Menu

Uncategorized

Rihapja e shkollave shkakton krizë për qumësht në SHBA

Shkollat amerikane, të cilat do të rihapen në fillim të shtatorit, ​​po blejnë aq shumë qumësht në përgatitjet e tyre për fillimin e mësimit, saqë furnizimet në treg po shterojnë dhe nuk ka aq sa është aktualisht kërkesa, sipas mediave kryesore amerikane.

Tregtuesit më të mëdhenj të qumështit deklarojnë që kërkesat dhe porositë janë të njëjta me  nivelet para fillimit të pandemisë dhe disa prodhues të nënprodukteve të qumështit po detyrohen të kalojnë në varietete të qumështit pluhur sepse nuk janë në gjendje të blejnë mjaftueshëm qumësht të prodhuar nga lopët, sipas një raporti të Departamentit të Bujqësisë Amerikane.

Çmimet për qumështin në tregjet vendore janë më afër çmimeve të vitit 2019 sesa kur shkollat ​​u mbyllën vitin e kaluar, tha agjencia.

Në SHBA, vecanërisht shkollat ​​janë burimi kryesor i kërkesave për qumësht, me anë të të cilit ata sigurojnë kalciumin për drekat e fëmijëve. Shumë qytetarë shprehen entuziastë për rihapjen e shkollave, të cilat disa kanë qëndruar të mbyllura që nga fillimi i vitit 2020.

Burimi: Bloomberg

alert.al

Si ta zgjedhim ujin me shishe që konsumojmë?

Uji është baza e të gjitha formave të njohura të jetës, dhe veçanërisht uji në shishe është një nga produktet më të konsumuar në vendin tonë. Në treg ka lloje të ndryshme të ujit në shishe që ndryshojnë sipas disa kritereve: le të shohim se çfarë janë dhe pse është e rëndësishme (ose e dobishme) të bëhet dallimi midis llojeve të ndryshme të ujit.

Llojet e ndryshme të ujit të paketuar në shishe

Kriteri kryesor që mundëson klasifikimin e ujit në shishe është sasia e kripërave minerale që ai përmban, e cila bën dallimin midis llojeve të ujit, në ujë mineral minimalisht të mineralizuar, ujë mineral, si dhe ujë i pasur me kripëra minerale. Sasia e kripërave në ujin mineral natyral gjithashtu përcakton qëllimin e përdorimit të tij. Le të shohim në detaje ndryshimet dhe llojet e ndryshme të përdorimit.

I mineralizuar në mënyrë minimale

Uji minimalisht i mineralizuar është ai që ka një përmbajtje kripërash minerale, të llogaritura si një mbetje fikse në 180 ° C, e cila nuk kalon 50 mg / l; është një ujë i lehtë, i cili ka veti diuretike, që do të thotë se ka substance që ndihmojnë largimin e ujit dhe elektroliteve nga organizmi. Ai kryesisht rekomandohet kur përdorni qumësht pluhur dhe ushqime të tjera për fëmijë;

Oligomineral

Uji i ulët mineral ose pak i mineralizuar ka një përmbajtje kripe minerale që nuk i kalon 500 mg / l; gjithashtu ka veti diuretike dhe përdoret në dietat me pak kripë duke pasur parasysh përmbajtjen e ulët të natriumit;

Uji Mineral

Në ujin mineral ose të mesëm-mineral, përmbajtja e kripërave minerale ka një vlerë midis 500 dhe 1500 mg / l; është shumë e dobishme në verë ose gjatë aktiviteteve sportive, sepse ju lejon të rimerrni lëngjet dhe kripërat minerale të humbura me anë të djersitjes;

Ujë i pasur me kripëra minerale

Në ujin e pasur me kripëra minerale, mbetja fikse në 180 ° C është më e lartë se 1500 mg / l dhe duhet të konsumohet vetëm nën mbikëqyrjen mjekësore.

 

Leximi i etiketës së ujit mineral

Të dish të lexosh saktë etiketën e ujit në shishe është shumë e rëndësishme sepse të lejon të zgjedhësh llojin më të mirë të ujit të përshtatshëm për ne. Por cilat janë indikacionet për të kontrolluar? Gjëja e parë që duhet parë kur shqyrtoni etiketën e një shisheje me ujë mineral është verifikimi i pranisë së formulimit ‘ujë mineral’: do të thotë që uji në shishe mund të tregtohet sepse përputhet me kërkesat specifike ligjore.

