Menu

Hardhuca e ngordhur në sallatë, tronditet klientja e një restoranti

Mediat lokale në qytetin Siatëll të Shteteve të Bashkuara kanë raportuar për një grua, e cila ka gjetur një hardhucë të ngordhur në sallatën e saj në një restorant të këtij qyteti. Maniza Qureshi madje e ka raportuar incidentin e saj në një nga qendrat e shëndetit publik, si një eksperiencë tronditëse, gjatë kohës që po drekonte në një restorant të rrjetit Evergreens.

Inspektori i shëndetit publik mësohet se është shprehur që nuk janë raportuar raste të tjera të ngjashme për këtë lloj restoranti. Sipas tij, bazuar nga perimet që gjendeshin në pjatë, është e mundur që hardhuca të ketë qenë në ndonjë nga paketimet e perimeve.

Bill Marler, një ekspert në fushën e sigurisë së ushqimit, u shpreh për një televizion lokal që të gjesh krijesa në ushqim nuk është diçka e rrallë.

‘Gjarpërinj, minj, merimanga, ndonjëherë të gjalla, ndonjëherë të ngordhura’, u shpreh Marler. Por gjëja pozitive është që të gjitha këto kafshë, sado groteske të duken, nuk shkaktojnë sëmundje të individëve’, tha ai.

Zonja Quresha u shpreh për mediat që një pjesë e këmbës dhe e bishtit të hardhucës nuk ishin aty, duke e bërë atë që të mendonte që ajo mund ti kishte ngrënë këto pjesë, ose mund të ishin në ushqimin e dikujt tjetër.

Mediat kanë deklaruar që menaxherët e restorantit ishin po aq të shokuar sa vetë klientët.

CEO i restorantti Evergreens, u shpreh për mediat që kompania që ai zotëron paguan një çmim për furnizuesit e tyre që të sigurohet që sallata të jetë e sigurtë.

Ndërkohë, klientja e tronditur nga sallata, tha per mediat që situata u bë publike sepse ajo mendon që punonjësit e restorantit duhej që ta kishin pikasur kafshëzën ndërkohë që po përgatisnin sallatën.

Sipas raportit të inspektorëve të shëndetit publik, stafi duhej që të shikonte sallatën përpara se t’ia servirin klientëve.

Gjithashtu raporti nënvizion që sallata është nga Kalifornia por nuk e tregon prejardhjen e perimeve të tjera, të tilla si Kale.

Burimi: Food Safety News

Qendra Alert

alert.al

Postime të ngjashme

LINI NJË KOMENT

Make sure you enter the(*) required information where indicated. HTML code is not allowed