Detaje të reja për aksidentin në Lezhë. 4 makina janë përplasur me njëra-tjetrën, duke lënë 4 të plagosur, mes tyre edhe fëmijë. Kjo ngjarje e rëndë është regjistruar pasditen e kësaj të shtunë në autostradën Lezhë-Milot, pranë fshatit Mabë.
Këto janë pamje nga vendi i ngjarjes ku shihet që përplasja ka qenë shumë e fortë, por nuk dihen ende gjendja të plagosurve. Ato janë dërguar me urgjencë në spital. Nuk dihen shkaqet e këtij aksidenti, por kjo ngjarje ka shkaktuar trafik të rënduar në këtë aks.
Njoftimi paraprak i Policisë
“Rreth orës 17:25, në aksin rrugor Shkodër-Lezhë, në fshatin Mabë, ka ndodhur një përplasje automjetesh ,ku për pasojë kanë marrë dëmtime 4 shtetas, të cilët janë transportuar në spitalin Rajonal Shkodër dhe Lezhë. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes”, njofton policia.
LINI NJË KOMENT