Rreshjet e rrëmbyeshme që kanë rënë gjatë këtyre ditëve i kanë dhënë Lumit Vjosa një densitet të lartë të prurjeve. Rrjedha e ujit rrezikon të dal nga shtrati dhe të parat që dëmtohen janë shtëpitë dhe pronat e banorëve të fshatrave përreth. Konkretisht, lidhur edha nga eksperienca e viteve të kaluara, fshatrat Bocovë, Bashkim, Pish-Poro, Ferras, Zhukë, Poro, Bishan, Novoselë janë në hartën e kuqe të përmbytjeve. Në këto kushte marrja e masave është domosdoshmëri për shmangien e humbjeve ekonomike në bujqësi dhe blegtori.
Edhe fermerët e zonës së Frakullës janë të rriskuar. Parcelat e tyre që kultivojnë luleshtrydhe mund të përfshihen nga përmbytjet nëse nuk merren masa. Prodhimi i fermerëve është në një fazë përgatitje për treg dhe dëmi ekonomik do të ishte i lartë. Rreshjet e vazhdueshme kërkojnë një rritje të reagimit nga ana e instancave vendore dhe qendrore për parandalimin e ndonjë fatkeqësie të mundshme.
Në tone paralajmëruese ishte edhe deklarata e Presidentit Ilir Meta, i cili nëpërmjet rrjeteve sociale kërkonte që mbështetja e fermerëve dhe sigurimi i pronës së tyre të ishte pjesë një nga detyrat kryesore të emergjencave civile. Sipas kreut të shtetit duhet të sigurohen hambarët e fermerëve si dhe bagëtit e tyre.
Postimi i Presidentit Meta në facebook:
Fotot dhe videot në vijim na sjellin një panoramë të asaj çfarë po ndodh në zonën e jugut.
Qendra Alert / Alert.al
LEAVE A COMMENT