granit sokolaj

Në emisionin “Alert”, moderuar nga Granit Sokolaj, e ftuar Matilda Xhepa, Drejtore e Politikave Veterinare në MBZHR, theksoi rrezikun e madh që përfaqëson murtaja virale për ekonomitë e fermave që mbarështojnë dele dhe dhi. Sëmundja karakterizohet nga një mortalitet shumë i lartë, me një shkallë vdekshmërie që mund të arrijë deri në 90% te tufat e prekura.

Shenjat klinike qe shfaqin këto kafshë janë, Temperaturë të lart, Sekrecione të shtuara të hundës, fillimisht transparente që më vonë bëhen purulente

Teshtima dhe diarre, shpeshherë e përgjakshme dhe Aborte tek kafshët mbartëse .

Format më të rënda të sëmundjes janë akute dhe pro-akute, me vdekshmëri brenda 5-10 ditësh, ndërsa format më të lehta, si ato subakute, shfaqen me simptoma më të zgjatura dhe më të buta.

Në emisionin “Alert” në “Ora News”, të moderuar nga Granit Sokolaj, Matilda Xhepa, Drejtoreshë e Politikave Veterinare në MBZHR, diskutoi mbi rrezikun nga murtaja e ruminantëve dhe masat që po merren për ta parandaluar këtë sëmundje.

“Autoriteti Kombëtar i Bimëve ka filluar një aktivitet ndërgjegjësimi në bashkëpunim me përfaqësuesit e pushtetit vendor.

Takime po organizohen në të gjitha rajonet me fermerët, transportuesit e kafshëve dhe veterinarët privatë.

Qëllimi i këtyre takimeve është të informohen të gjithë për rrezikshmërinë e murtajës, shenjat klinike dhe masat që secili duhet të marrë për të mbrojtur ekonominë nga kjo sëmundje.

Në kuadër të këtij aktiviteti, janë shpërndarë fletëpalosje për të rritur ndërgjegjësimin.

Gjithashtu, është hartuar një plan kontigjence që përfshin organizimin e ushtrimeve stimuluese për të mbajtur nën kontroll situatën. Falë këtyre masave, situata në vend është e pastër nga rreziku i murtajës së ruminantëve”, u shpreh Xhepa.

Nga ana tjetër, Xhepa theksoi se aktualisht nuk ka asnjë rast të regjistruar dhe se do të vazhdojnë të mbajnë situatën nën kontroll për të mbrojtur ekonominë dhe shëndetin e kafshëve në vend.

“Me angazhimin e autoriteteve dhe bashkëpunimin e fermerëve dhe veterinave, vendi ynë është në një situatë të sigurt përballë kërcënimeve nga murtaja e ruminantëve.

Këto masa janë të rëndësishme për të garantuar një të ardhme të shëndetshme për sektorin e blegtorisë”, theksoi Matilda Xhepa.

NDIQNI MË POSHTË TË PLOTË EMISIONIN “ALERT”

Në emisionin “Alert” në “Ora News”, moderuar nga Granit Sokolaj, u diskutua rreziku nga murtaja e ruminantëve.

I ftuar profesor Xhelil Koleci, ekspert në sëmundjet infektive nga Universiteti Bujqësor i Tiranës, theksoi se situata në vendin tonë është e shqetësuese, pasi rreziku nga kjo sëmundje është real dhe nëse nuk tregohet kujdes i shtuar, Shqipëria mund të preket lehtësisht.

Profesor Koleci nënvizoi domosdoshmërinë e përditësimit dhe vlerësimit të rrezikut në planin e kontingjencës, duke përfshirë identifikimin e situatave të mundshme për përhapjen e sëmundjes dhe rritjen e ndërgjegjësimit publik për këtë çështje.

Ai theksoi rëndësinë e rritjes së shkallës së monitorimit dhe mbikëqyrjes, duke përmendur implementimin e masave të karantinës si një mjet kyç për të parandaluar shpërthimet e mundshme.

“Monitorimi i vazhdueshëm i kafshëve dhe i lëvizjeve të tyre është thelbësor për të identifikuar shenjat e sëmundjes në kohë”, nënvizoi Koleci.

Profesor Koleci sugjeroi një sistem vëzhgimi, që përfshin monitorimin aktiv përmes testimeve të rregullta dhe kontrollit të lëvizjes së kafshëve, si dhe survejancën pasive, ku të dhënat nga fermerët dhe veterinerët të mblidhen në mënyrë të rregullt për të ndjekur gjendjen shëndetësore të kafshëve.

Një aspekt tjetër i rëndësishëm që u diskutua ishte asgjësimi i kafshëve të infektuara.

Profesor Koleci theksoi se në rastin e konfirmimit të murtajës së ruminantëve, është e domosdoshme që kafshët e prekura të asgjësohen në mënyrë të kontrolluar dhe sipas protokolleve strikte shëndetësore.

“Kjo masë drastike është jetike për të parandaluar përhapjen e sëmundjes tek kafshët e tjera dhe për të mbrojtur sektorin e blegtorisë në vend”, tha ai.

NDIQNI MË POSHTË TË PLOTË EMISIONIN “ALERT”

I ftuar në emisionin “Alert”, të moderuar nga Granit Sokolaj në “Ora News”, Kujtim Mersini, pedagog në UBT dhe epidemiolog veterinar, theksoi rëndësinë e ndërgjegjësimit të fermerëve për shëndetin e kafshëve.

Ai shpjegoi se aktualisht ka një mbulim të kufizuar të shërbimeve veterinare, me një veteriner për çdo 10 fshatra, duke e bërë të vështirë mbulimin e të gjithë territorit, veçanërisht në zonat me rrezik të lartë.

Mersini theksoi se marrëdhënia midis fermerit dhe veterinerit është thelbësore për të adresuar çdo problem shëndetësor.

Ai rekomandoi që fermerët të raportojnë çdo dyshim për shëndetin e kafshëve, edhe në rastin më të vogël, pasi një problem i vogël mund të çojë në pasoja të rënda.

“Në këtë kontekst, ndërgjegjësimi dhe komunikimi janë kyç për të mbrojtur shëndetin e kafshëve dhe për të parandaluar përhapjen e sëmundjeve”, u shpreh ndër të tjera pedagogu Kujtim Mersini.