij do të krijojë mundësi gjithëpërfshirëse.

Ndërkohë, kryeministri Edi Rama do të niset pasditen e kësaj të mërkure në Turqi. Ai do të mbajë fjalën hapëse në Asamblenë e PS që do të zhvillohet online dhe më pas do të niset drejt Turqisë. Nuk dihet ende arsyeja e kësaj vizite.

alert.al/

, , 0 Komente
Read More
Kryesore - 2 Qershor, 2021

Momenti i ekzekutimit të Delon Troqes në Vlorë, qëllohet me breshëri plumbash nga një makinë në lëvizje (video)

Delon Troqe u ekzekutua pak ditë më parë në Vlorë para biznesit të tij.

Delon Troqe u ekzekutua pak ditë më parë në Vlorë para biznesit të tij.

Siç shihet nga pamjet një makinë kalon me shpejtësi të ulët para servisit të tij dhe dikush qëllon me breshëri plumbash, duke e lënë të vdekur. Më pas autorët u larguan me makinën tip Audi me targa të vjedhura në drejtim të lagjes 10 korriku dhe më pas drejt zonës së Sherishtës së Vlorës, ku dhe dogjën mjetin. Mjeti është djegur plotësisht ndërsa brenda tij janë gjetur edhe 2 armë tip kallashnikov.

Delon Troqe, 38 vjeç, nga Vlora, u ekzekutua para derës së biznesit së mbrëmjen e 21 majti, ndërkohë që me të ndodheshin edhe familjarët. Ndaj 38-vjeçarit, i cili sapo ishte kthyer nga Spanja është qëlluar mbi 15 herë me breshëri kallashnikovi nga dy persona, ndërsa një plumb që e ka prekur në kokë dyshohet të ketë qenë fatal për të.

Troqe ishte pronar i një servisi makinash në lagjen ‘Pavarësia’, ndërsa më herët para se të hapte servisin e tij, 38-vjeçari punonte me turiste me gomone duke i dërguar në Karaburun ose ishullin e Sazanit. Para ekzekutimit, Troqe kishte vetëm pak ditë që ishte kthyer nga Spanja. /ReportTV/

, , 0 Komente
Read More
Kryesore, Sociale - 2 Qershor, 2021

Kush e bën ligjin në “Illyrian Guard”, shoqata e Ushtrisë, deputetët e PS-së, apo drejtuesi “Kukull”, Drini Nikolla?!

Drini Nikolla, një ushtarak karriere i vendosur në krye të kompanisë shtetërore të sigurisë “Illyrian Guard”, ka nisur një “ofensivë” ushtarake, duke shkarkuar dhjetëra punonjës nga kjo kompani. Duke përdorur lidhjet me ndikim politik, Nikolla, është kthyer një vegël e tjetër kujt dhe qëllimeve të personave të tjerë, që caktojnë se kush do emërohet dhe kush do shkarkohet në kompaninë “Illyrian Guard”. Mjafton të përmendim shkarkimin e përgjegjësit të sigurisë për qarkun e Vlorës, shkarkim i cili është motivuar nga shoqata e Ushtrisë në këtë qytet dhe Damian Gjiknuri, dhe kupton të gjithë këtë gjurulldi të krijuar në “Illyrian Guard”.

Në vend të Ferit Markaj të shkarkuar me ndikimin e shoqatës së Ushtrisë në Vlorë, ushtaraku Drini Nikolla, vendos një tjetër person, emër ky që ja ka çuar me mesazh një anëtarësi e shoqatës dhe Damian Gjiknuri. Shkarkimet janë të pamotivuara, ndërkohë që punonjësit janë lënë në udhëkryq dhe të pashpjeguar, mbi motivin e largimit nga puna. Veç largimeve nga puna, Drini Nikolla, në kuadër të riorganizimit të strukturës së re të shoqërisë “Illyrian Guard”, ka vendosur të ulë në përgjegjësi disa nga punonjësit më të vjetër të kësaj kompanie. Heqja e përgjegjësave të shërbimit në tre qarqe, Rasim Smakaj në Shkodër, Ritmir Bilalaj në qarkun e Kukësit dhe Ferit Merkaj në Vlorë, ka sjellë pakënaqësi mes rradhëve të punonjësve të kësaj kompanie dhe një shkrehje të punës në këto tre qarqe. Për këto urdhra të marra në kundërshtim me Ligjin, administratori i “Illirian Guard”, Drini Nikolla është në një betejë ligjore në gjykatën Administrative me Rasim Smakaj në Shkodër dhe Ritmit Bilalaj në gjykatën e Kukësit.

