Kushtetuesja shtyn gjyqin për Teatrin, i jep kohë Bashkisë së Tiranës të sjellë vendimin për prishjen

Gjykata Kushtetuese vendosi sot të shtyjë seancën mbi ligjin për Teatrin për nesër në orën 10.00, pasi pranoi të administrojë edhe vendimin e Këshillit Bashkiak për prishjen e Teatrit Kombëtar si provë.

“Ju dhamë kohë qeverisë për të sjellë dokumente. Nuk i sollën në afatet e përcaktuara nga gjykata. Edhe Presidencës ja kemi përcjellë jashtë afatit. Tërheqim vëmendjen e të gjithëve për mosrespektimin e afateve”, u shpreh trupi gjykues.

Ndërkaq, Bledar Dervishaj, këshilltari ligjor i Presidentit u ankua se “Rezulton se nuk janë administruar të gjitha provat që kërkoi Presidenti i Republikës”.

alert.al/