Diaspora

Biznesmeni i njohur dhe filantropi Lazim Destani, priti në selinë e tij në Dyseldorf kampionin botëror të karatesë Enver Idrizi, në shenjë mirënjohjeje për kontributin e tij jovetëm në sport, por në ngritjen e vlerave të kombit shqiptar.

Me këtë rast Z.Destani, duke vleresuar rolin dhe kontributin kombëtar te kampioni botëror Enver Idrizi e ka ftuar si mysafire spacial ne rezidencën e tij, duke i dhënë dhe një pako speciale si surprizë.

Qëllim i kësaj pritje të Enver Idrizit nga ana e Lazim Destanit ishte për t’i bërë një surprizë, pasi një sërë suskesesesh dhe mirënjohjesh që ju ishin ndarë gjatë këtij viti Enver Idrizit nga insititucione kombetare dhe personalitete të larta, si nga Kosova ashtu edhe nga Shqiperia e Maqedonia e Veriut dhe së funmi në Kroaci i është dhënë titulli “Legjenda e të gjitha kohërave e karatesë”.

Me këtë rast, Lazim Destani, duke vleresuar rolin dhe kontributin kombëtar të Enver Idrizit, sipas të cilit, ai e ngritur imazhin e kombit tonë drejt sensiblizmit të çeshtjes së Kosovës dhe asaj mbarëshqiptare në arenen nderkombëtare. Prandaj edhe dhuratat për kampionin botëror nga biznesmeni i njohur shqiptar Lazim Destani ishte një kuti me cigare puro, prodhim i limituar me imazhin e me Skënderbeut.

Marka e purove “Qunto” është në pronësi të aktorit Blerim Destani. Ky i fundit, ka prodhuar 100 kuti të personalizuara me figurën e Skdnërbeut dhe një nga këto babai i tij ia dhuroi kampionit të karatesë, Enver Idrizi.

Ka qenë vetë Idrizi ai që e ka zbuluar surprizën. “Sot mora një dhuratë shume interesante dhe të çmuar për mua. Një pako me cigare puro të limituar të markës QUNTO, markë e aktorit të njohur Blerim Destani, djali i Lazimit. Kjo kuti, ku çdo cigare mban me imazhin e Skënderbeut, është prodhuar enkas për Z.Destani nga djali i tij, pronar i markës “Qunto”. Familja Destani është një familje bujare, patriotike dhe humane, që ka bërë dhe bën shumë për trojet shqiptare. Zoti e bekoftë këtë familje bashkë me tre djemtë e tij shembullor, Nazifin, Blerimin dhe Selimin, të cilët janë bërë shembull për gjithë shqiptarët në Gjermani dhe Perëndim”, shkruan Enver Idrizi.

Alert.al

Rrezarta Bojaxhiu është 16-vjeçarja e cila la “gojëhapur’”në mars të këtij viti jurinë e “The Voice Kids Germany”, ka lindur në Islandë, por me origjinë është nga Kosova. Ajo u prezantua në audicionin e parë me këngën “Nessun Dorma” të Luciano Pavarotti dhe arriti të marrë votat e jurisë.

Pas famës në Gjermani, ajo ka realizuar këngën e saj të parë shqip dhe për të realizuar videoklipin ka zgjedhur pikërisht Tiranën.

“Ma s’shumti n’botë” është kënga e regjistruar nga “Mixey Music”, e kompozuar nga Armend Rexhepagiqi, teksti nga Aida Baraku dhe producentë janë Yll Limani, Fatjon Miftari.

Klipi është drejtuar nga Rinor Ukimeri, dhe është realizuar nga Creative Video / Arlind Repishti.

“The Voice Kids Germany” nuk është kompeticioni i parë ku Rrezarta ka marrë pjesë, pasi në 2015 ka konkurruar në “Iceland’s got talent”.

Një ditë më parë ministria e Brendshme shqiptare njoftoi hapjen e zyrave të reja të aplikimit për dokumentet biometrike.

“Zyrat e reja të aplikimit do të hapen pranë Konsullatës në Bari, Itali, si dhe Ambasadave Shqiptare në Vjenë, Austri; në Paris, Francë; në Berlin, Gjermani; në Stokholm, Suedi dhe në Stamboll, Turqi”, tha një ditë më parë ministria e Brendshme.