Kujtojmë se administratorit Nikolla, sapo i është dorëzuar kërkesë padia nga Gjykata e Shkodrës, thërret me urgjencë Rasim Smakajn dhe i ofron një marrëveshje me qëllim shmangien e procedurave të gjyqit. Në shkëmbim të tërheqjes së padisë, Nikolla e emëron menjëherë atë, në detyrën e përgjegjësit të shërbimit për qarkun e Lezhës, meqënëse në Shkodër tashmë e kishte zëvendësuar me një drejtues tjetër. Veprime të tilla taktike administrator i kompanisë “Illyrian Guard”, Drini Nikolla, i ka bërë dhe vijon t’i bëjë me lehtësi. Gjatë qëndrimit në tij në krye të kompanisë shtetërore merr vendime të pabazuara në ligj dhe të papërgjegjshme. Dukshëm kjo situatë vërehet në revokimin e menjëhershëm të urdhrave të nxjerra nga vetë ai. Dhe kjo dallohet qartë kur njerëz me influencë politike, si deputetë, anëtarë të Komisionit të Ligjeve dhe komisioneve të tjera, sapo i bëjnë një telefonatë, “ushtaraku i hekurt” tërhiqet nga shkarkimet dhe uljet në detyrë,duke çuar në vendin e mëparshëm personat.

Këto janë “nderet” që ai bën në dobi të personave në pushtet që i janë “lutur” atij për t’i emëruar X apo Y-nin në punë. Këtë rrjedhim logjik e vërtetojnë veprimet e përsëritura të Drini Nikollës në nxjerrjen dhe anulimin e urdhrave të tij ndaj hallexhinjve. Brenda një kohe shumë të shkurtër ky administrator, ka hequr pesë përgjegjësa shërbimi pa shkak. Vetëm dy nga këta përgjegjësa gjetën shpejt njerëzit e duhur (Miqtë) dhe menjëherë janë rikthyer në detyrë.

Pak më vonë edhe një nga ky grup i përgjegjësave, i quajtur Zarif Salaj, u rikthye në detyrë, por sërish pak ditë më vonë hiqet sërisht për herë të dytë. Veprime makiaveliste këto për një ushtarak të vjetër që sillet në një kompani sigurie shtetërore si amator dhe që është bërë marionetë e disa deputetëve të PS-së.

Brenda një muaji e gjysëm Zarif Salaj, i janë bërë 4 shkresa me ndëshkime, largime e rikthime si edhe një seancë dëgjimore para një komisioni disipline që funksionon jashtë procedurave të miratuara dhe që Drini Nikolla e përdor, si ato gjyqet popullore të dikurshme në frontin demokratik të lagjes, me qëllim realizimin e ndëshkimeve pa procedurë të rregullt.

Administratori i “Illyrian Guard” as nuk e njef Zarifin dhe as nuk e pret në zyrë edhe pse ai i ka kërkuar takim në mënyrë të përsëritur. Ndërkohë persona që duan të punësohen në këtë kompani, priten pa pushim në këtë kompani, mjafton motivi i nderit ndaj të fortëve. I forti bën çfarë të dojë se nuk ka kush ta kontrollojë dhe ta nxjerrë para përgjegjësisë.

Nga ana tjetër një Këshill Mbikëqyrës, që nuk e vë ujin në zjarr se çfarë po bën administratori i ri me kompaninë e sigurisë.

alert.al/

, , 0 Komente
Read More
Kryesore - 2 Qershor, 2021

Basha përgatit PD-në për zgjedhje të parakohshme: Kush flet për 2025, është dorëzuar!

“Kush flet për 2025-ën, është dorëzuar tashmë. Unë nuk jam dorëzuar dhe unë e di që ju s’jeni dorëzuar”, deklaroi kreu i PD-së Lulzim Basha gjatë takimit me demokratët e Kamzës, Vorës dhe njësisë 11.

