Menu

Dritan Laçi: Abuzimi me preparatet që importohen tek ne dhe që s’janë të regjistruara nga EMA

I ftuar në emisionin “Alert” në News24 nga Granit Sokolaj, Dritan Laçi pedagog i Mjekësisë Veterinare në UBT ka folur për abuzimin me preparatet që vijnë nga jashtë dhe nuk e kanë detyrim ligjor të jenë të regjistruar në BE ose EMA.

“Problematika në Shqipëri është shumë komplekse, pasi medikamentet e regjistruara në EMA është detyrim përsa i përket antibiotikëve dhe jo dezinfektantëve apo vitaminave. Sot në treg në Shqipëri padiskutim që qarkullojnë kjo kategori që absolutisht nuk është e regjistruar në EMA. Për t’i importuar antibiotikët është e detyruar regjistrimi në një vend të BE ose EMA. Por, mund të gjesh preparate që nuk janë antibiotikë që jo detyrimisht duhet të jenë të regjistruar në BE ose EMA. Kjo është pika që abuzohet, që duhet të hetohet për përmbajtjen e këtyre substancave që futen në Shqipëri. Ka një strukturë që merret me licencimin e preparateve të reja që importohen, është një bord me 5-6 persona, pra një komision. Gjithashtu ekzistojnë dy komisione, një për medikamente veterinare dhe një për medikamente humane, e shoh një rast të veçantë Shqipërinë në krahasim me vendet e BE. Pasi nëse molekula e antibiotikut që ekziston tek një preparat human dhe që ndryshon tek ai veterinar, nuk e kam gjetur deri më sot. Pjesa e zgjidhjes, nëse te shëndeti publik janë 40 veta që e ndjekin e certifikojnë, në pjesën veterinare janë 5 vetë, pra ka diferencë të konsiderueshme. Plani kombëtar i monitorimit të mbetjeve vjen i përcaktuar nga Brukseli. Pjesa e monitorimit të mbetjeve është pjesë e veterinarisë dhe buxheti vjen për këtë pjesë. Çohen për një konfirmim të dytë ato mostra që janë drejt një pragu të alertit. Nëse dalin të pastra nuk ka pse dalin jashtë dhe të analizohen sërish. Të dhënat duhet të jenë publike është detyrim ligjor”-tha Dritan Laçi.

Emisioni Alert

Qendra Alert/Alert.al

Postime të ngjashme

LINI NJË KOMENT

Make sure you enter the(*) required information where indicated. HTML code is not allowed