Nisur nga kërkesat e shumta, ambasada shqiptare në Suedi ka bërë një sqarim për bashkëkombësit shqiptarë, duke thënë se ende nuk është ngritur struktura përkatëse në ambasadë dhe kjo kohë nuk është përcaktuar ende.

“Te nderuar bashkatdhetarë! Është e vërtetë qe ditët e fundit është marre një vendim qe pasaportat te jepen edhe nga Suedia, por ende do te kaloje ca kohe derisa te ngrihet struktura perkat ese (foto, shenja gishtash etj) ne ambasade. Kjo kohe ende nuk është përcaktuar. Ne momentin qe shërbimi te behet funksional, do ju njoftojmë zyrtarisht këtu, ne faqen FB te ambasadës.
Do te jeni te mirëpritur”, njofton ambasada.

Gilberto Daja është një 19-vjeçar shqiptar, i cili jeton në Itali po prodhon muzikë në gjuhën angleze. Në një lidhje me skype për “Wake Up”, artisti tregoi se frymëzohet nga Justin Bieber, Rita Ora dhe Dua Lipa.

Shqipëria votoi këtë të dielë për zgjedhjet parlamentare. Procesi ishte përgjithësisht i qetë dhe pati mjaft risi që nga identifikimi i elektronik i zgjedhësve tek fleta e votimit.

Identifikimi elektronik u cilësua i suksesshëm nga kreu i KQZ-së, Ilirjan Celibashi qytetarët këtë herë krahas partisë patën mundësinë të zgjedhin edhe kandidatin.

Procesi i numërimit të votave është duke vijuar në të gjitha qarqet e vendet dhe deri tani nuk janë raportuar probleme serioze.

Deri në orën 06:30 janë numëruar më shumë se 250 mijë vota në rang kombëtar. Ndërkohë, bashkia e Pustecit në Qarkun e Korçës ishte e para ku u mbyll procesi i numërimit, i cili nuk zgjati më shumë se dy orë, pasi kishte vetëm 7 kuti për të numëruar.

Ndarja e votave:

Partia Socialiste 131791 vota – 49,84%

Partia Demokratike – Aleanca për Ndryshim 101669 vota – 38,45%

Lëvizja Socialiste për Integrim 17932 vota – 6,78%

Partia Socialdemokrate 5384 vota – 2,04%

Nisma Thurje 1584 vota – 0,6%

Lëvizja për Ndryshim 1324 vota – 0,5%

Bindja Demokratike 1305 vota – 0,49%

Partia Lëvizja Demokratike Shqiptare 804 vota – 0,3%

Kandidat i Pavarur 779 vota – 0,29%

Partia Aleanca Demokracia e Re 707 vota – 0,27%

Partia Lëvizja e Re 596 vota – 0,23%

Partia Balli Kombëtar 314 vota – 0,12%

Aleanca Bashkimi Popullor 250 vota – 0,09%

Nëse ka dikush që di diçka për punën e palodhur dhe vendosmërinë, është nëntogerja Valdeta Mehanja, një pilote me Regjimentin e Aviacionit 1-131.

Mehanja është një shqiptare e lindur në Kosovë dhe një shtetase amerikane; ajo kurrë nuk mendonte se do të shihte Shqipërinë.

“Unë nuk kam vizituar kurrë Shqipërinë më parë. Është një ndjenjë e pabesueshme të jesh këtu, si pilot, me uniformë dhe në Ushtrinë e SHBA ”, tha Mehanja. “Nuk do ta kisha pasur kurrë këtë mundësi për të fluturuar nëpër Shqipëri nëse nuk do të ishte për ushtrinë. Kjo më bëri kaq të lumtur”, thotë ajo për median amerikane, “Defense Visual Information Distribution Service”.

Mehanja thotë se ky mision për të është si “plotësimi i një rrethi”. Ajo u rrit e varfër dhe familja e saj u bë refugjate e luftës, duke lënë pas ato pak që kishin për t’i mbijetuar një konflikti të dhunshëm. Vite më vonë, si kontraktor për Departamentin e Mbrojtjes, karvanit të saj që udhëtonte për në Bagdad iu zu pritë nga Pajisjet Eksplozive të Improvizuara dhe armë zjarri.

