Menu

Kryesore

Mbledhja me kryebashkiakët/ "T'i vini mirë gishtin kokës, mos u pëzieni me tenderat", porositë e Ramës pas arrestimit të Tushes

Kryeministri Edi Rama ka paralajmëruar disa herë kryebashkiakët gjatë takimit të sotëm në kryeministri, të mos përzihen me tenderat.Pak ditë pas arrestimit të kryebashkiakut të Lushnjës Fatos Tushe, i cili u përjashtua edhe nga PS, Rama iu kërkoi krerëve vendorë t’i vënë gishtin kokës.

“Të gjithë pa përjashtim, troç, t’i vini mirë gishtin kokës, të kuptoni në mish e në shpirt se mandati i tretë kërkon një përkushtim të trefishtë ndaj popullit, seriozitet të trefishtë dhe ndërgjegjësim të trefishtë për nivelin e performancës së bashkive, agjencive e drejtorive.
Në mbrojtjen e territorit nga ndërtimet pa leje dhe korrupsionit në polici që e shoqëron si hije atë veprimtari kriminale si dhe luftën kundër ryshfetit të policëve në rrugë. Por, kjo nuk është aspak e vërtetë, as unë nuk jam kujtuar vonë, as gjërat nuk janë njësoj siç ishin kur nisi ngritja e pol së shtetit nga gërmadhat.
Po të shohim majën ku duam të ngjitemi është absolutisht i pamjaftueshëm. Duke e mbyllur këtë parantezë, po kthehem tek arsyeja e parë, prokurimet publike. Kërkoj vëmendjen tuaj të plotë në këtë aspekt dhe uroj në reagimi ne tuaj të menjëhershëm dhe të pandërprerë deri në fund të mandatit për të garantuar, cilësi, transparencë. Nuk po i hyj fakteve e shifrave se sa është përmirësuar sistemit të prokurimeve publike, por duke qenë se pakënaqësia është një konstante e punës së përditshme me veten, me ju, me qeverinë, me të gjitha institucionet dhe për prokurimet publike kam kërkuar përmirësim.
Sapo ka hyrë në fuqi paketa e re ligjore në fushën e prokurimet publike. Përmirëson ndjeshëm kuadrin rregullator. Paketa e re synon të rrisë integritetin dhe përgjegjshmërinë e të gjitha palëve të përfshira në këtë proces, qoftë autoriteteve kontraktore, qoftë operatorë ekonomikë. Ju ftoj të merrni sa më shpejt në laps ta studioni këtë paketë dhe të kërkoni nga strukturat tuaja për prokurimin të bëjnë të njëjtën gjë. Ju sugjeroj shumë dashamirësisht të mos përziheni me procesin e prokurimeve publik, të mos luani me një zjarr që do të bëhet gjithnjë e më përvëlues në kushtet kur drejtësia e re do ketë gjithë mbështetjen time dhe të PS kundër kujto prej jush ose kujtdo qoftë që do luajë me zjarrin”, deklaroi Rama.

Fatos Tushe përjashtohet nga partia, Rama: S’jemi avokatë të të pandehurve

Kryeministri Edi Rama ka përjashtuar nga Partia Socialiste ish-kryebashkiakun e Lushnjës, Fatos Tushe, pas shkarkimit nga detyra, për shkak të arrestimit të tij me urdhër të SPAK për korrupsion me tenderat publikë.

Gjatë fjalës së tij para kryebashkiakëve, kryeministri Rama deklaroi se PS nuk do të bëhet zyrë avokatie e të pandehurve dhe të akuzuarve nga drejtësia, por do t’i shërbejë Shqipërisë dhe popullit shqiptar.

“Ju kam thirrur për një shkak dhe për 2 arsye themelore në lidhje me punën tuaj. Shkaku që e afroi në kohë këtë takim është arrestimi i kreut të Bashkisë Lushnje dhe disa bashkëpunëtorëve të tij, i akuzuar nga SPAK për korrupsion.

Ky është rasti për t’iu përsëritur juve dhe gjithë të tjerëve, që kanë marrë apo do të marrin besimin e shumicës sonë të mandatuar për të tretën herë rresht nga populli si forcë qeverisëse, se PS nuk është zyrë avokatie e të pandehurve dhe të akuzuarve nga drejtësia, por është fuqia e votuar nga populli për t’i shërbyer Shqipërisë dhe qytetarëve, jo të pandehurve, as të akuzuarve në radhët e veta.

 

 

Korrupsioni, ryshfeti, bakshishi nuk kanë ngjyrë politike, janë e zeza, errësira, llumi me të cilin ne duhet dhe do të përballemi, për të ndërtuar shtetin e të drejtës, të refuzojmë çdo lloj mbrojtjeje dhe të udhëheqim popullin drejt majës, ku duhet ta ngjisim dhe do ta ngjisim Shqipërinë.

Kryetari i bashkisë së Lushnjës do të shkarkohet nga detyra dhe do të përjashtohet nga PS, masa që do të vijojnë deri në fund të procesit të tij ligjor. Kush luan me taksat, kush fut duart në xhepat e shqiptarëve, është thjesht i vetëm me avokatin e vet personal përballë drejtësisë.

alert.al/

Marrëveshja e dëbimit të shqiptarëve/ Ministrja britanike përshpejton procedurat: Nuk kërkoj falje, do mbroj popullin tim!

Ministri i Brendshëm, Bledi Çuçi, priti ditën e sotme në një vizitë zyrtare në Shqipëri, Ministren e Brendshme të Britanisë së Madhe, Priti Patel. Dy homologët kanë firmosur Marrëveshjen e Ripranimit, propozuar nga qeveria britanike pas daljes së saj nga Bashkimi Europian. Në kuadër të detyrimeve për përafrimin e legjislacionit për Kapitullin 24 “Drejtësia, Liria dhe Siguria” nënshkrimi i marrëveshjes vjen në përputhje me angazhimet e Shqipërisë për të luftuar migracionin e paligjshëm, si një prej nën-çështjeve thelbësore ku kërkohet progres i vazhdueshëm.

Kjo marrëveshje prek dhe shumë shqiptarë të cilët tentojnë që të shkojnë në Angli për një jetë më të mirë.

Marrëveshja e re do të lejojë Britaninë të dëbojë kriminelët e huaj dhe emigrantët e paligjshëm më lehtë.

“Unë nuk kërkoj falje për heqjen e kriminelëve të huaj të rrezikshëm për të mbrojtur popullin britanik dhe deri më tani, më shumë se 1.000 kriminelë të huaj janë deportuar, me më shumë që janë larguar çdo javë.” -shtoi ajo.

Sipas mediave britanike, kriminelët shqiptarë kanë qenë të lidhur me tregtinë e drogës në MB dhe thuhet se kanë marrë kontrollin e shumë tregjeve të kokainës.

“Unë jam e vendosur të rregulloj sistemin tonë të imigracionit, të ndaloj hyrjen e paligjshme dhe të heq ato që nuk kanë të drejtë të jenë në MB sa më shpejt të jetë e mundur. Plani ynë i Ri për Imigracionin, së bashku me këtë marrëveshje të re, do të përshpejtojë largimin e shtetasve shqiptarë të cilët kanë kryer krime në Mbretërinë e Bashkuar dhe tejkaluan mirëpritjen e tyre.’‘-tha ajo.

