Kuvendi i Shqipërisë po mban seancën e jashtëzakonshme për shkarkimin nga detyra të Presidentit të Republikës Ilir Meta. Mirëpo teksa po mbahej seanca nuk dihej nëse kryeministri Edi Rama, do të ishte prezent në këtë seancë, pasi ishte për një vizitë pune në Bullgari. Duket se kryeministri Rama do të jetë i pranishëm në Kuvend që të ketë gjithçka nën kontroll.
Rama do të jetë prezent në këtë seancë, ku do votohet për shkarkimin e Metës nga detyra. Bëhet me dije se kreu i qeverisë jo vetëm do të jetë prezent, por në senacën plenare do të mbajë një fjalim prej 30 minutash, thaë burime te cituara nga portali “Newsbomb”. Rama është kthyer mëngjesin e sotëm në vend, pasi dy ditë më parë ishte për një vizitë punë në Hungari dhe më pas në Bullgari.
Kujtojmë që nëse deputetët votojnë me shumicë votash pro shkarkimit, atëherë çështja i kalon Gjykatës Kushtetuese dhe vetëm ajo mund ta japë verdiktin final. Do të jenë 7 anëtarët e Kushtetueses që do të legjitimojnë ose jo vendimin e Kuvendit të Shqipërisë, për shkarkimin e Presidentit të Republikës.