Elementi i dytë që duhet vlerësuar kur lexoni etiketën është vendi i origjinës së ujit, i cili duhet të jetë i shkruar në etiketë: si dhe duhet që të preferohen burimet malore duke qenë se janë në përgjithësi janë më të varfër në kripëra minerale.

Pasi të keni konstatuar se nga vjen uji dhe se është një ujë mineral natyral, është koha për të lexuar tabelën e parametrave analitikë, dhe këtu po përmendim elementet më kryesore:

Mbetjet fikse. Uji avullon në temperaturën 180 ° C dhe ajo që mbetet është mbetja fikse, pra mineralet që nuk avullojnë në atë temperaturë: sa më i lartë të jetë, aq më i pasur është uji me kripëra minerale.

pH – ose thënë thjeshtë masa e aciditetit të ujit: vlera e tij varion nga 1 në 14, por në përgjithësi uji në shishe ka një pH të barabartë me 7. pH varet nga jonet që përmbahen në ujë dhe mund të jetë acid ose alkalik (nga 6, 5 deri në 8).

Natriumi. Natriumi vepron drejtpërdrejt në shëndetin tonë dhe uji në shishe mund të tregohet në etiketë si natrium nëse vlera e tij tejkalon 200 mg / l ndërsa mund të tregojë se është i përshtatshëm për dietat me pak natrium, nëse përmbajtja e tij me natrium është më pak se 20 mg / l. Në thelb, është gjithmonë mirë të përqëndrohemi në ujë me një përmbajtje të ulët të natriumit pasi dieta jonë tashmë është e pasur me kripë, megjithatë  mjafton të jemi të vetëdijshëm për faktin se uji nuk është burimi kryesor i kësaj kripe minerale.

Nitratet. Agjencia Ndërkombëtare për Kërkimin mbi Kancerin ka vërtetuar se nitratet janë ndoshta substanca kancerogjene: ato mund të gjenden në ujërat nëntokësore të vendit tonë, megjithëse në një mënyrë shumë të kufizuar. Prandaj është mirë t’i kushtohet vëmendje vlerës së nitrateve të pranishme në ujin në shishe: në mënyrë që të konsumohet, uji nuk duhet të përmbajë më shumë se 50 mg / l natrium, por që të jetë i përshtatshëm për foshnjat, nuk duhet të kalojë 10 mg / L.

Si të ruani ujin në shishe

Ruajtja e ujit në mënyrën e duhur është një kërkesë themelore për të mbajtur të paprekur karakteristikat e tij origjinale. Më poshtë janë renditur disa sugjerime dhe këshilla:

  • mbajini shishet larg dritës së diellit dhe çdo burimi nxehtësie;
  • mbyllni shishet mirë pasi të jenë hapur;
  • Në restorante dhe bare kërkoni gjithmonë paketimin origjinal dhe të mbyllur;
  • Mos përdorni akull: mund të ndryshojë shijen dhe të kontaminojë pastërtinë origjinale;
  • mos e derdhni kurrë në gotë ose enë, as për arsye higjienike, në mënyrë që të shmangni ngatërrimin e tij me ujëra të tjerë;
  • pasi të keni mbaruar shishen, shtrydheni atë për të zvogëluar madhësinë e saj dhe riciklojeni në enët e përshtatshme për shishet plastike.

Burimi: AltroConsumo

Qendra Alert

alert.al

 

I ikën gjarpri Piton nga shtëpia, kërkon ndihmën e fqinjëve për ta gjetur

Një shtetase italiane që banon në Romë, Tatiana Swami, ka publikuar në llogarinë e saj në median sociale një njoftim që ka alarmuar banorët e distriktit në të cilin ajo banon, Tor Bella Monaca.

‘Më ka dalë gjapri Piton nga kafazi. Kisha dritaren hapur dhe ka ikur. Nëse dikush e shikon të më njoftojë’.

Postimi është shoqëruar dhe me një foto të gjarprit duke bërë që shumë njerëz të komentojnë dhe të shprehin edhe frikën e tyre që gjarprin piton mund ta kenë pranë banesës.

