lojerat e fatit

Zbardhen detaje të reja nga operacioni “Gjysmëfinalja” kundër lojërave të paligjshme të fatit, ku u angazhuan 1100 efektivë policie dhe ku u arrestuan në total 35 persona.

Gjatë aksionit, policia kontrolli 656 ambiente, prej ku sekuestroi 15 kompujtera, 5 makineta për lojëra fati, 16 tableta që shërbenin për vënie bastesh, 8 tavolina pokeri, 15 DVR, 41 aparate celular, 5 milionë lekë dhe prova të tjera materiale, të cilat shërbimin për ushtrimin e veprimtarisë së kundërligjshme të lojërave të fatit.

Emrat e të arrestuarve:
– Tiranë. Në kuadër të operacionit “Gjysmëfinalja” nga DVP Tiranë dhe Komisariateve në varësi u bë arrestimi në flagrancë i 19 shtetasve konkretisht: Arben Shahu, Arnaldo Zenelaj, Skënder Mejdani, Amarildo Duka, Daniel Latifaj, Bruno Lico, Sinan Murati, Enea Çarçani, Miklovan Saka, Indrit Lika, Muhamed Xhafa, Gentian Garuja, Altin Forgali, Gramoz Dragjoshi, Ardian Qosja, Hysni Masha, Besarb Hykollari, Luan Billa dhe Ferdinant Hysenbelliu.

– Vlorë- Në kuadër të operacionit “Gjysmëfinalja”, u arrestuan në flagrancë shtetasit Erjon Meminaj, Klejdi Dulaj, Orli Gjyzeli, Jon Zotaj, Marjo Tairaj dhe Romeo Haderi.

– Shkodër- Në kuadër të operacionit policor të koduar “Gjysmëfinalja”, u arrestuan në flagrancë shtetasit: Nikolin Paja, Muharrem Firi, Silvano Peraj, Ilir Toska dhe Arnes Demolli.

– Durrës – Në kuadër të operacionit “Gjysmëfinalja”, u arrestuan në flagrancë shtetasit Xhulio Preçi dhe Briand Muça, pasi u konstatuan duke ushtruar aktivitetin e paligjshëm të lojrave të fatit.

– Fier-Në kuadër të operacionit “Gjysëmfinalja” në qarkun Fier u arrestua shtetasi Klaudio Çela.

– Bulqizë- Në kuadër të operacionit “Gjysmëfinalja”, u arrestua në flagrancë shtetasi Izet Përkoxha, pasi u konstatua duke ushtruar aktivitetin e paligjshëm të lojrave të fatit.

-Qarku Korçë, në kuadër të operacionit “Gjysmëfinalja”, u arrestua në flagrancë shtetasi Renaldi Berberi.

alert.al/

Dy pronarë lokalesh në Libohovë dhe në Përmet u arrestuan nga policia sepse organizonin lojëra fati.

Njoftimi i Policisë

Goditen dy raste të aktivitetit të kundërligjshëm në fushën e lojërave të fatit.

Procedohen penalisht 2 shtetas.

Në vijim të punës për parandalimin, evidentimin dhe goditjen e paligjshmërisë, shërbimet e Komisariatit Gjirokastër proceduan penalisht për veprat penale “Organizimi i lotarive të palejuara” dhe “Fshehja e të ardhurave”, shtetasin E. M., 33 vjeç, banues në Libohovë, pasi u konstatua se në ambientet e lokalit të tij ushtronte aktivitetin e palejuar të basteve sportive nëpërmjet tabletit, si dhe ishte i papajisur me kasë fiskale.

Gjithashtu, shërbimet e Komisariatit të Policisë Përmet proceduan penalisht për veprën penale “Vënia në dispozicion e lokaleve për lojëra të palejuara”, shtetasin D. I., 43 vjeç, banues në Përmet, pasi në lokalin e tij u konstatuan dhe u sekuestruan në cilësinë e provës materiale një server dhe aksesor plotësues, me anë të të cilëve dyshohet se kryente aktivitetin e palejuar të lojërave të fatit.

Materialet procedurale i kaluan Prokurorisë, për veprime të mëtejshme.