Menu

PD, deputetja e Shkodrës: Policia të distancohet nga regjimi, të mbrojë qytetarët

Partia Demokratike ka reaguar përmes një deklarate për media, pas ngjarjes së rëndë me katër të vdekur në Velipojë.

Deputetja e zgjedhur e PD-së në Shkodër, Greta Bardeli ka fajësuar qeverinë e kryeministrit Edi Rama për situatën e rëndë nga kriminaliteti në vend, ndërsa i ka bërë thirrje Policisë së Shtetit që “të distancohet nga regjimi” dhe të mbrojë qytetarët.

Deklarata e plotë:

Sot është një ditë e dhimbshme për Velipojën, për Shkodrën dhe mbarë Shqipërinë.

Masakra e ndodhur në mesnatë ekspozon edhe njëherë gjunjëzimin e shtetit para krimit, rënien e rendit dhe sigurisë pikërisht për shkak të atyre që e kanë normalizuar krimin duke e bërë atë pjesë të pushtetit, ndërsa policinë e përdorin për mbrojtur intersat e regjimit dhe jo të qytetarëve.

Kjo masakër, në një zonë turistike dhe në mes të sezonit, dëshmon edhe njëherë se me Edi Ramën jetët e qytetarëve, familjeve dhe fëmijëve shqiptarë janë të rrezikuara nga dorëzimi i shtetit përpara grupeve kriminiale.

Ku strategjia makabër e “hëngshin kokat e njëri-tjetrit”, pasqyrohet edhe nga postimi i turpshëm në facebook i Edi Ramës, me të cilin tregon se ai jeton i shkëputur nga realiteti, që nuk njëh dhe nuk mban përgjegjësi për dorëzimin pa kushte të Velipojës, Shkodrës dhe Shqipërisë në duart e krimit.

Kjo gjendje ankthi dhe pasigurie, dëmton Velipojën, dëmoton Shkodrën dhe dëmoton imazhin e Shqipërisë në një moment të vështirë për ekonominë e vendit tonë, që ka turizmin një element jetik të saj.

Prandaj kërkojmë që Policia e Shteti të gjej forcën për t’u distancuar nga regjimi dhe të veprojë e lirë nga presionet politike, duke u ngritur në lartësinë e detyrës që i cakton Kushtetuta, në mbrojtje të jetës dhe shëndetit të qytetarëve.

Related Posts