Menu

Sport

Barazim mes Uellsit dhe Zvicrës, Embolo shënoi i pari për 'helvetët', ndërsa Moor barazoi

Ndeshja e dytë e grupit A për Euro 2020 mes Uellsit dhe Zvicrës është mbyllur me shifrat e barabarta 1-1. Në stadiumin e Baku-s në Azrbajxhan pjesa e parë e ndeshjes u mbyll me porta të paprekura, pasi të dy skuadrat menduan më shumë për të studiuar kundërshtarin.

Në fraksionin e dytë të lojës të parët që kaluan në avantazh ishin zviceranët me Embolo-n që gjeti rrugën e rrjetës në minutën e 49, pasi ekzekutoi saktë me kokë. Në vijim të besuarit e Petkovic e morën më lehtë dhe Uellsi hodhi sytë nga porta kundërshtare. Për rrjedhojë në minutën e 74 Moor realizoi me kokë, duke rikthyer baraspeshën.

Pas ndeshjeve të para në Grupin A Italia kryeson me 3 pikë, më pas vijnë Uellsi me Zvicrën nga një pikë, ndërsa mbyll Turqia me zero pikë.

alert.al/

Itali e bukur dhe dominuese, “asfikson” Turqinë në sfidën hapëse

Italia e Roberto Mancinit të mbush syrin. Të kaltrit e nisin më marshin më të lartë Europianin, duke fituar me rezultatin e thellë 3-0 ndaj Turqisë në sfidën hapëse të eventit, e vlefshme për Grupi A. Dominim total i italianëve në “Olimpico” të Romës, ku Turqia bëri shumë pak, për të mos thënë asgjë, për të pretenduar diçka më shumë.

Një pjesë e parë e mbyllur pa gola, por e dominuar nga të kaltërve me lojë dhe rastet e krijuara.

Pas një fillimi të qetë të sfidës, italianët shtuan presionin në gjysmëfushën e Turqisë, duke krijuar moment ideal për shënimi në minutën e 18—të, por Lorenzo Insigne, nuk e kalibron si duhet të brendshmen e këmbës së tij të djathtë. Dy minuta më vonë futbollistët e Italisë kërkojnë 11-metërsh për prekje të topit me dorë, por as nuk ka dyshime kryesori, që vijon lojën.

Giorgio Chiellini, në të 22-tën, godet me kokë pas ekzekutimit të një këndoreje, por reagon në lartësinë e detyrës portieri Cakir.

Tjetër shans për Italinë në minutën e 33-të, këtë herë me Ciro Immobilen, goditja e të cilit me kokë përfundon jashtë. Në fundin e pjesës së parë pretendojnë sërish për 11-metërsh italianet për prekje të topit me dorë, edhe këtë herë nuk mendon kështu kryesori holandez Makkelie vendimi i të cilit konfirmohet edhe nga sistemi VAR.

Takimi, gjithsesi, do të zhbllokohej në minutën e 53-të me një autogol të Merih Demiral, me mbrojtësin e Juventusit që nuk u koordinua si duhet në momentin e pasimit të Berardit drejt qendrës, duke shtyrë në mënyrë të pavullnetshme topin drejt rrjetës.

Në të 57-tën Locatteli detyroi portierin Cakir të zgjatej për të shmangur një tjetër gol, ndërsa pak çaste më vonë Berardi gjuan keq pas këmbënguljes së gjatë të të kaltërve.

Gjithsesi, goli i dytë dhe i sigurisë për Italinë nuk do të vononte shumë dhe do të shënohej nga Ciro Immobile nga një distancë e afërt i shërbyer nga Spinazzola.

Turqia nuk ekziston më në fushë në një gabim i portierit i jep mundësinë edhe Lorenzo Insignes për të shënuar, duke vulosur rezultatin 3-0.

Italia ‘flirton’ me golin, shikoni çfarë ndodh në zonën e Turqisë

Po luhet në këto momente ndeshja hapëse e EURO 2020 mes Italisë dhe Turqisë, e vlefshme për grupin A.

Në minutën e 22′ Italianët iu afrua golit. Pas harkimit nga këndi të Insigne, kapiteni Chiellini godet me kokë, por fantastik portieri Xhakir, që bën mrekullinë duke devijuar topin në këndore.

Sot nis Kampionati Evropian i Futbollit, këngëtari Ermal Meta do të hapë ceremoninë!

Sot nis Kampionati Evropian i Futbollit. Ceremonia zyrtare do të nisë në orën 19:00, ndërkohë që ndeshja hapëse do të jetë mes Turqisë dhe Italisë në “Olimpico” në Romë.Në startin e Kampionatit Evropian të futbollit, do të jetë edhe një bashkëkombës i yni. Këngëtari Ermal Meta do të shoqërojë si kolonë zanorë me me hitin ‘uno’ në stadiumin olimpiko të Romës në ndeshjen hapëse Itali-Turqi

Në skenë do të ngjitet këngëtari me famë botërore Andrea Boceli, ndërsa zëri i Ermal Metës do të shoqërojë  rrëfimin e SKY Sport pak para nisjes së ndeshjes Itali-Turqi. Kënga UNO flet për një udhëtim me fjalë dhe muzikë që shkon në çdo fushë futbolli dhe tregon se ku nuk është e nevojshme të jesh i famshëm për të luajtur sport dhe shijuar atë.