Marrëveshja

Marrëveshja është hartuar duke u bazuar në modelin komunitar, si edhe duke respektuar parimet e shkëmbimit të informacionit mbi të dhënat personale. Qëllimi, janë procedurat e ripranimit dhe tranzitit në rastet e dëbimit të personave, hyrja ose qëndrimi i të cilëve është i paligjshëm në territoret e shteteve të tyre. Palët do të forcojnë bashkëpunimin në lidhje me luftën kundër migracionit të parregullt, duke zgjeruar bashkëpunim teknik dhe operacional në fushën e menaxhimit të migracionit të parregullt dhe sigurisë së brendshme.

Bashkëpunimi

Ministri Çuçi njohu homologen britanike me prioritetet e Ministrisë së Brendshme, ristrukturimin e nisur në Policinë e Shtetit, si dhe progresin e arritur në luftën kundër krimit të organizuar në tërësi. Më tej, gjatë bashkëbisedimit ai u ndal tek nevoja për thellimin e hetimeve të përbashkëta përmes shkëmbimit intensiv të informacionit, për grupe kriminale që operojnë në dy vendet, apo elementë që përpiqen t’i fshihen drejtësisë.

Ministri u shpreh i gatshëm për të zgjeruar bashkëpunimin në fushën policore, konkretizuar kjo me grupe të përbashkëta hetimore, si dhe e njohu me punën për reformimin e vazhdueshëm të Policisë së Shtetit, për të ndërtuar një marrëdhënie të fortë besimi me qytetarët, për ta qasur atë si shërbim e jo si forcë.

Ministrja e Brendshme e Britanisë së Madhe riafirmoi marrëdhënien e fortë mes dy vendeve dhe vëmendjen e Mbretërisë së Bashkuar për Shqipërinë, në fusha të interesit të përbashkët, si dekurajimi i migracionit të paligjshëm, bashkëpunimi policor në funksion të luftës kundër krimit të organizuar. Po kështu shprehu gatishmërinë për të asistuar Policinë Shqiptare në ngritjen e kapaciteteve, sidomos në fusha që lidhen me teknologjinë dhe inovacionin, që ndikojnë drejtpërdrejt në rritjen cilësore dhe efikasitetit të punës së saj.

alert.al/

Miliona euro nga BE dhe buxheti, Laboratorët e AKU jashtë funksionit; pa akreditime, pa investime dhe me stafe të patrajnuara. Ja kërkesat e vetë sektorit drejtuar Ministrisë së Bujqësisë

Nga Mariglen Mertiri*

Laboratorët e Autoritetit Kombëtarë të Ushqimit që kontrollojnë sigurinë ushqimore në vend janë të amortizuar, të pa akredituar, me stafe të patrajnuar dhe nuk ofrojnë analiza të sakta shkencore në numrin e limituar të analizave që kryejnë.

Bashkimi Europian ka investuar mbi 2 milionë euro për pajisjet laboratorike dhe ato ndihmëse në 3 laboratorë deri në vitin 2019, por pajisjet ose ishin të pa kalibruara, ose nuk vendoseshin në funksion edhe pse ishin marrë në dorëzim, ndërsa trajnimi i stafeve ishte i pamjaftueshëm për pajisjet e reja. Gjatë vitit 2020, për shkak të mungesës së kiteve laboratorike, por edhe stafeve dhe kushteve të punës nuk u realizua numri i mostarve të planifikuara.

Për vitin 2021 nuk parashikohet asnjë investim në laboratorë nga buxheti i shtetit, ndërsa ekspertët e laboratorëve vijojnë të bëjë thirrje për akreditim dhe mbështetje financiare për përmirësimin e situatës në “zemrën” e sigurisë ushqimore, për identifikimin dhe kapjen në kohë të problematikave me ushqimin dhe publikimin e raport-analizave të sakta dhe ligjore.

Përmirësimi i sigurisë ushqimore duhet të kthehet në një prioritet kombëtar, pasi është thelbësor për shëndetin publik dhe zhvillimin ekonomik të vendit. Siguria ushqimore e cenuar dhe mungesa e përmirësimit të saj, përbën jo vetëm një burim të mundshëm për përhapjen e më shumë se 200 sëmundjeve, por ushqimet e ndotura shkaktojnë vdekje çdo vit.

Vendi ynë konsiderohet me incidencë të lartë në këtë fushë referuar të dhënave jo zyrtarë të rasteve të helmimeve nga ushqimi në një vit. Sëmundjet që vijnë nga ushqimi shkaktojnë probleme ekonomike dhe financiare për familjet shqiptare, pasi jovetëm që rrisin shpenzimet për shëndetin, por në të njëjtën kohë, rrisin shpenzimet për ushqim dhe pije joalkolike, duke marrë në konsideratë që shpenzimet për to zënë mesatarisht mbi 50 % në strukturën e buxhetit të familjeve sipas grupeve kryesore të konsumit.

Foto dhe foto kryesore, Laboratori i AKU Tiranë

Fuqizimi i institucioneve shtetërore që veprojnë në fushën e sigurisë ushqimore bën të mundur parandalimin dhe zvogëlimin e sëmundshmërisë që vjen nga ushqimi, për më tepër që në mënyrë të vazhdueshme kërkohet zbatimi i politikave evropiane për një nivel të lartë të sigurisë ushqimore për tju afruar kushteve të unionit.

Aktualisht, siguria ushqimore në vend duhet të garantohet në nivel qendror nga Ministria e Bujqësisë dhe Ministria e Shëndetësisë dhe në nivel vendor nga njësitë e pushtetit lokal. Ministria e Bujqësisë ka në strukturë Drejtorinë e Politikave të Sigurisë Ushqimore dhe Mbrojtjes së Konsumatorit, Institutin e Sigurisë së Ushqimit dhe Veterinare (ISUV), dhe Autoritetin Kombëtar të Ushqimit (AKU).

Ky i fundit ka një rol parësor në parandalimin e shumë problematikave që ndodhin sot me ushqimin në raport me konsumatorët. Që një institucion të ketë besueshmëri dhe integritet duhet ta demonstrojë atë nëpërmjet burimeve njerëzore dhe investimeve të pandalshme për ngritjen e kapaciteteve infrastrukturore.

Autoriteti Kombëtar i Ushqimit është një institucion 10-vjeçar i krijuar për të garantuar shëndetin e popullatës nga ushqimi. Por, ai përballet me mungesë fondesh dhe pajisjesh, mungojnë trajnimet e vazhdueshme të burimeve njerëzore dhe dëmtohet nga ndërhyrjet e politikës duke shkëputur zinxhirin e nevojshëm kontrollues të sigurisë ushqimore.

AKU sot ka një rrjet laboratorësh në 7 qarqe të vendit nga ku kryhen analiza të kufizuara për të gjetur problematikat dhe parandaluar kontaminimin. Ky rrjet laboratorësh, edhe pse i investuar vitet e fundit nga Bashkimi Europian dhe qeveria shqiptare nuk arrin të jetë produktiv dhe i besueshëm pasi herë mungojnë reagentët, herë intepretuesit e analizave dhe herë kitet laboratorike. Mungojnë kushtet e punës dhe nuk ka mirëmbajtje dhe kalibrime të pajisjeve laboratorike. Ekzistojnë një sërë analizash laboratorike që nuk kryhen në laboratorë duke përfshirë aditivët, alergenet, disa ndotës dhe patogjenë.