Ai tha se Partia Demokratike nuk do të lejojë përçarjen, ndërsa veten, e konsideron lider sakrificash dhe jo privilegjesh.

“Dhe lidershipi im në krye të Partisë Demokratike, nuk ka qenë kurrë një lidershipi privilegji, as për vete dhe as për ju, por sakrificash. E kush më mirë se ju është dëshmitari i këtyre sakrificave? pavarësisht të gjithë përpjekjeve të kundërshtarit për të na përçarë, jo sot, por sot e mot, që në muajt e parë të lindjes së kësaj partie janë thyer njëra pas tjetrës si shkopinj. Ai e ka kthyer partinë e tij në një stallë lopësh. Ne bëjmë garë, ne bëjmë debat, ne bëjmë konkurrencë, ne vendosim një anëtarë një votë, dhe ky është një avantazh i padiskutueshëm.”

Demokratëve i garantoi edhe një herë se opsioni i bashkëpunimit me Ramën, nuk ekziston.

“Nuk ka bashkëpunim me regjimin e Edi Ramës, Tom Doshit me shokë, por ka atë që bën çdo qytetar me dinjitet në Europë, çdo familje politike me dinjitet ka përballje me anti-vlerat”

Sipas tij Rama e ka kthyer PS në një “stallë lopësh”.

“Kjo që po bëjmë tani është një nga vlerat që na distancon me çdo parti tjetër, jo vetëm në Shqipëri, por edhe në Ballkan. Ai e ka kthyer partinë e tij në një stallë lopësh. Ne bëjmë garë, ne bëjmë debat, ne bëjmë konkurrencë, ne vendosim një anëtarë një votë, dhe ky është një avantazh i padiskutueshëm. Po brenda këtij avantazhi ka dhe një risk për të cilin jam shprehur dhe dua ta përsëris, në kushtet kur me gjithë masakrën zgjedhore ka përballë një Parti Demokratike më të fortë, më të madhe sesa ç’u fut në betejën e 25 prillit, hileja e dytë që do të përdor është përpjekja për të na e kthyer këtë proces por ndoshta dhe proceset e tjera, në një mekanizëm përçarjeje”, shtoi Basha.

Bashkë me 3 kandidatët e tjerë të vendosur përballë tij, Basha ka kohë deri më 11 Qershor për të bindur anëtarësinë ta votojë, ndërsa është i vetmi mes tyre që nuk ka paraqitur një program për reformimin e PD.

alert.al/

, , 0 Komente
Read More
Kryesore - 2 Qershor, 2021

Kryesocialisti Edi Rama mungon në mbledhjen e Asamblesë Kombëtare të PS. Zbulohet arsyeja

Kryeministri Edi Rama nuk do të jetë pjesë e Asamblesë Kombëtare të Partisë Socialiste. Burimet bëjnë me dije se shefi i ekzakutovit do të udhëtojë drekën e sotme drejt Turqisë. Bashkë me kryeministrin Edi Rama do të jenë edhe disa ministra.

Asamblea Kombëtare e PS mblidhet pasditen e sotme në orën 17:30, ku priten të merren vendime politike dhe organizative të kësaj force politike, si thirrja e Kongresit në datën 12 Qershor, miratimin e vendimit për nisjen e analizës për zgjedhjet e 25 Prillit, si dhe vendimi për zgjedhjet ne strukturat baza të PS.

Por mungesën fizike në mbledhjen e Asamblesë Kombëtare, mësohet se Rama do e justifikojë me një lidhje online nga Turqia.

0 Komente
Read More
Kryesore - 2 Qershor, 2021

VIDEO/ Shtëpi bari si në Londër, arrestohen 4 persona në Tiranë

4 persona janë arrestuar nga Policia e Tiranës, pasi janë kapur me një laborator droge, ku kultivonin lëndë narkotike me llampa. Në pranga kanë rënë shtetasit: Gerhard Duro, Skënder Ismaili, Ervin Shametaj dhe një i mitur.

