Në fjalën e saj në Samitin e Tretë të Grave të Diasporës, deputetja e PS Klotilda Ferhati foli për rëndësinë që kanë aktivitete të tilla si frymëzuese ndaj shumë grave, por edhe për fuqizimin e atyre grave që ndodhen në vështirësi ekonomike.
“Ne nuk kemi bërë aq shumë sa duhet, por aktivitete të tilla më mbushin me energji pozivite për të bërë më shumë punë. Prej vitesh kemi punuar shumë edhe për forcimin e kapacitetit të gruas në politikë, por edhe për fuqizimin e atyre që ndodhen në vështirësi ekonomike. Organizime të tilla që nuk mbarojnë me një event, jo vetëm që ndihmojnë gratë e suksesshem që të ndajnë ide të përbashkëta, por ndihmojnë edhe për të bërë diçka edhe për gratë e tjera. Shumë gra në politikë luftuan për kuotat, që të kemi më shumë gra përfaqësuese në politikë. Nuk ka qenë dhe nuk është e lehtë, tani që jemi më shumë gra në politikë duhet të mendojmë se çfarë të bëjmë që të ndihmojmë gratë e tjera që të dalin nga problemet sociale dhe ekonomike që ndodhen. Krijoni një dimension se si të ndihmoni gratë që të ecin në ritmet e punës suaj”-tha deputetja Ferhati.
Qendra Alert/Alert/al
LINI NJË KOMENT