Në emisionin “Alert”, moderuar nga Granit Sokolaj në Ora News, këtë të premte u trajtua tema “Turizmi mes pritshmërive dhe luftës”, ku e ftuar në studio ishte Flora Xhemani Baba, gazetare dhe eksperte turizmi.
Duke folur për sfidat e sektorit, ajo theksoi se vendet e rajonit aplikojnë politika nxitëse për turizmin, ndryshe nga Shqipëria.
Sipas saj, në vende si Greqia apo Mali i Zi, shteti mbështet qytetarët që të konsumojnë brenda vendit, përmes skemave subvencionuese që u kthejnë një pjesë të shpenzimeve turistike.
“Nëse një qytetar shpenzon, për shembull, 500 euro për pushime në vendin e tij, një pjesë e këtyre parave i kthehet mbrapsht nga shteti si stimul,” u shpreh ajo.
Xhemani Baba theksoi se në Shqipëri mungojnë këto politika, ndërsa barra e kostove u lihet kryesisht bizneseve.
