Menu

Sport

Memet për penalltinë e Anglisë, mbretëresha në dhomën e VAR, polemika pafund për rastin

Anglia preku për herë të parë finalen e një evropiani falë edhe një episodi shumë të diskutueshëm, një penallti e akorduar në minutën e 104 që praktikisht nxori nga loja danezët. Jo vetëm hedhja e Sterling, por gjatë atij aksioni ishin në fushë edhe dy topa, shumë pranë njëri tjetrit, sipas rregullores: nëse një top i dytë, ose një tjetër objekt futet në fushë gjatë lojës, arbitri duhet të lejojë lojën vetëm në atë rast kur topi ose objekti nuk kanë asnjë influencë në lojë dhe duhet larguar sa më shpejt të jetë e mundur.

Ky nuk është rasti në këtë sfidë, pasi topi ishte aq pranë me aksionin dhe me topin tjetër dhe mund të konsiderohet si një objekt shpërqendrimi, që ka influence në aksion, në këtë rast arbitri duhet të kishte ndalur lojën.Jo vetëm ky episod, edhe Sterling bëri gjithçka duhej për të vjedhur atë penallti: “Ajo e Anglisë nuk ishte një penallti, kjo me jep shumë bezdisje. Jemi shumë të kundërt në analizën e atij episodi”, u shpreh trajneri i Danimarkës në përfundim të ndeshjes.Edhe vetë anglezët duket sikur e pranojnë në heshtje që ajo penallti nuk duhej akorduar: “Fituam me një penallti të sajuar”, shkruan Telegraph. Ky episod ka bërë xhiron në rrjetet sociale, nuk mungojnë thumbimet, meme epike ku përfshihen të gjithë, nga Sterling e deri tek mbretëresha Elizabet që ndodhet në dhomën e VAR.

 

Kasper Hjulmand: “Nuk meritonim të eliminoheshim kështu, në finale do bëj tifo për Anglinë”

Trajneri i Danimarkës, Kasper Hjulmand, pas ndeshjes është shfaqur i pakënaqur në konferencën për shtyp, për mënyrën se si Anglia i dha fund ëndrrës së skandinavëve në “Euro 2020”.

49-vjeçar skandinav këmbënguli, se penalltia e dhënë në favor të Anglisë, në shtesën e parë rtë ndeshjes, nuk duhej të akordohej për shkak se në atë moment kishte dhe një tjetër top në fushë, çka e ka zhgënjyer tej mase.

“Ishte një episod që nuk duhej të ishte penallti. Është diçka që më bezdis. Tingëllon e çuditshme, por nuk mund të mos e ripërsëris atë moment. Në lojë dikush fiton dhe dikush humbet, por të humbasësh në këtë mënyrë është zhgënjyese, sepse këta futbollistë kanë luftuar shumë për të arritur këtu”,- ka deklaruar trajneri i Danimarkës.

Në përfundim, Kasper Hjulmand i përgëzoi rivalët, duke konfirmuar se ndryshe nga Luis Enrique, që do të mbështeste Italinë, ai do të bëjë tifo për Anglinë në finalen e madhe të “Euro2020”, që do të zhvillohet të dielën e 11 korrikut në “Wembley” të Londrës.

alert.al/

EURO 2020/ Sot Anglia dhe Danimarka luftojnë për finalen me Italinë

Anglia dhe Danimarka do të takohen në kuadër të gjysmëfinales së Euro 2020. Ndeshja që fillon në ora 21:00, do të luhet në “Wembley Stadium”, me Tre Luanët që shihen si favoritë.

Për Anglinë, Dean Henderson nuk do të jetë në gjendje të paraqitet, për shkak se është i lënduar.

Në anën tjetër, Danimarka do të jetë pa Christian Eriksenin, arsyen se përse janë deri këtu, duke luftuar pothuajse vetëm për të, shkaku i incidentit që ndodhi në fillim të këtij kampionati Evropian.

Anglezët janë mikpritës të danezëve, e natyrisht se do të kenë epërsinë numerike, pasi me ta do të jenë edhe tifozët.