Në Kampionatin Evropian të Futbollit do të përballen 24 skuadra finaliste, turne që do të zgjasë plot një muaj dhe finalja e madhe do të luhet në datën 11 korrik në stadiumin legjendar të Anglisë, Wembli. Për herë të parë do të kthehen edhe tifozët në stadiume, vendim që mori UEFA. Aot, në mbrëmje në shkallët e Olimpikos do të jenë 14 mijë spektatorë që kanë kaluar COVID , janë vaksinura ose kanë një test negativ COVID.

alert.al/

UEFA cakton arbitrat për ndeshjen hapëse të Kampionatit Europian

Kampionati Europian 2020 do të ngrejë siparin të premten në mbrëmje në stadiumin “Olimpico” të Romës, me sfidën hapëse që do ta luajnë të zotët e shtëpisë përballë Turqisë, ndërsa UEFA ka zyrtarizuar sot edhe arbitrat që do të vendosin drejtësi në atë takim.

Kështu holandezi Danny Makkelie është përzgjedhur nga qeveria europiane e futbollit për të drejtuar takimin Itali-Turqi, ndërsa asistentë të tij do të jenë Hessel Steegstra dhe Jan De Vries, gjithashtu holandezë.

Gjyqtare e katërt do të jetë francezja Stephanie Frappart, e cila u bë edhe femra e parë që arbitroi një ndeshje në Champions League, ndërsa arbitër i VAR-it do të jetë holandezi tjetër Kevin Blom.

“Titulli për trajnerin që humbi jetën”, Flamurtari kampion në basketboll për femra

Ekipi i Flamurtarit në basketboll për femra është shpallur për herë të 23 në histori kampion i vendit. Në pallatin e sportit të Vlorës vajzat e Flamurtarit kanë mposhtur në finalen e tretë me rezultatin 68-60 Partizanin, duke ngritur në fund edhe kupën. Kjo ka lumtuar pamasë protagonistët e këtij sezoni të mbushur me shumë vështirësi, ndërsa njëzëri titulli i është dedikuar Viron Toskës, trajnerit legjendë të këtij ekipi që ndërroi jetë pak muaj më parë për shkak të koronavirusit.

“Është titull që nuk është suprizë, pasi çdo vit kemi qenë traditë të jemi o në finale ose të dalim kampion. Ky është një vit i vështirë patjetër, pasi dua t’ia dedikoj ish-trajnerit legjendë të basketbollit Viron Toska, pasi nuk jeton më dhe ka lënë një boshllëk të madh,”-tha Klevis Kaso, shef i klubit.

Ky titull në basketboll për Flamurtarin vjen dy ditë, pasi klubi i futbollit preku fundin duke zbritur në kategorinë e dytë.

alert.al/

Shqipëria “bie” në Pragë, perla e Cikalleshit nuk mjafton!

Nga Praga Shqipëria largohet me kokën ulur, duke u mposhtur në miqësore ndaj Republikës Çeke me shifrat 3-1. Rezultat jo i mirë, por një fitore për kundërshtarin e pa merituar por që erdhi falë gabimeve që kuqezinjtë bënë.

Një pjesë e parë tepër e vakët nga ana e kuqezinjëve e shoqëruar edhe me gabime të shumta, e që ndoshta mund të justifikohen edhe me faktin se ishte një ndeshje miqësore. Sinjalin e parë çekët do ta jepnin që në minutën e 16-të me Jantko, por Selmani do të shfaqej vendimtar duke ndalur kundërshtarin. Sidoqoftë, në mundësinë e dytë të paraqitur, Çekia nuk fali. Patrick Schik në tentativën e tij me kokë ja doli të finalizonte. Kundërshtari do të përfitonte maksimalisht nga presingu i tyre, teksa brenda pak sekondash dy herë do të kërcënonte portën e Selmanit, fillimisht Masopust i cili falë Selmanit nuk ja doli të përfitonte nga gabimi i mbrojtjes tonë dhe pak çaste më pas ishte Schick, ai që tentoi të dyfishonte shifrat por fati ishte në krahun tonë. Çekia nuk do të ndalej pasi në të 28-ën, Jantko do t’i shkonte shumë pranë golit. Gjithsesi ateherë kur nuk pritej një perlë e Sokol Cikalleshit do të bënte të mundur të barazoheshin shifrat, duke realizuar golin e 11-të  me kombëtaren me sulmuesin kavajas që barazoi në vendin e 4-t të shënuesve më të mirë Salihin dhe Rrakllin. Me këtë supergol skuadrat i drejtohen dhomave të zhveshjes ne barazim 1-1.

