I ftuar në emisionin “Alert” në News24 nga Granit Sokolaj, Sokol Abazi kimist, administrator i Tenuis ka folur për analizën e substancave të rrezikshme në vendin tonë, mungesën e laboratorëve dhe dëmin financiar të shkaktuar nga analizat që i bëjmë jashtë vendit.
“U pretendua për substanca kancerogjene, të cilat kanë pasoja në shërbimin human. Para denoncimit në SPAK, ndoshta duhet fillimisht t’i drejtoheshin Ministrisë së Bujqësisë për të hetuar për rastin. ISUV ka detyrë për të garantuar sigurinë ushqimore. Prania e antibiotikëve në mish apo qumësht, duhet të parandalohet nga ISUV, pasi është detyrë e tij. Në ISUV po bëhen përpjekje për t’i analizuar këto antibiotikë, përsa i përket principeve aktive, por ISUV nuk e ka atë kapacitet që t’i analizojë. ISUV duhet të veprojë në bazë të planit të riskut, pasi ky do ishte një sulm i parë që çdo antibiotik dhe preparat duhet të jetë sipas asaj të deklaruar në etiketë. Këtu kemi dhe shumë pesticide që futen. Ka shumë substanca që janë shumë të dëmshme dhe që t’i analizosh është një punë kolosale dhe duhet staf i kualifikuar. Janë me qindra preparate që futen në Shqipëri dhe duhet thënë se ISUV praninë e mbetjeve nuk e analizon këtu, por në Bruksel. Janë qindra milionë euro që paguhen, të cilat duhet të kishin menaxhim më të mirë, instrumentat për kimikate nuk është në gjendje t’i analizojë. Vendet e Europës kanë laboratorë, ne më shumë para na shkojnë për transportin se sa për analizën. Nuk ka patur asnjë interes nga ISUV për të pasur këto laboratorë, kemi dëm financiar shumë të madh dhe me ato lekë duhet të kishin blerë instrumentet që duhen”-deklaroi Sokol Abazi.
Emisioni Alert
Qendra Alert/Alert.al
LINI NJË KOMENT