Rapex ka ngritur sërish alarmin për disa produkte jo ushqimore, të përdorimit të përditshëm. Në njoftimin e Rapex renditen si të rrezikshme një sërë produktesh, nga lodrat për fëmijët, veshje, barbeque, produkte kozmetike etj. Sipas Rapex këto produkte nuk janë në përputhje me direktivat e BE.
Pjesët e vogla (një sy plastik nga kukulla dhe unaza) mund të shkëputen lehtësisht nga lodrat. Një fëmijë i vogël mund t’i fusë në gojë dhe t’i mbyt.
Pantallonat e shkurtra kanë litarë të gjatë me skaj të lirë në zonën e belit që mund të bllokohen kur fëmijët luajnë, duke sjell lëndime. Produkti nuk përputhet me kërkesat e Direktivës së Përgjithshme të Sigurisë së Produktit dhe me standardin përkatës Evropian EN 14682.
Grila e Barbeque bëhet shumë e nxehtë duke arritur një temperaturë prej 87 gradë mbi temperaturën e ambientit (kufiri është 50 gradë). Si pasojë, përdoruesi mund të pësojë djegie dhe produkti mund të shkaktojë zjarr. Produkti nuk përputhet me kërkesat e Direktivës së Përgjithshme të Sigurisë së Produktit dhe standardit përkatës Evropian EN 1860-1.
Sipas listës së përbërësve, produkti përmban Hydroquinone (2.0%). Hydroquinone mund të shkaktojë acarim të lëkurës dhe dermatit. Produkti nuk përputhet me Rregulloren e Produkteve Kozmetike.
Safety Gate for dangerous non-food products (europa.eu)
Qendra Alert/Alert.al
LINI NJË KOMENT