Menu

Kryesore

(VIDEO) Me 172 km/h, shihni makinën sot në autostradën Fier-Vlorë

Policia Rrugore njofton se këtë pasdite ka një shtim të fluksit në akset kryesore në hyrje të Tiranës, por jo pengesa apo radhë.

Ndërkohë uniformat blu kanë marrë masa të shtuara krahas edhe tragjedisë së dy ditëve më parë në aksin Fier-Vlorë ku prej shpejtësisë së madhe u shua një familje prej 4 anëtarësh.

83 drejtuesve i është hequr leja e drejtimit në 24 orët e fundit kurse 2 mijë e 839 të tjerë janë ndëshkuar me gjobë për shkelje të rregullave të qarkullimit rrugor.

NJOFTIMI NGA POLICIA

Respekto rregullat e qarkullimit rrugor, shpëto jetë!

Vijon kontrolli permanent i akseve rrugore nacionale dhe në qendrat urbane, me qëllim parandalimin e aksidenteve rrugore.

Njësia Operacionale e Drejtorisë së Policisë Rrugore, në bashkëpunim me Komisariatin e Policisë Rrugore në DVP Tiranë dhe me Sektorët e Policisë Rrugore në 11 Drejtoritë Vendore të Policisë, ka intensifikuar kontrollet, duke përdorur mjetet e pauniformuara, kamera të vendosura në automjete, radarë, alkooltestues dhe dronë, në të gjitha akset rrugore kombëtare dhe rrugë të tjera të evidentuara si njolla të zeza për shkak të ngjarjeve rrugore me pasoja të ndodhura më parë.

Në fokusin e kontrolleve të përqëndruara janë shpejtesia mbi normat e lejuara, mosrregullimi i shpejtësisë, veçanërisht në qendrat e banuara, sjelljet agresive dhe manovrat e rrezikshme në rrugë, drejtimi i mjeteve pas përdorimit të alkoolit, parakalimet e gabuara, mospërdorimi i rripave të sigurisë, si dhe përdorimi i celularit gjatë drejtimit të mjeteve.

Gjatë 24 orëve të fundit, në të gjithë vendin, si rezultat i përdorimit të radarëve, dragerave, kamerave, dronëve dhe makinave të pauniformuara, janë evidentuar dhe ndëshkuar me pezullim të lejes së drejtimit, 83 drejtues mjetesh dhe janë ndëshkuar me masë administrative 2839 të tjerë, për shkelje të Kodit Rrugor që përbëjnë rrezik potencial për përfshirje në ngjarje rrugore, konkretisht:

  • 52 leje drejtimi për shpejtësi mbi normat e lejuara, matur me radar, dhe 31 leje drejtimi për drejtim mjeti nën efektin e alkoolit;
  • 512 masa administrative për përdorim të celularit gjatë drejtimit të mjetit, 411 masa për mospërdorim të rripit të sigurisë, 723 masa për shpejtësi mbi normat e lejura, manovra të rrezikshme në rrugë dhe mosrregullim shpejtësie, veçanërisht në qendrat e banuara, 204 masa për mospërdorim të kaskës mbrojtëse në mjetet me dy rrota, 801 masa për parakalime të gabuara, 165 masa për mosruajtje të largësisë së sigurisë midis mjeteve dhe 23 për shkelje të semaforit.

Aktualisht ka filluar kthimi nga zonat bregdetare drejt Tiranës dhe Morinës, duke bërë që fluksi në akset rrugore ncionale dhe në hyrje të Tiranës të jetë i shtuar dhe në disa segmente i pandërprerë, por pa pengesa dhe pa krijuar radhë.

Policia Rrugore apelon për të gjithë përdoruesit e rrugës në tërësi, veçanërisht drejtuesit e mjeteve, motomjeteve dhe çiklistët, që të tregojnë kujdes dhe të respektojnë rregullat e qarkullimit rrugor, si dhe fton qytetarët që të denoncojnë në Komisariatin Dixhital dhe në numrin e emergjencave 112, çdo paligjshmëri.

#MosUbejStatistike🚑

#RregullKujdesDurimDestinacion

#NeJemiAtyPerSigurineTuaj🚔

Paralajmërimi i Ramës për Lelin: "Më fiku telefonin disa ditë. Nëse ai nuk jep dorëheqjen..."