“Mendova se kaq ishte,” tha ajo në një intervistë në janar. Sidoqoftë, u shpëtua nga pilotët amerikanë dhe e dinte se çfarë ishte ajo që donte të bënte. “Kjo më bëri të dëshiroj të futem në aviacion. E dija që kisha një mision më të madh. Nuk mund të jem thjesht një person i rregullt dhe të mos kthej”, shprehet ajo.

Që atëherë, Mehanja e ka arritur atë qëllim dhe është bërë një pilot UH-60 Blackhawk për Ushtrinë e SHBA. Ajo ndjeu se ai rrethi do të plotësohej së shpejti kur dëgjoi se 1-131 po shkonte në Shqipëri për të marrë pjesë në DEFENDER-Europe 21.

“Unë isha aq e ngazëllyer. Nuk mund ta besoja që njësia e Gardës, në të cilën unë u bashkova, po shkonte në Shqipëri”, tha ajo. “Unë nuk e kuptova sa i bukur është ky vend derisa fluturova nëpër male. Nuk mendoj se mund ta kisha vizituar Shqipërinë në një mënyrë më të mirë”, thote Valdeta.

Mehanja ndihet mjaft e përkushtuar për Defender 21, i cili është misioni i saj i parë që fluturon jashtë SHBA.

“Defender 21 është një shenjë e aleancës,” tha ajo. “Edhe gjatë një pandemie ne jemi në gjendje të tregojmë se si mund të lëvizim shpejt në një vend tjetër dhe të punojmë me ushtarakë të tjerë dhe të ndërtojmë partneritete”, vijoi ajo.

Që kur mbërriti në Shqipëri, për Mehanja ka qenë e vështirë puna. Jo vetëm që ka fluturuar në misione por ka shërbyer edhe si interpretuese dhe këshilltare kulturore për amerikanët dhe shqiptarët që punojnë së bashku. Ajo thotë se ka qenë e lumtur të marrë përsipër detyrat shtesë.

“Nëse punojmë së bashku, do të jemi më të fortë së bashku,” shpjegoi ajo. “Unë mendoj se ruajtja e partneritetit dhe misionet e vazhdueshme dhe trajnimi së bashku do të hapë një dritare krejt tjetër për të përjetuar kultura të tjera”, vijon ajo.

Jashtë këtyre detyrave, Mehanja është bërë disi e famshme në vend. Ajo është takuar me qindra vendas, është intervistuar nga burime të shumta të lajmeve, është takuar me Ambasadorin e Sh.B.A. Yuri Kim dhe i dha dorën Presidentit të Shqipërisë IIir Meta.

“Kjo nënkuptonte aq shumë sa ata po e pranonin se sa i vështirë ishte udhëtimi im dhe se ata janë krenarë që jam këtu dhe po punoj së bashku me ta,” tha ajo. “Ishte një moment shumë i veçantë për mua dhe nuk do ta harroj kurrë. Do ta çmoj për gjithë jetën”.

Mehanja tha se familja e saj është tepër krenare për të dhe janë të lumtur që erdhi në Shqipëri

“Është një marrëveshje e madhe,” tha ajo, “Unë nuk mendoj se nëna ime, e cila nuk u lejua të shkonte në shkollë, do të kishte menduar ndonjëherë se vajza e saj do të shtrëngonte duart me një president shqiptar. Familja ime është thjesht aq krenare sa që unë munda të vija këtu si një pilote ushtarake amerikan dhe të punoja me shqiptarët dhe që mund të ndihmoj”, thotë ajo.

Përkundër gjithë kësaj, ajo mbetet e përulur dhe shpreson që historia e saj të frymëzojë të tjerët dhe të ndihmojë në ndërtimin e miqësive midis kombeve.

“Çdo gjë është e mundur nëse punoni shumë për të. Vetëm kur mendoni se nuk mund të arrini diçka sepse udhëtimi është shumë i vështirë, kjo nuk do të thotë se është e pamundur dhe se nuk do të ndodhë kurrë ”, shpjegoi ajo. “Unë kam mundur ta bëj këtë. Çdokush mund ta bëjë gjithashtu, unë shpresoj se të gjithë do të frymëzohen për të pasur sukses në qëllimet e tyre”, vijon Valdete.

Mehanja nuk beson se do të ishte aq e suksesshme pa Regjimentin 1-131 të Aviacionit dhe Gardën Kombëtare të Alabama.