Në këtë mënyrë ka nisur kërkimi për gjarprin, i cili rezulton i humbur prej 48 orësh.

Komentet e banorëve të zonës në rrjetet sociale kanë qenë të shumta. Disa kanë kërkuar më shumë të drejta për kafshë të tilla duke e quajtur diçka mizore mbylljen e tyre në kafaz për gjithë jetën. Ndërkohë që të tjerë kanë qenë të frikësuar nëse banonin afër saj, duke i kërkuar adresën e saktë të banimit.  Të tjerë i kanë sugjeruar, se nëse gjarpri piton është akoma në shtëpi, të vendosë një pjatë më qumësht diku në tokë dhe të presë, sepse kjo është një metodë që funksionon gjithmonë, në rast se gjarpri është akoma në shtëpi.

Burimi: La Republicca

Qendra Alert

alert.al

Agro-biznesmeni kinez dënohet me 18 vite heqje lirie për bindje utopike

Një miliarder i famshëm kinez është dënuar me 18 vite heqje lirie, në një fushatë të nisur në Kinë ndaj një sërë biznesmenësh të njohur.

Sun Dawu udhëheq një nga kompanitë më të rëndësishme bujqësore në provincën veriore të Kinës, Hebei.

Në të kaluarën, 67 vjeçari kishte diskutuar për të drejtat e njeriut dhe çështje të tjera të ndjeshme politike.

Ai u akuzua për krijimin e incidenteve dhe problemeve, një akuzë që zakonisht iu komunikohet aktivistëve.

Akuza të tjera ndaj tij përfshijnë pervetësimin e paligjshëm të tokës së fermerëve, krijimi i një turme për të sulmuar agjencitë shtetërore dhe ndalimi i punonjësve të shtetit për të kryer detyrat e tyre. Sun Dawu u gjobit gjithashtu me një gjobë prej rreth 3.11 milionë jenë kinezë (ose rreth 500 000 dollarë).

Kompania e tij është një ndër kompanitë më të mëdha, me biznese që variojnë që nga procesimi i mishit deri tek ushqimet për shkollat dhe spitalet, si dhe ushqimet për kafshë shtëpiake.

Ai është arrestuar dhe një vit më parë, sëbashku me 20 familjarë dhe punonjës të tij, në lidhje me një çështje pronësie e cila kontestohej me një fermë tjetër shtetërore.

Sun është i afërt me disa disidentë të tjerë kinezë si dhe në të kaluarën ka kritikuar politikat rurale të qeverisë.

Ai i ka mohuar të gjitha akuzat ndaj tij duke e deklaruar veten si një ‘anëtar i shquar i Partisë Komuniste’. Megjithatë ai i pranoi gabimet, duke përfshirë dhe postimin e mesazheve në internet.

‘Mënyra sesi po me hetoni po i bën ata që janë pranë nesh që të vuajnë dhe ata që na urrejnë të gëzohen. Dua që ti heq të gjitha akuzat ndaj meje, edhe nëse ato janë të rënda, në mënyrë që të lirohen të gjithë të tjerët. Jemi njerëz që kemi kontribuar në shoqëri’, mësohet se është shprehur ai.

Kina ka nisur një fushatë investigimi ndaj bizneseve dhe sipërmarrësve në vend. Kompanitë më të mëdha teknologjike, duke përfshirë dhe Alibaba, Didi dhe Tencent po hetohen për një sërë parregullsish.

Burimi: BBC

alert.al

Politika nuk i ndal pushimet e serbëve në Shqipëri

Pavarësisht deklaratave të politikanëve në Serbi, të dhënat zyrtare tregojnë se interesimi i qytetarëve serbë për pushimet verore në Shqipëri është në rritje.

Asociacioni Kombëtar i Agjencive Turistike të Serbisë (JUTA) thotë për Radion Evropa e Lirë se, deri në këtë kohë të sezonit, numri i mysafirëve serbë në Shqipëri është rreth 100 për qind më i lartë krahasuar me vitin e kaluar.

Në Serbi ka pasur edhe një fushatë negative për Shqipërinë.