Përplasja mes kryebashkiakut Dritan Leli dhe socialistëve vijon ende.Kryeministri Edi Rama, gjatë asamblesë së PS me strukturat e  Vlorës është shprehur se ai ka dezertuar në betejën e PS-së duke mos dhënë asnjë kontribut në zgjedhjet e 25 prillit.

“Leli ka një detyre partiake ai dezertoi. Ne si parti menduam që Leli të kandidonte si deputet por ai dezertoi në këtë betejë. Madje në krahasim me kandidatin në Dibër, Leli nuk bëri asnjë fushate për PS-në dha zero kontribute.

Teorive të konspiracionit për emërimin e Afrimit si kryetar bashkie pas Lelit nuk qëndrojnë dhe s’kanë qëndruar asnjëherë. Afrimin e solla unë në Vlorë të bënte punët publike që nuk bënte Dritan Leli. Dritan Leli ishte i mirë për fjalime dhe të folur por nuk bënte punët publike çka sollën Afrimin për të bërë ato punë. I kemi kërkuar si Dibrës si Vlorës të hyjnë në zgjedhje për deputet. Ai pranoi,  Leli s’pranoi. Leli nuk u zgjodh u emërua sepse nuk kishte kundërshtarë”, tha Rama.

Sipas Ramës Leli u vlerësua pasi nuk do përfaqësonte më  Vlorën në nivel lokal por do përfaqësonte qytetin në parlament.

“Leli po kalonte nga bashka për në parlament, do ishte mire sepse ka oratori. Askush nuk fiton i pavarur në Vlorë por vetëm ata në siglën e trëndafilit rozë. Leli më fiku telefonin disa ditë. Nëse ai nuk jep dorëheqjen të gjithë duhet të punojmë që Vlora të përfaqësohet me dinjitet nga këshilltarët bashkiakë, deputetë dhe të gjithë”, tha Rama.

alert.al/

Dy makina përplasen ‘kokë për kokë’ me njëra-tjetrën, 4 të plagosur, në rrugën Elbasan-Peqin

Dy automjete janë përplasur mesditën e sotme në aksin rrugor Elbasan-Peqin. Për pasojë janë plagosur 4 persona, të cilët janë dërguar në spital, jashtë rrezikut për jetën.

Aksidentet në rrugët e Shqipërisë duket se nuk kanë fund! Dy ditë më parë, një aksident në rrugën Levan-Vlorë shoi një familje prej katër anëtarësh, të cilët sapo ishin kthyer nga Greqia për pushime. Mjeti tip “Toyota” me të cilin po udhëtonin u përplas nga “Audi”, që dyshohet se po udhëtonte me shpejtësi të lartë, mbi 200 km/orë. Drejtuesi i mjetit, 22-vjeçari Igli Madani u la sot në burg nga gjykata. Medani rrezikon deri në 20 vjet heqje lirie.

Në po të njëjtën ditë, një 82-vjeçar, i cili po ecte në trotuarin përgjatë lumit Lana në kryeqytet, u përplas nga një makinë, që po udhëtonte me shpejtësi. Një ditë më vonë, shtetasi me iniciale Q.K. ndërroi jetë në spital, pasi nuk mundi t’i mbijetojë plagëve të marra.

Ndërkohë, policia rrugore ka shtuar postblloqet në të gjitha akset rrugore të vendit, duke kontrolluar dhe ndëshkuar shkelësit e rregullave të qarkullimit rrugor. /Top Channel/

Dokumenti/ Kurti prezanton katër qëndrime për marrëveshjen finale me Serbinë

Kryeministri i Kosovës Albin Kurti ka prezantuar të dielën, ato që i ka konsideruar, katër qëndrimet e tij për ecjen përpara në marrëdhëniet mes Kosovës dhe Serbisë.

Ai i ka bërë këto deklarata në një mbledhje të Këshillit të Përgjithshëm të Lëvizjes Vetëvendosje.

Kurti ka thënë se për palën kosovare, kërkesa për marrëveshje përfundimtare, ligjërisht obliguese, është ajo “që nuk e ndan njohjen nga Serbia prej ulëses në Organizatën e Kombeve të Bashkuara për Kosovën”, duke shtuar se dialogu mes dy vendeve nuk mund të vazhdojë pafundësisht.

Si pikë të dytë, ai ka përmendur një marrëveshje që ka formën dhe përmbajtjen e një marrëveshjeje ndërkombëtare, sipas kërkesave dhe qëllimeve të Konventës të Vjenës për Ligjin mbi Traktatet.