Bazuar në Strategjinë Ndërsektoriale për Bujqësinë dhe Zhvillimin Rural për periudhën 2014-2020 nisi edhe investimi “Ristrukturimi dhe forcimi i rrjetit të laboratorëve të sigurisë ushqimore dhe veterinarisë në Shqipëri”. Prej vitit 2013, Bashkimi Europian nëpërmjet projektit “IPA” ka investuar mbi 2 milionë euro vetëm në pajisje laboratorike të shtrirë në disa vite për të plotësuar nevojat e këtij rrjeti dhe rritur sigurinë ushqimore. Pjesë e kësaj mbështetje me një shumë rreth 300 mijë euro ka qenë edhe buxheti i shtetit.

Laboratorët e AKU që morrën mbështetje ishin ato në Korçë, Gjirokatsër dhe Shkodër. Përzgjedhje e këtyre 3 laboratorëve për t’u investuar nuk pati një strategji apo analizë se kush ishin arsyet konkrete që investimi të ishte sa më përfitues për qytetarët.

Referuar një auditimi të bërë nga Kontrolli i Lartë i Shtetit rezultoi se, nga 4 lote prokurimesh të shtrira në disa vite, që do duhet të merrnin laboratorët, u realizuan vetëm 3, pasi një nga tenderat dështoi edhe pse financimi ishte gati. Në faqen zyrtare të Komisionit Evropian u dha ky koment për arsyen e anulimit: “Mungesë fondesh për shkak të skadimit të afatit të kontratës për Programin Kombëtar IPA 2013 gjatë procesit të vlerësimit të Lotit 2 “Testimi Mikrobiologjik”. 

Referuar raportit të KLSH, në korrik të 2019 rezulton se, tre pajisjet e Lotit1: Near Infra Red Food multiparamentric analyzer; Near Infra Red Grain Multiparametric Analyser; dhe Near Infra Red Wine and Spirits multiparametric analyser, janë të pakalibruara, për rrjedhojë të papërdorshme për të dhënë një rezultat të saktë laboratorik. Ndërsa dy pajisjet e përfituara nga loti 4, nuk përmbushin ndonjë qëllim për përmirësimin e cilësisë laboratorike në AKU lidhur me mbetjet e pesticideve në DRAKU Shkodër.

 “Pajisjet kanë një periudhë të gjatë kohe në DRAKU përfituese, por dhe nga akti i marrjes së përkohshme në dorëzim, nuk janë kalibruar apo axhustuar për t’u kthyer në aparatura që prodhojnë analiza të sakta dhe të besueshme ligjore”, thuhet në raportin e KLSH në vitin 2019.

Mbi dy milionë eurot e investuara nuk e ndryshuan situatën e laboratorëve dhe nuk prodhuan më shumë siguri për qytetarët. Gama e analizave të kryera me cilësi nuk u rrit për shkak të investimit.

Autoriteti Kombëtar i Ushqimit, i pyetur mbi investimin e Bashkimit Europian dhe mundësitë e reja të ofruara për shkak të pajisjeve të investuara, deklaroi se nga ky financim, AKU rajonale perfituan pajisje ku disa prej tyre janë pajisje “screening” që lehtësojnë punën e stafit të laboratorëve. Ndërkohë, puna vazhdon përmes metodikave zyrtare të analizimit dhe metodave të konfirmuara.

Bazuar në gjetjet e raportit auditues të KLSH-së, ekspertët dolën në përfundimin se, nga ky proces i shtrirë në disa vite ka dështuar edhe trajnimi i stafeve të laboratorëve, pasi ato kanë qenë të pakta dhe të përgjithshme.

“Asnjë DRAKU përfituese nuk ka përfituar trajnim nga projekti për pajisjet e testeve të shpejta NIR Analyzer, Milk and Milk Product Analyzer, Florescent microscopic Somatic Cell Counter edhe pse ky ka qenë qëllimi i projektit për Lotin 1. AKU nuk ka qenë pëfitues i asnjë trajnimi për lotin 4 “Mbetjet e Pesticideve”, pasi rolin kryesor për këtë lot e merr ISUV. Temat trajnuese te realizuara deri në momentin e përfundimit të këtij auditi, kanë plotësuar pjesërisht objektivat dhe qëllimin e projektit”, nënvizon raporti.

Raporti i KLSH edhe pse publik me gjetje dhe me rekomandime konkrete. kundërshtohet nga AKU. pasi në përgjigjë të kërkesës për trajtimin e stafeve. ajo deklaron se trajnimet kanë qenë të vazhdueshme.

“Stafi i laboratorëve rajonale ka marrë trajnime në lidhje me funksionimin e pajisjeve gjatë implementimit të kontratave të furnizimit dhe të shërbimit të financuara nga BE.”

Problematikat e theksuara në 7 laboratorët që AKU ka në varësi edhe pse zyrtarisht nuk pranohen, ato konfirmohen nga analiza vjetore e punës bërë për vitin 2020. Sektori i koordinimit dhe mbështetje së laboratorëve në raport evidenton problematikat, që nga pajisja me apartura të reja e deri tek mungesa e stafeve dhe kushteve më minimale të punës. Në analizën vjetore kërkohet akreditimi i laboratorëve dhe mbështetje më e madhe buxhetore për shkak të fokusit të punës që ky sektor ka, garantimin e sigurisë ushqimore.

“Është e domosdoshme pajisja me aparatura të reja dhe duhet të kryhet dalja jashtë përdorimit të aparaturave, të cilat janë në inventar, por nuk janë në gjëndje pune. Alokim i fondeve me qellim rritjen e kapaciteteve të rrjetit laboratorik dhe zgjerim të gamës së analizave për të kryer monitorime dhe analiza të produkteve ushqimore dhe ushqimit për kafshë, me referencë specifike në fushat e monitorimit të mbetjeve të pesticideve, diagnozës mikrobiologjike në ushqim dhe ushqim për kafshë, standarteve të cilesisë, sëmundjeve të kafshëve, në përputhje me standarte të përmirësuara. Investime në përmirësimin e infrastrukturës së laboratorëve.

Zbatimin e sistemit LIMS (Laboratory Information Management Systems) në laboratorët e AKU. Mbështetje me buxhet të veçantë për nisjen e proçedurave me qëllim akreditimin e laboratorëve të AKU. Trajnime të vazhdueshme stafit laboratorik. Nuk ka mjedis të veçantë të përshtatshëm për asgjësimin e mbetejve të laboratorit te shëndetit të kafsheve;  Nuk ka dhoma të posaçme për ruajtjen e reagenteve, si dhe nuk ka dhome të veçantë për grumbullimin e mbetjeve laboratorike”,  janë disa nga kërkesat bërë nga ky sektor drejtuar Ministrisë së Bujqësisë.

Vështirësitë e hasura nga stafet e laboratorëve, por edhe nga gjithë zinxhiri ndërlidhës nga marrja e mostrave e deri në analizmin final për vitin 2020, ka sjellë mosrealizmin e mostrave të planifikuara.

“Numri i mostrave të marra nga Inspektorët e Sektorit të Kontrollit në Pikat e Inspektimit Kufitar për vitin 2020 është 2065 mostra, ndërsa numri i mostrave të planifikuara për vitin 2020 ka qenë 3090 mostra. Pra, numri i mostrave të analizuara është 1025 mostra më pak se numri i mostrave të planifikuara.”

Në argumentet e pretenduara për mosrealizmin e planit, përveç ndikimit të vitit pandemik, nga muaji Maj dhe deri muajin Gusht, laboratori i DRAKU Korçë ka pasur mungesë reagentesh dhe mungesë stafi për kryerjen e analizave laboratorike, si dhe mugonin kushtet e mbajtjes së produkteve shtazore në temperaturë pas orës 14:00 në të cilën mbyllet laboratori. Por AKU, këto vështirësi ja atribuon vetëm situatës së Covid-19.

