Drejtor i Veterinarisë

Erson Dhimespira, Drejtor i Veterinarisë në AKVMB, deklaroi në pjesën e tretë të emisionit “Alert”, moderuar nga Granit Sokolaj, se çdo lëvizje e kafshëve duhet të shoqërohet me dokumentin zyrtar të lëvizjes, i cili regjistron destinacionin dhe gjurmueshmërinë e tyre nga pika e nisjes deri në destinacionin përfundimtar.

Ai u bëri thirrje fermerëve që të pajisen gjithmonë me certifikatën përkatëse të lëvizjes së kafshëve, duke e kërkuar atë pranë njësive administrative ose përmes platformave zyrtare,

me qëllim garantimin e kontrollit veterinar dhe parandalimin e përhapjes së sëmundjeve.

Erson Dhimespira, Drejtor i Veterinarisë në AKVMB, deklaroi në pjesën e tretë të emisionit “Alert”, moderuar nga Granit Sokolaj, se shërbimi veterinar ndjek me kujdes situatën e sëmundjeve të kafshëve përmes njoftimeve, ndërgjegjësimit dhe evidentimit të rasteve në nivel rajonal dhe kombëtar.

Ai theksoi se monitorimi i vazhdueshëm është i domosdoshëm, veçanërisht kur raportohen shpërthime sëmundjesh në vendet fqinje, për të parandaluar përhapjen përmes kontrollit të lëvizjes së kafshëve dhe kontakteve ndërkufitare.

Sipas tij, një nga sfidat kryesore mbetet menaxhimi i sëmundjeve ndërkufitare, të cilat kërkojnë koordinim më të fortë mes institucioneve dhe bashkëpunim rajonal për të garantuar mbrojtjen e shëndetit të kafshëve dhe sigurinë e prodhimit blegtoral.

Erson Dhimespira, Drejtor i Veterinarisë në AKVMB, deklaroi në pjesën e tretë të emisionit “Alert”, moderuar nga Granit Sokolaj, se për procesin e dëmshpërblimit të fermerëve përgatitet dokumentacioni i plotë, i cili më pas i dërgohet Ministrisë së Financave për vijimin e procedurave përkatëse.

Sipas tij, verifikimi dhe ekzekutimi i dëmshpërblimeve bëhen në bashkëpunim me pushtetin vendor dhe emergjencat civile, pasi këto janë fonde të paparashikuara dhe varen nga numri i rasteve dhe masa e dëmit të konstatuar.

Ai theksoi se dokumentacioni i saktë është thelbësor për të mundësuar nisjen e procedurave të kompensimit, ndërsa për rastet e zjarreve janë kryer evidentimet e plota të dëmeve dhe janë ndërmarrë edhe masat e nevojshme për evakuimin e kafshëve në zonat e prekura.

Përfaqësuesi i FAO-s në Shqipëri, Raimund Jehle, u shpreh se bujqësia po kalon një proces të shpejtë transformimi, duke përfshirë përdorimin e teknologjive të avancuara si dronët, mekanizimi modern dhe bujqësia precize

Sipas tij, këto zhvillime po ndryshojnë mënyrën e prodhimit dhe po krijojnë mundësi të reja për rritjen e produktivitetit dhe cilësisë së produkteve bujqësore.Jehle theksoi gjithashtu se bujqësia dhe prodhimi i ushqimit nuk lidhen vetëm me teknologjinë, por edhe me pasionin, kulturën dhe traditën e zonave prodhuese.

Ai nënvizoi se fermerët ndihen krenarë kur prodhojnë produkte cilësore dhe të shëndetshme që përfaqësojnë identitetin dhe potencialin e komuniteteve ku ata jetojnë dhe punojnë.

Përfaqësuesi i FAO-s në Shqipëri, Raimund Jehle, i ftuar në “Alert”, theksoi se mbështetja për fermerët nuk lidhet vetëm me financimin, por edhe me rritjen e njohurive dhe aksesin në informacion.

Sipas tij, fermerët duhet të jenë në gjendje të prodhojnë produkte cilësore, të identifikojnë tregjet dhe të kuptojnë si funksionon kërkesa, pasi informimi dhe gjenerimi i tregjeve janë elementë kyç për suksesin në sektorin bujqësor.

Jehle nënvizoi se jo çdo fermer duhet të jetë domosdoshmërisht i madh, por cilësia e prodhimit, edukimi dhe orientimi drejt tregut janë faktorët që bëjnë diferencën.Ai shtoi se fermerët kanë nevojë për më shumë transparencë mbi çmimet dhe perspektivën e tregut, si në afatshkurtër ashtu edhe në afatgjatë, ndërsa FAO, në bashkëpunim me Ministrinë e Bujqësisë, po punon për përmirësimin e portalit të fermerëve, me qëllim rritjen e transparencës së informacionit dhe mbështetjen e fermerëve dhe konsumatorëve, deklaroi Jehle në “Alert”.