Matura

Publikohen rezultatet e provimit të Gjuhës Shqipe dhe Letërsisë për Maturën Shtetërore. Ky provim u zhvillua më 7 qershor, ndërsa u deshën disa ditë që të shpalleshin rezultatet me vlerësimet për maturantët.

Më herët u shpallën edhe rezultatet për provimin e Anglishtes. Kujtojmë se edhe këtë vit maturantët u hodhën në protestë në lidhje me testin e Matematikës, pasi pretendojnë se pyetet ishin jashtë programit mësimor.

Pas këtyre ankesave Ministria e Arsimit vendosi për uljen e kufirit minimal të pikëve për çdo notë për testin e Matematikës.

REZULTATI

KETU:

http://qsha.gov.al/infos/matura_2021/d1/rezultate_d1_2021.pdf

Ministrja e Arsimit, Sportit dhe Rinisë Znj. Evis Kushi ka bërë publik sot në një publikim të saj në rrjete sociale rezultatet e provimit të Gjuhës së Huaj, provimi i parë i organizuar në kuadër të Maturës Shtetërore.

Znj. Kushi është shprehur optimiste për rezultatet e provimeve të maturantëve në tërësi, duke shtuar se në provimin e parë të Maturës Shtetërore, gjuhë e huaj, një pjesë e mirë kanë shkëlqyer me rezultatet e tyre maksimale.

Për sa u përket rezultateve të provimeve të tjera të maturës, Ministrja Kushi ka shprehur urimet më të mira për të gjithë maturantët.

Rreth 34 mijë maturantë do t’i nënshtruan sot provimit të tretë të Maturës Shtetërore, ku do testohen në lëndën e Matematikës. Provimi do të fillojë në orën 10:00 dhe do të përfundojë në 12:30.

Nuk ka ndryshime në rregullat e mbarevajtjes se provimeve te matures nga viti i kaluar. Në mënyrë kategorike është i ndaluar përdorimi i telefonit gjatë zhvillimit të provimit dhe nëse identifikohet e kundërta, maturanti duhet të mbajë përgjegjësinë e veprimeve të veta. Testi në total ka 60 pikë dhe pragu i kalueshmërisë është 25% (15 pikë).

Edhe këtë vit maturantët do të zbatojnë rregullat anti-COVID, kjo për shkak të situatës pandemike në të cilën ndodhemi, ku në një klasë nuk do të ketë më shumë se 10-15 maturantë. Në kuadër të masave anti-COVID, nëse një prej maturantëve rezulton pozitiv me COVID-19, nuk mund ta bëjë provimin ditën e sotme, por i jepet mundësia ta zhvillojë në sezonin e vjeshtës.

Më 15 qershor maturantët do të zhvillojnë provimin e lëndës me zgjedhje.

alert.al/