Menu

Fermerët e Frakullës në vështirësi, luleshtrydhja greke konkuron atë vendase

Ditët e festave përfunduan dhe menjëherë fermerët e Frakullës në Fier po hasin vështirësi në shitjen e prodhimit të luleshtrydhes. Konkurenca nga vendi fqinj, Greqia, ka nisur dhe kjo është reflektuar menjëherë në çmim. Për ndërrimin e viteve një kg luleshtrydhe u shit me 400 lekë të reja, ndërsa sot ky çmim është përgjysmuar. Importi nga jashtë po dëmton fermerët të cilët kërkojnë zgjidhje për rregullimin e tregut.

“Sa erdhi luleshtrydhja nga Greqia në Tiranë, bllokoi menjëherë tregun tonë. Për vit të ri e shitëm me 4 mijë lekë, tani as me 2 mijë lekë të vjetra nuk po e heqim dot. Kemi bërë dhe investimeve sepse kushtet atmosferike nuk na favorizuan. Kështu që kërkojmë zgjidhje”- thotë një prej fermerëve.

Lumi Vjosë ka kërcënuar herë pas here fermerët duke shkaktuar dëme të mëdha. Megjithatë problemi më i madh i tyre mbetet tregu. Në këtë pikë është edhe konsumatori i cili duhet të zgjedhë për të blerë produktin vendas apo atë të importit.

Qendra Alert / Alert.al

Related Posts

LEAVE A COMMENT

Make sure you enter the(*) required information where indicated. HTML code is not allowed