“E treta, po bëhen 23 vjet bisedime ndërmjet Kosovës dhe Serbisë, gati gjysma e kësaj periudhe nën ndërmjetësimin apo lehtësimin BE-së. Nuk mund të vazhdojmë pafundësisht, por, duhet ta dijnë qysh në fillim që dialogu, bisedimet, nuk janë për statusin e Kosovës, por për statusin e marrëdhënieve ndërmjet Kosovës dhe Serbisë e që duhet të bazohet në barazi dhe reciprocitet, e tillë çfarë është edhe njohja e ndërsjellë”, ka deklaruar Kurti në takim, sipas fjalimit të publikuar në faqen e tij në Facebook.

Kurti ka thënë mes tjerash se “pavarësia e Kosovës është kompromis”.

“Pavarësinë nuk e kemi shpallur vitin e kaluar, por para 13 viteve dhe 4 vitet e para pavarësia e kishte Piter Faith-in sipër si autoritet sovran, ndërkaq tash e 13 vjet e ka Ahtisarin brenda, këtij kompromisi që është dashur ta sjell një rezolutë të re në Këshillin e Sigurimit të OKB-së, por që nuk ndodhi asnjëherë”, ka thënë ai.

Më 23 qershor, Kurti është pritur në Francë nga presidenti i këtij shteti Emmanual Macron dhe pas takimit, ky i fundit u ka bërë thirrje, si Kosovës, ashtu edhe Serbisë për t’u angazhuar si evropianë në përpjekjet për arritjen e një marrëveshjeje “që do t’i bëjë të mundur Beogradit dhe Prishtinës të kthehen tek e ardhmja evropiane”.

Dialogu mes Kosovës dhe Serbisë, me ndërmjetësim të Bashkimit Evropian, ka nisur më 2011.

Raundi i fundit i dialogut është mbajtur më 15 qershor të këtij viti.

Ky njëherësh ka qenë takimi i parë që kryeministri i Kosovës Albin Kurti ka zhvilluar me presidentin serb Aleksandar Vuçiç, në kuadër të dialogut.

Në fund të takimit, zyrtarët kanë bërë të ditur se nuk janë marrë vesh për asnjërën nga temat e ngritur.

alert.al/

Vlorë, pas takimit me Asamblenë e PS-së. Rama: Jam i shqetësuar për bashkinë, takim i detyruar

Kryesocialisti Edi Rama ka mbledhur mesditën e kësaj të diele Asamblenë e degës së Partisë Socialiste të Vlorës. Mbledhja që u zhvillua në teatrin “Petro Marko”, mësohet se ka pasur si temë përplasjet e fundit mes kryetarit të Bashkisë Dritan Leli dhe Këshillit Bashkiak.

“Ishte një takim i detyruar si rezultat i mbarimit të një beteje të rëndësishme që ne e fituam këtu në qarkun e Vlorës duke arritur objektivin dhe si nevojë për t’iu thënë se unë vërtetë kam zgjedhur të kem deputeti i Durrësit, por unë do të vazhdoj të jem në Vlorë siç kam qenë, pa asnjë lloj ndryshimi, madje për të bërë edhe më shumë sepse me Vlorën nuk më ka lidhur mandati i deputetit dhe nuk më ndan ndarja e mandatit. Është shumë e rëndësishme të vazhdojmë intensivisht punën në Vlorë, në gjithë qarkun, si në të gjithë Shqipërinë, por këtu kemi shumë sfida. Sa i përket administrimit të vogël jam realisht i shqetësuar, jo vetëm për Vlorën, por për bashkitë që kanë detyrime ekstra dhe që janë të lidhura me industrinë e turizmit”, tha Rama.

Konflikti mes Lelit dhe socialistëve të Vlorës është ndezur shumë kohët e fundit, duke sjellë konflikte institucionale.

 

Madje edhe marrëdhëniet mes kryeministrit Rama dhe Dritan Lelit ka kohë që janë të ngrira, sidomos pas refuzimit që drejtuesi i Bashkisë Vlorë i bëri ftesës për të qenë pjesë e listës së kandidatëve për deputetë në listën e PS.