“Unë kam njësinë më të mirë; Kam komandantin më të mirë; Unë kam qenë kaq me fat. Ata më kanë lejuar ta kem këtë përvojë, të jem pjesë e kësaj. Ishte puna e Zotit dhe të gjithë këtu që e bënë të mundur këtë dhe unë dua t’i falënderoj”, thotë ajo.

Marrë nga Diasporashqiptare.al

Liberalizimi i vizave për Kosovën është bërë temë diskutimesh në Bundestagun e Gjermanisë. Kjo, falë deputetit Peter Beyer, i cili një ditë më parë, i ka kërkuar kolegëve të tij në parlmentin gjerman, që të merret vendimi sa më parë nga Unioni, për liberalizimin e vizave për qytetarët e Republikës së Kosovës. Njëkohësisht, Meyer është shprehur pro vazhdimit të misionit të KFOR në Kosovë, “pasi sjell stabilitet dhe siguri në këtë vend”. “Unë e mbështes Kosovën në rrugën e saj drejt Bashkimin Evropian. Misioni i KFOR-it është një pjesë e rëndësishme e kësaj, sepse sjell stabilitet dhe siguri në vend. Në fjalën time plenare sot, prandaj unë u shpreha qartë në favor të vazhdimit të mandatit”, shkruan deputeti Meyer. Ndërkohë, Alert.al, ka zbardhur fjalimin e tij në Bundestagun gjerman, ku është shprehur qartë për heqjen e barrierave ndaj qytetarëve të Kosovës dhe liberalizimin e vizave. Peter Beyer, është njëherësh dhe Raportuesi për Kosovën në Këshillin e Evropës.

Deputeti Meyer shprehet në fjalimin e tij se, Kosova është e rëndësishme.

Ja fjala e plotë e deputetit të Bundestagut gjerman, mbajtur dje para kolegëve të tij:

“Liberalizimi i vizave duhet të ndodhë tani dhe menjëherë.

Këtë mendim ja kemi transmetuar Holandës dhe Francës, duke qenë se të gjithë e dinë, dhe Parlamenti Europian e ka pranuar, që Kosova i ka plotësuar të gjitha kriteret e vendosura nga ne (PE) për ëe përfituar liberalizimin e vizave. Prandaj, duhet të vazhdojmë të flasim me këto dy vende, ka të bëjë edhe me kredibilitetin e BE-së.

Kosova është e rëndësishme, njerëzit e Kosovës janë shumë të rëndësishëm dhe po aq të rëndësishëm janë ushtaret dhe civilët që për mbi 20 vite po shërbejnë në misionin KFOR dhe prandaj ju them vetëm Faleminderit për këtë punë të arritur, kaq të rëndësishme!

Kemi përseri një qeveri të re në Prishine, qeveria e dytë “Kurti”, i cili ka luftuar me shumë pritshmëri brenda dhe jashtë vendit. Forca e qeverisë është më prezente, është theksuar lufta kunder korrupsionit, por dua të them që shpresoj që procesi i normalizimit me fqinjin verior Serbinë të trajtohet po me kaq prioritet dhe kjo deklaratë, që mungon nga presidentja, të jetë direkt nga shteti.

Ka shumë ide, fatkeqësisht edhe në kohët e fundit, që të ketë një qasje të njëjtë për të gjashta shtetet e Ballkanit Perendimor, që të gjitha të vleresohen së bashku nga BE. Dua të them se ata që e mbështesin këtë ide duhet të kuptojnë që kjo do të çonte në një dështim total të politikave të zgjerimit që BE ka ndjekur këto 10 vitet e fundit dhe unë e kundërshtoj qartësisht këtë ide.

Dua ta mbyll para presidentes me detyra shtëpie. Kush nuk i bën detyrat e shtëpisë nuk pranohet në shkolle dhe po ashtu është më larg afrimit drejt BE-së. Ata që nuk bëjnë reforma dhe ata që nuk lëvizin përpara, nuk mund t’i afrohen BE-së. Prandaj, i bej apel Qeverisë “Kurti”, sinqerisht i besoj Albin Kurtit, që do të bëhen më të guximshëm kur vjen puna për Veriun e Kosovës, ku po pastrohet popullsia në komunitet, më në fund të implementohet, më në fund të ushtrohet presion nga populli ndaj qeverisë kosovare, pavarësisht cila parti është në pushtet, jane të detyruar: Bëni detyrat e shtëpisë!”.