Fituesi i këtij dueli të sontëm, do të takohet në finale me Italinë që e eliminoi Spanjën. alert.al/

Italia dhe Spanja përplasen për finalen, sot një nga ndeshjet më të forta të EURO 2020

Është momenti që kanë pritur të gjithë, e kanë ëndrruar tifozët italianë dhe spanjollë ndërsa skuadrat shikojnë që po o afrohen objektivit të madh.
Sot në orën 21:00 në Wembley do të luhet gjysmëfinalja e parë e Kampionatit Europian ku Italia dhe Spanja do të përplasen në një duel shume interesant dhe ku spektakli me emocionet e mëdha nuk do të mungojnë.

Do të jetë arbitri gjerman, Felix Brych që do të vërë drejtësi në përballjen e madhe në Wembley dhe ku pritet të ketë deri në 60 mijë tifozë. Fatkeqësisht, do të ketë shumë pak tifozë italianë apo spanjoll të ardhur nê Angli për shkak të kufizimeve por do të ketë shumë nga të dyja skuadrat të tifozëve që jetojnë aty në ishull.

Ashtu si Itali edhe Spanja kanë vetëm një lojtar të dëmtuar, ku Spinazzola e mbylli për të kaltërit teksa te spanjollët Sarabia është në dyshim por mund t’ia dalë.

Pothuajse Mancini dhe Luis Enrique do të luajnë me formacionet që përdorën në çefekfinale duke u besuar futbollistëve që i cuan deri në këtë fazë të Euro 2020.

Dueli Itali-Spanjë është i hershëm me skuadrat që janë ndeshur shumë herë si në Europian, në Botëror në eliminatoret e ketyre dy eventeve apo edhe miqësore.

Në takimet e fundit, që patën ishin dy perballjet në grupin eliminator të Botërorit 2022 ku Spanja fitoi 3-0 në shtëpi ndërsa Italia barazoi 1-1 në kthim por duhet thënë që ishte vetem starti i Mancinit tek të kaltërit.

Ndërkohë që në Europianin e 2016, Italia e drejtuar nga Conte eliminoi Spanjën në 1/8 me rezultatin 2-0 ndërsa në Kampionatin Europian të 2012, Spanja dominoi Italinë në finale me rezultatin 4-0 ku dhe ngriti për herë të dytë trofeun e kontinetit.

alert.al/

(VIDEO) Immobile shkakton të qeshura, ndërsa shtiret si i dëmtuar në fushë

Sfida e mbrëmjes së djeshme mes Blegjikës dhe Italisë ka sjellë edhe një situatë komike.
Në minutën e 31-të të ndeshjes Ciro Immobile pretendoi për një faull në zone, duke u shtirur për një dëmtim serioz, por në vijimet e aksionit të shokëve të tij të skuadrës, Barela realizoi gol. Immobile ngrihet në këmbë menjëherë, sikur nuk kishte ndodhur asgjë, sapo pa që u shënua gol. Kjo situatë shkakoi të qeshura në “BBC”, ku në koment ishin legjenda të futbollit anglez si Lineker dhe Alen Shirer. alert.al/

Bashkia e Tiranës miraton fondin për financimin e ekipit shqiptar në Lojërat Olimpike të Tokyos

Bashkia e Tiranës do të mbështesë financiarisht përfaqësuesit e ekipit shqiptar në Lojërat Olimpike “Tokyo 2020”. Këshilli Bashkiak i Tiranës ka miratuar një fond prej 9,470,500 lekë, si mbështetje financiare për pjesëmarrjen në Lojërat Olimpike të sportistëve tanë elitarë, si shtesë buxheti i Klubit Sportiv “Tirana”.

Sportistë olimpistë si Briken Calja, Luiza Gega, Izmir Smajlaj, Erkand Qerimaj, Indrit Cullhaj, Matvei Petrov, Manuela Delilaj, Nikol Merizaj dhe Kledi Kadiu prej kohësh po zhvillojnë përgatitjet dhe po stërviten për eventin më të madh sportiv i cili për shkak të vitit të vështirë pandemik u shty për këtë vit.

Bashkia e Tiranës ka mbështetur edhe më herët sportistët në garat kualifikuese, ndërsa tashmë, sic ka premtuar, po financon edhe grumbullimin e ekipit Olimpik 40 ditë para Lojërave Olimpike, udhëtimin drejt Tokios, Japoni dhe sërvitjen e tyre për këtë event të rëndësishëm sportiv.