 

Në mbledhjen e Asamblesë janë diskutuar edhe rezultatet në zgjedhjet e 25 Prillit.

alert.al/

Vlorë, Rama mbledh Asamblenë e degës së PS-së, kryebashkiaku Leli, tema e nxehtë e takimit

Kryesocialisti Edi Rama ka mbledhur mesditën e kësaj të diele Asamblenë e degës së Partisë Socialiste të Vlorës. Mbledhja që po zhvillohet me dyer të mbyllura në Teatrin “Petro Marko”, mësohet se ka për qëllim trajimin e përplasjeve të fundit mes kryetarit të Bashkisë Dritan Leli dhe Këshillit Bashkiak të kësaj bashkie.

Konflikti mes Lelit dhe socialistëve të Vlorës është ndezur shumë kohët e fundit, duke sjellë konflikte institucionale.

Madje edhe marrëdhëniet mes kryeministrit Rama dhe Dritan Lelit ka kohë që janë të ngrira, sidomos pas refuzimit që drjtuesi i Bashkisë Vlorë i bëri ftesës për të qenë pjesë e listës së kandidatëve për deputetë në listën e PS.

Në mbledhjen e Asamblesë pritet të diskutohet edhe rezultatet në zgjedhjet e 25 Prillit.

alert.al

Masakra e Velipojës/ Dyshohet se u përdorën 6 armë, shpallen në kërkim dy persona, 20 të shoqëruar

Detaje të reja zbardhen nga ngjarja e rëndë me katër të vdekur dhe dy të plagosur në Velipojë. Policia e Shtetit ka shpallur në kërkim edhe dy shtetas të tjerë si të përfshirë në ngjarjen e rëndë të cilët dyshohen se ishin bashkë me vëllezërit Ferracaku. Ndërkohë janë rreth 20 persona të shoqëruar deri më tani si shtetas që mund të kenë dijeni të mëtejshme rreth konfliktit që çoi në përplasjen me armë mes vëllezërve Ferracaku dhe Gocaj. Po ashtu mësohet se në këtë ngjarje mund të jenë përdorur deri në 6 armë.

Vëllezërit Ferracaku kanë pasur secili nga një pistoletë sipas dyshimeve dhe dy personat në kërkim dyshohen se kanë qenë të armatosur. Nga ana tjetër edhe vëllezërit Gocaj kanë pasur njeri pistoletë dhe tjetri automatik kallashnikov. Policia ka sekuestruar vetëm një pistoletë deri më tani dhe disa prej gëzhojave që janë nga disa armë të ndryshme.

Të vrarë pas konfliktit që dyshohet se nisi për hapësirat në plazh mbetën Kujtim Ferracaku dhe u plagos nipi i tij Elmilind Dyli, 17 vjeç ndërsa u plagos edhe Hasan Ferracaku, vëllai i tij. Nga pala tjetër mbetën të vrarë vëllezërit Edmond Gocaj dhe Xhovan Gocaj si dhe shtetasi Myzerin Zeneli, 20 vjeç i cili një ditë më parë kishte nisur punën si kamerier në plazhin e Velipojës.

alert.al/

Masakra në Velipojë/ Flet babai i vëllezërve Gocaj: Më është fikur dera, m’i vranë tek shtëpia

Pjetër Gocaj babi i dy prej të vrarëve gjatë konfliktit me armë në Velipojë ka folur për mediat.

Me zërin që i dridhet dhe me lot në sy ai tha “më është fikur dera, m’i vranë te dera e shtëpisë”. Ai tha se konflikti kishte nisur për shezlonget, që vjet n% atë vend i kishin patur ata çadrat, ndërsa këti vit, i kishte marrë hotel “Fantazia”, por që nuk ishte ndarë akoma saktësisht se ku.

Ai thotë se sherri ka ndodhur për shezlongët dhe se djali i madh me dokumente angleze kishte ardhur për të investuar në Velipojë.

“Kjo qe ka ndodhur mos i ndodhtë me kujt, mua më është fikur dera e shtëpisë. Uroj që mos ti ndodh askujt. Nuk e kuptoj si ka ndodhur konflikti por e di që për shezllone. Me kanë vrarë tek dera e shtëpisë, me kanë vrarë dy djemtë.

Çfarë me duhet jeta më. Vitin e kaluar i kam patur une shezllonet, këtë vit ia kanë dhënë atij. Ne kemi pritur që të ndahen shezlonget sepse kanë qenë pa u ndarë ende, ata kanë ardhur dhe na vranë në shtëpi. Ne i kemi vendosur shezloget përpara se të bëhej ndarja nga shteti dhe ishim në pritje kur të vendosej kjo ndarje për të shikuar se ku i kemi ne dhe ku i kanë ata.