Zbulimi i laboratorit të drogës u bë pasi policia ndaloi mjetin e Shametajt dhe gjeti aty disa kubikë me lëndë narkotike, dhe më pas nisën hetimet e mëtejshme.

Aksioni i policisë u zhvillua ditën e djeshme në banesën e shtetasit Ervin Shametaj në Tiranë, të cilën e kishte marrë me qira.

Sipas burimeve këto persona ne bashkëpunim me njëri-tjetrin mbillnin hashash në një ambient të mbyllur në zonën e Kodrës së Diellit. Bëhet me dije se në atë ambjent janë sekuestruar 52 fidanë si dhe disa fidanë të tjerë të cilët personat i kishin më vete në makinë.

NJOFTIMI:

Finalizohet operacioni policor anticanabis i koduar “Kimisti” Operacioni i zhvilluar nga Seksioni për Hetimin e Narkotikëve nën drejtimin e Prokurorisë. Kishin përshtatur banesën si një ambient të përshtatur si laborator, që shërbente për kultivimin e bimëve narkotike, vihen në pranga 4 persona. Sekuestrohen paisjet e montuara në banesën e pershtatur për kultivimin e bimëve narkotike,fara dhe fidanë canabis, 2 automjete dhe sende të tjera të kundraligjshme. Strukturat e DVP Tiranë nën drejtimin e Prokurorisë në zbatim të planit të masave për kontrollin e territorit me qëllim parandalimin e kultivimit të canabisit si rezultat e një punë disa mujore kanë zhvilluar me sukses operacionin policor të koduar “Kimisti” në kuadër e të cilit u bë arrestimi në flagrancë për veprën penale “Kultivimi i bimëve narkotike” në bashkëpunim, të shtetasve : E. Sh., 30 vjeç, G.D., 37 vjeç, S. I., 44 vjeç dhe J. V., 17 vjeç. Këta shtetas, në bashkëpunim me njëri-tjetrin, kishin përshtatur banesën e marrë me qira nga shtetasi E. Sh., me aparatura që shërbejnë për kultivimin e bimëve narkotike. Gjatë kontrollit të banesës u gjetën fidanë të dyshuar narkotik kanabis, të kultivuar në kushte laboratorike, fara kanabisi dhe 1 peshore elektronike të cilat u sekuestruan në cilësinë e provës materiale. Gjithashtu nga kontrolli i ushtruar në automjetet me të cilën këta shtetas qarkullonin u gjetën dhe u sekuestruan fidanë të dyshuar kanabis, të cilët u sekuestruan në cilësinë e provës materiale. Materialet i kaluan Prokurorisë së Rrethit Gjyqësor Tiranë për veprime të mëtejshme.

0 Komente
Read More
Kryesore, Sociale - 2 Qershor, 2021

Parashikimi i motit për ditën e mërkurë, 2 qershor 2021

Ditën e mërkurë në vend do të hyjnë në qarkullim masat ajrore të qendrueshme. Orët më diell do të mbizotërojnë në pjesën më të madhe të vendit por nuk do të mungojnë vranësirat kalimtare në orët e mesditës.

Era do të fryjë me drejtim juglindje-veriperëndim e lehtë e mesatare përgjatë bregdetit. Valëzimi në dete i forcës 2 dhe 3 ballë.

Temperaturat parashikohen në:

zonat malore 6°C deri në 24°C

zonat e ulëta 10°C deri në 27°C

zonat bregdetare 13°C deri në 27°C

Ju urojmë një ditë të mbarë në vijim!

0 Komente
Read More
Kryesore - 2 Qershor, 2021

Horoskopi i të mërkurës/ Kujdes me shëndetin, shenjat që duhet të shmangin zënkat e panevojshme

Dashi

Të lindurit e kësaj shenje duhet t’i shtyjnë projektet e reja. Është e rëndësishme të fokusoheni në çështje më të rëndësishme, të cilat kërkojnë shumë punë. Rekomandohet të bëni udhëtime të shkurtra, ose të vizitoni vende në të cilat nuk keni qenë më parë.