“Viti 2020 ka qenë një vit pandemie dhe ka pasur vështirësi jo për mungesa, por për shkak të fokusimit në planin e punës, sa lidhet me respektimin e masave anti-covid. Sektori i Shërbimeve Laboratorike ka pasur një zhvillim normal të aktivitetit”, deklaron AKU.

Laboratorët edhe pse janë një investim i domosdoshëm dhe emergjent dhe me ndikim direkt tek konsumatorët, për të qenë të besueshëm dhe  mbrojtur jetën e tyre, Ministria e Bujqësisë edhe për vitin 2021 nuk parashikon asnjë fond për investime në këtë sektor.

“Në planin e buxhetitte vitit 2021 (në zbatim të ligjit nr.137/2020, datë 16.11.2020 “Për buxhetin e vitit 2021”), nuk ka fond investimesh për laboratorët. Po bashkëpunohet ngushtësisht me organizma ndërkombëtare, diskutime ne proces, për te përditësuar statusin aktual te laboratorëve rajonale te AKU dhe plotësimin e tyre me pajisje”, vijon më tej AKU në përgjigjen e saj.

Ish-Ministri i Bujqësisë, gjatë diskutimeve të buxhetit për vitin 2021, më 28 tetor 2020 në Komisionin Parlamentar të Veprimtarisë Prodhuese, ndryshe nga sa ndodhi në të vërtetë, shpalli si prioritet investimin në Autoritetin Kombëtar të Ushqimir dhe konkretisht në mbështetje laboratorike.

“Në fokusin tonë qëndron ristrukturimi i AKU-së për të krijuar mundësinë që ky institucion të përmbushë me sukses misionin që i ka dhënë ligji dhe të fitojë vitalitetin e institucioneve simotra në vendet europiane. Gjithashtu, do të investohet për blerjen e 5 pajisjeve laboratorike, pajisjeve për trupat e inspektimit si dhe rikonstruksionin ndërtesës së Drejtorisë së Përgjithshme të AKU-së, e cila u dëmtua nga tërmeti i vitit 2019”, deklaroi Bedi Çuçi, ish-Ministër i Bujqësisë para deputetëve.

Bizneset dhe fermerët në kushtet kur laboratorët e AKU nuk janë të akredituar përballen probleme në lidhje me analizat e produkteve. Ndërsa shqetësimi më i madh mbetet analizimi i produkteve ushqimore nga vetë AKU, pasi çdo vit, ky institucion ka për detyrë hartimin dhe me pas analizimin e një plani marrje mostrash në produkte ushqimore, ushqimi për kafshë, produkte të mbrojtjes së bimëve etj.

Ekspertët kërkojnë që investimi në këto laboratorë të bëhet jo vetëm për infrastrukturën por dhe kapacitetet njerëzore dhe ekspertët e tyre. Vetëm në këtë mënyrë do të bëhet i mundur që të respektohen të gjitha hallkat dhe produktet shqiptare të kenë mundësi të certifikohen dhe të ekspertohen në BE. Ata sygjerojnë të studiohet e analizohet situata e laboratorëve në sektorin publik dhe atë privat dhe të propozohen masa për të mundësuar akreditimin e të paktën një laboratori që ti njihen të vlefshme analizat në vendet e BE.

*Autori i shkrimit ushtron profesionin e gazetarit prej 12 vitesh. Ka mbaruar studimet për Gazetari në Universitetin e Tiranës. Ai ka ushtruar profesionin e gazetarit në disa media të shkruara dhe vizive, duke qenë dhe gazetar investigativ. Aktualisht, është redaktor i lajmeve ne Televizionin Klan News dhe bashkëpuntor në projektin e Qendrës ALERT.

 

Ky botim u prodhua me mbështetjen financiare të Ambasadës së Shteteve të Bashkuara në Tiranë dhe Partnereve. Permbajtja e tij është përgjegjësi vetëm e autorit të shkrimit dhe e Qendrës Alert, si dhe nuk pasqyron domosdoshmërisht pikëpamjet e Ambasadës së Shteteve të Bashkuara në Tiranë dhe Partnerëve.

 

QENDRA ALERT – Alert.al

Arrestimi për falsifikimin e tamponëve të Covid/ Mjekët në protestë: Të mos bëhet gjyq popullor

Mjekët e Spitalit të Traumës në Tiranë sërish protestë në mbrojtje të kolegëve të tyre të arrestuar, këtë radhë për falsifikim tamponësh të COVID-19.

Ata pretendojnë se arrestimi i tyre është i paligjshëm dhe i pabazuar në prova, teksa deklaruan se drejtësia po kalon cakun e të drejtave qytetare.

Mjekët kërkuan të mos bëhet gjyq popullor, por të gjenden prova dhe më pas të mbahen në burg.
“Drejtësia po kalon cakun e të drejtave qytetare. Të mos bëhet gjyq popullor për mjekët. Të gjenden prova dhe pastaj të mbahen në burg”, deklaroi mjeku Gent Stroni.

‘Ne e konsiderojmë këtë veprim të drejtësisë të pajustifikuar. Deri në momentin kur drejtësia të vërtetojë provat këta persona nuk duhet të rrinë në burg. Ne po shohim se drejtësia po kalon cakun. Kjo është dhe arsyeja se përse ne kemi dalë sot, nuk jemi dakord. Sindikata e dënon këtë akt si një akt korruptiv. Deri në momentin që jepen provat ata nuk duhet të rrinë në burg. Është bërë një akt për show’-thonë mjekët.

alert.al/

E shpërndante me shiringë, ua hidhte të rinjve në pije! 24-vjeçarja shiste drogë sintetike në lokalet me muzikë

Operacioni ‘Kimistja 2’ ka vënë në pranga një 24-vjeçare e cila ishte shpërndarëse e drogës në disa zona në Tiranë. E reja iu shiste drogë sintetike të llojeve të ndryshme në qytetin e Tiranës, kryesisht në lokalet me muzikë në zonën e Porcelanit, Pazarit të Ri dhe Bllokut, personave të ndryshëm, kundrejt çmimeve që varionin nga 1.000 lekë të rinj deri në 10.000 lekë të rinj për një dozë (kokërr).

24-vjeçares iu gjetën dhe iu sekuestruan në cilësinë e provës materiale doza me lëndë të dyshuar heroinë, ekstazi, metadon dhe një aparat celular. Gjithashtu, policia ka sekuestruar edhe një lloj droge në formë të lëngët, të cilën e shpërndante me shiringë, që zakonisht përdoret nga moshat e reja duke e tretur në pije.