Dragan Markoviq Palma, udhëheqës i Partisë Serbia e Bashkuar dhe deputet në Parlamentin e Serbisë, ka porositur qytetarët që të mos shkojnë “për një coca-cola më të lirë në Shqipëri”.

Në ueb-faqen e partisë së tij, e cila është pjesë e koalicionit qeverisës në Serbi, Markoviq citohet të ketë thënë se Shqipëria është “fajtore dhe nxitëse e gjithçkaje që shqiptarët e Kosovës u kanë bërë serbëve në Kosovë”.

Por, disa që kanë veruar në bregdetin shqiptar këtë vit, besojnë se Markoviq nuk është dikush që mund të japë këshilla.

“Dragan Markoviq Palma nuk është adresë ku mund të dëgjosh këshilla, çfarëdo, e posaçërisht për temat rajonale”, thotë Jana Vujiq, banore e Beogradit, për Shërbimin e Ballkanit të Radios Evropa e Lirë.

Markoviq është i njohur për publikun në Serbi edhe për udhëheqjen e delegacioneve ekonomike dhe politike në vendpushimet në Greqi dhe Egjipt, që organizohen nga qyteti i Jagodinës në Serbinë qendrore.

Ai e ka nisur karrierën politike në vitin 1993, kur ka formuar Partinë Serbia e Bashkuar, së bashku me Zhelko Razhnatoviq Arkanin, udhëheqës i Gardës vullnetare serbe – një formacion paraushtarak që ka marrë pjesë në luftërat e viteve 1990 në Jugosllavinë e atëhershme.

Shqipëria – një destinacion gjithnjë e më i popullarizuar

Interesimi i qytetarëve serbë për destinacionet në bregdetin shqiptar është rritur ndjeshëm në vitin 2020.

“Para kësaj kohe, më 2018 dhe 2019, ka pasur midis 3 mijë dhe 5-6 mijë turistë nga Serbia në Shqipëri – kryesisht nga jugu i Serbisë dhe rrethinat e Novi Pazarit”, thotë për Radion Evropa e Lirë drejtori i JUTA-s, Aleksandar Seniçiq.

Ai thotë se vitin e kaluar, Shqipëria, për shkak të pandemisë së koronavirusit, ka qenë një nga vendet e pakta të hapura për qytetarët e Serbisë.

Sipas tij, përvojat e atyre që kanë vendosur ta kalojnë verën në Shqipëri në atë kohë, janë të mira, dhe fakti që nuk kërkohen dokumente shtesë për qytetarët e Serbisë as këtë vit, janë arsye për rritjen e interesimit.

“Deri në këtë moment të sezonit, ne kemi rreth 100 për qind më shumë mysafirë se vitin e kaluar, i cili ka qenë dukshëm më i mirë në krahasim me vitet 2018 dhe 2019. Vitin e kaluar, kemi regjistruar rreth 20,000 turistë nga Serbia në Shqipëri”, thotë Seniçiq.

Nëse trendi vazhdon, sipas tij, Shqipëria mund të presë rreth 60-70 mijë turistë nga Serbia deri në fund të sezonit.

 

Burimi: Radio Evropa e Lirë

 

Roberto Mancini në radhë tek dyqani i lagjes

Një foto e trajnerit të kombëtares italiane, Roberto Mancini, e shkrepur nga një tifoz dhe e shpërndarë më pas në median sociale ka rritur popullaritetin e tifozëve italianë ndaj tij.

Kjo foto është bërë shumë e shpërndarë në median sociale mbi të gjitha për thjeshtësinë e saj.

Pa shumë mendjemadhësi, dhe pa truproja përreth, por si një njeri i zakonshëm, Mancini ka shkuar në një dyqan pranë banesës së prindërve në qytetin e Ankonës, ku dhe është rritur, dhe ka pritur radhën e tij.

Ai ndodhet në këtë qytet pas fitores së Euro2020, për shkak të nënës së tij, e cila ndodhet e shtruar në spital për shkak të shqetësimeve në një këmbë.

Sipas komenteve të njerëzve të pranishëm, trajneri i kombëtares italiane ka shpërndarë autografë, ka bërë fotografi si dhe ka biseduar me të pranishmit për ndeshjen e luajtur me Anglinë.