Por, fjalimi i një dite më parë, nuk ishte i rastësishëm dhe as thirrja e tij e parë për liberalizimin e vizave me Kosovën. Peter Beyer, njihet mbështetës i shqiptarëve dhe mik i filantropit nga Tetova, Lazim Destani. Ky i fundit, është njëri ndër zërat më të fuqishëm të çështjeve shqiptare në botë, të lobimit pro shqiptarëve.

Në të njëjtën frymë ka qenë edhe takimi i 31 tetorit 2020, ku Z.Destani e priti në Dyseldorf, deputetin e Bundestagut.

Gjatë takimit të asaj kohe, Destani dhe Beyer diskutuan mbi tema të ndryshme që lidhen me rajonin e Ballkanit Perëndimor, si dhe me diasporën tonë në Gjermani. “Deputetin Beyer, njoftonte Destani në atë kohë, që është dhe Anëtar i Komisionit për Punë të Jashtme në Bundestag, e njoftova në përgjithësi mbi aktivitetet e Këshillit Koordinues të Diasporës Shqiptare dhe në veçanti, me aktivitetet që lidhen me komunitetin shqiptar në Gjermani. Në këtë kontekst, biseduam edhe mbi çështjen e Liberalizimit të vizave për qytetarët e Kosovës, për të cilën gjë KKD para tre muajsh i dërgoi shkresë zyrtare Kancelares Merkel, dhe kësaj teme Z.Beyer i kushtoi vëmendje të veçantë”.

Më 14 nëntor 2020, Peter Beyer, pati dhe një bisedë online me mikun e tij Destani. Në këtë bisedë online, morën pjesë dhe anëtarët tjerë të Këshillit Koordinues të Diasporës, kontributi i të cilëve, sipas filantropit, ka qenë i çmueshëm në çdo sfidë të përbashkët. Gjatë bisedimit të përbashkët, një çështje e rendësisë së veçamtë ka qenë edhe liberalizimi i vizave për shqiptarët e Kosovës. Gjatë bisedës me deputetin gjerman, Lazim Destani u shprehet këmbngulës, që një orë e më parë Kosova të njoh lirinë e daljes në Europë me pasaporta. “Për këtë qëllim, është angazhuar edhe deputeti Peter Beyer, i cili është edhe Raportues i Marrëdhënieve Transatlantike dhe Ballkanit Perëndimor. Kështu, vet Gjermania mbetet mbështetëse në këtë proçes të rendësishëm për t’i dhënë dritë një ëndërre të madhen për Kosovën”, deklaroi Destani pas takimit.

Këtë investim ndaj shqiptarëve, anëtari i KKD-së, e ka bërë prej shumë vitesh. Si një punë e palodhur, por gjithmonë në kërkim të rezultateve të reja e shpresë-dhënëse, Destani beson se investimi më i mirë është ndihma ndaj kombit dhe etnisë shqiptare. Kjo është edhe arsyeja se përse biznesmeni Lazim Destani ka mbështetur kauza të kombëtare por edhe rajonale.

“Në këtë takim shumë miqësor, diskutimet tona u përqendruan tek sfidat dhe gjendja e përgjithshme në rajonin e Ballkanit Perëndimor. Gjatë bisedave mes anëtarëve të KKD dhe Z.Beyer vend të posaçëm zuri çështja e integrimit të vendeve të rajonit në Bashkimin Europian, liberalizimi i vizave për Kosovën, situata politike dhe gjendja ekonomike në vendet e rajonit, si dhe programet e BE-së për investime në rajonin e Ballkanit Perëndimor”, tha filantropi.

Ndërkohë, si njohës i mirë i zhvillimeve në rajonin tonë, deputeti Beyer vuri në pah se, Ballkani Perëndimor është pjesë e Europës dhe se po punohet për integrimin e këtyre shteteve në Bashkimin Europian. Ai e nënvizoi dhe rëndësinë e plotësimit të kushteve nga ana e vendeve të Ballkanit Perëndimor, reformat që duhet t’i kryejnë këto vende. Gjatë fjalës së tij Z.Beyer në mënyrë të veçantë nënvizoi përpjekjet e Gjermanisë për liberalizimin e vizave, për qytetarët e Kosovës si dhe rikonfirmoi se, vendi i tij vazhdon të jetë mbështetës i fuqishëm i procesit të integrimit europian si dhe i bashkëpunimit mes vendeve të rajonit”.