Njoftimi i Policisë

Finalizohet operacioni policor i koduar “Kimistja 2”. Operacioni i zhvilluar nga Seksioni për Hetimin e Narkotikëve në DVP Tiranë, për goditjen e veprimtarisë kriminale në fushën e shpërndarjes të drogave sintetike. Sekuestrohen doza me heroinë, ekstazi, metadon dhe lëndë narkotike në formë të lëngët. Në pranga poseduesja, njëkohësisht dhe shpërndarësja e lëndës narkotike. Seksioni për Hetimin e Narkotikëve në Drejtorinë Vendore të Policisë Tiranë zhvilloi dhe finalizoi me sukses operacionin e koduar “Kimistja 2”, si rezultat i të cilit u bë i mundur arrestimi në flagrancë i shtetases: – D. Z., 24 vjeçe, banuese në Tiranë. Specialistët e Seksionit për Hetimin e Narkotikëve të Drejtorisë Vendore të Policisë Tiranë dispononin informacion se kjo shtetase iu shiste drogë sintetike të llojeve të ndryshme në qytetin e Tiranës, kryesisht në lokalet me muzikë në zonën e Porcelanit, Pazarit të Ri dhe Bllokut, personave të ndryshëm, kundrejt çmimeve që varionin nga 1.000 lekë të rinj deri në 10.000 lekë të rinj për një dozë (kokërr). Gjatë kontrollit fizik dhe në banesë, 24-vjeçares iu gjetën dhe iu sekuestruan në cilësinë e provës materiale doza me lëndë të dyshuar heroinë, ekstazi, metadon dhe një aparat celular. Gjithashtu, kësaj shtetaseje i është sekuestruar edhe një lloj droge në formë të lëngët, të cilën e shpërndante me shiringë, që zakonisht përdoret nga moshat e reja duke e tretur në pije. Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprën penale “Prodhimi dhe shitja e lëndëve narkotike”.

alert.al/

Në kulmin e Reformës për Drejtësi, Shqipëria humb 4 vende në renditjen për gjyqësorin

Në Indeksin Global të Drejtësisë për vitit 2020 që përfshiu 128 vende, Shqipëria u rendit në vendin e 78. Me kwtw cilësi tw funksionimit të drejtësisë vendi ynw u përkeqësua në renditje me 4 vende në raport me vitin 2019. Ky studim publikohet nga “World Justice Project”, një institut ndërkombëtar me bazw në Shtetet e Bashkuara.

Ndwrsa në vlerësimin total Shqipëria mori 0.5 pike me një rënie 0,01 në krahasim me vitin 2019. Vlerësimi është bërë nga 0 tek 1, ku më afër zeros nënkupton vlerësim të dobët dhe afër 1 vlerësim të lartë.

Shqipëria kishte renditjen më të keqe në Rajon dhe gjithashtu kishte përkeqësimin më të lartë të indeksit nga vendet e tjera në raport me vitin 2019.

Serbia u rendit në vendin 75 dhe u përmirësua me 5 vende në raport me vitin 2019.

Bosnja u rendit në vendin e 64 me një përkeqësim dy vende në krahasim me vitin 2019.

Maqedonia u rendit në vendin e 58 me përkeqësim 1 vend në raport me vitin paraardhës.

Renditen më të mirë në Rajon e kishte sistemi i drejtësie në Kosovë, duke u renditur në vendin e 54 nga 128 vendet në studim duke ruajtur të njëjtin pozicion si në vitin 2019. Nga vendet e Europës Lindore dhe Azisë Qendrore Shqipëria kishte përkeqësimin më të madh në cilësinë e sistemit të drejtësisë në vend gjatë vitit 2020.

Shqipëria mori pikë shumë të ulëta në luftën ndaj korrupsionit, në të cilën u rendit në vendin e 100 në 128 vende dhe gjithashtu vlerësim të ulët mori shërbimet qeveritare në fushën e drejtësisë. Drejtësia dhe zbatimi i ligjit nga ana e qeverisë mori 0.45 dhe në këtë drejtim Shqipëria u rendit në vendin 96 në 128 vende.

Vlerësimet më të larta Shqipëria i mori në fushën e rendit dhe sigurisë publike, ku vendi ynë u rendit i 36-ti, dhe të drejtat e njeriut ku i rendit i 54-ti.

alert.al/

Dosja e plotë/ Ja si u përgjuan zyrtarët e Bashkisë Lushnjë dhe biznesmenët

Dosja e plotë/ Ja si u përgjuan zyrtarët e Bashkisë Lushnjë dhe biznesmenët

 

Dosja e hetimit të kryebashkiakut të Lushnjës Fatos Tushe dhe zyrtarëve të tjerë tregon nepoztizëm dhe korrupsion me tenderat publikë.

Në dosjen, të cilën alert.al e disponon, thuhet se Fatos Tushe dhe shtetasi Flamur Peqini me detyrë drejtor i Ndërmarrjes së Pasurisë Publike në bashkëpunim edhe me zyrtarë e persona të tjerë kanë favorizuar kompaninë “Euro Alb shpk” me administrator shtetasin Bujar Murati në prokurimin për rehabilitimin e kanalit ujitës të fshatit Bishqethëm dhe Bitaj, Njësia Administrative Kolonjë, me fond 28.5 milionë lekë.

Hetimi ka evidentuar se edhe pse kjo firmë është shpallur fituese dhe me të është lidhur kontrata më datë 11 nëntor 2020, ndërkohë që përfitimin dhe punimet në fakt i ka kryer biznesmeni Ibrahim Lami i “Loti SHPK”, i cili është lidhje e ngushtë e kryebashkiakut Fatos Tushe dhe Flamur Peqini.

Në dosje sqarohet se hetimi për kryebashkiakun e Lushnjes ka nisur që në datën 22 korrik 2020 pas një referimi të policisë së shtetit.

Në kallëzim policia shpjegonte fillimisht se shtetasi Flamur Peqini, drejtor në Bashkinë e Lushnjes, kryente procedura fiktive dhe korruptive me tenderat, duke përmendur si rast konkret vendosjen e shtyllave të elektrikut para zhvillimit të tenderit. Policia e ka denoncuar këtë shtetas edhe për shpërdorimin e karburantit në sektorin që drejtonte.

Ndërkaq, në një bisedë të zhvilluar mes admnistratorit të kompanisë “Avduli”, e skualifikuar padrejtësisht nga tenderi, dhe drejtorit Peqini, ai i thotë se do ta denoncojë rastin.

“Përgjegjësia bie tek ty, jo tek ata që urdhërojnë. Këtë po ta them si mik” i thotë administratori, duke nënkuptuar se urdhrat i jepte kryebashkiaku i Lushnjës.

Nënkontraktori që kryen punimet është një person i afërt me drejtorin Peqini. Ibrahim Lami i drejtohet: “O kushe ç’a bane?”. Ai e pyet se si do ta bëjnë bisedën me ëhatsapp apo si zakonisht, për t’u ruajtur nga përgjimet. Drejtori e porosit që të vazhdojë punën dhe i premton që kontratën e punimeve t’ia bëjë ashtu siç kanë rënë dakord.

Kryebashkiaku Tushe është strumbullari i të gjitha aferave dhe biznesmenët kujdesen që atij t’i rregullohet gjithçka.

Madje, në një rast del se biznesmeni-pronar i komapnisë “Loti SHPK” ka ndërhyrë në Fakultetin e Mjekësisë që vajza e kryebashkiakut Fatos Tushe të merrte një provim.

Përgjimet që vërtetojnë njohjen mes Tushes dhe Lamit

Fatos Tushe: Si u gdhive, ça po bën

Ibrahim Lami: Hë si u gdhive ti, ça bën

Fatos Tushe: Unë nuk erdha dot se fola dhe me atë dhe  e lashë javës tjetër, por unë nesër do jem në Tiranë se ka goca provimin dhe do jem atje, se më morën që në mjes këta

Ibrahim Lami: E ngjova, e ngjova, në Lushnje ishte ajo

Fatos Tushe: Ti ça bën

Ibrahim Lami: Hic o hoc ja piva një kafe me B…dhe tha bëjeni mbledhjen vetë se do flasë dhe me Fatosin

Fatos Tushe: E mirë të jetë mirë, a vajti në parlament

….Ibrahim Lajmi për provimin e vajzës së Fatos Tushes: Unë do i them bëjë dhe kafen do ta jap pastaj.