Euro 2020, Anglia favorite ndaj Ukrainës për gjysmëfinalen e dytë, ndërsa Danimarka përballet me Çekinë

Anglia pasi eliminoi Gjermaninë në 1/8 është gati edhe për Ukrainën në sfidën e orës 21:00 që luhet në “Olimpico” të Romës. Skuadra është favorite për ta fituar sfidën e çerekfinaleve por trajneri Gareth Southgate thotë se ekipi i tij ende nuk e ka ngjitur Everestin dhe se mezi pret të zbresë sonte në fushë. Pas katër ndeshjeve të zhvilluara në shtëpinë e saj në “Ëembley” Anglia sot luan në Romë dhe do ketë mungesën e tifozëve. Pritet që të ketë ndryshime në formacion dhe të rikthehet mbrojtja me katër ndërsa “Tre luanët” janë i vetmi ekip që ende nuk ka pësuar gol.

Ukraina me kalimin në çerekfinalet  e Euro 2020 pasi eliminoi Suedinë tashmë e ka bërë historinë por trajneri Andriy Shevchenko është i bindur se skuadra e tij mund ta surprizojë edhe Anglinë.

Më herët në orën 18:00 Çekia dhe Danimarka kanë shansin e artë për të kaluar mes katër më të mirave të Euro 2020 kur të përballen në Baku. Çekët eliminuan Holandën në 1/8 dhe kanë rezervuar suprizën e radhës. Trajneri Silhavy vlerëson rivalët dhe thotë se sfidën do e zgjidhin detajet. Në fushë do zbresë formacioni më i mirë i çekëve i udhëhequr nga Patrick Schick autor i katër golave.

Danimarka do të kërkojnë kalimin në gjysmëfinale për t’ia dedikuar Eriksen. Të paktën këtë ka thënë trajneri i danezëve Kasper Hjulmand i cili thekson se ekipi i tij do të luajë pa frikë dhe ëndërron fitoren.Pritet që në fushë të zbresin të njëjtët futbollistë që mposhtën Uellsin në 1/8. Danimarka ka shënuar 8 gola në dy ndeshjet e fundit.

alert.al/

Veliaj me kampionin e botës në gjimnastikën artistike Matvei Petrov: Na ndero edhe në Lojërat Olimpike!

Pasi u shpall kampion bote në Gjimnastikën Artistike për ngjyrat kuqezi, objektivi i radhës i gjimnastit rus, Matvei Petrov, tashmë është medalja e parë në historinë e Shqipërisë në Lojërat Olimpike. Së bashku me trajnerin Alon Hasa, sportisti rus, i cili përfaqëson Shqipërinë në arenën ndërkombëtare, ka marrë përgëzimet e kryetarit të Bashkisë së Tiranës, Erion Veliaj. Përmes një bisede online, Veliaj e uroi Matvein për medaljen e arit në Kupën e Botës në Osijek të Kroacisë, ndërsa i ka uruar të njëjtin sukses edhe në Olimpiadën e Japonisë.

“Je zyrtarisht numri një në botë! Le të sigurohemi që kjo të zgjasë për një kohë të gjatë,” u shpreh Veliaj, i cili nga ana tjetër siguroi se në Tokio gjithçka është gati për stërvitjen e kampionit. “Kam lajme të mira: Sot do t’ju kalojmë sponsorët që të keni fonde për përgatitjet në Japoni. Do kesh mundësi të shfrytëzosh palestrën në periferi të Tokios, që kur të transferohesh te fshati olimpik të jesh super në formë,” deklaroi kryebashkiaku i Tiranës.

Ndërkaq, Veliaj tha se suksesi i gjimnastëve që krenojnë Shqipërinë në kompeticione ndërkombëtare duhet të na shërbejë edhe si frymëzim për formimin e një brezi të ri sportistësh të motivuar. Kjo falë edhe mundësisë që ka krijuar Tirana me shkollat e reja ku një standard të ri kanë krijuar edhe ambientet sportive.

“Shpresoj që shembulli yt të shihet si mundësi për të ndërtuar bashkë një program, me anë të të cilit të inkurajojmë fëmijët e vegjël. Jemi në proces të përfundimit të disa shkollave të reja dhe kemi rënë dakord nga hera e kaluar që një nga palestrat të jetë e specializuar për gjimnastët,” deklaroi Veliaj. “Për shumë njerëz nuk është interesante, por ne nuk e bëjmë vetëm për veten. Të tjerët duhet ta shikojnë, gjimnastika ka ndryshuar vitet e fundit,” u shpreh Matvei.