Pak muaj më vonë, më 17 shkurt 2021, Peter Beyer  ka uruar popullin e Kosovës për 13-vjetorin e Pavarësisë, duke kërkuar që kosovarëve t’iu hiqen vizat. Beyer, përmes një postimi në Facebook ka shkruar atëherë se, liberalizimi i vizave për qytetarët e Kosovës është një premtim i parealizuar i BE-së.

“Siç kishte thënë ambasadori Prof. Wolfgang Ischinger: “Ok, le ta bëjmë tani! Liberalizimi i vizave për të gjithë qytetarët e Kosovës është një premtim i parealizuar i BE-së. Ka vonuar shumë – kredibiliteti i BE është në rrezik! “- me të cilën unë pajtohem plotësisht dhe e përforcoj duke thënë: Nuk ka më justifikime të ndyra. Liberalizimi i vizave tani!”, ka shkruar Beyer më 17 shkur të këtij viti.

Më 14 korrrik 2020, Këshilli Koordinues i Diasporës, anëtar i të cilit është dhe Z.Destani, i dërgoi një letër Kancelares së Gjermanisë, Angela Merkel. “Zonja Kancelare! Përmes kësaj letre dëshirojmë angazhimin Tuaj për liberalizimin e vizave për shtetasit e Republikës së Kosovës. Shtetasit e Kosovës janë të vetmit në Evropë që nuk mund të udhëtojnë në Zonën Schengen pa viza, edhe pse institucionet shtetërore të këtij vendi i kanë plotësuar detyrat e caktuara nga Bashkimi Evropian për këtë qëllim. Për më tepër, Komisioni Evropian e ka dhënë pëlqimin për liberalizimin e vizave. Ky kufizim i lëvizjes nuk prek vetëm shtetasit e Republikës së Kosovës por edhe anëtarët e familjeve të tyre që janë nënshtetas të vendeve ku aplikohet sistemi i vizave Schengen. Vetëm në shtetet ku flitet gjuha gjermane (Gjermani, Austri, Zvicër) jetojnë më shumë se 700,000 shqiptarë nga Kosova. Pamundësia e vizitave të rregullta për familjet e tyre nga Kosova ndikon në të drejtën e tyre themelore për jetë familjare, e drejtë që mbrohet nga Konventa Evropriane për të Drejtat e Njeriut. Jemi shumë mirënjohës që Ju personalisht dhe Gjermania, po e mbështesni prej kohësh liberalizimin e vizave për shtetasit e Republikës së Kosovës dhe shpresojmë që gjatë Presidencës Gjermane të Këshillit të Bashkimit Evropian, kjo gjë të bëhet realitet”m thuhet ndër të tjera në letrën që KKD i drejtonte Kandelares Merkel.

Përgjigjia e saj erdhi më 19 janar 2021. “Ne kërkojmë falje për faktin se vetëm tani po ju përgjigjemi. Letra e Këshillit Koordinues të Diasporës shqiptare e datës 14 Korrik 2020 gjithashtu arriti drejtpërdrejt tek Kancelarja. Sidoqoftë, në përputhje me procedurën e zakonshme me letra drejtuar shtypit, nuk u dha asnjë përgjigje. Gjatë Presidencës gjermane të Këshillit të BE‐së, çështja e liberalizimit të vizave për Kosovën u vu në axhendat e grupeve përgjegjëse të punës së Këshillit, si dhe u diskutua atje. Sidoqoftë, kjo hasi në skepticizëm të qartë nga disa shtete anëtare të BE‐së”, sqaron në letër përgjigjen e tij kreu i Kancelarisë Federale Gjermane, Ministri Federal, Prof. Dr. Helge Braun. Sipas Braun, për përpunimin e mëtejshëm të dosjes tani pritet një raport i azhurnuar nga Komisioni Evropian mbi përmbushjen e kritereve të udhërrëfyesit të vizave (Visa‐Roadmap). “Kjo është akoma në pritje. Ne dëshirojmë t’ju falënderojmë pëzemërsisht për përpjekjet tuaja në këtë çështje, si dhe për kontributin e ekspertizën tuaj dhe mbajtjen e kontakteve të mira me vendimmarrës të rëndësishëm në vendet e Ballkanit Perëndimor”, përfundon ai në letrën drejtuar KKD-së.