 

 

Arrestimet në Lushnjë/ Zbardhen përgjimet, Fatos Tushe mësonte punonjësit si të flasin në SPAK

Zbardhen përgjimet që çuan në pranga kryebashkiakun e Lushnjes, Fatos Tushe dhe Flamur Peqinin, Drejtor i Ndërmarrjes së Pasurisë Publike në Bashkinë Lushnjë. Në dokument faktohet bashkëpunimi i Tushes dhe Peqinit në tenderin korruptiv për rehabilitimin e një kanali ujitës në fshatin Bishthem dhe Bitaj.

Nga sa mësohet për të kryer këto punime, në garë janë paraqitur 3 kompani BOE Avduli shpk dhe Bahas shpk, Hastiçi shpk dhe EuroAlb shpk. Në përfundim të afatit të paraqitjes së ofertave, anëtarët e Komisionit të Vlerësimit, Margarita Gjermeni, ekonomiste, Gazmend Çela nëndrejtori dhe Xhemal Hasko përgjegjës i sektorit të ujitje të kullimit, kanë shpallur fituese kompaninë EuroAlb shpk që kishte paraqitur ofertën më të lartë 22.645.35. lekë pa TVSH me administrator Bujar Muratin.

Këtu “hyn në lojë”, kryebashkiaku Tushe dhe drejtori i ndërmarrjes së pasurive publike Flamur Peqini. Nga hetimet rezultoi se edhe pse firma EuroAlb shpk kishte fituar tenderin, punimet dhe përfitimin real të të ardhurave, i kishte realizuar dhe përfituar paratë biznesmeni Ibrahim Lami. Ky i fundit, nga sa specifikohet në dosje, ka lidhje të ngushtë shoqërore me Tushen dhe Peqinin, si edhe lidhje familjare me biznesmenin që ishte shpallur fitues i tenderit, Murati.

Biznesmeni që mori të gjitha fitimet e tenderit për rehabilitimin kanalit ujitës, Ibrahim Lami, kishte njohje me kryebashkiakun Fatos Tushen. Madje në një nga bisedat rezulton se Lami ka ndërhyrë që vajza e Fatos Tushes të marrë provimin për mjekësi.

Përgjimet që vërtetojnë njohjen mes Tushes dhe Lamit

Fatos Tushe: Si u gdhive, ça po bën

Ibrahim Lami: Hë si u gdhive ti, ça bën

Fatos Tushe: Unë nuk erdha dot se fola dhe me atë dhe  e lashë javës tjetër, por unë nesër do jemë në Tiranë se ka goca provimin dhe do jemë atje, se më morën që në mjes këtaErjon nga raportimet, për këtë tërmetin se u ndje shumë këtu, dola t’u pi cigare

Ibrahim Lami: E ngjova, e ngjova, në Lushnje ishte ajo

Fatos Tushe: Ti ça bën

Ibrahim Lami: Hic o hoc ja piva një kafe me B…dhe tha bëjeni mbledhjen vetë se do flasë dhe me Fatosin

Fatos Tushe: E mirë të jetë mirë, a vajti në parlament

….Ibrahim Lajmi për provimin e vajzës së Fatos Tushes: Unë do i them bëjë dhe kafen do ta jap pastaj.

Korrupsion dhe me naftën e Bashkisë

Fatos Tushe është kapur duke shpërdoruar detyrën në disa drejtime. Nga përgjimet ka rezultuar se ai ka lejuar persona të tjerë që të furnizojnë makinën me karburantin e shtetit, Në një nga bisedat e përgjuara, dëgjohet teksa një person që do ikte me pushime dhe merr Fatos Tushen që të furnizojnë makinën.

Personi: Përshëndetje, si jeni, si keni qenë mirë?
Fatos Tushe: Përshëndetje miku im, faleminderit mirë
Personi: Ju pengoj, jeni me pushime besoj
Fatos Tushe: Jo, jo
Personi: Unë nesër do iki me pushime…
Fatos Tushe: Është ok, po nesër në mëngjes ku do kalosh ti
Personi: Epo nesër në mëngjes aty do të kaloj unë, do futem në Lushnje, aty nga ora 7:30 besoj
Fatos Tushe: Epo mirë, të nxjerr këtë drejtorin e burimeve njerëzore unë, Turi. se unë do jem te karburanti

Të njëjtën gjë bënte dhe drejtori i Ndërmarrjes së pasurive publike, Flamur Peqini. Ky i fundit, i kërkon që të mbush makinën me karburant, të djalit të Fatos Tushes.

Menaxher i karburantit: Urdhëro Flamur
Flamur Peqini: Hidhi asaj me 3 teta o burr i dheut
Menaxher i karburantit: Ok ja tani në sekonda
Flamur Peqini: Shpejt o tani, ajo me re teta e ke parasysh, është çuni i shefit ooo shpejt
Menaxher i karburantit: Po,po hajt hajt

Biseda vijon…

Flamur Peqini: Hë Danjel
Menaxher i karburantit:  O vlla kam këtë çunin e shefit këtu o
Flamur Peqini:  Çunin e shefit, ok mbushe dhe më ço mua mesazh sa litra i hodhe
Flamur Peqini: Mirë të keqen

Bisedat mes punonjësve të Bashkisë Lushnje: Na ka thirrur SPAK! Drejtori na ka bërë 20 herë mbledhje se çdo themi

Që SPAK kishte nisur hetimet, ky grup i punonjësve të Bashkisë ishte vënë në dijeni, madje për këtë sipas përgjimeve të një nga personave të arrestuar, kryebashkiaku Fatos Tushe kishte bërë 20 herë mbledhje se çfarë do u thuhet prokurorëve.

Punonjësi 1:  Është një polic që ka sjellë shkresa si persona që mund të kenë në dijeni
Punonjësi 2: Kush do pyetet tjetër
Punonjësi 1: Unë, Ilva dhe Inxhinieri
Punonjësi 2: Po ajo çne
Punonjësi 1: Është njësi ajo
Punonjësi 1: Po, po, por duhet të shkoj në Tiranë
Punonjësi 2: Ti?
Punonjësi 1: Në të tre që na kanë thirrur si persona që mund të kemi dijeni, të mërkurën në orën 11 te SPAKU, mua thjesht s’më vjen mirë, po s’kam gjë, jam e qetë për punën që kam bërë
Punonjësi 2: Ajo ka rëndësi, habitem ç’ne që ju ngeli vetëm ju përgjegjësia
Punonjësi 1: Ne nuk jemi nën hetim, jemi persona që mund të kemi dijeni, pastaj thirren ata se mund të kenë qenë në përgjim
Punonjësi 2: Ahtu po, po dijeni për çfarë se nuk dihet se për ça ju pyesin atje më kupton
Punonjësi 1: Thanë mos kini merak, mos e diskutoni as në familje thanë të mos shqetësohen kot
Punonjësi 2: Kush tha
Punonjësi 1: Drejtori dhe ai miku jot
Punonjësi 2: Epo mirë
Punonjësi 1: Na kanë bërë 20 herë mbledhje gjoja ça të themi atje
Punonjësi 1: … Neve na ka dalë Fatosi garant, garant.