Kjo nuk është hera e parë që gjimnasti, Matvei Petrov, i cili erdhi nga Rusia për të përfaqësuar Shqipërinë, lartëson vendin tonë. Më herët, Shqipëria fitoi medaljen e artë në Kampionatin Europian të Gjimnastikës i cili u zhvillua në Turqi.

alert.al/

FSHF: Hapen stadiumet, sot tifozët mund të ndjekin finalen e kategorisë U15 në "Selman Stermasi"

Me vendim të komitetin të ekspertëve nga sot, më 1 korrik, lejohet që tifozët shqiptarë të rikthehen në stadium. Autoritet kanë vendosur që impiantet sportive të mbushen në kapacitetin 30% gjashtëmbëdhjetë muaj pas shpërthimit të pandemisë. Ndeshja e parë që do luhet më tifozët në stadiume është sot finalja e kategorisë superiore për 15-vjeçar në stadiumin ‘Selman Stërmasi’, ndërsa ky është një lajm mjaft pozitiv në prag të pjesmarrjes së skuadrave shqiptare në kupat e Europës.

Njoftimi i FSHF-së:

Pas thuajse 16 muajsh pa tifozë në stadiume, për shkak të pandemisë së shkaktuar nga Covid-19 që preku të gjithë botën, Komiteti Teknik i Ekspertëve mori një muaj më parë vendimin që prej 1 korrikut 2021 do të lejohen kampionatet sportive me prezencë të tifozëve me kapacitete të reduktuara deri në 30% të stadiumit, sipas protokollit të Institutit të Shëndetit Publik.

Kështu, duke filluar nga sot, tifozët mund të jenë të pranishëm në stadiumet shqiptare dhe mund të ndjekin finalen e Kategorisë Superiore U-15 që do të zhvillohet në stadiumin “Selman Stërmasi” si edhe finalet e turneut të përfaqësueseve rajonale për grup-moshat U-14 dhe U-13 që do të luhen në stadiumin “Elbasan Arena”.

Gjithashtu, skuadrat shqiptare që marrin pjesë në kompeticionet e UEFA-s, Teuta, Vllaznia, Partizani dhe Laçi, në ndeshjet e kthimit që do të luhen në Shqipëri, do të kenë mundësi të kenë një numër të limituar tifozësh në shkallët e stadiumeve, me 30% të kapacitetit të tij.

Më tej, nga shtatori do të rikthehen emocionet edhe për tifozët kuqezi, të cilët do të kenë mundësi të ndjekin Kombëtaren nga afër, në ndeshjen e vlefshme për kualifikueset e kampionatit Botëror “Katar 2022” ndaj Hungarisë më 5 shtator dhe tre ditë më vonë kundër San Marinos.

alert.al/

(Video) Para ndeshjes me Belgjikën, Macini ka dy pikëpyetje për ekipin që do të hedhë në fushë

Dy nyje akoma për tu zgjidhur nga Roberto Mancini në vigjilje të sfidës kundër Belgjikës. Një prej tyre është i qartë prej kohësh, Chiellini në qendër të mbrojtjes. Kjo dilemë pritet ti marrë akoma më shumë kohë, pasi për kapitenin pritet të vendoset vetëm pas seancës së fundit stërvitore. Lukaku është një “bishë” që Bonucci mund ta përballojë së bashku me kapitenin në krahë. Chiellini është stërvitur rregullisht por do të jetë ai në fund që do të vendos, nëse është gati për këtë përballje titanësh, nëse jo, Mancini e ka gati dyshen Bonucci-Acerbi, qendërmbrojtësi i Lazios është provuar titullarë si në ndeshjet e kontrollit ashtu edhe në goditje standarde.

Nyja tjetër është Chiesa, protagonist në fitoren e Italisë kundër Austrisë, ishte ai që zhbllokoi sfidën. Mancini sheh tek Chiesa lojtarin e duhur për të sulmuar “murin” belg, për momentin futbollisti i Juves ka më shumë kuota se sa Berardi, mund të jetë Chiesa ai që do të plotësojë tredhëmbëshin ofensiv së bashku me Immobile dhe Insigne. Pjesa tjetër nuk pritet të ketë ndryshime në raport me ndeshjen e fundit, Di Lorenzo dhe Spinazzola nga krahët e mbrojtjes ndërsa treshja e mesfushës do të formohet nga Barella-Jorginho dhe Verratti, Locatelli dhe Pessina do të jenë gati në çdo moment për tu hedhur në fushë si zëvendësues.