Menu

Samiti, Ardian Lekaj: Kujdesuni për shkollimin e gjeneratës së re, që rinia mos të emigrojë!

Në Samitin e Grave të Diasporës, kryetari i Dhomës së Biznesit të Diasporës Shqiptare, Ardian Lekaj tha se e ardhmja e komuniteti tonë varet nga idete e reja të biznesit. Duke iu drejtuar të pranishmëve, Lekaj tha se është në duart e tyre që të kujdesen për shkollimin dhe edukimin e gjeneratës së re, në mënyrë që rinia të mos emigrojë.

“Është kënaqësi e madhe për mua të jem sot këtu. E vlerësoj mundësinë që ka sot gruaja shqiptare, që më parë gratë, nënat tona nuk e kanë patur. E ardhmja e komunitetit tonë varet nga idetë e reja të biznesit, ju duhet ta imagjinoni të ardhmen dhe ta krijoni atë dhe do të jeni të suksesshëm. Jeni ju ata që do kujdeseni për shkollimin dhe edukimin e gjeneratës së ardhshme, që do gjeneroni vende të reja puna, që rinia mos të emigrojë, siç kemi emigruar ne. Mësojuni fëmijëve, nipërve  gjuhën shqipe dhe transferoni kulturën e traditat tona, pasi kështu do mbijetojmë ndër shekuj”-tha Ardian Lekaj.

Qendra Alert/Alert.al

Related Posts