Biznesmeni i kërkoi ndihmë se kishte objketin pa leje, Fatos Tushe: I thuaj që kam fol me kryetarin

Fatos Tushe del në përgjime me një biznesmen të quajtur Ismail Blliku, i cili kishte ndërtuar pa leje, por nuk ishte raportuar si i tillë, pasi kishte ndërhyrë kryebashkiaku i Lushnjes. Ndaj tij rëndon akuza për veprën penale të shpërdorimit të detyrës.

Tushe në telefon Bllikut: Mirë, mirë, i thuaj që kam folur me telefon me kryetari, dhe telefoni…të thashë unë më duket….ky telefon nuk është për këto lloj bisedash, merre rrugën, ja ku është Shegasi dhe hajde më thuaj mua këtu, telefoni nuk është për këto lloj biseda…hajd

Blliku: Dakord, dakord

Fatos Tushe: Hajt

 alert.al/

Krimi në Bubq/ “Largohuni se do t’ju vras të dyve!”, rrëfimi i dëshmitarëve që panë vrasjen e Klarita Ismalajës

Detaje të reja dalin nga hetimi i vrasjes së Klarita Ismalajës nga bashkëshorti i saj Artani. Vrasja është kryer me urrejtje të madhe që tregohet nga goditjet e shumta më thikë, sidomos në fytyrë. Nga dëshmitë e punonjësve të fabrikës së fasonerisë aty pranë, tregohen momentet e fundit të vrasjes. Ndërsa sipas dëshmisë së djalit, çifti kishte shkuar në Bubq të Krujës për të shitur tokën e tyre në këtë fshat. Burrri dhe gruaja kishin mosmarrëveshje, por të zakonshme, sipas të birit.

Kërkesa e Prokurorisë për vleftësimin e masës së arrestit me burg

Nga studimi i të dhënave të dokumentuara nga Policia Gjyqësore dhe verifikimet e kryera nga prokurori, rezulton se:

      Më datë 05.07.2021, rreth ores 10:12, eshte marre njoftim nga numri telefonik 0696507842 (Fation Berhami), se ne vendin e quajtur fshat Bubq te Njesise Administrative Bubq, Kruje, dhe pikerisht ne oborrin e fasonerise fabrike prodhimi te kepuceve “Merlika”, ne pronesi te shtetasit Fredi Merlika, qe ndodhet  prane fondacionit “Betania”, Bubq-Fushe Kruje, ndodhet nje konflikt ku nje burre po dhunon nje grua.  Menjehere ne vendin e ngjarjes jane afruar sherbimet e policise te cilet kane konstatuar se ne territorin e jashtem te fasonerise ndodhej automjeti tip ford Galaxy, me targe TR7291M, te ndezur dhe bagazhi tij i hapur, ku qendronte gjysem i perkulur nje person te cilit pasi i eshte bere thirrje te afrohej por ai nuk ka reaguar. Drejtim tij jane afruar sherbimet gradualisht ku kane konstatuar se ishte i gjakosur dhe i perkulur brenda bagazhit. Meqenese nuk ka patur reagime nga ana e tij eshte kapur nga krahet, ku eshte konstatuar se se pjesa e perparme e tij ishte e mbuluar me gjak dhe i prere ne fyt dhe rrjedhja e gjakutr vazhdonte. Theksohet se poshte trupit te tij ne bagazh ishte nje thike ngjyre ngjyre portokalli . Ne distance 2 metra ne krahe te djathte te mjetit shtrire ne toke eshte konstatuar nje shtetase femer e mbuluar me gjak pa shenja jete. Menjehere sherbiemt kane njoftuar ambulancen. Nga organit të procedimit penal eshte ngritur grupi hetimor dhe shkuar ne vendin e ngjarjes. Gjate kqyrjes se vendit te ngjarjes konstatohet nje vend i rrethuar me mure betoni me porte ne anen perendimore, prone e shtetasit Ferdi Merlika, ku ne mesi i  ketij rrethimi gjendet i mbjellur me jonxhe dhe ana perendimore ne distance 6 m gjendet jonxh i kositur. Ne jug-lindje te jonxhes fiksohet me tabelen 5 dhe 6,  dy gjurme gomash automjeti, gje te çojne tek nje automjet i markes ford me targa TR7291M, i pozicionuar ne drejtim lindje – perendim, me bagazhin e hapur. Rreth automjetit vihet re shkelje e jonxhes (barit) ne menyre rrethore. Ne anen e djathte ne distance 3.3 metra nga porta e pare e mjetit dhe 2.5 metra nga porta e bagazhit, gjendet nje kufome e seksit femer. Ajo eshte e vendosur ne drejtim perendim-lindje ne anen e djathte te automjetit vendosur ne toke. Ne shpinen e krahut te majte dhe fytyren e majte vihen re çarje te thella te shkaktuara me mjet te forte preres. Kjo shtetase mban te veshur strece te zeza dhe eshte e zbathur. Prane saj ne anen veriore  1 meter prane kofonos gjendet nje kepuce atleje e kembes se majte (burrash), e cila u shenuar me tabelen nr. 19 dhe eshte marre ne cilesine e proves materiale. Me pas kufoma eshte derguar ne IML Tirane. Nga porta e hapur e automjetit ne ndenjesen e pare te pasagjerit konstatohet nje bluze burrash me menge te shkurtera me dy komça perpara e njollosur me gjak e fiksuar nga ana jone me tabelen nr.8, ne vendin ku vendosen kembet perpara kesaj sedilje gjendet nje çante krahu ngjyre bezhe, nje pale pandofla femrash, nje aparat celular telefonik i markes Samsung, si dhe tehu i nje thike si ajo qe perdoret per pllakat e gipseve e njollosur me gjak. Tehu dhe aparati celular u moren ne cilesine e proves materiale. Vendi per rreth tyre eshte e njollosur me lende si ajo e gjakut dhe me nje tampon eshte marre nje kapjon. Mbi kroskot perballe ndenjeses gjendet nje pasaporte me emrin Artan Ismalaja, dhe nje karte identiteti me emrin Klarita Ismalaja, te cilat u moren ne cilesine e proves materiale. Ne folene e kuadrit gjenden celesat e mjetit. Pika dhe njolla gjaku gjendet ne dy sediljet e tyre ne pjesen e perparme te kroskotit. Ne xhepin e e portes se drejtuesit te automjetit gjendet nje aparat tjeter telefonik i markes Samsung, i njollosur me lende si ajo e gjakut e fiksuar me tabelen nr. 13 dhe u mor ne cilesine e proves materiale. Me pas kqyrja vazhdon ne bagazhin e automjetit e cila eshte e hapur. Ne bagazh vihet re objekte qe perdoren per gjuetine e peshkut. Ne cepin e djathte te pjeses fundore te dyshemese se bagazhit gjendet nje thike nga ajo qe perdoret per prerjen e pllakave si ajo e gipsit me doreze plastike ngjyre te kuqe, me teh te keputur e fiksuar me tabelen nr.20 e cila u more ne cilesine e proves materiale. Ngjitur me kete thike gjendet nje pellg si ajo e gjakut  ku me ane te nje tamponi steril u more lende nga ky pellg per ekzaminime te metejshme dhe u fiksua me tabelen nr.16. Gjithashtu me ane te nje tamponi u more lende nga vendi ku eshte gjendur kufoma e shtetases Klarita Ismalaja, e bija e Besim-it dhe e Vera, e dtl 03.07.1976, lindur ne Kruje dhe me banim ne rrugen “Jordan Misja”, Tirane, me arsim te mesem,  me gjendje civile martuar, me kombesi dhe shtetesi Shqiptare, e pa denuar me pare, cila u fiksua me tabelen nr.9. Automjeti eshte sekuestruar ne cilesine e proves materiale dhe lene ne ruajtje ne Stacionin e Policise Fushe Kruje. Gjate kqyrjes verehet se porta e rrethimit te fasonerise eshte  e hapur,  nuk ka roje si dhe nuk verehen kamera sigurie. Gjithashtu ne Spitalin e Traumes Tirane, jane sekuestruar rrobat e autorit shtetasit Artan Ismalaja dhe konkretisht: nje kanatjere njollosur me  lende te kuqe si e gjakut, nje pale pantallona njollosur me lende te kuqe si e gjakut dhe nje  atlete.