Ata erdhen dhe qëlluan djalin e madh te parin qe ishte me dokumenta angleze, ka ardhur për investime, pastaj qëlluan dhe tjetrin,” tha ai.

Kujtojmë që ngjarja ka nisur pak pas mesnate mes Kujtim Ferracakut, pronar i restorant “Fantazia” dhe pronarëve të hotelit “Gocaj”, për shezlongët në plazhin e Velipojës.

Si fillim debati ka nisur me fjalë dhe më pas ka degjeneruar në përdorimin e armëve nga të dy palët. Si pasojë e shkëmbimit të zjarrit kanë mbetur të vrarë Kujtim Ferracaku 59 vjeç, vëllezërit, Xhovani dhe Edmond Gocaj 25 dhe 38 vjeç dhe Myzerim Zeneli 20 vjeç.

Ndërsa të plagosur kanë mbetur Hasan Ferracaku 54 vjeç dhe Elmedin Tyli 17 vjeç, raportohet se 54 vjeçari është në gjendje kritike për jetën

Përcillen për në banesën e fundit, 4 anëtarët e familjes që humbën jetë në aksidentin tragjik

Ditën e sotme, do t’i jepet lamtumira familjes prej 4 anëtarëve të cilët ndërruan jetë ditën e djeshme në aksidentin tragjik në autostradën e Vlorës, ku u përplasën nga një mjet luksoz tip ‘Audi’.

Njoftimi është bërë nga familjarët. Varrimi do të bëhet në orën 10:00 në lagjen Dukas-Çoban.

Anëtarët e kësaj familjeje që kanë ndërruar jetë janë Eduart Gushi, 44 vjeç, bashkëshortja e tij Silvana Gushi, 33 vjeçe, si dhe fëmijët e mitur Anastasia Gushi, 14 vjeçe dhe Eva Gushi, 9 vjeçe.

Ndërkohë në ‘Audi-n’ që i përplasi nga mbrapa udhëtonin 3 të rinj, njëri prej tyre në gjendje të rëndë, por të tre jashtë rrezikut për jetën.

Rrethanat në të cilat, ndodhi aksidenti, kanë shkaktuar një zemërim të madh publik tek qytetarët, por nuk kanë munguar as reagimet nga personazhet publikë të cilët i mëshojnë faktit se ky është problem i rëndë në vendin tonë.

Sipas reagimeve të bëra, ata shprehen të zemëruar me faktin se jeta në Shqipëri nuk është aspak e sigurt dhe mungon çdo lloj parametri i sigurisë rrugore.

Protestë para Ministrisë së Brendshme: Kush ecën në makinë me 200 km/h është vrasës potencial

Aksidenti tragjik që ndodhi sot në aksin Fier-Vlorë, ku u shua një familje me 4 anëtarë të saj, të cilët kishin ardhur nga Greqia për të kaluar pushimet me të afërmit, padyshim që preku zemrat e gjithë shqiptarëve.

Nga aksidenti humbën jetën Eduart Gushi, 44 vjeç, gruaja e tij, Silvana Gushi dhe dy vajzat e tyre të mitura, Anastasia dhe Eva dhe u plagosën 3 të rinj që udhëtonin në një mjet tip Audi, i cili thuhet se ka goditur mjetin e viktimave nga pas, ndërsa ishte me shpejtësi të lartë.

Në shenjë proteste kundër këtyre ngjarjeve, ku thuajse çdo ditë në rrugët e vendit humbasin jetë njerëzish, qytetarët janë sensibilizuar dhe janë hedhur në një protestë para Ministrisë së Brendshme.

Siç shihen disa të rinj që në shenjë protestë kanë bllokuar rrugën para Ministrisë së Brendshme, duke u shtrirë përtokë bashkë me biçikletat e tyre.

Ndërkohë, mbrëmjen e sotme një çift bashkë me dy fëmijët e tyre në shenjë homazhi për viktimat e aksidentit ndezën qirinj para ministrisë së Brendshme. Sipas tyre kjo pasi është ky institucion që duhet të marrë masa për parandalimin e aksidenteve.

“Një njeri që udhëton me 150-200 km/h në orë në një rrugë, sado që të jetë limiti i saj, mendoj se është vrasës potencial. Se ai nuk u aksidentua, por vrau, mori në qafë dikë tjetër. Ka diçka që nuk funksionon këtu. Ne shohim kudo policë, por këta njerëz e lëvizin me mbi 150 km në orë janë aktiv.”, tha qytetari.