Demi

Është e rëndësishme të keni parasysh këshillat e personave të afërt, në mënyrë që të shmangni zhbërjen e punës në cilën jeni përfshirë prej disa vitesh. Edhe pse këshillat e tyre mund të duken të vështira për t’u realizuar, ata thjesht po përpiqen t’ju ndihmojnë. Hartoni plane strategjike dhe më pas përpiquni t’i realizoni me përkushtim.

Binjakët

Të lindurit e kësaj shenje duhet të tregohen mjaft të kujdesshëm nesër, pasi rrezikojnë të përfshihen në një “humnerë” problemesh të të gjitha llojeve. Biznesi mund edhe do të presë. Është e rëndësishme t’i kushtoni kohë vetes dhe të bisedoni me persona që ju falin kënaqësi dhe ndajnë me ju eksperiencë nga jeta e tyre.

Gaforrja

Do të përjetoni situata të ndryshme gjatë kësaj dite. Shpërthimet e pasionit, momentet e xhelozisë ose konfliktet e pabaza janë të gjitha të mundshme. Është thelbësore që të mbani veten nën kontroll dhe të bëni kujdes me fjalët. Beqarët e kësaj shenje do të kenë fat këtë të martë dhe ka gjasa të gjejnë njeriun e zemrës.

Luani

Do të ishte mirë që nesër të gjeni kohë për t’u relaksuar. Nuk rekomandohet të udhëtoni, pasi do të ndiheni mjaft të lodhur. Megjithatë, të relaksohesh nuk do të thotë të qëndrosh në shtëpi. Mund të shëtisni ose të shkoni në piknik. Rekomandohet që të ndiqni intuitën për çështje të ndryshme.

Virgjëresha

Tregohuni mjaft të kujdesshëm ndaj shëndetit. Rekomandohet të merrni pjesë nëpër aktivitete të qeta. Kushtojini më shumë vëmendje familjarëve, që të shmangni zënkat e mundshme. Mos eksperimentoni me veshjen në mbrëmje. Ka gjasa që partneri/partnerja t’iu thotë diçka me shumë rëndësi për marrëdhënien tuaj.

Peshorja

Mos u shqetësoni nga fjalët e dikujt, për të cilin nuk keni konsideratën e duhur. Do të ishte më mirë t’i kaloni situata të tilla me buzëqeshje dhe të reagoni sikur nuk i keni marrë për bazë fjalët e tyre. Peshoret që janë në një lidhje do të kalojnë momente mjaft romantike, ndërsa për beqarët e kësaj shenje, fati do të jetë në anën e tyre.

Akrepi

Rrezikoni që të zbuloni rastësisht një informacion mjaft të rëndësishëm. Për ta parandaluar këtë, qetësohuni dhe shmangni thashethemet. Në mbrëmje mund t’ju telefonojë dikush me influencë, i cili mund t’ju japë lajme të mira.

Shigjetari

Mos u përfshini nesër në grupe të mëdha me njerëz. Ruani individualitetin dhe mendimin tuaj personal. Mos u frikësoni nga skandalet e vogla, pasi nuk do të ndikojnë aspak tek ju. Nëse dëshironi të qetësoheni, duhet të dilni jashtë qytetit.

Bricjapi

Nesër duhet të harroni biznesin në favor të mirëqenies emocionale dhe shpirtërore. Sigurohuni të jeni një shembull moral për fëmijët tuaj. Nëse jeni ende vetëm, mos hiqni dorë nga personi që dashuroni.

Ujori

Nesër nuk do të keni mundësi të mira në fushën profesionale. Tejkaloni frikën, ngurtësinë dhe konfuzionin për të pasur sukses në biznes. Në aspektin emocional do të jeni të ngarkuar. Përpiquni ta kuptoni veten dhe të bëni gjëra që ju sjellin gëzim. Ndoshta për këtë do t’ju nevojitet ndihmë nga njerëzit e dashur. Mos nguroni të kërkoni ndihmë.

Peshqit

Nesër mund të jetë e vështirë për ju që të përqendroheni në planifikimin financiar. Bëni mirë të kërkoni ndihmën e familjes tuaj. Gjysma e dytë e ditës do të jetë një kohë e mirë për të nisur zakone të reja dhe më të shëndetshme. Mbrëmja do të shpenzohej më bukur nën praninë e partnerit/partneres suaj.

 

0 Komente
Read More