Pjesa e dytë, nis me tension. Nw minutën e 56-të Celutska përplas në tok trajnerin Edy Reja një gjest i turpshëm dhe i panevojshëm që shkakton nervozizëm. Në minutën e 62-të, sërish Schik do të provonte të dilte fitues përballe Selmanit, por ky i fundit është në ditën e tij më të mirë. Gjithsesi kundërshtari sërish do të prishte humorin e Edy Rejas, pasi në të 68-ën Masopust dyfishon shifrat. Edhe njëherë mbrojtja shfaqet e pavëmendshme. Kuqezinjtë provojnë të reagojnë në min e 70-të dhe njëherë Cikalleshi në kërkim të eurogolit. Gjuatja e fortë e sulmuesit nga një distancë tepër e largët do të merrte si kundërpërgjigje, reagimin e Vaclik.

Në minutën e 73-të, Përpjekja e Manaj me kokë shkon mbi kuadrat. Mbrëmja do të mbyllej në mënyrën me të keqe për kuqezinjtë pasi në të 89-ën Celutska na jep edhe goditjen e tretë. Në sekondat e fundit ishte Keidi Bare që provoi të ngushonte rezultatin por topi shkoi në shtyllë, teksa pas tij ishte Laçi por sërish pa sukses. Një fitore për çekët e cila fare mirë mund të konsiderohet e dhuruar. Gabime të shumta që duhen korigjuar përpara se ndeshjet e vërteta ato të shtatorit në kualifikueset Botërorit të nisin.

Pse Reali nuk e mori trajnerin Antonio Conte? Arsyeja nuk është ekonomike

Antonio Conte ishte një pretendent real për postin e trajnerit të Real Madrid, por dështoi sepse për një arsye të çuditshme.

“The Times,” zbulon një bombë të vërtetë lidhur me dështimin e Contes në bisedimet për stolin e Realit, një revoltë të vërtetë të lojtarëve.

Sipas gazetës prestigjoze, 10 lojtarë të rëndësishëm të skuadrës, kanë kërcënuar presidentin Perez se do të largoheshin nëse trajner do të emërohej Antonio Conte. “The Times”, nuk i zbulon emrat e rebelëve, por siguron për burimin e lajmit, ndaj dhe numri 1 i klubit u tërhoq nga bisedimet.

Arsyeja nuk ishte ekonomike dhe as për kërkesa të trajnerit italian, por të grupit të cilët për shumë arsye nuk e pranonin dot atë. Stili i lojës, shumë mbrojtës është nje nga arsyet, e dyta temperamenti dhe stili autoritar i tij nuk pranohen nga futbollistët e Realit. Ndaj dhe Florentino Perez vendosi të rikthente Ancelottin, një trajner e thenë shqip, “babaxhan”, por dhe me stil loje ofensiv ashtu siç i ka hije një ekipi si Real Madrid.

alert.al/

“Me këtë shqipon që guxoi t’i bënte gol Juves”, Rama poston foton me sulmuesin e Kombëtares

Kryeministri Edi Rama ndodhet në Hungari për një vizitë 2 ditore në Hungari, ku do të takohet me zyrtarët e lartë të shtetit hungarez.

Rama është surprizuar nga futbollisti i kombëtares shqiptare, Myrto Uzuni, i cili luan në Hungari me Ferencvaros dhe i ka dhuruar Ramës fanellën e ekipit të tij, por e personalizuar me emrin e kryeministrit.

“Në Budapest me këtë shqipon që guxoi t’i bënte gol Juves në Champions, po që qenka një flori djalë, përveçse golashënuesi më i mirë i kampionëve të Hungarisë”, shkruan Rama krah fotos me Uzunin.

Rekord pas rekordi, Lukaku kalon edhe Gerd Müller

Një tjetër moment historik për Romelu Lukakun. Pas Muller, ai është lojtari më i ri që ka arritur 60 gola për ekipin kombëtar. Më mirë se Messi dhe Ronaldo.

Kampionati italian e bëri atë të rritet shumë. Ai gjithmonë e ka thënë këtë. Dhe pas një sezoni si protagonist, i cili përfundoi me fitoren e Scudettos së bashku me Interin e tij, Romelu Lukaku nuk ndalet dhe synon drejt Kampionatit Europian. Dhe e bën këtë në mënyrën më të thjeshtë për të nga të gjitha: duke shënuar.

60 gola me Belgjikën.
Në fakt, sulmuesi i Interit me golin e shënuar në miqësoren e Belgjikës kundër Kroacisë, arriti 60 gola në total me ekipin kombëtar, duke barazuar, në moshën njëzet e shtatë, një legjendë të futbollit botëror si Gerd Muller (këtë vit i mposhtur gjithashtu nga Lewandowski).

Më mirë se Ibra dhe Messi (dhe jo vetëm)
Gjithmonë më lartë, gjithmonë më fortë. Dhe me këtë gol, “Big Rom” arriti të vendosë një rekord tjetër historik. Me 93 paraqitje ndërkombëtare ai arriti të arrijë 60 gola shumë shpejt, duke kaluar Drogba, Neymar, Lewandowski, Ibrahimovic, Suarez, Klose, Messi dhe Cristiano Ronaldo: të gjithë atyre iu duheshin më shumë ndeshje për të arritur shifrën e 60-të golave.