Autoritetet në Zelandën e Re kanë shtrënguar rregullat e importit rreth ushqimeve me baze susami dhe halvës nga Siria, pas një shpërthimi të Salmonellës.
Një shpërthim i Salmonella Kintambo në fillim të këtij viti infektoi 3 pacientë që kishin konsumuar produkte me bazë susami nga Siria. Dy persona u shtruan në spital. Izolimet treguan se rastet ishin të lidhura ngushtë dhe kishin të njëjtin lloj sekuence si në një shpërthim të vazhdueshëm evropian, të lidhur me të njëjtin lloj produktesh.
Në korrik, Lindja e Mesme tërhoqi tufa specifike të markës Algota Sesame Tahini, për shkak të pranisë së mundshme të Salmonellës. Testimi i Sigurisë Ushqimore të Zelandës së Re të produkteve të tahinit dhe halvës gjeti Salmonella Kintambo, Salmonella Amsterdam dhe Salmonella Orion.
Agjencia ka ndryshuar planin e kampionimit për produkte të tilla me rrezik të lartë. Ndryshimet nënkuptojnë se të gjitha dërgesat e produkteve të farave të susamit të grimcuar, si tahini dhe halva, duhet të merren kampione dhe të testohen për Salmonellën, kur eksportohen nga Siria. Të gjitha produktet do të kërkojnë marrjen e mostrave dhe testimin për të fituar zhdoganimin në kufi. Përditësimi nuk prek produktet e farave të susamit nga vende të tjera.
“Ne inkurajojmë importuesit e këtyre produkteve që të shfrytëzojnë këtë mundësi për të konfirmuar me furnitorët e tyre jashtë shtetit se produktet që ata furnizojnë janë të sigurta dhe të përshtatshme për import në Zelandën e Re”- tha Siguria Ushqimore e Zelandës së Re. (FoodSafety)
Qendra Alert/Alert.al
LINI NJË KOMENT