Burimi: Corriere della Sera

alert.al/

Sulmoheni nga një peshkaqen? Thjesht një ‘takim i keq’

Australia ka vendosur që të ricilësojë sulmet e peshkaqenëve si ‘takime negative’ për të luftuar të gjitha perceptimet ndaj tyre si ‘përbindësha që hanë njerëz’.

Zyrtarët në këtë vend kanë vendosur që ti cilësojnë sulmet e peshkaqenëve si ‘ndërveprime’ apo si ‘takime negative’, si pjesë e një strategjie të re për ti ndihmuar kafshët që të kuptohen më shumë nga njerëzit.

Ndryshimi në mënyrën e përdorimit të gjuhës është pjesë e një përpjekje për të ndrequr perceptimin e publikut ndaj këtyre specieve të rrezikuara. Autoritetet dhe shkencëtarët kanë dëshirë që të ndryshojnë imazhin e tyre si kafshë vdekjeprurëse dhe që ushqehen me njerëz.

Shkencëtarë të ndryshëm po argumentojnë që termi ‘sulm’ apo ‘kafshim’ ka krijuar një kulturë frike rreth perceptimit të këtyre kafshëve, gjë e cila po dëmton përpjekjet për ti mbrojtur ato. Dhe megjithëse peshkaqenët janë kafshë grabitqare, ato shumë rrallë sulmojnë njerëzit apo ushqehen nga to.

Gjatë vitit të kaluar, në Australi, rreth 8 njerëz janë vrarë në incidente në të cilat ishin të përfshirë peshkaqenët.

Por studiuesit lokalë besojnë që heqja e fjalës ‘sulm’, ndihmon kuptueshmërinë e publikut për peshkaqenët dhe mënyrën e tyre të të sjellurit.

Kjo gjë është e rëndësishme për të pasur mbështetjen e njerëzve për ruajtjen e këtyre kafshëve – ndërkohë që shumë prej tyre po vriten nga njerëzit në të gjithë botën.

Duke iu referuar të dhënave të Fondit Botëror për Natyrën, llojet e ndryshme të peshkaqenëve janë në ulje të vazhdueshme. Studimet më të fundit tregojnë që rreth 100 milionë peshkaqenë vriten çdo vit. Por arsye të tjera, të kërcënimit për zhdukje të kësaj specie janë dhe peshkimi më shumë se c’duhet, ndotja dhe rritja e ndikimit të ndryshimit të klimës.

Burimi: Sky News 

alert.al/ 

Kryetari i Komunës Ramosaj paralajmëron: Misteri i helmimit në Deçan merr fund sot

Kryetari i kësaj komune, Bashkim Ramosaj pak minuta më parë ka bërë një postim në Facebook ku ka shkruar se “Po merr fund “misteri”, populli nuk ja huq kurrë”. I kontaktuar nga mediat e Kosovës dhe i pyetur nëse ky postim, a ka të bëjë që qytetarët janë helmuar nga uji i pijes, Ramosaj është përgjigjur shkurtë “saktë, informacionet bëhen publike në orën 16:00”.

“Telegrafi” i Kosovës mëson se analizat e tjera të ujit që janë kryer, kanë rezultuar se uji ka qenë me baktere.

Ndryshe përmes një komunikate për medie, KRU “Hidrodrini”, ka bërë të ditur se të gjitha rezultatet e analizave që kanë dalur nga IKSHPK-ja tregojnë se helmimi nuk ka ardhur nga uji.

Në 24 orët e fundit kanë marrë shërbime mbi 250 banorë të kësaj komune që ka shpallur gjendjen emergjente, ndërkohë që gjendja e tyre është e qëndrueshme.

Ndërkohë, i pyetur nga “Zëri”, në lidhje me shkakun e helmimit te njerezve, kryetari i Komunës Ramosaj tha: “Unë nuk e kam zbuluar, por ata që janë marrë me këtë punë po”.

Kujtojmë se deri më tani në Deçan janë paraqitur në qendrat mjekësore mbi 1500 pacientë me simptoma të helmimit.

alert.al/.

