Menu

vaksina

Kryesore, Shëndet, Sociale - 7 Gusht, 2021

EMA: Vaksina Johnson&Johnson mund të shkakojë trombozë, urdhërohet të shkruhet si efekt anësor

 

Vaksina Johnson & Jonshon për Covid vazhdon të jetë efektive dhe e sigurt, por tani është vërtetuar se, edhe pse ende ne raste te pakta, ajo prodhon mundësinë e rasteve të çrregullimeve të koagulimit të gjakut.

Komiteti i Vlerësimit të Rrezikut të Agjencisë Evropiane të Barnave (EMA) gjeti një korrelacion të qartë në incidencën e trombocitopenisë imune, gjendja ku sistemi imunitar gabimisht sulmon dhe shkatërron qelizat e gjakut të quajtura trombocitet të nevojshme për koagulimin normal të gjakut.

Për këtë arsye, trupi i ekspertëve rekomandoi një azhurnim të planit të menaxhimit të rrezikut të vaksinës për të riklasifikuar trombocitopeninë imune, aktualisht “një rrezik potencial i rëndësishëm”, si “një rrezik i rëndësishëm i identifikuar”.

Agjencia Italiane e Barnave (AIFA) sqaron dhe pastron fushën e frikës së pajustifikuar.

Sipas gazetës La Stampa rreziku i mundshëm është “një ngjarje e dëmshme për të cilën ka dyshime të bazuara për një lidhje me ilaçin në fjalë, por për të cilat provat janë të pamjaftueshme për të arritur në përfundimin se ekziston një lidhje shkakësore”. Rreziku i identifikuar, nga ana tjetër, është “një ngjarje e dëmshme për të cilën ka dëshmi adekuate të lidhjes me ilaçin në fjalë”.

Prandaj, tani është treguar se vaksina Johnson & Johnson për Covid mund të prodhojë trombocitopeni imune. Kjo nuk nënkupton rrezikun e ilaçit, pasi në përgjithësi raporti rrezik-përfitim mbetet prerogativë e këtij të fundit. Prandaj për vaksinën ky korrelacion “mbetet i pandryshuar”, siguron EMA.

Pragu i rasteve në përqindje të popullsisë së vaksinuar që pëson probleme kolaterale të këtij lloji mbetet i ulët, por korrelacioni i konstatuar detyron rishikimin e fletës shoqëruese të produktit farmaceutik dhe ftesën për informacion midis pacientëve dhe personelit mjekësor-shëndetësor.

Ata që janë më të ekspozuar ndaj patologjive të caktuara duhet të njoftojnë mjekun, ose duhet të paralajmërohen nga vetë stafi i spitalit për këtë efekt anësor të mundshëm. Në këtë mënyrë është e mundur të vlerësohet administrimi i vaksinës ose përdorimi i serumeve të tjera.

Aktualisht, Agjencia Evropiane e Barnave ka autorizuar marketingun dhe administrimin e vaksinave VaxZevria (ish Astrazeneca), Pfizer-BioNtech, Moderna dhe Janssen.

Çrregullimet menstruale nga vaksina?

Pastaj ka një aspekt të fushatës së vaksinimit plotësisht rozë. Komiteti i Vlerësimit të Rrezikut të Agjencisë Evropiane të Barnave (EMA) gjithashtu ka shqyrtuar rastet e raportuara të çrregullimeve menstruale që kanë ndodhur pas marrjes se vaksinës. “Deri më tani, asnjë lidhje shkakësore nuk është krijuar midis vaksinave anti-COVID dhe çrregullimeve menstruale”, rezultati i kontrolleve.

Pershtatur nga gazeta La Stampa

Qendra Alert

alert.al/

, 0 Komente
Read More
Sociale - 8 Korrik, 2021

Greqia i dërgon Shqipërisë 100 mijë doza vaksinash AstraZeneca

Ministrja e Shëndetësisë, Ogerta Manastirliu, jep lajmin se sapo kanë mbërritur në Shqipëri 100 mijë vaksina AstraZeneca.

“100,000 doza të vaksinës AstraZeneca sapo kanë mbërritur në Institutin e Shëndetit Publik, falë solidaritetit dhe mbështetjes së qeverisë së Republikës së Greqisë për Shqipërinë”, shkruan Manastirliu në postimin e saj.

Manastirliu shkruan se janë mbi 1.2 milionë vaksina anticovid të mbërritura në Shqipëri deri tani, ndërkohë që shkruan se do të vijojmë pa u ndalur me planin kombëtar të vaksinimit, derë më derë, për mbrojtjen e jetës dhe shëndetit të qytetarëve.

Postimi i ministres Manastirliu:

100,000 vaksina AstraZeneca sapo kanë mbërritur në Institutin e Shëndetit Publik, falë solidaritetit dhe mbështetjes së qeverisë së Republikës së Greqisë për Shqipërinë🇦🇱🤝🇬🇷🇪🇺

🧪 1,220,070 vaksina anticovid kanë mbërritur deri tani në Shqipëri. Jemi të vendosur për të vijuar pa u ndalur me planin kombëtar të vaksinimit, derë më derë, për mbrojtjen e jetës dhe shëndetit të qytetarëve.

#ShqipëriaBuzëqesh🌼

alert.al/

0 Komente
Read More
Sociale - 20 Qershor, 2021

Dokumentet që ju duhen nëse udhëtoni në Gjermani, vaksina kineze nuk njihet

Nga sot  Gjermania ka hequr kufizimet e hyrjes së udhëtarëve shqiptarë, por kalimi bëhet vetëm duke plotësuar një prej tre kushteve.

