Menu

Antibiotikët, Prof.Dr. Kristaq Berxholi: Abuzimi në dhënien e tyre pa analizë dhe pa kriter

I ftuar në emisionin “Alert” në News24 nga Granit Sokolaj, Prof.Dr. Kristaq Berxholi ka folur për antibiotikët, abuzimin me përdorimin e tyre, lëshimin pa bërë analiza dhe marrjen e tyre pa recetë.

“Çështja e antibiotikëve është shqetësuese në shumë vende të botës, për shkak të atibiotikëve të rezistencës. Shqetësuese është fakti se po përparon dhe ka krijuar probleme të mëdha në botë, ku janë shkaktuar edhe raste vdekjesh. Ka edhe probleme të tjera nga përdorimi i antibiotikëve. Kemi dy shërbime në Shqipëri që përdorin gjerësisht antibiotikët, shërbimi human dhe veterinar. Jam për ta mbrojtur shërbimin veterinar atëherë kur hidhet e gjithë balta mbi ta, pasi përgjegjësia nuk është vetëm e tyre. Sot përdoret në botë një sasi e lartë e antibiotikëve nga shërbimi veterinar, por specifika ia lejon. Problemi i madh me shërbimin veternar është çështja e dhënies së antibiotikëve, ku në shumicën e rasteve jepen antibiotikë pa kriter, pa analizë të sëmundjes, i cili përcakton antibiotikun më specifik. Mosdhënia sipas kritereve krijon shance për krijimin e antibiotikëve të rezistencës. Veterineri nuk ka asgjë në dorë, analizën e paguan pronari. Ai nuk e kupton domosdoshmërinë se përse duhet bërë kjo. Meqenëse nuk bëhet analiza, veterineri është i detyruar ta shesë produktin. Kjo ndodh edhe në shërbimin human, ku merren antibiotikë pa recetë. Ndoshta nuk është në nivelin veterinar, ka specie më shumë, ka nevojë për sasira më të mëdha një kafshë se sa një njeri”-tha Prof.Dr. Kristaq Berxholi.

Emisioni Alert

Qendra Alert/Alert.al

Related Posts