 

George W. Bush për Merkelin: "Grua me parime dhe zemër të madhe"

“Angela Merkel e ka veshur pozicionin e saj shumë të rëndësishëm me dinjitet dhe ka marrë vendime shumë të vështira. Ajo ka bërë atë, që ishte më e mira për Gjermaninë, dhe e ka bërë duke u bazuar në parime”, u shpreh ish-Presidenti i SHBA George W. Bush në një intervistë me Ines Pohl, drejtuese e zyrës së DW në Uashington, përpara vizitës së fundit të Merkelit në Shtëpinë e Bardhë të enjten më 15 korrik.

Intervista u zhvillua në rezidencën verore të familjes Bush në Maine dhe është pjesë e dokumentarit të DW: “Angela Merkel – kancelarja në kohë krizash”. DW do ta transmetojë dokumentarin para zgjedhjeve parlamentare të shtatorit.

Lidhur me tërheqjen e trupave të NATO-s nga Afganistani, Bush u shpreh: “Gratë dhe vajzat afgane do të përjetojnë vuajtje të patreguara. Ky është gabim. (…) Ata lihen thjesht në dorë të fatit, për t’u vrarë nga këta njerëz shumë brutalë. Më dhemb në zemër”. Ai tha se supozon, që Angela Merkel „ndjen po të njëjtën gjë”.

Bush paralajmëroi lidhur me varësinë e Gjermanisë nga gazsjellësi rus Nord Stream 2. “Sa më shumë një komb, që nuk është demokraci e hapur, zë për fyti ekonomikisht një demokraci, aq më i vështirë bëhet pozicioni strategjik i njerëzve atje”, tha presidenti.

Shtimi i tendencave populiste në të gjithë botën është për Bushin një sinjal i “zhgënjimit me shoqërinë”. “Rreziku i vërtetë” vjen megjithatë nga teoritë e konspiracionit.” Do të duhen politikanë të fortë, për të hedhur poshtë disa nga këto ideologji qesharake, ekstremiste – si në krahun e majtë ashtu edhe në të djathtin.”

Qendrimi Merkelit lidhur me krizën e refugjatëve në vitin 2015, “është udhëhequr nga dhembshuria njerëzore”, tha Bush. “Ka qenë padyshim një vendim i vështirë politik për të, por ajo mori në dorë iniciativën”. Bota ka nevojë për “udhëheqës, që bazohen në parime”.

Thëniet e Bushit për drejtimin e Merkelit si kancelare qëndrojnë në kontrast me ato për ish-kancelarin Gerhard Schröder. Bush tha se Schröder e ka përdorur atë “politikisht për rizgjedhjen e tij”. “U bë shumë personale. Disa anëtarë të kabinetit thanë gjëra, që nuk duhet t`i kishin thënë”.

Zgjedhja katër herë e Merkelit flet “shumë për sukseset e saj”, u shpreh Bush. Ai e quajti kancelaren “personalitet drejtues me sensibilitet, një grua që nuk ka frikë të udhëheqë” dhe një model për gratë dhe vajzat. “Ajo është një person shumë i matur dhe i përzemërt, që ka arritur të mbijetojë në një mjedis politik mjaft të ashpër”, shtoi Bush.

Burimi: Deutsche Welle

Helmimet në Deçan, reagon Vuçiç: Dy serbët nuk ishin as 500 metra afër burimit të ujit

Presidenti i Serbisë, Aleksandar Vuçiç, ka komentuar dyshimet lidhur me dy serbë që kishin vizituar Deçanin, disa ditë para se të ndodhte helmimi masiv i qytetarëve.

“Ne kemi një analizë të lëvizjes së automjeteve me targa të Novi Sadit, nuk ishin as 500 metra afër burimit të ujit. Ne po presim të shohim se çfarë do të thonë. Po presim, po dëgjojmë”, tha Vuçiç, transmeton “B 92″.

Ndërkaq, portali Albanianpost, ka raportuar se më 27 qershor, Naim Muçaj, pronari i një restoranti, 500 metra në rrugë ajrore larg këtyre pikave të ujit, tha se është vizituar nga dy të rinj serb, të cilët kishin ardhur me një veturë me tabela të Novi Sadit, të cilët e kishin pyetur për Manastirin e Deçanit.

Për shkak se këta dy persona i ishin dukur shumë të dyshimtë, Muçaj kishte njoftuar Policinë e Deçanit dhe u kishte përcjellë pamjet e kamerave të sigurisë, për t’i identifikuar ata. 

alert.al/