Alert.al / Granit SOKOLAJ

Ecolog International, kompania e familjes së filantropit dhe biznesmenit nga Tetova, iu vjen në ndihmë familjeve në nevojë në Maqedoninë e Veriut. Iniciativa e filantropit Lazim Destani dhe e Ecolog, ka të bëjë me ndihma për produkte ushqimore dhe ato bazë të jetesës, për qindra mijëra familje që nuk e kanë mundësinë ekonomike. Por, ndryshe nga mënyra klasike, Eccolog, ashtu si dhe vitin e kaluar, nisi shpërndarjen e kuptonave, që janë të vlefshëm me një shumë të caktuar monetare. Këta kupona, u jepen familjeve në nevojë, të cilat më pas, me anë të tyre, mund të blejnë produktet bazë të shportës, apo dhe të higjienës.

Filantropi Destani, i cili njihet për aktet e tij të bamirësisë në të gjitha trojet shqiptare, nuk është ndalur me kaq. Ai iu ka bërë thirrje të gjithë shqiptarë biznesmenë, në trojet shqiptare apo në diasporë, që t;u gjenden pranë familjeve në nevojë, në këto ditë të vështira, si pasojë ende e pandemisë së Covid-19. Në rrjetet e tij sociale, Z.Destani ka shkruar se, ne duhet t’i zgjasim dorën njëri-tjetrit, me qëllim që kjo situatë të kalohet sa më lehtë.

Ja postimi i plotë i Z.Destani.

“Njerëzimi dhe sidomos shkenca e mjekësisë po e bën të pamundurën për frenimin e përhapjes dhe luftimin e Covid-19. Përkundër këtyre përpjekjeve, pandemia akoma nuk është tejkaluar, ajo po vazhdon të kërcënojë. Zbulimi i vaksinës dhe imunizimi i popullsisë po na mbush me shpresë dhe besim se së shpejti do të çlirohemi nga kjo e keqe. Të gjithë jemi të vetëdijshëm për pasojat, andaj duhet të kemi durimin të vazhdojmë me zbatimin e masave mbrojtëse.

Jemi gjithashtu të vetëdijshëm se nga pasojat e pandemisë shumë familje vazhdojnë të mbeten pa të ardhurat e rregullta. Ato janë në gjendje të vështirë dhe kanë nevojë për mbështetje, të mos flasim për familjet sociale që po bëjnë përpjekje për mbijetesë.

Të nderuar kolegë biznesmenë kudo që jeni, brenda trojeve tona apo në diasporë, le të vazhdojmë me solidaritetin tonë. Gjithsecili sipas mundësive që ka, Ju bëj thirrje t’u dalim në ndihmë këtyre familjeve duke nisur nga fqinjësia, lagjja, katundi apo qyteti nga vijmë e më gjerë.

Më vjen mirë që nga biznesi ynë familjar tashmë ka nisur shpërndarja e kuponave me vlerë për blerjen e produkteve të konsumit të gjerë. Kjo është forma që ne për çdo vit i mbështesim familjet në nevojë, ndërsa tash në periudhën e pandemisë, me buxhet të rritur. Le t’ia zgjatim dorën njëri-tjetrit pasi kështu do ta kalojmë më lehtë këtë sfidë. Shumë prej atyre që sot janë në nevojë, nesër mund të jenë ata që do t’ia zgjatin dorën të tjerëve në nevojë!

Solidarizimi është humanitet ndërsa humaniteti e fisnikëron shpirtin njerëzor dhe i afron njerëzit, i bën ata më të dashur me njëri-tjetrin”, shkruan filantropi.

Lazim Destani, i njohur si filantrop dhe mbrojtës i çështjeve shqiptare, është biznesmen i suksesshëm dhe Kryetar i Bordit të Ecolog-International. Destani ëshytë njëkohësisht dhe Kryetar Nderi i Rrjetit Global të Bizneseve të Diasporës Shqiptare, anëtar i Këshillit Koordinues të Diasporës dhe President Nderi i Dhomës së Biznesit të Diasporës.

Në linkun e mëposhtëm, mund të lexoni lajmin e publikimit të iniciativës së para një viti, në të njëjtën mënyrë te Lazim Destanit dhe Ecolog.

Alert.al