Menu

krimet seksuale

Abuzimet seksuale/ Spiropali: Përdhunuesit e të miturve mos përfitojnë nga gjykimi i shkurtuar

Ministrja e Shtetit për Parlamentin, Elisa Spiropali ka reaguar nga Kuvendi për abuzimet e fundit seksuale.

Spiropali thotë se lajmi i mirë është që hapësira e denoncimeve për rastet është rritur dhe kjo tregon se ka një ndërgjegjësim nga institucionet.

Ajo thotë se duhen marrë masa emergjente që nga sistemi arsimor për të pakësuar dhunën si dhe thekson se gjyqtarët për rastet e abuzimeve seksuale duhet të jepen dënime maksimale.

Spiropali propozon ndërhyrje në Kodin e Procedurës Penale që përdhunuesit e të miturve mos përfitojnë nga gjykimi i shkurtuar që mund ti ulë dënimin deri në 1/3.

 

 

Reagimi i Spiropalit ka marrë shkas nga abuzimi i 5 meshkujve me një 15-vjeçare të mitur në Mirditë. Një në 4 gra besojnë se gruaja duhet të ketë turp të flasë me dikë nëse është përdhunuar. Kur një grua përdhunohet ka ndodhur sepse viktima ka bërë një gabim. Duhet të luftojmë që edhe në media, ku patriarkalizmi i trajton trupat e grave si mall për tu shitur.

Ruajtjen nga stereotipet gjinore, vrasja e grave nuk është krim që ka lidhje me pasionin, xhelozinë. Origjina e dhunës nuk është kurrë viktima, megjithatë lajmi i mirë është se rastet edenoncimeve janë rritur, çka nënkupton ndërgjegjësim.Por hapësira e denoncimeve duhet shtuar. Duhet të jetë mundësin e sigurtë, përndryshe s’do të ketë denoncime. Do të vijojë spiralja.

Bërja publike e detajeve të rasteve është tjetër abuzim i rëndë, që viktimat dhe familjet e vuajnë. E vuajnë njerëzit normal.

Duhen marrë masa emergjente në sistemin arsimor, të pakësojmë dhunën. Të edukojmë djemtë dhe vajzat kundër patriarkalizmit.

Ligji mbi masat kundër dhunës në familje u përforcua e ndryshua në 2018. Lëshimin e urdhrave të mbrojtjes paraprake. Ligji për ndihmë juridike.

Gjykatësit duhet të japin dënime maksimale sidomos kur abuzimi seksual me të mitur ndodh në bashkëpunim, me dhunë ose shantazh, që i lë pasoja të miturve. Duhet ndërhyrje emergjente në Kodin e Procedurës Penale që përdhunuesit e të miturve mos përfitojnë nga gjykimi i shkurtuar. Si nënë e dy fëmijëve të mitur, si deputete, ministre do angazhohem për ndërhyrje dhe ndihmës ligjore për regjistrin e të dënuarve për këto vepra penale.’’- tha Spiropali.

 

Përdhunimi i 15-vjeçares në Mirditë/ Gjoni: Të mos merremi me Komisione qesharake, të forcojmë ligjet e t’i japim dënimin më maksimal autorëve

Deputeti opozitar Ralf Gjoni, nga foltorja e Kuvendit, u ndal te akuzimet seksuale e forcimin e ligjit ndaj këtyre fenomeneve.

Duke iu referuar shembullit të përdhunimit të 15-vjeçares në Mirditë, Gjoni tha, se qëllimi duhet të jetë që t’i vendoset dënimi më maksimal i mundshëm i autorëve, në mënyrë që fenomene të tilla të mos përsëriten.

“Duhet të jemi të gjithë bashkë, të bëhemi grusht i fortë për këta maskarenj, faqezinj. Jam mundur të shoh nisma të tjera ligjore, veç asaj që gjendet në Kuvend, e që jam i gatshëm të marr pjesë. Kodi Penal është i plotësuar, përfitoj nga rasti për atë vajzën e re që protestoi nudo. Unë e mirëkuptoj dhe e përshëndes, sepse me aktin e saj ka sensibilizuar një shoqëri të tërë.

Në INSTAT thuhet që krimet seksuale janë të shumta. Besoj që përdhunimi, dhuna, abuzimi, psikologjik, verbal, fizik, është shumë më i madh. Xhaxhai tha që janë 8 persona, e ne i kemi falur tha. Instinkti i parë i imi është që këta persona nuk meritojnë të jetojnë, nuk meritojnë të jenë në liri. Ky nuk është problem i shtetit shqiptar, por shoqëror, duhet të reagojmë të gjithë. Rasti i minorenes në Mirditë duhet të na prekë të gjithëve. Unë s’do kisha kurajon e xhaxhait për t’i falur ata, unë për vajzën time s’do e falja. Dhunuesit duhet të marrin dënimin më të madh të mundshëm. Ne duhet të kemi masa më të forta që janë në BE, sepse kemi të bëjmë me problem mbarë shqiptar. Shumë vajza dhe gra dhunohen në ambientet e punës, të shkollave. Prek mamatë dhe gratë dhe vajzat tona. Shumë vajza për të gjetur vend pune, duhet të survejohen përpara shefit, për një vend pune. Shumë vajza të reja shatnazhohen nga meshkuj. Shumë vajza kanë frikë të flasin, kanë frikë edhe nga prindërit. Kjo është ulëritëse për shoqërinë tonë.

Kjo s’duhet të lejohet. Këtu ka një problem themeltar, shkon deri te injorimi i fakteve. Unë mendoj që në vend të merremi me këto Komisione qesharake, por në përfundim të mandatit tonë, t’i bënim një nder shoqërisë shqiptare duke u përqendruar fort te ky projektligj që ka ardhur këtu. Duke ia bërë më të vështire këtyre faqezinjve që dhunojnë, e shantazhojnë gratë shqiptare. Duhet të jemi të pamëshirshëm për këtë fenomen”, u shpreh Gjoni.