Gjate kqyrjes se kufomes konstatohet se konstatohet nje plage prerese nga regjioni i temthit te djathte deri ne nivelin e mjekres me gjatesi te buzes 14 cm. nje plage prerese nga gropa e syrit te djathte deri ne majen e hundes me gjatesi 6 cm, . Nga ana e majte e fytyres dhe qafes dallohen plage prerese nga molleza e majte deri ne mesin e fytyres me gjatesi 13 cm, nje plage prerese me gjatesi 15 cm me drejtim horizontal nga rrenja e veshit te majte deri ne pjesen e masme te qafes. Paralel me kete konstatohen edhe dy plage prerese me drejtim horizontal ne anen e majte te qafes me gjatesi te buzeve 12 dhe 9 cm. Nga gropa e fytit deri ne pjesen e pasme te qafes konstatohet nje plage prerese e thelle me gjatesi 20 cm me exposim dhe prerje te rruazave kryesore te gjakut te anes se majte te qafes. Ne shpatullen e majte verehen dy plage paralele prerese me drejtim  te pjerret me gjatesi te buzeve 11.5 dhe 11 cm. Nga mesi i supit te majte deri ne mesin e shpatulles se majte verehet nje plage prerese me gjatesi te buzeve 24 cm. Ne rreze te gishtit te trete dhe te katert te dores se majte verehen dy plage prerese me gjatesi 3 dhe 2 cm. Ne shpatullen e djathte konstatohet nje plage buze te drejta me gjatesi 15 cm, si dhe nje plage prerese me trajten “L”, me gjatesi 10+10cm. Ne pjesen e brendshme te gyqit te dores se djathte verehet nje plage prerese 3 cm, ne pjesen e perparme te gjoksit ne anen e djathte konstatua prania e dermishtjeve te holla trajten e plageveme gjatesi 18 dhe 20 cm.

Në kadër të veprimeve të para hetimore eshte pyetur si persona qe ka dijeni për rrethanat e hetimit shtetasi Fatjon Agron Berhami, i dtl 16.05.1987, lindur dhe me banim ne Kruje, lagja Abaza, i pa denuar me pare, i cili deklaron se rreth ores 10:00 eshte ndodhur tek fasoneria duke punuar brenda ne repart, tek i cili eshte me detyre pergjegjes.  Aty ka shkuar shtetasi Gentjan Goga dhe thene se tek oborri i fasonerise ishte futur njeri me makine brenda rrethimit. Kane dalur te dy dhe ju kane afruar ne distance rreth 20 metra,  ku kane pare nje burre siper nje gruaje e cila ishte e shtrire pertoke. Ato i kane thene se eshte prone private, por ai eshte pergjigjur duke i thene ” ik, mos ha  ndonje plumb”. Ne kete moment te frikesuar jane larguar duke mos qendruar aty edhe menjehere kane njoftuar 129,  te cilet kane mberritur shume shpejt. Sqaron se ky person te cilin nuk e njihte se kush ishte,  dukej se ishte i gjakosur tek shpatulla.  I pyetur se cfare pozicioni konkretisht ndodhej (burri) shtetasi Artan Ismalaja siper (gruas) shtetases Klarita Ismalaja dhe cfare veprimesh konkrete kryente ndaj saj, thote se personi mashkull ndodhet me kurriz nga ana tij, person i cili ishte me gjunje siper kurrizit te gruas te shtrire,  te ciles nga krahu tyre i dukeshin vetem kembet pasi trupin e kishte mbuluar ai qe qendronte siper. Sqaron se vendi ku ndodheshin nuk ishte i betonuar por toke me jonxh rreth 20 cm e larte dhe nuk mund te dallohej pozicioni kembeve te gruas nese ishte permbys apo jo.  Thote se keto persona nuk i njihte dhe se nuk kane asnje lidhje me fasonerine, mendon se kane rastisur aty.

Gjithashtu eshte pyetur si person qe tregon rrethanat e hetimit shtetasi Gentian Nuri Goga I dtl 06.10.1980, me banim ne qytetin Kruje, i cili deklaron se rreth ores 09:45 brenda rrethimit te fabrikes ku ai punon ka konstatuar nje makine, territor qe nuk shfrytezohet nga ana tyre. Eshte afruar ne afersi te makines per te pare kush jane. Ka konstatuar se drejtuesi i mjetit ndodhej me nje grua ne makine  i cili ka thene “largohu menjehere se do te vras edhe ty”. Ne kete moment eshte larguar nga frika dhe ka shkuar tek magazine , duke bere njoftimin e kolegut te tij te punes shtetasin Fation Berhami. Pastaj eshte kthyer perseri tek vendi ku ishte ndalur mjeti i shoqeruar me kolegun Fation Berhami, dhe ja kane perseritur te njejten thirrje qe largohuni se keni hyre ne territor privat. Drejtuesi i automjetit ne kete moment po godiste gruan qe kishte ne makine dhe ju eshte drejtuar perseri me fjalet “larguhuni se do tju vras te dyve”. Ne kete moment jane terhequr mbrapa sebashku me Fatjon Berhamin dhe kane bere menjehere njoftimin e 129 dhe kane qendruar ne pritje te policise. Largesia ndermjet vendit ku ndodhej makina me fabriken e eshte 70 metra distance.

Ndërsa  në deklarimet  e tij (djali tyre) shtetasit Arlind Ismalaja, i dtl 27.11.1998, me banim ne Tirane, i pa denuar me pare, i cili deklaron se ka qene ne dijeni se ne mengjes dt 05.07.2021 prinderit e tij jane nisur drejtim te qytetit te Krujes per te vazhduar proçedurat per shitjen e tokes ne pronesi te tyre. Pyetur nese kane patur konflikt te meparshem  ndermjet tyre prinderit e tij, thote se si çdo çift kane patur debate familjare ndermjet tyre, por jo te asaj shkalle qe mund te ndodhte nje ngjarje e tille.

Jane bere vendime per kryerjen e ekspertimit teknik te thikes, daktiloskopik, biologjik, teknik biologjik, mjeko ligjor.

Mbi këtë bazë, policia gjyqësore ka kryer arrestimin në flagrancë të shtetasit i dyshuar Artan Ismalaja, i biri i Isuf-it dhe i Hysnije-s  i dtl 17.06.1970, lindur ne Kruje dhe me banim ne rrugen “Jordan Misja”, Tirane, me arsim te larte,  me gjendje civile martuar, me kombesi dhe shtetesi Shqiptare, i pa denuar me pare , i dyshuar për veprat penale “Vrasje për shkak të mardhënieve familjare” dhe  “Mbajtje pa leje te armeve te ftohta” te parashikuar nga neni 79\c dhe 279 te K.Penal.

alert.al/