Menu

Çfarë janë aditivët ushqimorë dhe domosdoshmëria e përdorimit të tyre

Cilat janë aditivët e ushqimit?

Aditivët janë substanca që përdoren për një sërë arsyesh, si konservimi, ngjyrosja, ëmbëlsimi etj. Gjatë përgatitjes së ushqimit legjislacioni i Bashkimit Evropian i përcakton ato si “çdo substancë që normalisht nuk konsumohet si ushqim në vetvete dhe nuk përdoret si një përbërës karakteristik i ushqimit, pavarësisht nëse ka apo jo vlerë ushqyese”.

Shtuar në ushqim për qëllime teknologjike në prodhimin, përpunimin, përgatitjen, trajtimin, paketimin, transportin ose ruajtjen e tij, aditivët ushqimorë bëhen pjesë përbërëse e ushqimit.

Aditivët mund të përdoren për qëllime të ndryshme. Legjislacioni i BE-së përcakton 26 qëllime teknologjike. Aditivët përdoren, ndër të tjera, si:

Ngjyrues- ato përdoren për të shtuar ose rivendosur ngjyrën në një ushqim

Konservues – këto shtohen për të zgjatur jetëgjatësinë e ushqimeve duke i mbrojtur nga mikroorganizmat

Antioksidantë – substanca që zgjasin afatin e ruajtjes së ushqimeve duke i mbrojtur nga oksidimi (p.sh. prishja e yndyrës dhe ndryshimet e ngjyrës)

Agjentët për trajtimin e miellit – i shtohen miellit ose brumit për të përmirësuar cilësinë e pjekjes.

A janë të sigurt aditivët ushqimorë?

Siguria e të gjithë aditivëve ushqimorë që janë aktualisht të autorizuar është vlerësuar nga Komiteti Shkencor i Ushqimit (SCF) ose Autoriteti Evropian i Sigurisë Ushqimore (EFSA). Vetëm aditivët për të cilët përdorimet e propozuara konsideroheshin të sigurta janë në listën e BE-së. (Food Safety)

Qendra Alert/Alert.al

Postime të ngjashme

LINI NJË KOMENT

Make sure you enter the(*) required information where indicated. HTML code is not allowed