Menu

Tifozët e futbollit që kthehen nga Katari rrezikojnë të përhapin virusin e rrezikshëm

I identifikuar në vitin 2012 për herë të parë në Arabinë Saudite, MERS është një sëmundje e cila prek frymëmarrjen dhe shkaktohet nga një koronavirus. Ekspertët thonë se konsiderohet të jetë më i rrezikshëm se COVID.

Ekspertët shëndetësorë në të gjithë botën kanë paralajmëruar tifozët e futbollit që kthehen nga Kupa e Botës në Katar për rrezikun se mund të sjellin në shtëpi ‘gripin e devesë’, një infeksion respirator i shkaktuar nga virusi në Lindjen e Mesme (MERS).

Një apel i postuar në faqen e internetit të ministrisë australiane të Shëndetësisë thotë se tifozët që kthehen nga Katari duhet të jenë të vetëdijshëm për MERS-in dhe u kërkoi njerëzve të reduktojnë sjelljet që rrezikojnë përhapjen e infeksionit duke “respektuar higjienën e mirë, të shmangin konsumimin e mishit të papjekur ose qumështit të papasterizuar”.

Agjencia e Sigurisë Shëndetësore në Mbretërinë e Bashkuar (UKHSA) u ka kërkuar gjithashtu mjekëve që të ndjekin rastet e njerëzve që raportonë ethe dhe vështirësi në frymëmarrje. “Rreziku i infektimit për banorët e Mbreterise se Bashkuar është shumë i ulët, por mund të jetë më i lartë tek ata që janë të ekspozuar ndaj faktorëve specifikë të rrezikut brenda rajonit – siç janë devetë”, ka thënë UKHSA, sipas Metro.

Gjithashtu eshte paralajmëruar për “transmetim nga personi në person”, thuhet më tej në raportin e saj.

Këshillat vijnë pas rritjes së numrit të rasteve të MERS në të gjithë globin. Sipas të dhënave të UKHSA, 2600 raste të konfirmuara nga laboratori i MERS-CoV dhe 935 vdekje të lidhura u raportuan globalisht në Organizatën Botërore të Shëndetësisë (OBSH) nga prilli 2012 deri në tetor 2022.

‘Camel Flu’ Threat At FIFA World Cup? Here’s What Health Authorities Say (ndtv.com)

Qendra Alert/Alert.al

Related Posts

LEAVE A COMMENT

Make sure you enter the(*) required information where indicated. HTML code is not allowed