Në kohën kur coronavirusi “pushtoi” botën, gjeja e parë që bëri popullsia ishte pajisja me maska, kjo e propozuar edhe nga Organizata Botërore e Shëndetit. Por ky institucion ka tërhequr mbrapsht rekomandimin e saj, për mbajtjen e maskave të gjithë individëve qofshin ata të infektuar apo jo, si masë mbrojtëse për të parandaluar përhapjen e pandemisë. OBSH rishikoi pozicionin e saj për maska në dritën e të dhënave nga Hong Kongu duke treguar që përdorimi i tyre i përhapur në komunitet mund të ketë zvogëluar përhapjen e koronavirusit në disa rajone.
Por, në udhëzimet e reja, organizata pohoi se ndërsa maskat mund të ndihmonin në kufizimin e përhapjes së sëmundjes, ato ishin të pamjaftueshme. Nuk kishte asnjë provë që vendosja e një maskë në komunitet i pengonte njerëzit e shëndetshëm të kapnin infeksione të frymëmarrjes, përfshirë Covid-19, bën me dije OBSH.
Profesor David Heymann, nga Shkolla në Londër e Higjienës dhe Mjekësisë Tropikale, i cili kryesoi grupin këshillimor shkencor dhe teknik të OBSH-së për rreziqe infektive, tha se përveç nëse njerëzit punonin në mjediset e kujdesit shëndetësor, “maskat janë vetëm për mbrojtjen e të tjerëve, jo për mbrojtjen e vetvetes.”
Komiteti pranoi se virusi mund të transmetohet nga njerëz që nuk kanë simptoma, por tha se virusi ende përhapet përmes pikave ose sipërfaqeve të kontaminuara, të cilat distanca fizike dhe larja e duarve kanë për qëllim të minimizojnë.
Sipas këshillave të azhornuara, personat me simptoma të koronavirusit duhet të mbajnë një maskë për fytyrën, të izolohen dhe të kërkojnë këshilla mjekësore, sapo të fillojnë të ndjehen jo mirë, ndërsa ata që kujdesen për to duhet të mbajnë një maskë për fytyrën kur janë në të njëjtën dhomë.
Udhëzimi i OBSH për njerëzit e shëndetshëm që mbajnë maska në publik duket se bien ndesh me këshillat e fundit nga Qendrat e SHBA për Kontrollin dhe Parandalimin e Sëmundjeve, i cili i bëri thirrje publikut amerikan që të veshin mbulesa për fytyrën qofshin ato prej lecke ose pëlhure mjekësore, nëpër markete, farmaci ose vende të tjera publike, ku distanca fizike mund të jetë e vështirë për të ruajtur. (TheGuardian)
Qendra Alert/Aler.al