Kushtet janë: Test Covidi, dëshmi që e ka kaluar sëmundjen apo është vaksinuar me një nga vaksinat e njohura nga EMA. Aktualisht vaksinat e njohura nga Gjermania janë Pfizer, Moderna, AstraZeneca dhe Johnson & Johnson.

Për pasaportat biometrike kërkohen dy dozat e vaksinave të aprovuara nga EMA, apo një dozë e Johnson & Johnson. Kujtojmë se në vendin tonë, një pjesë e madhe kanë marrë edhe doza të vaksinës kineze Coronavac, por kjo vaksinë nuk është e njohur nga Gjermania, ndaj kalimi duhet të bëhet me test Covidi apo dëshmi që ka kaluar sëmundjen.

Ndërkohë, udhëtarët e vaksinuar plotësisht duhet të kenë dokument dokument që provon vaksinimin apo shërimin, i formuluar në gjuhën gjermane, angleze, franceze, italiane apo spanjolle, në versionin hard copy apo atë digjital.

Njoftimi i plotë

Qeveria Federale Gjermane ka hequr të gjitha kufizimet e hyrjes për personat me banim në Shqipëri. Efekti i këtij vendimi fillon sot, ditën e dielë, më 20.06. 2021. Udhëtimet drejt Gjermanisë të personave me banim në Shqipëri dhe pasaporta biometrike, duke filluar nga kjo datë janë përsëri të lejueshme për të gjitha kategoritë e udhëtimit.

Për të gjithë pasagjerët e Tirana International Airport që udhëtojnë në Gjermani kërkohet nje nga këto kritere:

1) një test COVID, ose

2) një dëshmi që personi e ka kaluar

3) ose është vaksinuar (vaksinimi me vaksinat e njohura nga EMA).

Konkretisht vaksinat që janë të njohura nga Gjermania janë Pfizer, Moderna, AstraZeneca dhe Johnson & Johnson. Për pasaportat biometrike kërkohen dy dozat e vaksinave të aprovuara nga EMA, apo një dozë e Johnson & Johnson.

Për udhëtarët, që hynë në Gjermani në rrugë ajrore, vazhdon të jetë në fuqi detyrimi i një testi përpara nisjes (test PCR- jo më herët se 72 orë përpara fluturimit, ose test antigen, jo më herët se 48 orë përpara fluturimit).

Udhëtarët e vaksinuar plotësisht me një prej vaksinave të përmendur në linkun https://www.pei.de/impfstoffe/covid-19 apo të shëruarit  (jo më pak se 28 ditë pas shërimit dhe jo më shumë se 6 muaj pas tejkalimit të infeksionit), të cilët zotërojnë një dokument që provon vaksinimin apo shërimin, i formuluar në gjuhën gjermane, angleze, franceze, italiane apo spanjolle, në versionin hard copy apo atë digjital, nuk është e nevojshme të paraqesin një test negativ në momentin e hyrjes në rrugë ajrore nga Shqipëria në Gjermani.

Nuk është më i detyrueshëm regjistrimi digjital i udhëtimit dhe detyrimi i karantinës.

alert.al/

, , 0 Komente
Read More
Sociale - 14 Qershor, 2021

Mbërrijnë nga Greqia 20 mijë doza të vaksinës Astrazeneca, dhuratë për Shqipërinë

Kanë mbërritur në Aeroportin Nënë Tereza 20 mijë doza të vaksinës Astrazeneca, dhuratë e  qeverisë së Greqisë për Shqipërinë.  Vaksinat u pritën në aeroport nga zëvendësministrja e Shëndetësisë Eugena Tomini dhe ambasadorja e Greqisë Sofia Philippidou.

Lajmin e mirë e ka bërë me dije Ministrja e Shëndetësisë, Ogerta Mnastilriu përmes një postimi në rrjetin e saj social e cila ka shprehur mirënjohjen Greqisë për mbështetjen, duke shtuar se qeveria shqiptare do të vijojë angazhimin pa u ndalur me planin e vaksinimit për mbrojtjen e jetës së çdo qytetari.

Deri tani kanë mbërritur në vendin tonë 956,250 doza të vaksinës anti-COVID dhe janë kryer në total 836,430 doza, prej tyre 332,173 qytetarë i kanë marrë të dyja dozat e vaksinës ndaj COVID19.

alert.al/

, 0 Komente
Read More
Kryesore, Sociale - 2 Qershor, 2021

Kontrata me COVAX, mbërrijnë 40800 vaksina Astra Zeneca në Rinas

Kanë mbërritur në aeroportin e Rinasit 40800 vaksina të tjerë të Astra Zeneca nëpërmjet programit COVAX. Kryeministri Edi Rama ka dhënë lajmin teksa ka publikuar foto nga operacioni i marrjes në dorëzim të vaksinave.

Rama thekson se jemi të vendosur të çojmë deri në fund planin kombëtar të vaksinimit, për mbrojtjen e jetës dhe shëndetit të çdo qytetari.

Postimi i plotë

Aeroporti “Nënë Tereza”- 40,800 vaksina AstraZeneca, pjesë e financimit të qeverisë shqiptare, nëpërmjet instrumentit COVAX sapo kanë mbërritur në Tiranë.

Me 899,550 vaksinat AntiCovid që kanë mbërritur deri tani në Shqipëri dhe sasitë e tjera të vaksinave që do të vijnë sipas kalendarit të kontratave që kemi siguruar, jemi të vendosur të çojmë deri në fund planin kombëtar të vaksinimit, për mbrojtjen e jetës dhe shëndetit të çdo qytetari.

#ShqipëriaBuzëqesh.

#SkaKohëPërPushim, shkruan Rama.

alert.al/

, , 0 Komente
Read More